എസ് എഫ് ഐ ആറ്റിങ്ങൽ ഈസ്റ്റ്‌ ലോക്കൽ കമ്മിറ്റി ആറ്റിങ്ങൽ മുനിസിപ്പൽ ചെയ്യർപേഴ്സന് അവകാശപത്രിക സമർപ്പിച്ചു

by liji HP News | Jul 18, 2022 | Latest News, കേരളം, ജില്ലാ വാർത്ത

ആറ്റിങ്ങൽ: എസ് എഫ് ഐ ആറ്റിങ്ങൽ ഈസ്റ്റ്‌ ലോക്കൽ കമ്മിറ്റി അവകാശദിനവുമായി ബന്ധപ്പെട്ട് നഗര സഭ പരിധിയിൽ നടപ്പിലാക്കാൻ ഉള്ള 26 ഇന അവകാശപത്രിക ആറ്റിങ്ങൽ നഗര സഭ ചെയ്യർപേഴ്സൺ അഡ്വ. എസ്. കുമാരിക്ക് കൈമാറി. എസ് എഫ് ഐ ജില്ലാ കമ്മിറ്റി അംഗം അജീഷ്, എസ് എഫ് ഐ ഈസ്റ്റ്‌ ലോക്കൽ കമ്മിറ്റി സെക്രട്ടറി അഖിൽ, പ്രസിഡന്റ്‌ ആരോമൽ, അശ്വിൻ എന്നിവർ നഗര സഭ വൈസ് ചെയർമാൻ ജി. തുളസിധരൻ, ആരോഗ്യസ്റ്റാൻഡിൽ കമ്മിറ്റി ചെയർപേഴ്സൺ രമ്യ സുധീർ, വാർഡ് കൗൺസിലർമാരായ സുഖിൽ, നിതിൻ, ബിനു എന്നവരോട് സംസാരിക്കുകയും ചെയ്തു.

