by Midhun HP News | May 31, 2025 | Latest News, കേരളം
തിരുവനന്തപുരം: കനത്തമഴയെ തുടര്ന്ന് സംസ്ഥാനത്ത് വിവിധ ട്രെയിനുകള് വൈകിയോടുന്നു . മൈസൂര്- തിരുവനന്തപുരം ട്രെയിൻ ഒന്നേകാല് മണിക്കൂറാണ് വൈകിയോടുന്നത്. കചെഗുഡ മുരുഡേശ്വര് എക്സ്പ്രസ് 50 മിനിറ്റ്, ബംഗളൂരു- തിരുവനന്തപുരം സ്പെഷ്യല് ട്രെയിന് ഒന്നര മണിക്കൂര്, ഗോരഖ്പൂര്- തിരുവനന്തപുരം രപ്തിസാഗര് എക്സ്പ്രസ് നാലരമണിക്കൂര്, ഗുരുവായൂര്- ചെന്നൈ എക്സ്പ്രസ് ഒരു മണിക്കൂര് എന്നിങ്ങനെയാണ് മറ്റു ട്രെയിനുകള് വൈകിയോടുന്നത്.
അതിനിടെ മഴക്കെടുതിയില് ഇന്നലെ മാത്രം എട്ടുപേരാണ് മരിച്ചത്. നാലുപേരെ കാണാതായി. അടുത്ത അഞ്ചുദിവസം സംസ്ഥാനത്ത് അതിതീവ്രമഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. കുറഞ്ഞ സമയത്തിനുള്ളില് വലിയ മഴയാണ് അതിതീവ്രമഴ എന്നതുകൊണ്ട് ഉദ്ദേശിക്കുന്നത്. 24 മണിക്കൂറിനിടെ 115.6 മില്ലിമീറ്റര് മുതല് 204.4 മില്ലിമീറ്റര് വരെ മഴയ്ക്കു സാധ്യതയുണ്ട്. ശക്തമായ കാറ്റും മിന്നലും മഴയ്ക്കൊപ്പം പ്രവചിക്കുന്നുണ്ട്. മണിക്കൂറില് 50- 60 കിലോമീറ്റര് വേഗമുള്ള കാറ്റില് മരങ്ങള് കടപുഴകിയും ചില്ലകള് ഒടിഞ്ഞും അപകടങ്ങള്ക്ക് സാധ്യതയുള്ളതിനാല് ഏറെ ജാഗ്രത പുലര്ത്തണം.
എല്ലാ ജില്ലകളിലും ഇന്ന് യെലോ അലര്ട്ട് പ്രഖ്യാപിച്ചിട്ടുണ്ട്. കേരള, കര്ണാടക തീരങ്ങളില് ഇന്നും നാളെയും ലക്ഷദ്വീപ് തീരത്ത് 3 വരെയും മീന്പിടിത്തം പാടില്ല. കേരള തീരത്ത് 3 മുതല് 3.9 മീറ്റര് വരെ ഉയരമുള്ള തിരമാലയ്ക്കും കടലാക്രമണത്തിനും സാധ്യതയുണ്ട്.
മൂന്ന് ജില്ലകളിലെ വിദ്യാലയങ്ങള്ക്ക് ഇന്ന് അവധി
ശക്തമായ മഴ തുടരുന്ന സാഹചര്യത്തില് സംസ്ഥാനത്തെ മൂന്ന് ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ച് കലക്ടര്മാര്. കോട്ടയം, കൊല്ലം, ഇടുക്കി ജില്ലകളിലെ പ്രൊഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കുമാണ് ഇന്ന് കലക്ടര് അവധി പ്രഖ്യാപിച്ചത്. അങ്കണവാടികള്, അവധിക്കാല ക്ലാസുകള് നടത്തുന്ന വിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, മറ്റ് അവധിക്കാല കലാ-കായിക പരിശീലന കേന്ദ്രങ്ങള്/ സ്ഥാപനങ്ങള്, മതപാഠശാലകള് എന്നിവയ്ക്കും അവധി ബാധകമായിരിക്കും. മുന്പ് നിശ്ചയിച്ചിട്ടുള്ള പരീക്ഷകള്ക്ക് അവധി ബാധകമല്ല.
by Midhun HP News | May 31, 2025 | Latest News, കേരളം
തിരുവനന്തപുരം: കേരള തീരത്ത് ഇന്നു രാവിലെ 11.30 വരെ 2.7 മുതല് 3.9 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. അതിനാല് തീരപ്രദേശങ്ങില് താമസിക്കുന്നവരും മത്സ്യത്തൊഴിലാളികളും ജാഗ്രത പുലര്ത്തണമെന്ന് അധികൃതര് നിര്ദേശിച്ചു.
