by Midhun HP News | Jan 29, 2026 | Latest News, ജില്ലാ വാർത്ത
സംസ്ഥാനത്തെ സ്വർണവിലയിൽ ഇന്നും വർധനവ്. കഴിഞ്ഞ കുറച്ചു ദിവസമായി സ്വർണത്തിന്റെ പോക്ക് മുകളിലേക്ക് തന്നെ ആണ്. ഇന്നും അതേ കാഴ്ചയാണ് കാണാൻ സാധിക്കുന്നത്. ഈ മാസത്തെ ഏറ്റവും ഉയർന്ന നിരക്കാണ് ഇന്ന് സ്വർണം കീഴടക്കിയിരിക്കുന്നത്. 1,31,160 രൂപയാണ് ഇന്നത്തെ ഒരു പവന്റെ വില. ഇന്നലെ 1,22,520 രൂപ ആയിരുന്ന സ്വർണമാണ് ഇന്നും വില വീണ്ടും കൂടിയിരിക്കുന്നത്. അതായതു ഒരു പവന് ഇന്ന് കൂടിയത് 8,640 രൂപ. 1,080 രൂപയാണ് ഗ്രാമിന് കൂടിയിരിക്കുന്നത്. ഇതോടെ ഒരു ഗ്രാമ സ്വർണത്തിന്റെ ഇന്നത്തെ വില 16,395 രൂപയാണ്.
സ്വർണത്തിന്റെ ഈ വില വർധനവ് ഏറ്റവും കൂടുതൽ ബാധിക്കുന്നത് വിവാഹപാർട്ടികളെ ആണ്. വിവാഹ സീസൺ ആയതിനാൽ സ്വർണത്തിന്റെ ഈ ഏറ്റക്കുറച്ചിലുകൾ ബാധിക്കുന്നത് അവരെ ആയിരിക്കും. ഇങ്ങനെ പോയാൽ സാധാരണക്കാർക്ക് സ്വർണം കിട്ടാക്കനി ആയി മാറും എന്നും കരുതേണ്ടിയിരിക്കുന്നു. ചരിത്രത്തിലെ ഏറ്റവും വലിയ വിലയിൽ ആണ് സ്വർണവ്യാപാരം നടന്നുകൊണ്ടിരിക്കുന്നത്.
by Midhun HP News | Jan 29, 2026 | Latest News, ജില്ലാ വാർത്ത
തിരുവനന്തപുരം: ആര്ട്സ് ആന്റ് സയന്സ് കോളജുകളില് പഠിക്കുന്ന വിദ്യാര്ഥികളുടെ ഡിഗ്രി വിദ്യാഭ്യാസം സൗജന്യമാക്കുമെന്ന് ധനമന്ത്രി കെ എന് ബാലഗോപാല്. 1 മുതല് പ്ലസ്ടു വരെയുള്ള സ്കൂള് വിദ്യാര്ഥികള്ക്ക് അപകട ഇന്ഷുറന്സ് നല്കും. ഇതിനായി 15 കോടി രൂപ ബജറ്റില് മാറ്റിവച്ചതായും ധനമന്ത്രി പറഞ്ഞു.
എംസി റോഡ് വികസനത്തിന് 5917 കോടി രൂപ വകയിരുത്തി. കാന്സര് എയ്ഡ്സ് രോഗികള്ക്ക് 2000 രൂപ ധന സഹായം നല്കും. സര്ക്കാര് ജീവനക്കാരുടെ ആരോഗ്യ ഇന്ഷുറന്സ് പദ്ധതിയായ മെഡിസെപിന്റെ പരിഷ്കരിച്ച പതിപ്പായ മെഡിസെപ്് 2.0 ഫെബ്രുവരി ഒന്നുമുതല് പ്രാബല്യത്തില് വരും. തൊഴിലുറപ്പ് പദ്ധതിക്ക് 1000 കോടി രൂപയാണ് അധിക വിഹിതമായി നീക്കിവെയ്ക്കുന്നത്. യുവജന ക്ലബുകള്ക്ക് 10,000 രൂപ സഹായം നല്കും. കേര പദ്ധതിക്ക് 100 കോടി രൂപ വകയിരുത്തിയതായും ധനമന്ത്രി പ്രഖ്യാപിച്ചു.
