by Midhun HP News | Jan 3, 2025 | Latest News, ജില്ലാ വാർത്ത
ആറ്റിങ്ങൽ പൊന്നറ ദേവീക്ഷേത്രത്തിലെ കാളിയൂട്ട് മഹോത്സവം 2025 മാർച്ച് 14 മുതൽ 21 വരെയുള്ള തീയതികളിലാണ് നടക്കുക. ചരിത്ര പ്രാധാന്യവും നൂറ്റാണ്ടുകളുടെ പാരമ്പര്യവും ഉൾക്കൊള്ളുന്നതാണ് ആറ്റിങ്ങൽ പൊന്നറ ശ്രീ ഭദ്രകാളി ദേവീ ക്ഷേത്രത്തിൻ്റെ ഐതിഹ്യം. മൂന്നുവർഷത്തിലൊരിക്കൽ നടക്കുന്ന കാളിയൂട്ട് ഉത്സവം ഈ നാടിൻ്റെ ആകെ ഉത്സവ മായിട്ടാണ് ആഘോഷിച്ചു വരുന്നത്. കോവീഡ് മഹാമാരിയെ തുടർന്ന് കഴിഞ്ഞ തവണത്തെ കാളിയൂട്ട് ഉത്സവം നടത്തിയിരുന്നില്ല. അങ്ങനെ 6 വർഷങ്ങൾക്കു ശേഷമാണ് ഇവിടെ കാളിയൂട്ട് ഈ വർഷം നടത്തുന്നത്.
by Midhun HP News | Jan 3, 2025 | Latest News, കേരളം
കാസര്കോട്: പെരിയ ഇരട്ടക്കൊലക്കേസില് പ്രതികള്ക്ക് വധശിക്ഷ ലഭിക്കുമെന്ന് പ്രതീക്ഷിച്ചിരുന്നതായി കൊല്ലപ്പെട്ട കൃപേഷിന്റെ അച്ഛന് കൃഷ്ണനും ശരത്ലാലിന്റെ സഹോദരി അമൃതയും മാധ്യമങ്ങളോട് പറഞ്ഞു. വിധിയില് പൂര്ണ തൃപ്തരല്ല. ഒന്നുമുതല് എട്ടുവരെയുള്ള പ്രതികള്ക്ക് വധശിക്ഷ ലഭിക്കുമെന്നായിരുന്നു കരുതിയത്. അതുണ്ടായില്ല. നാല് പ്രതികള്ക്ക് അഞ്ച് വര്ഷം മാത്രമാണ് ശിക്ഷ ലഭിച്ചത്. ഇതിനെതിരെ അപ്പീല് നല്കുമെന്നും പിതാവ് മാധ്യമങ്ങളോട് പറഞ്ഞു.
എല്ലാ പ്രതികള്ക്കും വധശിക്ഷ ലഭിക്കണമെന്നായിരുന്നു പ്രോസിക്യൂഷന് വാദം. പ്രതികള്ക്ക് ഇരട്ട ജീവപര്യന്തമായതില് സന്തോഷം ഉണ്ട്. മുന് എംഎല്എ ഉള്പ്പടെയുള്ള നാല് പ്രതികള്ക്ക് അഞ്ച് വര്ഷം മാത്രമാണ് ശിക്ഷ ലഭിച്ചത്. ഇവര്ക്ക് കൂടി ജീവപര്യന്തം ലഭിക്കണം. പാര്ട്ടിയുമായി ആലോചിച്ച് ഇതിനെതിരെ അപ്പീല് നല്കുമെന്ന് കൃപേഷിന്റെ അച്ഛന് പറഞ്ഞു.
വിധിയില് പൂര്ണ പൂര്ണ തൃപ്തരല്ലെന്ന് ശരത്ലാലിന്റെ സഹോദരി പറഞ്ഞു. പ്രതീക്ഷിച്ച പരാമവധി ശിക്ഷ ലഭിച്ചില്ല. ഒന്നുമുതല് എട്ടുവരെയുള്ള പ്രതികള്ക്ക് വധശിക്ഷ ലഭിക്കുമെന്നായിരുന്നു കരുതിയത്. ശിക്ഷ കുറഞ്ഞുപോയി. അവര് തിരിച്ച് നാട്ടിലെത്തിയാല് ഇത് ആവര്ത്തിക്കും. ഇനി ആര്ക്കും ഇത്തരമൊരു അവസ്ഥ ഉണ്ടാകരുതെന്നും അമൃത പറഞ്ഞു.