ഓറഞ്ച് അലര്ട്ട്
തിരുവനന്തപുരം: കാപ്പില് മുതല് പൊഴിയൂര് വരെ
കൊല്ലം: ആലപ്പാട് മുതല് ഇടവ വരെ
ആലപ്പുഴ: ചെല്ലാനം മുതല് അഴീക്കല് ജെട്ടി വരെ
എറണാകുളം: മുനമ്പം എഒ മുതല് മറുവക്കാട് വരെ
കണ്ണൂര് & കാസര്കോട് : കുഞ്ചത്തൂര് മുതല് കോട്ടക്കുന്ന് വരെ
കന്യാകുമാരി ജില്ലയിലെ നീരോടി മുതല് ആരോക്യപുരം വരെയുള്ള തീരങ്ങളില് (ഓറഞ്ച് അലര്ട്ട്) ഇന്നു രാത്രി 08.30 വരെ 3.0 മുതല് 3.7 മീറ്റര് വരെ ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിയ്ക്കുക.
പ്രത്യേക നിർദേശം
തെക്കു പടിഞ്ഞാറൻ അറബിക്കടൽ അതിനോട് ചേർന്ന മധ്യ പടിഞ്ഞാറൻ അറബിക്കടൽ, തെക്കു കിഴക്കൻ അറബിക്കടൽ, ലക്ഷദ്വീപ് പ്രദേശം, ഗുജറാത്ത് തീരം അതിനോട് ചേർന്ന വടക്കു കിഴക്കൻ അറബിക്കടൽ എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനു സാധ്യത.
തെക്കൻ തമിഴ്നാട് തീരം, ഗൾഫ് ഓഫ് മന്നാർ, കന്യാകുമാരി തീരം, തെക്കൻ ബംഗാൾ ഉൾക്കടൽ അതിനോട് ചേർന്ന മധ്യ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.
വടക്കൻ തമിഴ്നാട് തീരം, തെക്കൻ അറബിക്കടൽ, മധ്യ അറബിക്കടലിന്റെ തെക്കൻ ഭാഗങ്ങൾ, മാലദ്വീപ് പ്രദേശം, ആന്ധ്രാപ്രദേശ് തീരം, പശ്ചിമ ബംഗാൾ, വടക്കൻ – തെക്കൻ – മധ്യ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.
by Midhun HP News | May 31, 2025 | Latest News, ജില്ലാ വാർത്ത
വാർഡ് 14 ചിറ്റാറ്റിൻകരയിൽ പത്താം ക്ലാസിൽ ഫുൾ എ പ്ലസ് വാങ്ങിയ കുട്ടികളായ ഫർസാന, ശ്രാവൺ എസ് എസ്, അനൂപ് അനിൽകുമാർ, ശ്രീജിത്ത്, അഞ്ജന, ആര്യൻ, ജാനകി എൻ ആർ എന്നിവരെയും എക്സ് മിൽട്രിക്കാരായ ഓണർ വി ക്യാപ്റ്റൻ മുരളീധരൻ നായർ, സൈഫുദ്ദീൻ അവിൽദാറിനെയും ആദരിച്ചു. ഒപ്പം ഒരു മെഡിക്കൽ ക്യാമ്പും കുട്ടികൾക്ക് പുസ്തക വിതരണവും നടത്തി. ചടങ്ങിൽ മധുരം വിതരണം ചെയ്തു.
ആറ്റിങ്ങൽ വാർഡ് മെമ്പര്മാരായ സന്തോഷ്, ജീവൻ ലാൽ, ആറ്റിങ്ങൽ മണ്ഡലം ബിജെപി വൈസ് പ്രസിഡൻറ് ശിവദാസൻ, പതിനാലാം വാർഡിലെ കമ്മറ്റി മെമ്പർമാർ, ഈസ്റ്റ് മേഖലാ പ്രസിഡൻറ് വിജയകുമാർ, ഈസ്റ്റ് മേഖല ജനറൽ സെക്രട്ടറി ദീപു എന്നിവരുടെ അധ്യക്ഷതയിൽ ചിറ്റാറ്റിൻകര ആയിരവല്ലി ക്ഷേത്രത്തിൻറെ സമീപത്തു വച്ചാണ് പരിപാടി സംഘടിപ്പിച്ചത് .
by Midhun HP News | May 31, 2025 | Latest News, കേരളം
മലപ്പുറം: നിലമ്പൂര് ഉപതെരഞ്ഞെടുപ്പില് യുഡിഎഫ് സ്ഥാനാര്ത്ഥി ആര്യാടന് ഷൗക്കത്ത് ഇന്ന് നാമനിര്ദേശ പത്രിക സമര്പ്പിക്കും. ശനിയാഴ്ച രാവിലെ 11 മണിക്ക് നിലമ്പൂര് താലൂക്ക് ഓഫീസിലെത്തിയാണ് നാമനിര്ദേശ പത്രിക സമര്പ്പിക്കുന്നത്. യുഡിഎഫ് പ്രവര്ത്തകരുടേയും നേതാക്കളുടേയും അകമ്പടിയോടെയാകും ഷൗക്കത്ത് നാമനിര്ദേശ പത്രിക സമര്പ്പിക്കാനെത്തുക.
