by Midhun HP News | Oct 30, 2026 | Latest News, ജില്ലാ വാർത്ത, സിനിമ
മലയാളികളുടെ പ്രിയപ്പെട്ട യുവതാരങ്ങളിലൊരാളാണ് സംഗീത് പ്രതാപ്. ‘പ്രേമലു’ എന്ന ചിത്രത്തിൽ അമൽ ഡേവിസ് ആയെത്തിയാണ് സംഗീത് മലയാളികളുടെ ഹൃദയം കീഴടക്കിയത്. അഭിനയത്തിലും എഡിറ്റിങ്ങിലും ഒരുപോലെ തിളങ്ങി നിൽക്കുന്ന സംഗീത് തന്റെ കരിയറിലെ ഏറ്റവും മികച്ച ഘട്ടത്തിലൂടെയാണ് കടന്നു പോകുന്നത്.
വ്യക്തിജീവിതത്തിലും വളരെ സന്തോഷകരമായ ഘട്ടത്തിലാണ് സംഗീതിപ്പോൾ. തങ്ങളും ആദ്യത്തെ കൺമണിയെ വരവേല്ക്കാനുള്ള തയ്യാറെടുപ്പിലാണ് സംഗീതും ഭാര്യ ആൻസിയും. മെറ്റേണിറ്റി ഫോട്ടോഷൂട്ടിനൊപ്പം വൈകാരികമായ ഒരു കുറിപ്പും പങ്കുവച്ചിരിക്കുകയാണ് സംഗീതിപ്പോൾ. “കൗണ്ട്ഡൗൺ തുടങ്ങി കഴിഞ്ഞു, തിയറ്റർ ഒരുങ്ങിക്കഴിഞ്ഞു,
ഏറ്റവും പ്രിയപ്പെട്ട താരം വളരെ വേഗം തന്നെ പ്രീമിയറിലേക്ക് എത്തുന്നു. ഞങ്ങളുടെ ഏറ്റവും വലിയ കഥയ്ക്ക് പിന്നിൽ ലോകത്തിലെ എന്റെ ഏറ്റവും പ്രിയപ്പെട്ട പെൺകുട്ടിയുണ്ട്, നീ എന്താണോ, ഞങ്ങൾക്ക് നീ എന്തൊക്കെ നൽകിയോ – അതിനെല്ലാം നന്ദി”.- എന്നാണ് സംഗീത് കുറിച്ചത്. ആരാധകരും താരങ്ങളുമടക്കം നിരവധി പേരാണ് സംഗീതിനും ആൻസിക്കും ആശംസകൾ നേരുന്നത്. നടൻമാരായ നസ്‌ലിൻ, മാത്യു തോമസ്, രാജേഷ് മാധവൻ തുടങ്ങി നിരവധി താരങ്ങളും ഇരുവർക്കും ആശംസകൾ അറിയിച്ചിട്ടുണ്ട്. ‘ബെത്‌ലഹേം കുടുംബ യൂണിറ്റ്’ ആണ് സംഗീത് അഭിനയിച്ച് ഒടുവിൽ തിയറ്ററുകളിലെത്തിയ ചിത്രം. മമിത ബൈജുവിനൊപ്പമുള്ള ‘ഹലോ ഡിയർ’ ആണ് സംഗീതിന്റേതായി ആരാധകർ കാത്തിരിക്കുന്ന ചിത്രം.
by Midhun HP News | Oct 30, 2026 | Latest News, സിനിമ
സോഷ്യല്‍ മീഡിയയില്‍ നിറഞ്ഞു നില്‍ക്കുകയാണ് ദിയ കൃഷ്ണ. കേരളത്തിനെതിരെയുള്ള വിദ്വേഷ വിഡിയോയിലെ ദിയയുടെ കമന്റും പിന്നാലെയുള്ള പ്രതികരണങ്ങളുമെല്ലാം വലിയ വിവാദമായി മാറിയിരുന്നു. ദിയയുടെ മുന്‍ പ്രതികരണങ്ങളും വിവാദ വ്‌ളോഗറുടെ വിഡിയോകള്‍ക്ക് പിന്തുണ നല്‍കിയതുമെല്ലാം സോഷ്യല്‍ മീഡിയ കുത്തിപ്പൊക്കുന്നുണ്ട്.