പെരിയ ഇരട്ടക്കൊല കേസില് കൊലപാതകത്തില് നേരിട്ട് പങ്കെടുത്ത ഒന്നു മുതല് എട്ട് പ്രതികള്ക്ക് കൊച്ചിയിലെ പ്രത്യേക സിബിഐ കോടതി ഇരട്ട ജീവപര്യന്തം ശിക്ഷ വിധിച്ചു. ഗൂഢാലോചനയില് പങ്കെടുത്ത 10, 15 പ്രതികള്ക്കും ഇരട്ട ജീവപര്യന്തം തടവു ശിക്ഷ വിധിച്ചു. ഇവര്ക്ക് ഒരു ലക്ഷം രൂപ പിഴയും വിധിച്ചു. മുന് എംഎല്എ കെ വി കുഞ്ഞിരാമന് അടക്കം നാലു പ്രതികള്ക്ക് അഞ്ചു വര്ഷം തടവും വിധിച്ചു. ജസ്റ്റിസ് എന് ശേഷാദ്രിനാഥന് ആണ് വിധി പ്രസ്താവിച്ചത്.
ഒന്നു മുതല് എട്ടുവരെ പ്രതികളായ എ പീതാംബരന്, സജി സി ജോര്ജ്, കെ എം സുരേഷ്, കെ അനില്കുമാര് (അബു), ഗിജിന്, ആര് ശ്രീരാഗ് (കുട്ടു), എ അശ്വിന് (അപ്പു), സുബീഷ് (മണി), പത്താം പ്രതി ടി രഞ്ജിത്ത്(അപ്പു), 15ാം പ്രതി എ സുരേന്ദ്രന് (വിഷ്ണു സുര) എന്നിവര്ക്കാണ് ഇരട്ട ജീവപര്യന്തം ശിക്ഷ ലഭിച്ചത്.
തെളിവ് നശിപ്പിക്കുകയും പ്രതികളെ സഹായിക്കുകയും ചെയ്തതിന്, 14ാം പ്രതി സിപിഎം ജില്ലാ കമ്മിറ്റി അംഗം കെ മണികണ്ഠന്, 20ാം പ്രതി മുന് എംഎല്എ കെ വി കുഞ്ഞിരാമന്, 21ാം പ്രതി, സിപിഎം മുന് ലോക്കല് കമ്മിറ്റി സെക്രട്ടറി രാഘവന് വെളുത്തോളി (രാഘവന്നായര്), 22ാം പ്രതി, മുന് ലോക്കല് കമ്മിറ്റി അംഗം കെ വി ഭാസ്കരന് എന്നിവര്ക്കാണ് അഞ്ചു വര്ഷം തടവുശിക്ഷ ലഭിച്ചത്.കേസില് സിപിഎം നേതാക്കള് അടക്കം 14 പ്രതികള് കുറ്റക്കാരാണെന്നാണ് കോടതി കണ്ടെത്തിയിരുന്നു. പത്ത് പ്രതികള്ക്കെതിരെ വധശിക്ഷ വരെ കിട്ടാവുന്ന കുറ്റങ്ങളാണ് ചുമത്തിയിരുന്നത്.
by Midhun HP News | Jan 3, 2025 | Latest News, കേരളം
കൊച്ചി: കാസര്കോട് പെരിയ ഇരട്ടക്കൊല കേസില് കൊലപാതകത്തില് നേരിട്ട് പങ്കെടുത്ത ഒന്നു മുതല് എട്ട് പ്രതികള്ക്ക് ഇരട്ട ജീവപര്യന്തം ശിക്ഷ. ഗൂഢാലോചനയില് പങ്കെടുത്ത 10, 15 പ്രതികള്ക്കും ഇരട്ട ജീവപര്യന്തം തടവു ശിക്ഷ വിധിച്ചു. ഇവർക്ക് രണ്ടു ലക്ഷം രൂപ പിഴയും വിധിച്ചു. മുന് എംഎല്എ കെ വി കുഞ്ഞിരാമന് അടക്കം നാലു പ്രതികള്ക്ക് അഞ്ചു വര്ഷം തടവും വിധിച്ചു. ഇവർക്ക് പതിനായിരം രൂപ പിഴയും വിധിച്ചിട്ടുണ്ട്.