26 ഇന അവകാശപത്രിക

• ഗവ. ITI, ഗവ. കോളേജ്, ആറ്റിങ്ങൽ പോളി എന്നിവിടങ്ങളിലെ ആൺകുട്ടികൾക്കായി ഹോസ്റ്റൽ സൗകര്യം ഏർപ്പെടുതാനുള്ള നടപടി സ്വികരിക്കുക.
• അവനവഞ്ചേരി ഗവ. ഹൈസ്കൂളിലെ പുതിയ മന്ദിരത്തിന്റെ അവശേഷിക്കുന്ന പണി പൂർത്തിയാക്കി ഉടൻ ക്ലാസുകൾ ആരംഭിക്കുക.
• പെൺകുട്ടികളുടെ ഹോസ്റ്റൽ സൗകാര്യങ്ങൾ മെച്ചപ്പെടുത്തുക.
• നഗരസഭയുടെ കീഴിൽ ഉള്ള ഇതുവരെയും പ്രവർത്തനം ആരംഭിക്കാത്ത വനിതാ ഹോസ്റ്റൽ വിദ്യാർത്ഥികളായ പെൺകുട്ടികൾക്ക് വേണ്ടി തുറന്ന് കൊടുക്കുക.
• പട്ടണത്തിന്റെ കായിക പാരമ്പര്യം നിലനിർത്തുക
• ആറ്റിങ്ങൽ പട്ടണത്തിലെ വിദ്യാർത്ഥികൾക്ക് കായിക പരിശീലനം നടത്തുന്നതിന് കളിസ്ഥലം ഉൾപ്പെടെ ഉള്ള സൗകര്യങ്ങൾ പദ്ധതി വിധത്തിൽ ഉൾപ്പെടുത്തി നടപ്പിലാക്കുക.
• വിദ്യാലയങ്ങളിലെ കായിക അദ്ധ്യാപകരുമായി ആലോചിച് നിലവിലുള്ള കളിസ്ഥലങ്ങൾ പരമാവധി പ്രയോജനപ്പെടുത്തുക.
• വിദ്യാർത്ഥികൾക്കുള്ള സൗജന്യ യാത്ര നിരക്ക് സർക്കാർ ഉത്തരവിന് വിദേയമാക്കുക.
• ഗവ. കോളേജിലെ ക്യാന്റീൻ പ്രവർത്തനം അടിയന്തിരമായി ആരംഭിക്കുക
• നഗരസഭ ബസ് സ്റ്റാൻഡിലെ കാത്തിരുപ്പ് കേന്ദ്രം അപകടവസ്ഥയിലാണ്. ആധുനിക രീതിയിൽ പുനരുദ്ധീകരിക്കുന്നതിനുള്ള നടപടി സ്വികരിക്കുക.
• നഗരസഭ ബസ് സ്റ്റാൻഡിലെ ടോയ്ലറ്റ് സംവിധാനം ആധുനികരിക്കുകയും വിദ്യാർത്ഥികൾക്ക് സൗജന്യ നിരക്ക് അനുവദിക്കുകയും ചെയുക.
• മാസത്തിൽ ഒരിക്കൽ വിദ്യാലയങ്ങളിലെ ടോയ്ലറ്റുകൾ നഗരസഭ ഇടപ്പെട്ട് ക്ലോറിനേഷന് വിദേയമാക്കുക.
• വാഹന സൗകര്യം ഇല്ലാത്തതും സൗകര്യം കുറവുമായ വിദ്യാലയങ്ങളിൽ വാഹന സൗകര്യം ഏർപ്പെടുത്തുക..
• എല്ലാ സ്കൂളുകളിലും പാരമ്പര്യവും പ്രൗഢിയും വെളിപ്പെടുത്തുന്ന തരത്തിൽ ഉള്ള പ്രവേശനകവാടങ്ങൾ നിർമ്മിക്കുക.
• അയിലം റോഡ്, കെ.എസ്.ആർ.ടി.സി ബസ് സ്റ്റാൻഡിനു എതിർവശം, ഗേൾസ് ഹൈസ്കൂൾ ജംഗ്ഷൻ, ആറ്റിങ്ങൽ ഐടിഐ, ആറ്റിങ്ങൽ പോളി, എൽ എം എസ് ജംഗ്ഷൻ, ടൗൺ യു പി എസ് ജംഗ്ഷൻ, തുടങ്ങിയ സ്ഥലങ്ങളിൽ കാത്തിരിപ്പ് കേന്ദ്രങ്ങൾ നിർമിക്കുക.
• ഡയറ്റ് റോഡിൽ ഫുട്പാത്ത് സുരക്ഷിതത്വത്തിനുവേണ്ടി കമ്പിവേലി നിർമ്മിക്കുക.
• പെൺകുട്ടികളുടെ ടോയ്ലറ്റിനോടനുബന്ധിച്ച് വെൽഡിങ് മിഷീൻ, ഇൻസിനേറ്ററും സ്ഥാപിക്കുക
• യു പി തലം മുതലുള്ള വിദ്യാലയങ്ങളിൽ സൗജന്യമായി പാഡ് വിതരണം ചെയ്യുക.
• വിദ്യാലയങ്ങളിലെ കോമ്പൗണ്ടുകൾ യഥാസമയം തൊഴിലുറപ്പ് തൊഴിലാളികളെ ഉപയോഗിച്ചുകൊണ്ട് കാട് വെട്ടി തെളിക്കുക.
• വിദ്യാർഥികൾക്ക് നീന്തൽ പരിശീലനം മുമ്പ് ചെയ്തതുപോലെ നടപ്പിലാക്കുക.
• ആലങ്കോട് എൽപിഎസ്, മേലാറ്റിങ്ങൽ എൽപിഎസ്, എൽ.എം.എസ് എൽ.പി എസ്, ടൗൺ എൽ.പി.എസ് എന്നീ സ്കൂളുകളിൽ ജനകീയ സമിതി രൂപീകരിച്ച് വിദ്യാർത്ഥികളുടെ എണ്ണം വർദ്ധിപ്പിക്കുന്നതിനും സ്കൂളുകൾ സംരക്ഷിക്കുന്നതിനുമുള്ള നടപടി സ്വീകരിക്കുക.
• ഈ വിദ്യാലയങ്ങളിൽ വാഹന സൗകര്യം ഏർപ്പെടുത്തുക.
• വിദ്യാലയങ്ങളിലെ ജലവിതരണ സംവിധാനം മെച്ചപ്പെടുത്തുക.
• അറ്റകുറ്റപ്പണികൾ യഥാസമയം നടത്തുക.
• ലഹരി ഉപയോഗം ഉൾപ്പെടെയുള്ള വിവിധ വിഷയങ്ങളെ സംബന്ധിച്ച് ബോധവൽക്കരണ പരിപാടികൾ സംഘടിപ്പിക്കുക.
• വിദ്യാലയങ്ങളിൽ അനുബന്ധ വിദ്യാഭ്യാസ പരിപാടിയും സന്നദ്ധ പ്രവർത്തനവും വിപുലപ്പെടുത്തുക.
•നഗരസഭാ പരിധിയിൽ പോസ്റ്റ് മെട്രിക് ഹോസ്റ്റൽ അനുവദിക്കുക.