ഇതിനിടെ തന്റെ കുഞ്ഞിനെക്കുറിച്ചുള്ളൊരു കമന്റിന് ദിയ നല്‍കിയ മറുപടിയും ശ്രദ്ധ നേടുകയാണ്. ദിയയുടെ പുതിയ വ്‌ളോഗിലായിരുന്നു ഒരാള്‍ മകന്‍ ഓമിയെ അവഹേളിക്കുന്ന കമന്റുമായെത്തിയത്. നവീന്‍ പ്രേം എന്നയാളൂടേതായിരുന്നു വിവാദ കമന്റ്.
”ദിയ ഒരു സത്യം പറയട്ടെ. ഓമിയെ കാണാന്‍ അങ്ങനെ പറയത്തക്ക ഭംഗിയൊന്നും ഇല്ല. ഏതൊരു കുഞ്ഞുമക്കള്‍ക്കും ഉള്ള ഒരു നിഷ്‌കളങ്കത മാത്രേ ഉള്ളു. ബാക്കി കുഞ്ഞുങ്ങളെ പറ്റി പറയുമ്പോ ഇതും കൂടെ ആലോചിക്കണം” എന്നായിരുന്നു കമന്റ്. പിന്നാലെ ദിയ മറുപടിയുമായെത്തുകയായിരുന്നു.
”എനിക്ക് ഏറ്റവും ഭംഗിയുള്ള കുഞ്ഞ് എന്റെ കുഞ്ഞാണ്. എല്ലാ അമ്മമാര്‍ക്കും തങ്ങളുടെ കുഞ്ഞായിരിക്കും ഏറ്റവും നല്ലത്. പക്ഷെ നിങ്ങളുടെ കേസില്‍ മിസ്റ്റര്‍ നവീന്‍, നിങ്ങളുടെ വീട്ടിലെ കുഞ്ഞിന്റെ കാര്യത്തില്‍ അസ്വസ്ഥനാണെന്ന് തോന്നുന്നു. പോയി ഒരു സൈക്യാര്‍ട്ടിസ്റ്റിന്റെ സഹായം തേടൂ. നിങ്ങളുടെ നെഗറ്റീവ് എനര്‍ജിയും അസ്വസ്ഥയും ഒഴിവാക്കൂ. ജീവിക്കൂ, ജീവിക്കാന്‍ അനുവദിക്കൂ” എന്നായിരുന്നു ദിയയുടെ മറുപടി.
പിന്നാലെ നിരവധി പേരാണ് ദിയയ്ക്ക് പിന്തുണയുമായെത്തുന്നത്. ഒരു പിഞ്ചു കുഞ്ഞിനെക്കുറിച്ച് ഇത്തരം കമന്റിടുന്നത് ശരിയല്ലെന്നാണ് സോഷ്യല്‍ മീഡിയ പറയുന്നത്. ദിയയോടുള്ള അമര്‍ഷവും വിയോജിപ്പും കുഞ്ഞിനോട് തീര്‍ക്കരുതെന്നും സോഷ്യല്‍ മീഡിയ പറയുന്നു. ദിയയുടേയും അശ്വിന്റേയും മകനായ ഓമി എന്ന നിയോം സോഷ്യല്‍ മീഡിയയ്ക്ക് സുപരിചിതനാണ്.
by Midhun HP News | Oct 27, 2026 | Latest News, സിനിമ
ഞെട്ടലോടെയാണ് മലയാളികള്‍ കലാഭവന്‍ നവാസിന്റെ മരണ വാര്‍ത്ത കേട്ടത്. സ്‌റ്റേജ് ഷോകളിലൂടേയും ടെലിവിഷന്‍ പരിപാടികളിലൂടേയും സിനിമകളിലൂടേയുമൊക്കെയായി മലയാളി ജീവിതത്തിന്റെ ഭാഗമായിരുന്നു കലഭാവന്‍ നവാസ്. കരിയറില്‍ തിരിച്ചുവരവ് നടത്തുന്നതിനിടെയാണ് അദ്ദേഹത്തെ തേടി മരണമെത്തുന്നത്.
