by Midhun HP News | Aug 9, 2025 | Latest News, കേരളം
തിരുവനന്തപുരം: വോട്ടര് പട്ടിക പുതുക്കാനായി തദ്ദേശസ്ഥാപനങ്ങള് ഇന്നും നാളെയും തുറന്നു പ്രവര്ത്തിക്കും. സംസ്ഥാന തെരഞ്ഞെടുപ്പ് കമ്മീഷന് നിര്ദ്ദേശപ്രകാരമാണ് രണ്ടാം ശനി, ഞായര് അവധികള് ഒഴിവാക്കിയത്. വോട്ടര്പട്ടികയില് പേരു ചേര്ക്കുന്നതിനും ഭേദഗതി വരുത്തുന്നതിനുമുള്ള അപേക്ഷകളും ആക്ഷേപങ്ങളും സമര്പ്പിക്കുന്നതിനുള്ള അവസാന തീയതി 12 വരെയാണ് നീട്ടിയിരിക്കുന്നത്.
27.58 ലക്ഷം പേരാണ് ഇന്നലെ വൈകീട്ട് വരെ പേരു ചേര്ക്കാന് അപേക്ഷിച്ചത്. തിരുത്തലിന് 10,559 ഉം സ്ഥാനമാറ്റത്തിന് 1.25 ലക്ഷത്തിലധികം അപേക്ഷകളും സമര്പ്പിച്ചു. 2025 ജൂലായ് 23ന് കരട് വോട്ടര്പട്ടിക പ്രസിദ്ധീകരിച്ചിരുന്നു. അപേക്ഷകളും ആക്ഷേപങ്ങളും സമര്പ്പിക്കാന് ഏഴുവരെയാണ് സമയം അനുവദിച്ചിരുന്നത്. കരട് പട്ടിക എല്ലാ തദ്ദേശസ്ഥാപനങ്ങളിലും വില്ലേജ്, താലൂക്ക് ഓഫീസുകളിലും സംസ്ഥാന തെരഞ്ഞെടുപ്പ് കമ്മീഷന്റെ വെബ്സൈറ്റിലും പരിശോധനയ്ക്ക് ലഭിക്കും.
2025 ജനുവരി ഒന്നിനോ മുന്പോ 18 വയസ് പൂര്ത്തിയായവര്ക്ക് വോട്ടര് പട്ടികയില് പേര് ചേര്ക്കാം. അപേക്ഷകളും ആക്ഷേപങ്ങളും സമര്പ്പിക്കുന്നവരുടെ സൗകര്യം പരിഗണിച്ചാണ് പൊതുഅവധി ദിവസങ്ങള് പ്രവൃത്തിദിനമാക്കാന് നിര്ദ്ദേശം നല്കിയത്. ഈ ദിവസങ്ങളില് ഓഫീസില് ഹാജരാകുന്ന അപേക്ഷകര്ക്ക് ഹിയറിംഗിനും ഒഴിവാക്കുന്നതിനുള്ള ആക്ഷേപങ്ങള് (ഫോം 5) നേരിട്ടു സ്വീകരിക്കുന്നതുമുള്പ്പെടെ വോട്ടര്പട്ടികപട്ടിക പുതുക്കലുമായി ബന്ധപ്പെട്ട എല്ലാ പ്രവൃത്തികള്ക്കും സൗകര്യമൊരുക്കണമെന്നാണ് നിര്ദേശം.
by Midhun HP News | Aug 9, 2025 | Latest News, കേരളം
പത്തനംതിട്ട: നൂറനാട് ആദിക്കാട്ടുകുളങ്ങരയില് നാലാം ക്ലാസുകാരിയെ ക്രൂരമായി മര്ദിച്ച പിതാവും രണ്ടാനമ്മയും പിടിയില്. രണ്ടാനമ്മ ഷെബീനയും പിതാവ് അന്സറുമാണ് പിടിയിലായത്. അന്സറിനെ പത്തനംതിട്ട കടമാംകുളത്തു നിന്നും ഷഫീനയെ കൊല്ലം ചക്കുവള്ളിയില് നിന്നും പൊലീസ് പിടികൂടുകയായിരുന്നു. പെണ്കുട്ടിയെ ക്രൂരമായി മര്ദിച്ച സംഭവത്തില് ബാലാവകാശ കമ്മീഷനും കേസെടുത്തിട്ടുണ്ട്.