രാവിലെ തൃശൂരിലെത്തി കെ കരുണാകരന് സ്മൃതിമണ്ഡപത്തിലെത്തി പുഷ്പാര്ച്ച നടത്തിയശേഷമാകും ആര്യാടന് ഷൗക്കത്ത് നാമനിര്ദേശ പത്രിക സമര്പ്പിക്കാനെത്തുക. ആര് എതിര്സ്ഥാനാര്ത്ഥിയായാലും നിലമ്പൂരിനെ തിരിച്ചുപിടിക്കുമെന്ന് ആര്യാടന് ഷൗക്കത്ത് പറഞ്ഞു. ആര്യാടന് ഷൗക്കത്ത് ഇന്നലെ മുന് മുഖ്യമന്ത്രി ഉമ്മന്ചാണ്ടിയുടെ കല്ലറ സ്ഥിതി ചെയ്യുന്ന പുതുപ്പള്ളി സെന്റ് ജോര്ജ് ഓര്ത്തഡോക്സ് പള്ളിയിലെത്തി പ്രാര്ത്ഥിച്ചു.
തുടര്ന്ന് കോണ്ഗ്രസിന്റെ മുതിര്ന്ന നേതാവും പാര്ട്ടി പ്രവര്ത്തക സമിതി അംഗവുമായ എ കെ ആന്റണിയുടെ തിരുവനന്തപുരം വഴുതക്കാട്ടെ വസതിയിലെത്തി അനുഗ്രഹം തേടുകയും ചെയ്തിരുന്നു. ഇന്നലെ വൈകീട്ട് അഞ്ചുമണിയോടെയായിരുന്നു ആര്യാടന് ഷൗക്കത്ത് ആന്റണിയുടെ വീട്ടിലെത്തിയത്. ആന്റണി സാറിന്റെ അനുഗ്രഹം തേടിയ ശേഷമേ നാമനിര്ദ്ദേശ പത്രിക സമര്പ്പിക്കൂവെന്ന് ആഗ്രഹിച്ചിരുന്നു. അതിന്റെ ഭാഗമായിട്ടായിരുന്നു ഈ കൂടിക്കാഴ്ചയെന്ന് ഷൗക്കത്ത് പിന്നീട് പറഞ്ഞു.
യുഡിഎഫിന്റെ 263 ബൂത്ത് കണ്വെന്ഷനുകള് പൂര്ത്തിയായതായി തെരഞ്ഞെടുപ്പിന് മേല്നോട്ടം വഹിക്കുന്ന കോണ്ഗ്രസ് നേതാക്കള് സൂചിപ്പിച്ചു. കെപിസിസിയുടെ മുതിര്ന്ന നേതാക്കളുടെ നേതൃത്വത്തില് താഴേത്തട്ടിലുള്ള പ്രവര്ത്തകരെ ഏകോപിപ്പിച്ചു കൊണ്ടാണ് യുഡിഎഫ് തെരഞ്ഞെടുപ്പ് പ്രവര്ത്തനം മുന്നോട്ടു പോകുന്നത്. കെപിസിസി വര്ക്കിങ് പ്രസിഡന്റ് എ പി അനില്കുമാറിനാണ് നിലമ്പൂര് മണ്ഡലത്തിന്റെ ചുമതല നല്കിയിട്ടുള്ളത്.
by Midhun HP News | May 31, 2025 | Latest News, കേരളം
പാലക്കാട്: അട്ടപ്പാടിയില് കാട്ടാന ആക്രമണത്തില് പരിക്കേറ്റയാള് മരിച്ചു. ചീരക്കടവ് സ്വദേശി മല്ലന് (60) ആണ് മരിച്ചത്. വാരിയെല്ലിനും നെഞ്ചിനും സാരമായി പരിക്കേറ്റ് ചികിത്സയിലിരിക്കെയാണ് അന്ത്യം.