ഇന്ന് നവാസിന്റേയും രഹ്നയുടേയും 24-ാം വിവാഹ വാര്‍ഷികമാണ്. എന്നാല്‍ അത് ആഘോഷിക്കാന്‍ ഇന്ന് രഹ്നയ്‌ക്കൊപ്പം നവാസില്ല. വിവാഹ വാര്‍ഷികദിനത്തില്‍ രഹ്ന പങ്കുവച്ച കുറിപ്പ് ഉള്ളിലൊരു വേദനയായി മാറുകയാണ്. എല്ലാ വിവാഹ വാര്‍ഷികത്തിനും ഇരുവരും ഒരുമിച്ച് തൈ നടുമായിരുന്നു. ഇത്തവണ താന്‍ ഒറ്റയ്ക്ക് നട്ടുവെന്നാണ് രഹ്ന പറയുന്നത്. ആ കുറിപ്പിലേക്ക്:
”ഇന്ന് ഞങ്ങളുടെ വിവാഹ വാര്‍ഷികം ആണ്. നവാസ്‌ക്കയുടെ ആത്മാവിന്റെ കൈ പിടിച്ച് ഇന്നും ഞാന്‍ തൈ നട്ടു , വര്‍ഷങ്ങളായി ചെയ്തു വരുന്നത് കൊണ്ട് ചെയ്യാതിരിക്കാനും പറ്റുന്നില്ല. മനസ്സിന്റെ വിഷമം കാരണം ചെയ്യാനും പറ്റുന്നില്ല. ചില സമയത്ത് വിധി നമ്മുടെ ഹൃദയത്തെ കീറിമുറിക്കും ഈശ്വരന്‍ അത് ഹീല്‍ ആക്കും, പക്ഷെ ആ പാടുകള്‍ നമ്മുടെ മനസ്സില്‍ അങ്ങനെ കിടക്കും.
ഞാനും മക്കളും നടുക്കടലില്‍ പെട്ട അവസ്ഥയാണ് എത്രനേരം നടുക്കടലില്‍ പിടിച്ചു നില്‍ക്കാന്‍ പറ്റും എന്ന് എനിക്കറിയില്ല. നവാസ്‌ക്ക പോയി ഇത്രയും നാളായിട്ടും ആര്‍ക്കും ഒരു ബാധ്യതയും ആയിട്ടില്ല. അത് പടച്ചവന്‍ എന്നെ ഒന്ന് താങ്ങിപിടിച്ചതുകൊണ്ടാണ്. മരണം വരെ ആരില്‍ നിന്നും ഒന്നും വാങ്ങാതെ ഇങ്ങനെ തന്നെ മുന്നോട്ടുപോണം എന്നാണ് ആഗ്രഹം, അതിനു ഞാന്‍ ജോലി ചെയ്‌തേ പറ്റൂ”.
പിന്നാലെ കമന്റുകളുമായി നിരവധി പേര്‍ കമന്റുമായെത്തിയിട്ടുണ്ട്. ‘തൊടാന്‍ പറ്റില്ല എന്നെ ഉള്ളൂ. കൂടെ ഉണ്ടാവും. കാണാന്‍ പറ്റില്ല എന്നെ ഉള്ളൂ. നമ്മളെ കണ്ടു കൊണ്ട് ഇരിക്കുന്നുണ്ടാവും. ആ ഒരു ഫീല്‍. ആ ഓര്‍മ്മയില്‍ ജീവിക്കുന്നവര്‍ക്ക് അറിയാം, റബ്ബ് എല്ലാത്തിനും ഉള്ള ധൈര്യം തരട്ടെ ഇത്താക്ക്, ജീവിതം അങ്ങനെ ആണ് ചേച്ചി പലര്‍ക്കും പല വേദനകള്‍ അസുഖം മരണം അങ്ങനെ അങ്ങനെ ഒരു നീണ്ട ലിസ്റ്റ്… എല്ലാരും ഓരോ പ്രശ്‌നത്തില്‍ പെട്ടു അലയുക ആണ്.. എന്താ ചെയുക ജീവിച്ചല്ലേ പറ്റു. ജീവിക്കണം ജീവിക്കണം. ജന്മം തീരുന്നവരെ. സംഭവിച്ചത് എല്ലാം ഓരോ വിധി ആണ്. ഒന്നും നമ്മുടെ കയ്യില്‍ അല്ല… എല്ലാം ഫേസ് ചെയ്യണം’ എന്നിങ്ങനെയാണ് കമന്റുകള്‍.