തിരുവനന്തപുരം: സംസ്ഥാന ബജറ്റ് ഇന്ന് അവതരിപ്പിക്കും. രാവിലെ ഒമ്പതിന് ധനമന്ത്രി കെ എന് ബാലഗോപാലാണ് നിയമസഭയിൽ ബജറ്റ് അവതരിപ്പിക്കുന്നത്. പിണറായി വിജയന്റെ നേതൃത്വത്തിലുള്ള രണ്ടാം എൽഡിഎഫ് സർക്കാരിന്റെ അവസാന ബജറ്റാണിത്. ഇടതു സർക്കാരിന്റെ തുടർച്ചയായ ആറാം ബജറ്റ് കൂടിയാണിത്.
വികസനത്തിനും ക്ഷേമത്തിനും ഒരു പോലെ പ്രാധാന്യം നൽകുന്ന ബജറ്റായിരിക്കും ഇത്തവണത്തേതെന്നാണ് ധനമന്ത്രി കെഎൻ ബാലഗോപാൽ സൂചിപ്പിച്ചു. ക്ഷേമ പെൻഷൻ അടക്കം ജനപ്രിയ പ്രഖ്യാപനങ്ങൾക്ക് കേന്ദ്രത്തിന്റെ സാമ്പത്തിക ഉപരോധം മാത്രമാണ് തടസമെന്നാണ് ധനവകുപ്പ് പറയുന്നത്. സംസ്ഥാനത്തിന്റെ വരുമാനവും ചെലവും കടവും കൂടിയെന്നാണ് 2024-25 വര്ഷത്തെ സാമ്പത്തിക അവലോകന റിപ്പോര്ട്ടിൽ പറയുന്നത്.
by Midhun HP News | Jan 29, 2026 | Latest News, ജില്ലാ വാർത്ത
അലവൻസ് വർധിപ്പിച്ചു
ലൈബ്രേറിയന്മാരുടെ പ്രതിമാസ അലവൻസ് ആയിരം രൂപ വർധിപ്പിച്ചു
പത്രപ്രവർത്തക പെൻഷൻ
പത്രപ്രവർത്തക പെൻഷൻ 1500 രൂപ വർധിപ്പിച്ചു
വിദ്യാര്ഥികള്ക്ക് അപകട ഇന്ഷുറന്സ്
ഒന്നുമുതല് പത്തുവരെ ക്ലാസുകളിലെ വിദ്യാര്ഥികള്ക്ക് അപകട ഇന്ഷുറന്സ് നല്കുമെന്ന് ബജറ്റ് പ്രസംഗത്തില് ധനമന്ത്രി
ഉന്നത വിദ്യാഭ്യാസം സൗജന്യം
ആര്ട്സ് ആന്റ് സയന്സ് കോളജുകളിലെ വിദ്യാര്ഥികള്ക്ക് സൗജന്യ വിദ്യാഭ്യാസം നല്കുമെന്ന് ധനമന്ത്രി കെ എന് ബാലഗോപാല്
ശബരിമല മാസ്റ്റര് പ്ലാന്
ശബരിമല മാസ്റ്റര് പ്ലാനിന് 30 കോടി രൂപ വകയിരുത്തി. ക്ലീന് പമ്പയ്ക്ക് 30 കോടി രൂപ ബജറ്റില് നീക്കിവെച്ചതായും ധനമന്ത്രി പറഞ്ഞു.