ചീരക്കടവ് വനമേഖലയില് ഇന്നലെ ഉച്ചയ്ക്കായിരുന്നു ആക്രമണം. ഉടന് തന്നെ കോട്ടത്തറ താലൂക്ക് ആശുപത്രിയില് എത്തിച്ചു. എന്നാല് ഗുരുതര പരിക്കിനെ തുടര്ന്ന് വിദഗ്ധ ചികിത്സയ്ക്കായി തൃശൂര് മെഡിക്കല് കോളജിലേക്ക് കൊണ്ടുപോകുകയായിരുന്നു. വെന്റിലേറ്ററില് പ്രവേശിപ്പിച്ച മല്ലന് ആരോഗ്യനില വഷളായതിനെ തുടര്ന്ന് ഇന്ന് രാവിലെ ഏഴരമണിയോടെയാണ് മരിച്ചത്.
കാട്ടാന തുമ്പിക്കൈ കൊണ്ട് എറിഞ്ഞാണ് മല്ലന് ഗുരുതരമായി പരിക്കേറ്റത്. നെഞ്ചിനും വാരിയെല്ലിനുമായിരുന്നു പരിക്ക്. ഇന്നലെ ഉച്ചയ്ക്ക് 12മണിയോടെയാണ് വീടിനോട് ചേര്ന്നുള്ള വനമേഖലയിലേക്ക് പശുവുമായി മല്ലന് പോയത്. ആനയുടെ ആക്രമണത്തില് ഗുരുതരമായി പരിക്കേറ്റ മല്ലനെ വനംവകുപ്പ് ഉദ്യോഗസ്ഥരാണ് ആശുപത്രിയില് എത്തിച്ചത്. പത്തുദിവസം മുന്പാണ് മണ്ണാര്ക്കാടിന് സമീപം ഉമ്മര് കാട്ടാന ആക്രമണത്തില് മരിക്കുന്നത്.
by Midhun HP News | May 31, 2025 | Latest News, കേരളം
തിരുവനന്തപുരം: അടുത്ത മൂന്ന് മണിക്കൂറില് കേരളത്തിലെ വിവിധ ജില്ലകളില് കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, മലപ്പുറം, കോഴിക്കോട്, കണ്ണൂര് ജില്ലകളിലാണ് കേന്ദ്ര കാലാവസ്ഥ വകുപ്പ് ഒറ്റപ്പെട്ടയിടങ്ങളില് തീവ്രമഴ ( kerala rain) പ്രവചിക്കുന്നത്.
ജില്ലകളില് ഒറ്റപ്പെട്ടയിടങ്ങളില് മഴയ്ക്കൊപ്പം മണിക്കൂറില് 50 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുണ്ട്. അതിനാല് ജാഗ്രത പാലിക്കണമെന്നും കാലാവസ്ഥ വകുപ്പിന്റെ മുന്നറിയിപ്പില് പറയുന്നു. മറ്റെല്ലാ ജില്ലകളില് അടുത്ത മൂന്ന് മണിക്കൂറില് ഒറ്റപ്പെട്ടയിടങ്ങളില് ശക്തമായ മഴയാണ് പ്രവചിക്കുന്നത്. ജാഗ്രതയുടെ ഭാഗമായി ഈ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഈ ജില്ലകളില് മഴയ്ക്കൊപ്പം മണിക്കൂറില് 40 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു. അതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.
കേരള തീരത്ത് ഇന്നു രാവിലെ 11.30 വരെ 2.7 മുതല് 3.9 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. അതിനാല് തീരപ്രദേശങ്ങില് താമസിക്കുന്നവരും മത്സ്യത്തൊഴിലാളികളും ജാഗ്രത പുലര്ത്തണമെന്ന് അധികൃതര് നിര്ദേശിച്ചു.
ഓറഞ്ച് അലര്ട്ട്
തിരുവനന്തപുരം: കാപ്പില് മുതല് പൊഴിയൂര് വരെ
കൊല്ലം: ആലപ്പാട് മുതല് ഇടവ വരെ
ആലപ്പുഴ: ചെല്ലാനം മുതല് അഴീക്കല് ജെട്ടി വരെ
എറണാകുളം: മുനമ്പം എഒ മുതല് മറുവക്കാട് വരെ
കണ്ണൂര് & കാസര്കോട് : കുഞ്ചത്തൂര് മുതല് കോട്ടക്കുന്ന് വരെ
കന്യാകുമാരി ജില്ലയിലെ നീരോടി മുതല് ആരോക്യപുരം വരെയുള്ള തീരങ്ങളില് (ഓറഞ്ച് അലര്ട്ട്) ഇന്നു രാത്രി 08.30 വരെ 3.0 മുതല് 3.7 മീറ്റര് വരെ ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിയ്ക്കുക.
Recent Comments