സംഭവത്തില് ഇടപെട്ട ബാലാവകാശ കമ്മീഷന് ജില്ലാ ശിശുക്ഷേമ ഓഫീസറോടും നൂറനാട് എസ്എച്ച്ഒയോടും അന്വേഷണ റിപ്പോര്ട്ട് തേടിയിരുന്നു. കുട്ടിക്കു കൗണ്സലിങ് സേവനം ഉറപ്പു വരുത്താന് ജില്ലാ ശിശുക്ഷേമ ഓഫീസര്ക്കു നിര്ദേശം നല്കിയിട്ടുണ്ട്. കുട്ടിയുടെ അസ്വസ്ഥത ശ്രദ്ധയില്പ്പെട്ട് അത് ചോദിച്ചപ്പോള് കുട്ടി മര്ദന വിവരം തുറന്നുപറയുകയായിരുന്നു.
മര്ദന വിവരം അറിഞ്ഞ അധ്യാപികയാണ് പ്രധാന അധ്യാപകനെ വിവരം അറിയിച്ചത്. സ്കൂള് ലീഡറായ പെണ്കുട്ടി രാവിലെ നടന്ന ചടങ്ങില് പ്രസംഗിക്കുമ്പോഴാണ് അധ്യാപകരും പിടിഎ ഭാരവാഹികളും കവിളില് അടിയേറ്റ പാടുകള് കണ്ടത്. തുടര്ന്നാണ് കുറിപ്പു കണ്ടതും പൊലീസില് വിവരം അറിയിച്ചതും.
by Midhun HP News | Aug 8, 2025 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ സുവര്ണ കേരളം എസ്കെ 15 ലോട്ടറി ഫലം പ്രഖ്യാപിച്ചു. RG 748405 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ RH 296103 എന്ന നമ്പറിലുള്ള ടിക്കറ്റിനാണ്. RA 897240 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചുലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize Rs.5,000/-
RA 748405
RB 748405
RC 748405
RD 748405
RE 748405
RF 748405
RH 748405
RJ 748405
RK 748405
RL 748405
RM 748405
4th Prize Rs.5,000/-
0611 1234 1460 1515 1530 1551 2405 2602 3175 3935 4024 5449 5697 6097 6198 6380 7301 8918 9061 9216
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Aug 8, 2025 | Latest News, കേരളം
ആലപ്പുഴ: മാന്നാര് ചെന്നിത്തലയില് തെരുവുനായ്ക്കള് അഞ്ഞൂറിലധികം താറാവുകളെ കടിച്ചു കൊന്നു. ചെന്നിത്തല തൃപ്പെരുന്തുറ പടിഞ്ഞാറെവഴി മൂന്നുതെങ്ങില് ഷോബിന് ഫിലിപ്പിന്റെ ഫാമിലെ അഞ്ഞൂറിലധികം താറാവുകളെയാണ് തെരുവുനായ്ക്കള് ആക്രമിച്ച് കൊന്നത്. എട്ടു മാസം പ്രായമുള്ളതും മുട്ട ഇട്ടു തുടങ്ങിയതുമായ താറാവുകളെയാണ് നായ്ക്കള് കടിച്ചു കൊന്നത്.
മുട്ടകള് ശേഖരിക്കാന് ഇന്നലെ പുലര്ച്ചയോടെ ഷെഡില് എത്തിയപ്പോഴാണ് ഷോബിന് താറാവുകള് കൂട്ടത്തോടെ ചത്തു കിടക്കുന്നത് കാണുന്നത്. പ്ലാസ്റ്റിക് വലകൊണ്ട് മൂടിയിരുന്ന വലിയ ഷെഡില് ഉണ്ടായിരുന്ന എണ്ണൂറോളം താറാവുകളില് അവശേഷിച്ചത് അര്ദ്ധ പ്രാണരായ ഏതാനും താറാവുകള് മാത്രമായിരുന്നു. കഴിഞ്ഞ ഡിസംമ്പറില് മുട്ട വിരിക്കുന്ന യന്ത്രത്തില് വിരിയിച്ച് ആവശ്യമായ പ്രതിരോധ മരുന്നുകളും തീറ്റയും നല്കി വളര്ത്തി വലുതാക്കിയ മുട്ടത്താറാവുകളെയാണ് നായ്ക്കള് കടിച്ചു കൊന്നത്.