by Midhun HP News | Oct 24, 2026 | Latest News, ജില്ലാ വാർത്ത, സിനിമ
ബെത്‌ലഹേം കുടുംബ യൂണിറ്റെന്ന ഇന്‍ഡസ്ട്രി ഹിറ്റിന് പിന്നാലെ പുതിയ ചിത്രവുമായി ഭാവന സ്റ്റുഡിയോസ്. ഫഹദ് ഫാസില്‍ നായകനായ കരാട്ടെ ചന്ദ്രന്‍ ആണ് ഭാവനയുടെ പുതിയ സിനിമ. നാളുകളായി ആരാധകര്‍ കാത്തിരിക്കുന്ന ചിത്രമാണ് കരാട്ടെ ചന്ദ്രന്‍. ഭാവനാ സ്റ്റുഡിയോസിന്റെ ബാനറില്‍ ദിലീഷ് പോത്തന്‍, ഫഹദ് ഫാസില്‍, ശ്യാം പുഷ്‌കരന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
‘മഹേഷിന്റെ പ്രതികാരം’ മുതല്‍ ദിലീഷ് പോത്തന്റെ കോ-ഡയറക്ടര്‍ ആയിരുന്ന റോയ് സ്വതന്ത്ര സംവിധായകനാകുന്ന ആദ്യം ചിത്രം കൂടിയാണ് കരാട്ടെ ചന്ദ്രന്‍. എസ്. ഹരീഷും വിനോയ് തോമസും ചേര്‍ന്നാണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കുന്നത്. ഫഹദ് ഫാസിലിനൊപ്പം വലിയൊരു താരനിരയുമുണ്ട് ചിത്രത്തില്‍. വിജയരാഘവന്‍, ജോണി ആന്റണി, സുധീഷ്, രണ്‍ജി പണിക്കര്‍, ഗോകുല്‍ സുരേഷ്, സുരേഷ് കൃഷ്ണ, സ്പടികം ജോര്‍ജ്, മനോഹരി ജോയ്, ജയ കുറുപ്പ്, മഞ്ജുശ്രീ നായര്‍ എന്നിവരും ചിത്രത്തിലുണ്ട്.
ബാനര്‍: ഭാവനാ സ്റ്റുഡിയോസ്, നിര്‍മ്മാണം: ദിലീഷ് പോത്തന്‍, ഫഹദ് ഫാസില്‍, ശ്യാം പുഷ്‌കരന്‍, സംവിധാനം: റോയ്, രചന: എസ്. ഹരീഷ്, വിനോയ് തോമസ്, ഛായാഗ്രഹണം: രാകേഷ് ഹരിദാസ്, ചിത്രസംയോജനം: കിരണ്‍ ദാസ്, സംഗീതം: ജസ്റ്റിന്‍ വര്‍ഗീസ്, കലാസംവിധാനം: വിവേക് കളത്തില്‍, കോസ്റ്റ്യൂം: മഷര്‍ ഹംസ, മേക്കപ്പ്: റോണക്‌സ് സേവ്യര്‍, പ്രൊഡക്ഷന്‍ കണ്‍ട്രോളര്‍: ജംഷീര്‍ പുറക്കാട്ടിരി, വി.എഫ്.എക്‌സ്: എഗ്ഗ് വൈറ്റ് വിഎഫ്എക്‌സ്, ഡിസൈന്‍സ്: യെല്ലോ ടൂത്ത്, പി.ആര്‍.ഒ: ആതിര ദില്‍ജിത്ത്.
