by Midhun HP News | Dec 23, 2025 | Latest News, കേരളം
തൊടുപുഴ: അതിശൈത്യം തുടരുന്ന ഇടുക്കി മൂന്നാറില് താപനില വീണ്ടും പൂജ്യത്തിന് താഴെ. മൂന്നാറിലെ ലച്ച്മി എസ്റ്റേറ്റിലാണ് ഏറ്റവും കുറഞ്ഞ താപനില രേഖപ്പെടുത്തിയത്. മൈനസ് ഒരു ഡിഗ്രി സെല്ഷ്യസ് ആയാണ് ലച്ച്മി എസ്റ്റേറ്റിലെ താപനില താഴ്ന്നത്.
മൂന്നാര് ടീ എസ്റ്റേറ്റിലെ ഉള്പ്രദേശങ്ങളില് മാത്രമാണ് ഇത്രയും കുറഞ്ഞ തണുപ്പ്. എന്നാല് ജനവാസ കേന്ദ്രങ്ങളില് ഇത്രയും കഠിനമായ തണുപ്പ് അനുഭവപ്പെടുന്നില്ല. മൂന്നാറില് തണുപ്പ് വര്ധിച്ചതായുള്ള വാര്ത്തകള് വന്നതോടെ സഞ്ചാരികളുടെ ഒഴുക്കും കൂടിയിരിക്കുകയാണ്. സഞ്ചാരികളുടെ എണ്ണം വര്ധിച്ചതോടെ യാത്രാ കുരുക്കും രൂക്ഷമായി. കഴിഞ്ഞ ദിവസം അടിമാലി വരെയാണ് ഗതാഗതക്കുരുക്ക് അനുഭവപ്പെട്ടത്.
മൂന്നാറിന് പുറമേ വയനാട്ടിലും ഇത്തവണ നല്ല തണുപ്പാണ് അനുഭവപ്പെടുന്നത്. വയനാട്ടില് 13-14 ഡിഗ്രി സെല്ഷ്യസ് ആയാണ് താപനില താഴ്ന്നത്.
തണുപ്പിന് കാരണം?
സൂര്യന് ഭൂമിയുടെ തെക്കേ അറ്റത്ത് (ദക്ഷിണായനത്തിന്റെ അവസാന ഭാഗത്ത്) എത്തുന്നതോടെയാണ് താപനില ഏറ്റവും കുറവ് അനുഭവപ്പെടുന്നത്. സൂര്യന് ഏറ്റവും അകലെ നില്ക്കുന്നതിനാല് താപനില കുറയുന്നു. ഇങ്ങനെ താപനില ഏറ്റവും കുറവുള്ള ദിവസങ്ങളാണ് കടന്നു പോകുന്നത്.
തെക്ക് ഭാഗത്ത് ആയാണ് സൂര്യന് ഇപ്പോള് നില്ക്കുന്നത് എങ്കിലും ഇത് വടക്ക് ഭാഗത്തേക്ക് (ഉത്തരായാനം) നീങ്ങുന്തോറും താപനില കൂടി വരും. ഇതോടെ അന്തരീക്ഷത്തില് ചൂട് കൂടും.
by Midhun HP News | Dec 23, 2025 | Latest News, കേരളം
കണ്ണൂര്: കടബാധ്യത ഒഴിവാക്കാന് സമ്മാനക്കൂപ്പണുകള് അച്ചടിച്ച് വില്പ്പന നടത്തിയ പ്രവാസി അറസ്റ്റില്. അടയ്ക്കാത്തോട് കാട്ടുപാലത്ത് ബെന്നി തോമസി(67)നെ ലോട്ടറി വകുപ്പിന്റെ പരാതിയില് പൊലീസ് അറസ്റ്റ് ചെയ്തു.
1500 രൂപയുടെ കൂപ്പണ് എടുത്താല് സമ്മാനമായി 3300 സ്ക്വയര് ഫീറ്റ് വീടും 26 സെന്റ് സ്ഥലവും വാഗ്ദാനം ചെയ്തായിരുന്നു സമ്മാന കൂപ്പണ് അടിച്ചത്. കൂപ്പണ് വിറ്റ് നറുക്കെടുപ്പിനുള്ള തീയതിയും പ്രഖ്യാപിച്ചപ്പോഴാണ് ലോട്ടറി വകുപ്പിന്റെ പരാതിയില് പൊലീസ് ഇടപെടല്.
ജപ്തി നടപടികളില്നിന്ന് രക്ഷപ്പെടാനും ഭാര്യയുടെ ചികിത്സ നടത്താനുമായാണ് കേളകം പഞ്ചായത്ത് അടയ്ക്കാത്തോട് കാട്ടുപാലം ബെന്നി തോമസ് വീടും സ്ഥലവും വാഹനങ്ങളും നറുക്കെടുപ്പില് വച്ചത്. ശനിയാഴ്ചയായിരുന്നു നറുക്കെടുപ്പിന് തീയതി നിശ്ചയിച്ചത്. ഇതിനിടെ പൊലീസ് എത്തി ബെന്നിക്കെതിരെ കേസെടുക്കുകയും ബാക്കിയുണ്ടായിരുന്ന കൂപ്പണുകള് പിടിച്ചെടുക്കുകയും ചെയ്തു. ഇന്ന് രാവിലെയാണ് ബെന്നിയെ അറസ്റ്റ് ചെയ്തത്.
