കോണ്‍ഗ്രസ് സാധ്യതാ പട്ടിക പുറത്ത്; രാഹുല്‍ മാങ്കൂട്ടത്തിലും അബ്ദുള്‍ റഷീദും പരിഗണനയില്‍

കോണ്‍ഗ്രസ് സാധ്യതാ പട്ടിക പുറത്ത്; രാഹുല്‍ മാങ്കൂട്ടത്തിലും അബ്ദുള്‍ റഷീദും പരിഗണനയില്‍

തിരുവനന്തപുരം: ലോക്‌സഭ തെരഞ്ഞെടുപ്പില്‍ കോണ്‍ഗ്രസ് സാധ്യതാ സ്ഥാനാര്‍ത്ഥി പട്ടികയില്‍ കെസി വേണുഗോപാലും, യൂത്ത് കോണ്‍ഗ്രസ് സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തിലും. ആലപ്പുഴയിലാണ് ഇരുവരുടേയും പേര് പരിഗണിക്കുന്നത്. മുന്‍ സിഡിസി പ്രസിഡന്റ് എഎ ഷുക്കൂറും പരിഗണനയിലുള്ളതായാണ് സൂചന.

കണ്ണൂരില്‍ കെ സുധാകരന്‍ മത്സരിക്കാനില്ലെന്ന് നിലപാട് അറിയിച്ചതോടെ, കെപിസിസി സെക്രട്ടറി അഡ്വ. കെ ജയന്ത്, വി പി അബ്ദുള്‍ റഷീദ് എന്നിവരാണ് പരിഗണനയിലുള്ളത്. സിറ്റിങ് എംപിമാരെയെല്ലാം അതാത് മണ്ഡലങ്ങളില്‍ നിലനിര്‍ത്തിയിട്ടുണ്ട്. കെ സുധാകരന്‍ മത്സരിക്കുന്നതില്‍ ഹൈക്കമാന്‍ഡാകും അന്തിമ തീരുമാനമെടുക്കുക.

സാധ്യതാ സ്ഥാനാര്‍ത്ഥി പട്ടിക ഇങ്ങനെയാണ്

തിരുവനന്തപുരം – ശശി തരൂര്‍

ആറ്റിങ്ങല്‍ – അടൂര്‍ പ്രകാശ്

പത്തനംതിട്ട – ആന്റോ ആന്റണി

മാവേലിക്കര – കൊടിക്കുന്നില്‍ സുരേഷ്

ആലപ്പുഴ – കെ സി വേണുഗോപാല്‍, രാഹുല്‍ മാങ്കൂട്ടത്തില്‍, എഎ ഷുക്കൂര്‍

എറണാകുളം – ഹൈബി ഈഡന്‍

ചാലക്കുടി – ബെന്നി ബഹനാന്‍

ഇടുക്കി – ഡീന്‍ കുര്യാക്കോസ്

തൃശൂര്‍ – ടി എന്‍ പ്രതാപന്‍

ആലത്തൂര്‍ – രമ്യ ഹരിദാസ്

പാലക്കാട് – വി കെ ശ്രീകണ്ഠന്‍

കോഴിക്കോട് – എംകെ രാഘവന്‍

വടകര – കെ മുരളീധരന്‍

വയനാട് – രാഹുല്‍ ഗാന്ധി

കണ്ണൂര്‍ – കെ ജയന്ത്, വി പി അബ്ദുള്‍ റഷീദ്

കാസര്‍കോട് – രാജ്‌മോഹന്‍ ഉണ്ണിത്താന്‍

സംസ്ഥാനത്ത് അടുത്ത രണ്ട് ദിവസം പന്ത്രണ്ട് ജില്ലകളിൽ ചൂട് കനക്കാൻ സാധ്യത

സംസ്ഥാനത്ത് അടുത്ത രണ്ട് ദിവസം പന്ത്രണ്ട് ജില്ലകളിൽ ചൂട് കനക്കാൻ സാധ്യത

സംസ്ഥാനത്ത് അടുത്ത രണ്ട് ദിവസം പന്ത്രണ്ട് ജില്ലകളിൽ ചൂട് കനക്കാൻ സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കൊല്ലം, ആലപ്പുഴ, കോട്ടയം, തിരുവനന്തപുരം, പത്തനംതിട്ട, എറണാകുളം, കണ്ണൂർ, കാസർഗോഡ്, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ താപനില സാധാരണയെക്കാൾ 2 മുതൽ 4 °C വരെ വർധിക്കാൻ സാധ്യതയുണ്ട്.

കൊല്ലം, ആലപ്പുഴ, കോട്ടയം ജില്ലകളിൽ ഉയർന്ന താപനില 38 °C വരെയും, തിരുവനന്തപുരം, പത്തനംതിട്ട, എറണാകുളം,കണ്ണൂർ ,കാസർഗോഡ് ജില്ലകളിൽ 37 °c വരെയും, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ 36 °c വരെയും താപനില ഉയരാൻ സാധ്യതയുണ്ട്.