കൊച്ചിയിലെ പ്രത്യേക സിബിഐ കോടതി ജഡ്ജി എന് ശേഷാദ്രിനാഥന് ആണ് വിധി പ്രസ്താവിച്ചത്. ഒന്നു മുതൽ എട്ടുവരെ പ്രതികളായ എ പീതാംബരൻ, സജി സി ജോർജ്, കെ എം സുരേഷ്, കെ അനിൽകുമാർ (അബു), ഗിജിൻ, ആർ ശ്രീരാഗ് (കുട്ടു), എ അശ്വിൻ (അപ്പു), സുബീഷ് (മണി), പത്താം പ്രതി ടി രഞ്ജിത്ത്(അപ്പു), 15–ാം പ്രതി എ സുരേന്ദ്രൻ (വിഷ്ണു സുര) എന്നിവർക്കാണ് ഇരട്ട ജീവപര്യന്തം ശിക്ഷ ലഭിച്ചത്.
തെളിവ് നശിപ്പിക്കുകയും പ്രതികളെ സഹായിക്കുകയും ചെയ്തതിന്, 14–ാം പ്രതി സിപിഎം ജില്ലാ കമ്മിറ്റി അംഗം കെ മണികണ്ഠൻ, 20–ാം പ്രതി മുൻ എംഎൽഎ കെ വി കുഞ്ഞിരാമൻ, 21–ാം പ്രതി, സിപിഎം മുൻ ലോക്കൽ കമ്മിറ്റി സെക്രട്ടറി രാഘവൻ വെളുത്തോളി (രാഘവൻനായർ), 22–ാം പ്രതി, മുൻ ലോക്കൽ കമ്മിറ്റി അംഗം കെ വി ഭാസ്കരൻ എന്നിവർക്കാണ് അഞ്ചു വർഷം തടവുശിക്ഷ ലഭിച്ചത്.
പ്രതികളുടെ ജാമ്യം കോടതി റദ്ദാക്കിയിട്ടുണ്ട്. കേസില് സിപിഎം നേതാക്കള് അടക്കം 14 പ്രതികള് കുറ്റക്കാരാണെന്നാണ് കോടതി കണ്ടെത്തിയിരുന്നു. പത്ത് പ്രതികള്ക്കെതിരെ വധശിക്ഷ വരെ കിട്ടാവുന്ന കുറ്റങ്ങളാണ് ചുമത്തിയിരുന്നത്.
രാവിലെ 11 ന് കോടതി ശിക്ഷയില് വാദം കേട്ടിരുന്നു. പ്രതികള്ക്ക് പരമാവധി ശിക്ഷ നല്കണമെന്ന് സിബിഐ ആവശ്യപ്പെട്ടു. സ്ഥിരം കുറ്റവാളികള് അല്ലെന്നും, അതിനാല് വധശിക്ഷ പോലെ പരമാവധി ശിക്ഷ നല്കരുതെന്ന് പ്രതിഭാഗം ആവശ്യപ്പെട്ടു. കുറ്റകൃത്യം അപൂര്വങ്ങളില് അപൂര്വമല്ല. പ്രതികള്ക്ക് മാനസാന്തരത്തിന് സാധ്യതയുണ്ട്. അതിനാല് ശിക്ഷയില് പരമാവധി ഇളവ് നല്കണമെന്നും പ്രതിഭാഗം ആവശ്യപ്പെട്ടു.
സിപിഎം നേതാവും ഉദുമ മുന് എംഎല്എയുമായ കെ വി കുഞ്ഞിരാമന്, ഉദുമ സി പി എം മുന് ഏരിയ സെക്രട്ടറി കെ മണികണ്ഠന് ഉള്പ്പെടെ 14 പ്രതികള് കുറ്റക്കാരാണെന്നാണ് കോടതി കഴിഞ്ഞ ദിവസം കണ്ടെത്തിയത്. ആറു വര്ഷം നീണ്ട നിയമപോരാട്ടത്തിനും, 20 മാസത്തോളം നീണ്ട വിചാരണയ്ക്കും ഒടുവിലാണ് കോടതിയുടെ വിധി പ്രസ്താവം.
by Midhun HP News | Jan 3, 2025 | Latest News, ജില്ലാ വാർത്ത
ആറ്റിങ്ങൽ: ഗ്രാഫിക് ഡിസൈനിങ് കോഴ്സ് കഴിഞ്ഞവർക്ക് സൗജന്യ പരിശീലനത്തോടൊപ്പം പ്രമുഖ അഡ്വെർടൈസിങ് കമ്പനിയിൽ ജോലി. താല്പര്യമുള്ളവർക്ക് താഴെ കാണുന്ന നമ്പറിൽ ബന്ധപ്പെടാം.