നറുക്കെടുപ്പിന് കൂപ്പണ് വില്പ്പന തുടങ്ങിയപ്പോള് സംഭവത്തെക്കുറിച്ച് പൊലീസ് അന്വേഷണം നടത്തിയെന്നും നറുക്കെടുപ്പുമായി മുന്നോട്ടു പോകുന്നതില് തടസ്സമില്ലെന്നും അറിയിച്ചതാണെന്നുമാണ് ബെന്നി പറയുന്നത്. കോടതിയില് ഹാജരാക്കിയ ബെന്നിയെ 14 ദിവസത്തേക്ക് റിമാന്ഡ് ചെയ്തു.
by Midhun HP News | Dec 22, 2025 | Latest News, കേരളം
കൊച്ചി: സംസ്ഥാനത്ത് സ്വര്ണവില സര്വകാല റെക്കോര്ഡില്. ഇന്നുച്ചയ്ക്ക് 640 രൂപ കൂടി വര്ധിച്ചതോടെ 15ന് രേഖപ്പെടുത്തിയ 99,280 രൂപ പവന് വിലയാണ് പഴങ്കഥയായത്. പവന് 99,840 രൂപയാണ് ഇന്നത്തെ വില. ഇന്ന് രണ്ട് തവണയായി 1440 രൂപയാണ് വര്ധിച്ചത്. ഗ്രാമിന് 180 രൂപയാണ് വര്ധിച്ചത്. ഒരു ഗ്രാം സ്വര്ണത്തിന്റെ നിലവിലെ വില 12,480 രൂപയാണ്.
സ്വര്ണവില ഒരു ലക്ഷം കടന്ന് കുതിക്കുമോ എന്ന ആകാംക്ഷയിലാണ് വിപണി. ഈ മാസത്തിന്റെ തുടക്കത്തില് 95,680 രൂപയായിരുന്നു ഒരു പവന് സ്വര്ണത്തിന്റെ വില. 9ന് 94,920 രൂപയായി ഇടിഞ്ഞ് ഈ മാസത്തെ ഏറ്റവും താഴ്ന്ന നിലവാരത്തില് എത്തിയ സ്വര്ണവില പിന്നീടുള്ള ദിവസങ്ങളില് വില ഉയരുന്നതാണ് ദൃശ്യമായത്.
ഡോളറിനെതിരെ രൂപയുടെ മൂല്യം റെക്കോര്ഡ് താഴ്ചയിലേക്ക് കൂപ്പുകുത്തിയതും യുഎസ് കേന്ദ്രബാങ്കായ ഫെഡറല് റിസര്വ് അടിസ്ഥാന പലിശനിരക്ക് കുറച്ചതും ഓഹരി വിപണിയിലെ അസ്ഥിരതയും അടക്കമുള്ള വിഷയങ്ങളാണ് സ്വര്ണവിലയെ സ്വാധീനിക്കുന്നത്. എന്നാല് പണിക്കൂലിയും നികുതിയും ഉള്പ്പെടെ നിലവില് തന്നെ സ്വര്ണ വില ഒരു ലക്ഷം കടന്നിട്ടുണ്ട്.
by Midhun HP News | Dec 22, 2025 | Latest News, കേരളം
കൊച്ചി: സംസ്ഥാന ഭാഗ്യക്കുറി വകുപ്പിന്റെ ഭാഗ്യതാര ലോട്ടറി ഫലം പ്രഖ്യാപിച്ചു. BO 133275 (VAIKKOM) എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ BX 212584 എന്ന നമ്പറിലുള്ള ടിക്കറ്റിനാണ്. BP 739662 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചുലക്ഷം രൂപ.
Consolation Prize ₹5,000/-
(Remaining all series)BN 133275
BP 133275
BR 133275
BS 133275
BT 133275
BU 133275
BV 133275
BW 133275
BX 133275
BY 133275
BZ 133275
4th Prize: ₹5,000/-
(Last four digits to be drawn 19 times)
0003 0782 1510 1778 1932 2050 3447 3859 4159 4193 4200 5010 5448 5989 7943 8358 8465 9577 9898
5th Prize ₹2,000/-
(Last four digits to be drawn 6 times)
0087 5126 6317 7056 8547 8630
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
by Midhun HP News | Dec 22, 2025 | Latest News, കേരളം
തൃശൂര്: വാളയാറിൽ അതിഥി തൊഴിലാളിയുടെ ആള്ക്കൂട്ട മർദ്ദനത്തിൽ കൊല്ലപ്പെട്ടതിൽ സര്ക്കാര് ഇരയുടെ കുടുംബത്തിനൊപ്പമാണെന്ന് റവന്യൂ മന്ത്രി കെ രാജന്. തൃശൂരില് ജില്ല കലക്ടറുടെ സാന്നിധ്യത്തില് കുടുംബാംഗങ്ങളുമായി സംസാരിച്ചശേഷം മാധ്യമപ്രവര്ത്തകരോട് സംസാരിക്കുകയായിരുന്നു മന്ത്രി. കുറ്റക്കാരെ ഒരാളെയും വെറുതെ വിടില്ലെന്നും മന്ത്രി പറഞ്ഞു.