by Midhun HP News | Oct 21, 2026 | Latest News, ജില്ലാ വാർത്ത, സിനിമ
മലയാളികൾക്കിടയിലും തമിഴകത്തും ഒട്ടേറെ ആരാധകരുള്ള നടൻമാരിലൊരാളാണ് സുരാജ് വെഞ്ഞാറമൂട്. തമിഴ് സിനിമാ നിർമാതാവ് കണ്ണൻ രവി തന്റെ മകന്റെ വിവാഹത്തിന് സുരാജിനെ നേരിട്ട് വീട്ടിലെത്തി ക്ഷണിച്ചിരിക്കുകയാണ്. സുരാജിനെ വിവാഹത്തിന് ക്ഷണിക്കുന്ന വിഡിയോ കണ്ണൻ രവി സോഷ്യൽ മീഡിയയിൽ പങ്കുവെച്ചു.
തുറക്കുമ്പോൾ മയിൽപ്പീലി വിരിയുന്ന പെട്ടിക്കുള്ളിലാണ് ക്ഷണക്കത്ത്. ഇതിനൊപ്പം സമ്മാനങ്ങളുമുണ്ട്. കണ്ണൻ രവി കൈമാറിയ ക്ഷണക്കത്ത് സുരാജ് തുറന്നുനോക്കുന്നതായാണ് വിഡിയോയിലുള്ളത്. ‘ഇതുപോലൊരു ക്ഷണക്കത്ത് ഞാൻ കണ്ടിട്ടേയില്ല’ എന്നായിരുന്നു പെട്ടി തുറന്ന സുരാജിന്റെ പ്രതികരണം.
സുരാജ് തമിഴിലാണ് നിർമാതാവിനോട് സംസാരിക്കുന്നത്. കണ്ണൻ രവിയെ ചേർത്ത് നിർത്തി നന്ദി പറയുന്ന സുരാജിനെയും വിഡിയോയിൽ കാണാം. കണ്ണൻ രവി ക്ഷണിക്കാനായി എത്തിയപ്പോൾ സുരാജിന്റെ കുടുംബവും അടുത്തുണ്ടായിരുന്നു. കുടുംബസമേതം എല്ലാവരും വിവാഹസത്കാരത്തിന് എത്തണമെന്ന് കണ്ണൻ രവി അഭ്യർഥിച്ചു.
കണ്ണൻ രവിയുടെ മകൻ ദീപക് രവിയുടെ വിവാഹം നവംബർ ഒന്നിനാണ്. ഡിഎംകെ എംപി ഡിഎം കതിർ ആനന്ദിന്റെ മകൾ സെന്താമരൈ ആണ് വധു. ഒക്ടോബർ 28 മുതൽ നാലുദിവസം നീണ്ടുനിൽക്കുന്ന ആഘോഷങ്ങളാണ് വിവാഹത്തിനെന്നാണ് സൂചന. 28 ന് ഹൽദിയും മെഹന്ദിയും, 29 ന് സംഗീത്, 31 ന് വിവാഹസത്കാരം, നവംബർ ഒന്നിന് വിവാഹം എന്നിങ്ങനെ ചടങ്ങുകൾ നടക്കുമെന്നാണ് വധുവിന്റെയും വരന്റെയും പേരിലുള്ള വെബ്‌സൈറ്റിലുള്ളത്.
by Midhun HP News | Oct 20, 2026 | Latest News, കേരളം, സിനിമ
‘ജയിലർ 2’ വിൽ മറ്റു താരങ്ങൾക്കൊപ്പം തന്നെ കയ്യടി നേടുകയാണ് നടൻ സുരാജ് വെഞ്ഞാറമൂടും. ദിലീപ് എന്ന കഥാപാത്രമായാണ് സുരാജ് ചിത്രത്തിലെത്തിയത്. സുരാജിന്റെ പെർഫോമൻസിനെക്കുറിച്ച് നടി മിർണ മേനോൻ പറഞ്ഞ വാക്കുകളാണ് സോഷ്യൽ മീഡിയയിൽ ശ്രദ്ധേയമാകുന്നത്. ചിത്രത്തിൽ രജനികാന്തിന്റെ കഥാപാത്രമായ മുത്തുവേൽ പാണ്ഡ്യന്റെ മരുമകൾ ശ്വേത പാണ്ഡ്യനായാണ് മിർണ അഭിനയിച്ചത്.