വിരമിച്ചവര്ക്ക് പുതിയ ഇന്ഷുറന്സ് പദ്ധതി
സര്ക്കാര് ജോലിയില് നിന്ന് വിരമിച്ചവര്ക്ക് മെഡിസെപ് മാതൃകയില് പുതിയ മെഡിക്കല് ഇന്ഷുറന്സ് പദ്ധതി നടപ്പാക്കും
സൗജന്യ ചികിത്സ
റോഡ് അപകടത്തില്പ്പെടുന്നവര്ക്ക് ആദ്യ അഞ്ചു ദിവസം സൗജന്യ ചികിത്സ ഉറപ്പാക്കുമെന്ന് ധനമന്ത്രി. സര്ക്കാര് ആശുപത്രികളിലും തെരഞ്ഞെടുത്ത ആശുപത്രികളിലുമാണ് സൗജന്യ ചികിത്സ ഉറപ്പാക്കുക എന്നും ധനമന്ത്രി വ്യക്തമാക്കി
മെഡിസെപ് 2.0 ഫെബ്രുവരി ഒന്നുമുതല്
സര്ക്കാര് ജീവനക്കാര്ക്കുള്ള ആരോഗ്യ ഇന്ഷുറന്സ് പദ്ധതിയായ മെഡിസെപിന്റെ രണ്ടാം ഘട്ടമായ മെഡിസെപ് 2.0 ഫെബ്രുവരി ഒന്നുമുതല് ആരംഭിക്കും.
എംസി റോഡ് വികസനം
എംസി റോഡ് ആദ്യ ഘട്ട വികസനത്തിന് 5217 കോടി രൂപ കിഫ്ബിയിലൂടെ നീക്കിവെയ്ക്കും
റാപ്പിഡ് റെയില് നാലുഘട്ടം
തിരുവനന്തപുരം മുതല് കാസര്കോട് വരെ നടപ്പാക്കാന് ഉദ്ദേശിക്കുന്ന നിര്ദിഷ്ട റാപ്പിഡ് റെയിലിന്റെ നിര്മ്മാണം നാലുഘട്ടമായെന്ന് ധനമന്ത്രി കെ എന് ബാലഗോപാല്. ആദ്യ ഘട്ടത്തില് തിരുവനന്തപുരം മുതല് തൃശൂര് വരെ നിര്മ്മിക്കും. തൃശൂര്- കോഴിക്കോട് ആണ് രണ്ടാം ഘട്ടത്തില്. മൂന്നാം ഘട്ടമായി കോഴിക്കോട് മുതല് കണ്ണൂര് വരെ പാളം ഇടും. നാലാം ഘട്ടത്തില് ഇത് കാസര്കോട് വരെ നീട്ടുമെന്നും ധനമന്ത്രി പറഞ്ഞു. പ്രാരംഭ പ്രവര്ത്തനങ്ങള്ക്കായി നൂറ് കോടി രൂപ വകയിരുത്തിയതായും ധനമന്ത്രി ബജറ്റ് പ്രസംഗത്തില് പറഞ്ഞു.
വി എസ് സെന്റർ
അന്തരിച്ച മുൻമുഖ്യമന്ത്രി വി എസ് അച്യുതാനന്ദന്റെ ഓർമ്മയ്ക്കായി തിരുവനന്തപുരത്ത് വി എസ് സെന്റർ സ്ഥാപിക്കും
വയോജന സൗഹൃദ ബജറ്റ്
വയോജന സംരക്ഷണത്തിന് ഇത് എൽഡേർലി ബജറ്റ് എന്ന് ധനമന്ത്രി
വയനാട്ടിൽ വീടായി
വയനാട് ദുരന്ത ബാധിതർക്ക് ആദ്യ ബാച്ച് വീട് അടുത്ത മാസം ആദ്യ വാരം നൽകും
ഓണറേറിയം കൂട്ടി
തദ്ദേശ സ്ഥാപനങ്ങളിലെ അംഗങ്ങളുടെ ഓണറേറിയം കൂട്ടി
തനത് നികുതി, നികുതിയേതര വരുമാനത്തില് വര്ധന
കഴിഞ്ഞ അഞ്ചുവര്ഷത്തിനിടെ തനത് നികുതി, നികുതിയേതര വരുമാനത്തില് വര്ധന ഉണ്ടായതായി കെ എന് ബാലഗോപാല്. തനത് നികുതി, നികുതിയേതര വരുമാനമായി 1,52,645 കോടി രൂപ അഞ്ചുവര്ഷം കൊണ്ട് അധികമായി പിരിച്ചെടുക്കാന് സാധിച്ചതായും ബജറ്റ് പ്രസംഗത്തില് കെ എന് ബാലഗോപാല് പറഞ്ഞു.