ഉയർന്ന താപനിലയും ഈർപ്പമുള്ള വായുവും കാരണം മലയോര മേഖലകളിലൊഴികെ, ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്. ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യപ്രശ്‌നങ്ങൾക്ക് കാരണമാകുമെന്നതിനാൽ
പൊതുജനങ്ങൾ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി വ്യക്തമാക്കി. ചൂട് അധികരിക്കുന്ന സാഹചര്യത്തിൽ കാട്ടുതീ വ്യാപിക്കാനുള്ള സാധ്യതയുള്ളതിനാൽ വനമേഖലയോട് ചേർന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം.

രാധ (83) അന്തരിച്ചു

രാധ (83) അന്തരിച്ചു

ആറ്റിങ്ങൽ: മൂന്ന് മുക്ക് വട്ടവിള വീട്ടിൽ രാധ (83) അന്തരിച്ചു. ഭർത്താവ് പരേതനായ മാധവൻ
മക്കൾ:
മനോജ് മാധവൻ (മുൻ ബ്യൂറോ ചീഫ് ജനയുഗം, തിരുവനന്തപുരം),മിനി രാജേഷ്,മീന രാജേഷ്
മരുമക്കൾ:
രാജേഷ് വി ,രാജേഷ് എസ്
ശോഭ ചന്ദ്രൻ

സമ്മരാഗ്നി.. ആറ്റിങ്ങൽ ബ്ലോക്ക്‌ കോൺഗ്രസ്‌ കമ്മിറ്റിയുടെ നേതൃത്വത്തിൽ വിളംബരജാഥ

സമ്മരാഗ്നി.. ആറ്റിങ്ങൽ ബ്ലോക്ക്‌ കോൺഗ്രസ്‌ കമ്മിറ്റിയുടെ നേതൃത്വത്തിൽ വിളംബരജാഥ

ആറ്റിങ്ങൽ: കെ.പി.സി.സി പ്രസിഡന്റ് കെ. സുധാകരനും, പ്രതിപക്ഷ നേതാവ് വി. ഡി.സതീശനും നയിക്കുന്ന ജനകീയ പ്രക്ഷോഭ യാത്രയായ സമരാഗ്നി ഈ മാസം 27 നു ആറ്റിങ്ങൽ എത്തിച്ചേരുന്നതിന്റെ ഭാഗമായി ആറ്റിങ്ങൽ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ സമരാഗ്നി വിളംബരജാഥ നടത്തി.

ആറ്റിങ്ങൽ റ്റി. ബി ജംഗ്ഷനിൽ നിന്ന് ആരംഭിച്ച വിളംബര ജാഥ ആറ്റിങ്ങൽ കിഴക്കേ നാലുമുക്ക് വഴി ആറ്റിങ്ങൽ കച്ചേരി ജംഗ്ഷനിൽ സമാപിച്ചു. ബ്ലോക്ക് കോൺഗ്രസ് കമ്മിറ്റി പ്രസിഡന്റ് എൻ ബിഷ്ണു വിളംബര ജാഥയ്ക്ക് നേതൃത്വം നൽകി. ബ്ലോക്ക് കോൺഗ്രസ് ഭാരവാഹികൾ, മണ്ഡലം പ്രസിഡന്റ് മാർ, കോൺഗ്രസ് ജനപ്രതിനിധികൾ, മഹിളാ കോൺഗ്രസ് ഭാരവാഹികൾ , തുടങ്ങി ഇരുന്നൂറോളം പ്രവർത്തകർ വിളംബര ജാഥയിൽപങ്കെടുത്തു.

ജിയോ, എയര്‍ടെല്‍ കമ്പനികളെ നേരിടാന്‍ നിര്‍ദേശവുമായി ബിഎസ്എന്‍എല്‍ ജീവനക്കാര്‍

ജിയോ, എയര്‍ടെല്‍ കമ്പനികളെ നേരിടാന്‍ നിര്‍ദേശവുമായി ബിഎസ്എന്‍എല്‍ ജീവനക്കാര്‍

ഡല്‍ഹി: പ്രമുഖ ടെലികോം കമ്പനികളായ ജിയോയോടും എയര്‍ടെലിനോടും മത്സരിക്കാന്‍ വേറിട്ട നിര്‍ദേശവുമായി പ്രമുഖ പൊതുമേഖല ടെലികോം കമ്പനിയായ ബിഎസ്എന്‍എല്ലിലെ ജീവനക്കാര്‍. ജിയോയോടും എയര്‍ടെലിനോടും മത്സരിക്കാന്‍ വോഡഫോണ്‍- ഐഡിയ ഫോര്‍ ജി നെറ്റ് വര്‍ക്ക് ഉപയോഗിക്കാന്‍ അനുമതി നല്‍കണമെന്നാവശ്യപ്പെട്ട് കേന്ദ്ര ഐടി മന്ത്രി അശ്വിനി വൈഷ്ണവിന് ബിഎസ്എന്‍എല്‍ എംപ്ലോയീസ് യൂണിയന്‍ കത്തയച്ചു.