സുരാജിന്റെ കണ്ണുകളിലൂടെയുള്ള അഭിനയപ്രകടനമാണ് ചിത്രത്തിൽ തന്നെ ഏറെ ആകർഷിച്ചതെന്ന് മിർണ പറയുന്നു. റിപ്പോർട്ടർ ഫിലിംസിന്റെ യൂട്യൂബ് ചാനലിൽ സംസാരിക്കുകയായിരുന്നു അദ്ദേഹം. “സുരാജേട്ടനും എനിക്കും ഡയറക്ട് കോമ്പിനേഷൻ സീനുകളില്ല. അട്ടപ്പാടിയിൽ ഷൂട്ട് ചെയ്യുന്ന സമയത്താണ് എല്ലാവരെയും കാണുന്നത്. അവിടെവെച്ചാണ് സുരാജേട്ടനാണ് ഈ കഥാപാത്രം ചെയ്യുന്നതെന്ന് അറിയുന്നത്.
സുരാജേട്ടന്റെ കണ്ണുകൾ ഏറ്റവും ഭംഗിയായി അവതരിപ്പിച്ചിരിക്കുന്നത് ഈ സിനിമയിലാണെന്ന് എനിക്ക് തോന്നുന്നു. അദ്ദേഹത്തിന്റെ ഐ എക്സ്പ്രഷനിലാണ് ആ കഥാപാത്രത്തിന്റെ ലൈഫ് ഉള്ളത്. ഇത്രയും എക്സ്പ്രസീവ് ആയ കണ്ണുകളാണോ എന്ന് നമുക്ക് തോന്നിപ്പോകും. അദ്ദേഹം അത്രയും വണ്ടർഫുൾ ആയിട്ടുള്ള നടനാണ്. നമുക്ക് എങ്ങനെയാണ് ഇങ്ങനെയൊക്കെ ചെയ്യാൻ കഴിയുന്നതെന്ന് തോന്നിപ്പോകും”.- മിർണ പറഞ്ഞു.
“മലയാളത്തിൽ സുരാജേട്ടൻ ചെയ്ത കഥാപാത്രങ്ങൾ തമ്മിൽ ഒരുപാട് വ്യത്യാസമുണ്ട്. കോമഡി കഥാപാത്രങ്ങളിൽ നിന്ന് നമ്മൾ ഇമാജിൻ ചെയ്യാൻ പോലും പറ്റാത്ത തരത്തിൽ ഗൗരവമുള്ള വേഷങ്ങൾ അടുത്തടുത്തായി ചെയ്യുന്നു. അതേസമയം, കോമഡി വേഷങ്ങൾ ചെയ്യുക എന്നത് ഏറ്റവും ബുദ്ധിമുട്ടുള്ള കാര്യമാണ്.
അതിൽ ദശമൂലം ദാമുവാണ് എന്റെ ഫേവറിറ്റ്. ദശമൂലം ദാമുവിനെ അവതരിപ്പിച്ച സുരാജേട്ടനെ നമ്മൾ ആക്ഷൻ ഹീറോ ബിജുവിലെ പൊലീസ് സ്റ്റേഷൻ സീക്വൻസിൽ കാണുമ്പോഴുള്ള ആ മാറ്റം ശ്രദ്ധിക്കണം. അപ്പോഴാണ് അദ്ദേഹം ഒരു എക്സ്ട്രാ ഓർഡിനറി ആർട്ടിസ്റ്റാണെന്ന് മനസിലാകുന്നത്.
Recent Comments