1,27, 747 കോടിയുടെ അധിക വരുമാനമാണ് തനത് നികുതി വരുമാനത്തിന്റെ കാര്യത്തില് സൃഷ്ടിക്കാന് സാധിച്ചത്. 2016-2021 വരെ പ്രതിവര്ഷ തനത് നികുതി വരുമാനം 47,453 കോടി രൂപയായിരുന്നു. എന്നാല് കഴിഞ്ഞ അഞ്ചുവര്ഷം ശരാശരി തനത് നികുതി വരുമാനം 73,002 കോടിയായി ഉയര്ന്നു. ശരാശരി തനത് നികുതി വരുമാനം ഇനിയും ഉയരും. കേന്ദ്ര അവഗണനയ്ക്കിടയിലും പിടിച്ചുനില്ക്കാന് കഴിഞ്ഞത് ഈ വരുമാന വര്ധന വഴിയാണ്. ധനമന്ത്രിയുടെ കൈയിലെ മാന്ത്രിക ദണ്ഡ് ഇതാണെന്നും കെ എന് ബാലഗോപാല് പറഞ്ഞു
ന്യൂ നോര്മല് കേരളമെന്ന് ധനമന്ത്രി
എല്ലാ മേഖലയിലും പുരോഗതി കൈവരിച്ചതായി ധനമന്ത്രി കെ എന് ബാലഗോപാല്. മുഖ്യമന്ത്രി പ്രഖ്യാപിച്ച സ്ത്രീ സുരക്ഷാ പെന്ഷനില് 16 ലക്ഷം പേര് ചേര്ന്നു. ഇതുവരെ പറഞ്ഞ കാര്യങ്ങള് എല്ലാം നടപ്പാക്കി. അങ്കണവാടി വര്ക്കര്മാരുടെ പ്രതിമാസ വേതനത്തില് ആയിരം രൂപയുടെയും ഹെല്പ്പര്മാരുടെ പ്രതിമാസ വേതനത്തില് 500 രൂപയുടെയും വര്ധന വരുത്തിയതായും ധനമന്ത്രി ബജറ്റ് അവതരണ വേളയില് പ്രഖ്യാപിച്ചു. ആശാ വർക്കർമാരുടെ പ്രതിമാസ വേതനം ആയിരം രൂപ വര്ധിപ്പിച്ചു. പ്രീ പ്രൈമറി അധ്യാപകരുടെ പ്രതിമാസ വേതനത്തില് ആയിരം രൂപയുടെ വര്ധന വരുത്തിയതായും കെ എന് ബാലഗോപാല് പ്രഖ്യാപിച്ചു.
ആര്ആര്ടിഎസ് കൊച്ചി മെട്രോയുടെ പാളത്തിലൂടെയും ഓടും
‘തിരുവനന്തപുരം മുതല് കാസര്കോട് വരെ ആര്ആര്ടിഎസ് ആണ് വരുന്നത്. ഏത് പേരായാലും തിരുവനന്തപുരം മുതല് കാസര്കോട് വരെ നമുക്കും നമ്മുടെ സഹോദരങ്ങള്ക്കും അടുത്ത തലമുറയ്ക്കും വേഗത്തില് പോണം. അത് ഉണ്ടാവണം. വേഗത്തില് സംസ്ഥാനത്തെ കണ്ക്ട് ചെയ്യാനാണ് ലക്ഷ്യമിടുന്നത്. ആര്ആര്ടിഎസും റെയില്വേയും തമ്മില് ബന്ധമില്ല. ഇത് മെട്രോയിലും പോകും.ഡല്ഹി- മീററ്റ് ആര്ആര്ടിഎസ് പോലെയാണ് ഇവിടെയും വരിക. ഡല്ഹിയില് നിന്ന് മെട്രോയില് പോകും. ആ പാളം തന്നെ ഉപയോഗിച്ച് നീട്ടി മീററ്റില് ചെല്ലും. മീററ്റില് ചെന്നാല് അവിടെയുള്ള പാളം ഉപയോഗിക്കും. മൊബിലിറ്റിയാണ് പ്രധാനം. കൊച്ചി മെട്രോയുടെയും വരാനിരിക്കുന്ന തിരുവനന്തപുരം മെട്രോയുടെയും പാളം ഉപയോഗിക്കും. ഇവിടെ പുതുതായി നിര്മ്മാണം വേണ്ടി വരില്ല. തിരുവനന്തപുരത്ത് നിന്ന് വരുന്ന ഒരാള്ക്ക് കൊച്ചി മെട്രോ