കൊല്ലപ്പെട്ട രാം നാരായണിന്റെ മൃതദേഹം ഇന്ന് നാട്ടിലേക്ക് അയക്കും. അതിനു വേണ്ട ചെലവ് സംസ്ഥാന സര്ക്കാര് വഹിക്കും. ഇതിനായി ജില്ലാ കലക്ടര് അര്ജുന് പാണ്ഡ്യനെ ചുമതലപ്പെടുത്തിയിട്ടുണ്ടെന്ന് മന്ത്രി അറിയിച്ചു. കുടുംബാംഗങ്ങളെയും മൃതദേഹത്തിനൊപ്പം വിമാനത്തില് തിരിച്ചയക്കും. പ്രതികള്ക്കെതിരെ എസ് സി, എസ് ടി വകുപ്പുകള് ചുമത്തുമെന്നും അദ്ദേഹം വ്യക്തമാക്കി.
കേസിനെ വളരെ ഗൗരവത്തോടെയാണ് കാണുന്നത്. കൊല്ലപ്പെട്ട രാം നാരായണിന്റെ കുടുംബത്തിന് 10 ലക്ഷം രൂപ സർക്കാർ സഹായധനം കൈമാറും. പണം കുടുംബത്തിന് തന്നെ എത്തും എന്ന കാര്യം ഉറപ്പ് വരുത്തേണ്ടതുണ്ടെന്നും അദ്ദേഹം പറഞ്ഞു. ക്യാബിനറ്റ് യോഗത്തില് മുഖ്യമന്ത്രി ഉള്പ്പടെയുള്ള എല്ലാ മന്ത്രിമാരുമായും ചര്ച്ച നടത്തിയ ശേഷമാണ് പണം കൈമാറുകയെന്നും മന്ത്രി കെ രാജൻ പറഞ്ഞു.
by Midhun HP News | Dec 22, 2025 | Latest News, കേരളം
പത്തനംതിട്ട: റാന്നിക്ക് സമീപം തുലാപ്പള്ളിയില് ശബരിമല തീര്ഥാടകര് സഞ്ചരിച്ചിരുന്ന ബസ് അപകടത്തില്പ്പെട്ടു. തുലാപ്പള്ളി ആലപ്പാട്ട് ജംഗ്ഷനില് ഇന്ന് രാവിലെ 7.45ഓടെയായിരുന്നു അപകടം. സംഭവത്തില് മൂന്ന് പേര്ക്ക് ഗുരുതരമായി പരിക്കേറ്റു.
ഇറക്കത്തില് നിയന്ത്രണം നഷ്ടപ്പെട്ട ബസ് ശബരിമല തീര്ഥാടകര് സഞ്ചരിച്ചിരുന്ന മറ്റൊരു ബസിലും രണ്ട് കാറുകളിലും ഇടിച്ച ശേഷമാണ് നിന്നത്. കാറിലുണ്ടായിരുന്ന യാത്രക്കാര്ക്കാണ് അപകടത്തില് സാരമായി പരിക്കേറ്റത്. പരിക്കേറ്റ തീര്ത്ഥാടകരെ എരുമേലിയിലെ ആശുപത്രിയില് പ്രവേശിപ്പിച്ചു. നിസാര പരിക്കേറ്റവരെ നിലക്കലിലെ ആശുപത്രിയിലും പ്രവേശിപ്പിച്ചിട്ടുണ്ട്.
തുലാപ്പള്ളി ശബരിമല പഴയ റോഡിലൂടെ തീര്ത്ഥാടകരുടെ വാഹനം കടത്തിവിട്ടതാണ് അപകടത്തിന് കാരണമായതെന്ന് നാട്ടുകാര് ആരോപിച്ചു. നിരോധനം മറികടന്നാണ് പഴയ റോഡില് വാഹനം കടത്തിവിട്ടത്. കോടതി ഉത്തരവ് പ്രകാരം പുതിയ റോഡിലൂടെയാണ് തീര്ഥാടക വാഹനങ്ങള് കടത്തിവിടേണ്ടതെന്നും നാട്ടുകാര് പറയുന്നു. കഴിഞ്ഞ തീര്ത്ഥാടന കാലത്തും ഇതേ സ്ഥലത്ത് അപകടം ഉണ്ടായിരുന്നു.
Recent Comments