എസ് എഫ് ഐ മുട്ടപ്പലം ലോക്കൽ കമ്മിറ്റി വിദ്യാർഥികളുടെ വിവിധ ആവശ്യങ്ങൾ ഉന്നയിച്ചു കൊണ്ട് അവകാശപത്രിക അഴൂർ ഗ്രാമപഞ്ചായത്ത് പ്രസിഡന്റിന് സമർപ്പിച്ചു

by liji HP News | Jul 18, 2022 | Latest News, കേരളം, ജില്ലാ വാർത്ത

മുട്ടപ്പലം: എസ് എഫ് ഐ മുട്ടപ്പലം ലോക്കൽ കമ്മിറ്റി വിദ്യാർഥികളുടെ വിവിധ ആവശ്യങ്ങൾ ഉന്നയിച്ചു കൊണ്ട് അവകാശപത്രിക അഴൂർ ഗ്രാമപഞ്ചായത്ത് പ്രസിഡന്റ് ആർ. അനിലിന് സമർപ്പിച്ചു. തുടർന്ന് നടന്ന ചർച്ചയിൽ ആവശ്യങ്ങൾ എല്ലാം അംഗീകരിക്കാമെന് പ്രസിഡന്റ് ഉറപ്പ് നൽകി. എസ് എഫ് ഐ മുട്ടപ്പലം ലോക്കൽ കമ്മിറ്റി സെക്രട്ടറി വിജീഷ്, ലോക്കൽ കമ്മിറ്റി പ്രസിഡന്റ് ജിതിൻ, സി പി ഐ (എം) ലോക്കൽ കമ്മിറ്റി അംഗങ്ങൾ ആയ ഷിബു, അനീഷ് എന്നിവർ പങ്കെടുത്തു.

വായനയുടെ വാതായനങ്ങളും കാവ്യ സല്ലാപവും മൊരുക്കി ആറ്റിങ്ങൽ ഡയറ്റ് സ്കൂൾ

by liji HP News | Jul 18, 2022 | Latest News, കേരളം, ജില്ലാ വാർത്ത

ആറ്റിങ്ങൽ: വായന മാസാചരണത്തോടനുബന്ധിച്ച് വായനയുടെ പുതിയ ലോകങ്ങൾ തേടി ഡയറ്റ് സ്കൂളിലെ കുട്ടികൾ ആറ്റിങ്ങൽ മുൻസിപ്പൽ ലൈബ്രറി സന്ദർശിച്ചു. പുസ്തകങ്ങളോട് കൂട്ടുകൂടിയും പുസ്തകങ്ങൾ പരിചയപ്പെട്ടും അധ്യാപകരോടൊപ്പം ലൈബ്രറിയിൽ ചെലവഴിച്ച നിമിഷങ്ങൾ കുട്ടികളിൽ പുത്തനുണർവ് നൽകി.