by Midhun HP News | Jan 29, 2026 | Latest News, ജില്ലാ വാർത്ത
ആര്ആര്ടിഎസ് കൊച്ചി മെട്രോയുടെ പാളത്തിലൂടെയും ഓടും
‘തിരുവനന്തപുരം മുതല് കാസര്കോട് വരെ ആര്ആര്ടിഎസ് ആണ് വരുന്നത്. ഏത് പേരായാലും തിരുവനന്തപുരം മുതല് കാസര്കോട് വരെ നമുക്കും നമ്മുടെ സഹോദരങ്ങള്ക്കും അടുത്ത തലമുറയ്ക്കും വേഗത്തില് പോണം. അത് ഉണ്ടാവണം. വേഗത്തില് സംസ്ഥാനത്തെ കണ്ക്ട് ചെയ്യാനാണ് ലക്ഷ്യമിടുന്നത്. ആര്ആര്ടിഎസും റെയില്വേയും തമ്മില് ബന്ധമില്ല. ഇത് മെട്രോയിലും പോകും.ഡല്ഹി- മീററ്റ് ആര്ആര്ടിഎസ് പോലെയാണ് ഇവിടെയും വരിക. ഡല്ഹിയില് നിന്ന് മെട്രോയില് പോകും. ആ പാളം തന്നെ ഉപയോഗിച്ച് നീട്ടി മീററ്റില് ചെല്ലും.
മീററ്റില് ചെന്നാല് അവിടെയുള്ള പാളം ഉപയോഗിക്കും. മൊബിലിറ്റിയാണ് പ്രധാനം. കൊച്ചി മെട്രോയുടെയും വരാനിരിക്കുന്ന തിരുവനന്തപുരം മെട്രോയുടെയും പാളം ഉപയോഗിക്കും. ഇവിടെ പുതുതായി നിര്മ്മാണം വേണ്ടി വരില്ല. തിരുവനന്തപുരത്ത് നിന്ന് വരുന്ന ഒരാള്ക്ക് കൊച്ചി മെട്രോ ഉപയോഗിച്ച് കൊച്ചി വിമാനത്താവളത്തില് എത്താന് സാധിക്കും’- ബാലഗോപാല് പറഞ്ഞു.
നാടിന് മുതല്ക്കൂട്ടാകുന്ന പദ്ധതികളും പ്രഖ്യാപനങ്ങളും
രണ്ടാം പിണറായി സര്ക്കാരിന്റെ ആറാമത്തെ ബജറ്റ് ഇന്ന് അവതരിപ്പിക്കുകയാണ്. നാടിന്റെ ഭാവിക്ക് മുതല്ക്കൂട്ടാകുന്ന പല പദ്ധതികളും പ്രഖ്യാപനങ്ങളും ബജറ്റിലുണ്ടാകുമെന്ന് ധനമന്ത്രി കെ എന് ബാലഗോപാല് ഫെയ്സ്ബുക്കില് കുറിച്ചു. എല്ഡിഎഫ് സര്ക്കാര് കേരളത്തിന് അനുഭവേദ്യമാക്കിയ വികസന വിപ്ലവത്തെ കൂടുതല് കരുത്തോടെ മുന്നോട്ടു കൊണ്ടുപോകാനുള്ള രേഖയായി ബജറ്റിനു മാറാന് കഴിയും എന്നാണ് പ്രതീക്ഷിക്കുന്നതെന്നും അദ്ദേഹം വ്യക്തമാക്കി.