മൊബൈൽ നമ്പർ: 9995123200
by Midhun HP News | Jan 3, 2025 | Latest News, കേരളം
കോട്ടയം: കാർട്ടൂണിസ്റ്റ് ജോർജ് കുമ്പനാട് (എ വി ജോർജ്) അന്തരിച്ചു. 94 വയസ്സായിരുന്നു. രാവിലെ 9.30നായിരുന്നു അന്ത്യം. വാര്ധക്യ സഹജമായ അസുഖങ്ങളെ തുടർന്ന് തിരുവല്ല കുമ്പനാട് മാര്ത്തോമ ഫെല്ലോഷിപ്പ് ആശുപത്രിയില് ചികിത്സയിലായിരുന്നു.
മലയാളികളുടെ മനസ്സിൽ ചിരപ്രതിഷ്ഠ നേടിയ ഉപ്പായി മാപ്ല എന്ന കാര്ട്ടൂണ് കഥാപാത്രത്തെ സ്യഷ്ടിച്ചത് ജോർജ് കുമ്പനാടാണ്. കേരള ധ്വനിയിൽ ജോർജ് വരച്ച ഈ കാർട്ടൂൺ കാരക്ടറിനെ പിന്നീട് ടോംസ്, മന്ത്രി , കെ എസ് രാജൻ തുടങ്ങിയ കാർട്ടൂണിസ്റ്റുകൾ തങ്ങളുടെ, ബോബനും മോളിയും, പാച്ചുവും കോവാലനും, ലാലു ലീല തുടങ്ങിയ കാർട്ടൂൺ പംക്തികളിൽ ഉപയോഗിച്ചിരുന്നു.
by Midhun HP News | Jan 3, 2025 | Latest News, ജില്ലാ വാർത്ത
മണ്ഡലകാലം നന്നായി പൂർത്തിയാക്കാൻ കഴിഞ്ഞത് എല്ലാവരുടെയും പിന്തുണ ലഭിച്ചതിനാലെന്ന് തിരുവിതാംകൂർ ദേവസ്വം ബോർഡ് പ്രസിഡൻ്റ് പി എസ് പ്രശാന്ത്. 32,49,756 ഭക്തർ മണ്ഡലകാലത്ത് എത്തി. ഇത് കഴിഞ്ഞ വർഷം 28, 42, 447 ആയിരുന്നു. കഴിഞ്ഞ വർഷത്തെക്കാൾ 4,07,309 ഭക്തർ കൂടുതൽ ഇക്കൊല്ലം എത്തി. 297,06,67,679 കോടി ആകെ വരുമാനം.
കഴിഞ്ഞ വർഷം 214,82,87,898 കോടി ആയിരുന്നു ആകെ വരുമാനം. 82, 23, 79 781 കോടിയുടെ അധിക വരുമാനം ഉണ്ടായി. 101, 95, 71 4 10 കോടി രൂപ അരവണ വിതരണത്തിലൂടെ ലഭിച്ചു. 124, 02,30, 950 കോടി രൂപയാണ് കഴിഞ്ഞ വർഷം ലഭിച്ചത്. 22,06, 59 540 കോടി രൂപ അധികമായി ലഭിച്ചു. 80, 25,74,567 – ഇത്തവണ കാണിക്കയായി ലഭിച്ചു. കഴിഞ്ഞ തവണ കാണിക്ക 66, 97 , 28562 രൂപയായിരുന്നു.13 കോടിയുടെ അധിക വരുമാനം കാണിക്കയിൽ ലഭിച്ചു.
കാലാനുസൃതമായ മാറ്റം എല്ലാ മേഖലയിലും ലഭിക്കണം. ക്ഷേത്രത്തിലെ വസ്ത്ര ധാരണം സംബന്ധിച്ച് ആരോഗ്യകരമായ ചർച്ച നടക്കട്ടെ. എല്ലാവരുമായി ചർച്ച നടത്തണമെന്നും പി എസ് പ്രശാന്ത് അറിയിച്ചു.പല ക്ഷേത്രങ്ങളിൽ പല ആചാരണങ്ങളാണ്.
അവയനുസരിച്ചാണ് അവർ മുന്നോട്ടുപോകുന്നത്. ഇക്കാര്യത്തിൽ എല്ലാ ദേവസ്വങ്ങളുമായി ചേർന്ന് ഒരു അഭിപ്രായ സ്വരൂപീകരണം തേടാമെന്നും തങ്ങളോട് ചോദിച്ചാൽ തീർച്ചയായും അഭിപ്രായം പറയുമെന്നും പി എസ് പ്രശാന്ത് പറഞ്ഞു.
Recent Comments