വായനാ മാസാചരണം സമാപനത്തോടനുബന്ധിച്ച് കവിയും അധ്യാപകനും പാഠപുസ്തക കമ്മറ്റി അംഗവുമായ മനോജ് പുളിമാത്ത് ഡയറ്റ് സ്കൂളിലെ കുട്ടികളോടൊപ്പം കവിതകളിലൂടെയും പാട്ടുകളിലൂടെയും സംവദിച്ചത് വ്യത്യസ്ത അനുഭവമായി. ഒരുമാസം നീണ്ടുനിന്ന വിവിധ വായന മാസാചരണ പ്രവർത്തനങ്ങളുടെ തുടർച്ചയായിരുന്നു ഈ കാവ്യ സല്ലാപം.

വേഗറാണിയായി ഷെല്ലി ആൻ ഫ്രേസർ

by liji HP News | Jul 18, 2022 | Latest News, കേരളം, ജില്ലാ വാർത്ത

ലോക അത്ലറ്റിക്സ് ചാമ്പ്യന്‍ഷിപ്പിലെ വേഗമേറിയ വനിതാ താരമായി ജമൈക്കയുടെ ഷെല്ലി ആന്‍ ഫ്രേസര്‍ പ്രൈസ്. തിങ്കളാഴ്ച നടന്ന ഫൈനലില്‍ ജമൈക്കന്‍ വനിതകളുടെ ആധിപത്യം കണ്ട മത്സരത്തില്‍ 10.67 സെക്കന്‍ഡില്‍ ഫിനിഷ് ചെയ്ത ഷെല്ലി അത്ലറ്റിക്സ് ചാമ്പ്യന്‍ഷിപ്പിലെ വേഗ റെക്കോഡും സ്വന്തം പേരിലാക്കി.

യൂജിന്‍ (അമേരിക്ക): ലോക അത്ലറ്റിക്സ് ചാമ്പ്യന്‍ഷിപ്പിലെ വേഗമേറിയ വനിതാ താരമായി ജമൈക്കയുടെ ഷെല്ലി ആന്‍ ഫ്രേസര്‍ പ്രൈസ്. തിങ്കളാഴ്ച നടന്ന ഫൈനലില്‍ ജമൈക്കന്‍ വനിതകളുടെ ആധിപത്യം കണ്ട മത്സരത്തില്‍ 10.67 സെക്കന്‍ഡില്‍ ഫിനിഷ് ചെയ്ത ഷെല്ലി അത്ലറ്റിക്സ് ചാമ്പ്യന്‍ഷിപ്പിലെ വേഗ റെക്കോഡും സ്വന്തം പേരിലാക്കി.

10.73 സെക്കന്‍ഡില്‍ ഫിനിഷ് ചെയ്ത ജമൈക്കയുടെ തന്നെ ഷെരിക്ക ജാക്‌സണ്‍ വെള്ളിയും 10.81 സെക്കന്‍ഡില്‍ ഫിനിഷ് ചെയ്ത ഒളിമ്പിക് ജേതാവ് കൂടിയായ എലൈന്‍ തോംസണ്‍ വെങ്കലും നേടി. ലോക അത്ലറ്റിക്സ് ചാമ്പ്യന്‍ഷിപ്പില്‍ വനിതകളുടെ 100 മീറ്ററില്‍ ഇതാദ്യമായാണ് ഒരു രാജ്യം മൂന്ന് മെഡലുകളും സ്വന്തമാക്കുന്നത്.

സ്വര്‍ണം നേടിയ ഷെല്ലി ലോക അത്ലറ്റിക്സ് ചാമ്പ്യന്‍ഷിപ്പിലെ ട്രാക്ക് ഇനത്തില്‍ അഞ്ച് സ്വര്‍ണ മെഡലുകള്‍ നേടുന്ന ആദ്യ താരമെന്ന റെക്കോഡും സ്വന്തമാക്കി. നേരത്തെ 2009, 2013, 2015, 2019 വര്‍ഷങ്ങളിലും താരം സ്വര്‍ണ മെഡല്‍ കരസ്ഥമാക്കിയിരുന്നു.