by Midhun HP News | Jan 29, 2026 | Latest News, ജില്ലാ വാർത്ത
തിരുവനന്തപുരം: ശബരിമല സ്വര്ണക്കൊള്ളയുമായി ബന്ധപ്പെട്ട കേസുകളില് അഡ്വ. എന് കെ ഉണ്ണികൃഷ്ണനെ സ്പെഷ്യല് പ്രോസിക്യൂട്ടറായി നിയമിച്ച് സര്ക്കാര്. സ്വര്ണക്കൊള്ളക്കേസ് നിര്ണായക ഘട്ടത്തില് എത്തിനില്ക്കുമ്പോഴാണ് എന് കെ ഉണ്ണികൃഷ്ണനെ സ്പെഷ്യല് പ്രോസിക്യൂട്ടറായി നിയമിച്ചിരിക്കുന്നത്. ഇതുസംബന്ധിച്ച ഉത്തരവ് സര്ക്കാര് പുറത്തിറങ്ങി.
തൃശൂര് സ്വദേശിയാണ് എന് കെ ഉണ്ണികൃഷ്ണന്. ജിഷ വധക്കേസിലടക്കം സംസ്ഥാനത്തെ പ്രമാദമായ ഒട്ടേറെ കേസുകളില് എന് കെ ഉണ്ണികൃഷ്ണന് പബ്ലിക് പ്രോസിക്യൂട്ടറായി കോടതികളില് ഹാജരായിട്ടുണ്ട്. നിലവില് വിചാരണ നടക്കുന്ന കൂടത്തായി കൊലപാതക കേസിലും ഉണ്ണികൃഷ്ണനാണ് പബ്ലിക് പ്രോസിക്യൂട്ടര്. എസ്ഐടിക്കു പുറമേ ഇഡിയും കേസില് അന്വേഷണം വിപുലീകരിക്കുകയാണ്. ദിവസങ്ങള്ക്കു മുന്പ് കൊല്ലം വിജിലന്സ് കോടതി സ്വാഭാവിക ജാമ്യം അനുവദിച്ച സ്വര്ണക്കൊള്ളയുമായി ബന്ധപ്പെട്ട രണ്ടു കേസുകളില് പ്രതിയായ മുരാരി ബാബുവിനെ ചോദ്യം ചെയ്യാന് ഇഡി ഇന്ന് നോട്ടീസ് നല്കിയിരുന്നു. തെരഞ്ഞെടുപ്പ് അടുത്ത വേളയില് കേസിലെ സര്ക്കാര് നടപടികളെ പ്രതിപക്ഷവും സസൂക്ഷ്മം നിരീക്ഷിക്കുന്നുണ്ട്.
by Midhun HP News | Jan 29, 2026 | Latest News, ജില്ലാ വാർത്ത
തിരുവനന്തപുരം: പതിറ്റാണ്ടുകളായി വനിതാ ശാക്തീകരണ രംഗത്ത് പ്രവര്ത്തിക്കുന്ന കുടുംബശ്രീ റീട്ടെയില് രംഗത്തേയ്ക്ക്. കുടുംബശ്രീ ഉല്പ്പന്നങ്ങളുടെ ഉല്പ്പാദനവും വിപണനവും ഊര്ജിതമാക്കുന്നതിനും അതുവഴി സംരംഭകര്ക്ക് സുസ്ഥിര വരുമാനം ഉറപ്പാക്കുന്നതിനുമായി കുടുംബശ്രീ റീട്ടെയില് രംഗത്തേക്ക് കടക്കുകയാണെന്ന് തദ്ദേശമന്ത്രി എം ബി രാജേഷ് വാര്ത്താസമ്മേളനത്തില് പറഞ്ഞു.