കഴിഞ്ഞ ജൂണ് മാസത്തില് താറാവ് രോഗത്താല് എണ്ണായിരത്തോളം താറാവുകളാണ് ഈ കര്ഷകന് നഷ്ടമായത്.ഇപ്പോള് ഇന്ഷുറന്സ് പരിരക്ഷ പോലും ലഭിക്കാത്ത കൃഷിയാണ് താറാവുകൃഷിയെന്നും രോഗത്താലോ ഇത്തരം അക്രമത്താലോ താറാവുകള് ചത്തുപോയാല് ഒരു സഹായവും കിട്ടാറില്ലന്ന് ഷോബി പറഞ്ഞു. സ്വര്ണ്ണാഭരണങ്ങള് പണയം വച്ചും ബാങ്ക് വായ്പകളിലൂടെയുമാണ് താറാവ് കൃഷി നടത്തുന്നതെന്നും ആത്മഹത്യയുടെ വക്കിലാണെന്നും ഷോബി വിതുമ്പി.
by Midhun HP News | Aug 8, 2025 | Latest News, കേരളം
സംസ്ഥാന ഭാഗ്യക്കുറിയില് ഏറ്റവും വലിയ സമ്മാനത്തുക നല്കുന്ന ഇത്തവണത്തെ തിരുവോണം ബമ്പര് ഭാഗ്യക്കുറിക്ക് വിപണിയില് വന് ഡിമാന്ഡ്. 25 കോടി രൂപ ഒന്നാം സമ്മാനം നല്കുന്ന തിരുവോണം ബമ്പര് ഭാഗ്യക്കുറി ദിവസങ്ങള്ക്കു മുമ്പാണ് വിപണിയില് എത്തിയത്. ആദ്യ ഘട്ടത്തില് 20 ലക്ഷം ടിക്കറ്റുകള് വില്പ്പനയ്ക്കെത്തിയതില് ഈമാസം നാല് ഉച്ചവരെ 13 ലക്ഷത്തോളം ടിക്കറ്റുകള് വിറ്റു.
ഒരു കോടി വീതം 20 പേര്ക്ക് രണ്ടാം സമ്മാനവും 50 ലക്ഷം വീതം 20 പേര്ക്ക് മൂന്നാം സമ്മാനവും അഞ്ച് ലക്ഷം വീതം 10 പരമ്പരകള്ക്ക് നാലാം സമ്മാനവും രണ്ടു ലക്ഷം വീതം 10 പരമ്പരകള്ക്ക് അഞ്ചാം സമ്മാനവും നല്കുന്നതിലൂടെ പുതുമയുള്ള സമ്മാനഘടനയാണ് ഇത്തവണത്തെ തിരുവോണം ബമ്പര് ഭാഗ്യക്കുറി മുന്നോട്ടു വയ്ക്കുന്നത്. 500 രൂപ ടിക്കറ്റു വിലയുള്ള തിരുവോണം ബമ്പര് ഭാഗ്യക്കുറിക്ക് 5,000 രൂപയില് തുടങ്ങി 500 രൂപയില് അവസാനിക്കുന്ന സമ്മാനങ്ങളുമുണ്ട്. സപ്തംബര് 27 നാണ് നറുക്കെടുപ്പ് നടക്കുക.
by Midhun HP News | Aug 8, 2025 | Latest News, കേരളം
മലപ്പുറം: മൊബൈൽ ഫോൺ ചാർജ് ചെയ്യുന്നതിനിടെ പവർ ബാങ്ക് പൊട്ടിത്തെറിച്ചുണ്ടായ അപകടത്തിൽ വീട് കത്തിനശിച്ചു. തിരൂർ തെക്കൻ കുറ്റൂരിലെ മുക്കിലപീടിക അത്തംപറമ്പിൽ അബൂബക്കർ സിദ്ധിഖിന്റെ വീടാണ് ഫോൺ ചാർജ് ചെയ്യുന്നതിനിടെ പവർ ബാങ്ക് പൊട്ടിത്തെറിച്ച് പൂർണ്ണമായും കത്തിയമർന്നത്. അപകടസമയത്ത് വീട്ടിൽ ആരുമില്ലാതിരുന്നതിനാൽ വലിയൊരു ദുരന്തം ഒഴിവായി. വലിയ ശബ്ദം കേട്ട നാട്ടുകാരും അയൽവാസികളും ചേർന്ന് സമീപത്തെ കിണറുകളിൽ നിന്ന് വെള്ളം പമ്പ് ചെയ്താണ് തീയണച്ചത്. നാട്ടുകാർ വിവരമറിയിച്ചതിനെ തുടർന്ന് അഗ്നിരക്ഷാസേനയും സ്ഥലത്തെത്തി. ഓട്ടോ ഡ്രൈവറാണ് സിദ്ധിഖ്. ഓല മേഞ്ഞ വീടാണ് തീപിടിത്തത്തിൽ നശിച്ചത്. വീട്ടുപകരണങ്ങൾ, കുട്ടികളുടെ പുസ്തകങ്ങൾ, രേഖകൾ, വസ്ത്രങ്ങൾ എന്നിവയെല്ലാം കത്തിനശിച്ചു.
Recent Comments