കുടുംബ ബജറ്റ് താളം തെറ്റും; അവശ്യ സാധനങ്ങൾക്ക് ഇന്ന് മുതൽ ഉയർന്ന വില

by liji HP News | Jul 18, 2022 | Latest News, കേരളം, ജില്ലാ വാർത്ത

ചരക്ക് സേവന നികുതി വർധനവ് പ്രാബല്യത്തിൽ വന്നു. ഇതോടെ രാജ്യത്ത് വിവിധ സാധനങ്ങളുടെ വില ഉയരും. ചണ്ഡീഗഡിൽ നടന്ന 47-ാമത് ജിഎസ്ടി കൗൺസിൽ യോഗത്തിലാണ് വീട്ടുപകരണങ്ങൾ, ഹോട്ടലുകൾ, ബാങ്ക് സേവനങ്ങൾ, കാർഷിക ഉത്പന്നങ്ങൾ തുടങ്ങി നിരവധി സാധങ്ങൾക്ക് ചരക്ക് സേവന നികുതി (GST) ഉയർത്തിയത്.

മുൻകൂട്ടി പായ്ക്ക് ചെയ്തതും മുൻകൂട്ടി ലേബൽ ചെയ്തതുമായ കാർഷിക ഉത്‌പന്നങ്ങളുടെ വില വർധിച്ചു. തൈര്, ലസ്സി, വെണ്ണ പാൽ എന്നിവ ഇതിൽ ഉൾപ്പെടും. ഇങ്ങനെ പായ്ക്ക് ചെയ്ത ഉത്പന്നങ്ങൾക്ക് 5 ശതമാനം നിരക്കിലാണ് ജിഎസ്ടി ഏർപ്പെടുത്തിയത്. കൂടാതെ ചെക്കുകൾ നൽകുന്നതിന് ബാങ്കുകൾ ഈടാക്കുന്ന ഫീസിൽ ഇന്ന് മുതൽ 18 ശതമാനം ജിഎസ്ടി ചുമത്തും. ഐസിയു അല്ലാതെ 5,000 രൂപയിൽ കൂടുതലുള്ള ആശുപത്രി മുറി ഉപയോഗിക്കുന്നതിനും നികുതി ഉണ്ടാകും.

പനി ബാധിച്ച് ഏഴാം ക്ലാസ് വിദ്യാർത്ഥി മരിച്ചു

by liji HP News | Jul 18, 2022 | Latest News, കേരളം, ജില്ലാ വാർത്ത

കിളിമാനൂർ : കിളിമാനൂർ ചൂട്ടയിൽ കാവ് വിളാകത്ത് വീട്ടിൽ രതീഷ് ശുഭ ദമ്പതികളുടെ മകൻ സിദ്ധാർത്ഥ് (11) ആണ് മരിച്ചത്. കഴിഞ്ഞ ഒരാഴ്ചയ്ക്ക് മുമ്പ് പനി ബാധിച്ച് കേശവപുരം ആശുപത്രിയിൽ ചികിത്സ തേടുകയും പനി കലശലായതിനെ തുടർന്ന് വലിയകുന്ന് ആശുപത്രിയിലേക്ക് മാറ്റുകയും ചെയ്തു. ആശുപത്രിയിൽ ചികിത്സയിലിരിക്കെ പനി മൂർച്ഛിച്ചതിനെ തുടർന്ന് നാല് ദിവസം മുമ്പ് തിരുവനന്തപുരം എസ് എ ടി ആശുപത്രിയിൽ വെന്റിലേറ്ററിൽ ചികിത്സയിലിരിക്കെ ഇന്ന് രാവിലെ നാലു മണിക്കാണ് അന്ത്യം സംഭവിച്ചത്. കിളിമാനൂർ ഗവൺമെന്റ് എച്ച് എസ് ഏഴാം ക്ലാസ് വിദ്യാർത്ഥിയാണ്. ചെള്ള് പനിയെന്ന സംശയമാണ് ഡോക്ടർമാർ പ്രകടിപ്പിക്കുന്നത്.