ഓള് കേരള ഡിസ്ട്രിബ്യൂട്ടേഴ്സ് അസോസിയേഷനുമായി സഹകരിച്ചാണ് ഇത് സാധ്യമാക്കുക. പ്രാദേശിക തലത്തില് നിലവിലുള്ള വിവിധ ഡിസ്ട്രിബ്യൂഷന് ഏജന്സികള് മുഖേന കുടുംബശ്രീ ഉല്പ്പന്നങ്ങള് റീട്ടെയില് വിപണിയിലെത്തിക്കാനാണ് ലക്ഷ്യമിടുന്നത്. ഇതിനായി 14 ജില്ലകളിലും പ്രധാനപ്പെട്ട ഡിസ്ട്രിബ്യൂഷന് ഏജന്സികളെ കണ്ടെത്തി അവരെ കുടുംബശ്രീ സംരംഭകരുമായി ബന്ധിപ്പിക്കുന്ന ബി 2 ബി മീറ്റുകള് സംഘടിപ്പിച്ചു കഴിഞ്ഞു. 900-ലേറെ സംരംഭകരും 227 ഡിസ്ട്രിബ്യൂട്ടര്മാരും ഇതില് പങ്കെടുത്തു. ഏജന്സികളും സംരംഭകരുമായി നേരിട്ട് സംവദിക്കുന്നതിനും ഉല്പ്പന്നങ്ങള് പരിചയപ്പെടുത്തുന്നതിനും വില, മാര്ജിന് എന്നിവയില് ധാരണയാകുന്നതിനും ഇതിലൂടെ കഴിഞ്ഞിട്ടുണ്ട്.
ഇന്ന് വിപണിയില് ലഭ്യമാകുന്ന മിക്ക ഉല്പന്നങ്ങളും കുടുംബശ്രീ സംരംഭകര് ഉല്പാദിപ്പിക്കുന്നുണ്ട്. മികച്ച ഗുണമേന്മയുള്ള ഈ ഉല്പന്നങ്ങള് വിപണനം നടത്തുന്നതിന് കുടുംബശ്രീയുടെ സാമൂഹ്യാധിഷ്ഠിത വിപണന ശൃംഖലയായ ഹോംഷോപ്പ്, വിപണന മേളകള്, സരസ് മേളകള്, മാര്ക്കറ്റിംഗ് ഔട്ട് ലെറ്റ് കിയോസ്ക്, കുടുംബശ്രീയുടെ ഇ-കൊമേഴ്സ് ഓണ്ലൈന് പ്ലാറ്റ്ഫോമായ പോക്കറ്റ്മാര്ട്ട് ആപ്ളിക്കേഷന് എന്നിങ്ങനെ നിരവധിയായ വിപണന മാര്ഗങ്ങള് കുടുംബശ്രീയുടേതായിട്ടുണ്ട്. കൂടാതെ കുടുംബശ്രീ യൂണിറ്റുകളുടെ ഉല്പ്പന്നങ്ങള് പ്രാദേശിക അടിസ്ഥാനത്തില് ചെറുകിട കച്ചവടക്കാര് മുഖേനയും വിപണനം നടത്തുന്നുണ്ട്.
വിപണിയിലെ മാറ്റങ്ങള്ക്കും ഉപഭോക്താവിന്റെ താല്പ്പര്യങ്ങള്ക്കും അനുസൃതമായി ഉല്പാദന രംഗത്തും വിപണന രംഗത്തും കൂടുതല് മെച്ചപ്പെട്ട പ്രവര്ത്തനങ്ങള് നടപ്പാക്കുന്നതിന്റെ ഭാഗമായാണ് റീട്ടെയില് രംഗത്ത് ചുവടുറപ്പിക്കുന്നത്. കുടുംബശ്രീ ഏകികൃത ബ്രാന്ഡില് പുറത്തിറക്കിയിട്ടുള്ള കറിപൗഡറുകള്, പുട്ടുപൊടി, അപ്പപ്പൊടി, സാമ്പാര് മസാല, ചിക്കന് മസാല, വെജ് മസാല, മുളക്പൊടി, മല്ലിപ്പൊടി, മഞ്ഞള്പ്പൊടി, ചിപ്സ്, ശര്ക്കര വരട്ടി തുടങ്ങിയ ഉല്പന്നങ്ങളോടൊപ്പം ഓരോ ജില്ലയിലെയും സംരംഭകര് ഉല്പാദിപ്പിക്കുന്ന മികച്ച ഉല്പന്നങ്ങളുമാണ് ആദ്യഘട്ടത്തില് ഡിസ്ട്രിബ്യൂഷന് ഏജന്സികള് വഴി വിപണനത്തിന് തെരഞ്ഞെടുത്തിട്ടുള്ളത്.
കൂടാതെ ‘കെ ഇനം’ എന്ന പുതിയ ബ്രാന്ഡില് ആഗോള വിപണിയിലെത്തിച്ച കുടുംബശ്രീയുടെ വിവിധ കാര്ഷിക ഭക്ഷ്യവിഭവങ്ങളും റീട്ടെയില് വിപണനത്തിന് തെരഞ്ഞെടുത്തിട്ടുണ്ട്. രാജ്യത്തെ പ്രമുഖ കാര്ഷിക വ്യാവസായിക സാങ്കേതിക ഗവേഷണ സ്ഥാപനങ്ങളായ ഇന്ഡ്യന് കൗണ്സില് ഓഫ് അഗ്രികള്ച്ചര് റിസര്ച്ച് (ഐസിഎആര്), കൗണ്സില് ഓഫ് സയന്റിഫിക് ആന്ഡ് ഇന്ഡസ്ട്രിയല് റിസര്ച്ച് (സിഎസ്ഐആര്), നാഷണല് ഇന്സ്റ്റിറ്റ്യൂട്ട് ഓഫ് ഫുഡ് ടെക്നോളജി, കാര്ഷിക സര്വകലാശാലകള് എന്നിവിടങ്ങളില് നിന്നും നേടിയ നിയമാനുസൃത ലൈസന്സുള്ള 184 ഭക്ഷ്യസാങ്കേതിക വിദ്യകള് ഉപയോഗിച്ചാണ് ‘കെ-ഇനം’ ബ്രാന്ഡില് മുപ്പതോളം ഭക്ഷ്യ ഉല്പന്നങ്ങളുടെ വിപുലമായ ശ്രേണി തയ്യാറാക്കിയിട്ടുള്ളത്. സമ്പുഷ്ടീകരിച്ച ഭക്ഷണങ്ങള്, പോഷകാഹാര കേന്ദ്രികൃത മിശ്രിതങ്ങള്. സംസ്ക്കരിച്ച പഴങ്ങളും പച്ചക്കറികളും, കാലാവസ്ഥയെ പ്രതിരോധിക്കുന്ന ഭക്ഷണങ്ങള്, ആരോഗ്യകരമായ ലഘുഭക്ഷണങ്ങള് എന്നിവയാണ് ഇതില് ഉള്പ്പെടുക. കുടുംബശ്രീ ടെക്നോളജി അഡ്വാന്സ്മെന്റ് പ്രോഗ്രാം (കെ-ടാപ്) പദ്ധതിയുടെ ഭാഗമായി തയ്യാറാക്കിയ ഉല്പ്പന്നങ്ങളാണിവയെന്നും മന്ത്രി പറഞ്ഞു.
ഓള് കേരള ഡിസ്ട്രിബ്യൂട്ടേഴ്സ് അസോസിയേഷനില് അംഗങ്ങളായ 5000-ലേറെ ഡിസ്ട്രിബ്യൂട്ടര്മാരുടെ സഹകരണത്തോടെ ബഹുരാഷ്ട്ര കമ്പനികള്ക്കൊപ്പം കേരളത്തിന്റെ റീട്ടെയില് രംഗത്ത് ശക്തമായ സാന്നിദ്ധ്യമാകാന് കുടുംബശ്രീക്ക് കഴിയും. ഇതിലൂടെ കുടുംബശ്രീ സംരംഭകരുടെ ഉപജീവന പ്രവര്ത്തനവും ജീവിത നിലവാരവും മെച്ചപ്പെടുത്തുന്നതോടൊപ്പം പ്രാദേശിക സാമ്പത്തിക വികസനം സാധ്യമാക്കാനും കഴിയുമെന്നും മന്ത്രി കൂട്ടിച്ചേര്ത്തു.
Recent Comments