ഫോര്‍ ജി സേവനങ്ങള്‍ ലഭ്യമല്ലാത്തതിനാല്‍ തങ്ങളുടെ ഉപഭോക്താക്കളില്‍ വലിയൊരു വിഭാഗം എതിരാളികളായ റിലയന്‍സ് ജിയോ, എയര്‍ടെല്‍ തുടങ്ങിയ ടെലികോം സേവനദാതാക്കളിലേക്ക് പോര്‍ട്ട് ചെയ്യുന്നതായി ബിഎസ്എന്‍എല്‍ യൂണിയന്‍ കത്തില്‍ ആരോപിച്ചു. ഈ രണ്ടു കമ്പനികളും അത്യാധുനിക ഫൈവ് ജി സാങ്കേതികവിദ്യയാണ് വാഗ്ദാനം ചെയ്യുന്നതെന്നും കത്തില്‍ പറയുന്നു.

വോഡഫോണ്‍-ഐഡിയയിലെ ഏറ്റവും വലിയ ഓഹരിയുടമ കേന്ദ്രസര്‍ക്കാരാണ്. കമ്പനിയില്‍ 33.1% ഓഹരിയാണ് സര്‍ക്കാരിനുള്ളത്. ഇരു കമ്പനികളും തമ്മില്‍ ഫോര്‍ ജി നെറ്റ്വര്‍ക്ക് പങ്കിടുന്നത് ഇത് എളുപ്പമാക്കുമെന്നും കത്തില്‍ ബിഎസ്എന്‍എല്‍ യൂണിയന്‍ ചൂണ്ടിക്കാട്ടി. കൂടാതെ, വോഡഫോണ്‍-ഐഡിയ കമ്പനിക്ക് ഉപഭോക്താക്കളെ നഷ്ടപ്പെട്ട് കൊണ്ടിരിക്കുകയാണ്. നെറ്റ്വര്‍ക്കില്‍ കാര്യമായി തിരക്കില്ലാത്തതിനാല്‍ ഇത്തരത്തിലുള്ള ക്രമീകരണം രണ്ട് കമ്പനികള്‍ക്കും ഗുണം ചെയ്യുമെന്നും കത്തില്‍ പറയുന്നു.

ഫോര്‍ ജി നെറ്റ്വര്‍ക്കിന്റെ ഈ പങ്കിടല്‍ ഒരു താല്‍ക്കാലിക നടപടി മാത്രമായിരിക്കും. ബിഎസ്എന്‍എല്ലിന്റെ ഫോര്‍ ജി നെറ്റ്വര്‍ക്ക് ടിസിഎസ് കമ്മീഷന്‍ ചെയ്യുന്നതുവരെ ഇത് ഒരു താല്‍ക്കാലിക നടപടി മാത്രമായിരിക്കുമെന്നും കത്തില്‍ പറയുന്നു.

സമരാഗ്നി: ചിറയിൻകീഴ് കോൺഗ്രസ്സ് നിയോജക മണ്ഡലം കമ്മറ്റി സ്വാഗത സംഘം ഓഫീസ് തുറന്നു

സമരാഗ്നി: ചിറയിൻകീഴ് കോൺഗ്രസ്സ് നിയോജക മണ്ഡലം കമ്മറ്റി സ്വാഗത സംഘം ഓഫീസ് തുറന്നു

ചിറയിൻകീഴ്: കെ.പി.സി.സി അധ്യക്ഷൻ കെ.സുധാകരനും പ്രതിപക്ഷ നേതാവ് വി.ഡി സതീശനും നയിക്കുന്ന സമരാഗ്നിയുമായി ബന്ധപ്പെട്ട് ഫെബ്രുവരി 27ന് വൈകുന്നേരം മൂന്ന് മണിക്ക് ആറ്റിങ്ങൽ മാമം മൈതാനത്തിലാണ് അഭിസംബോധന ചെയ്യുന്നത്. സമരാഗ്നിയെ വിളംമ്പരം ചെയ്തു കൊണ്ട് ചിറയിൻകീഴ് നിയോജക മണ്ഡലം സ്വാഗത സംഘം ഓഫീസ് ശാർക്കര ജംഗ്ഷനിൽ അഡ്വ.അടൂർ പ്രകാശ് എം.പി ഉദ്ഘാടനം ചെയ്തു.

നിത്യോപയോഗ സാധനങ്ങളുടെ വില നിയന്ത്രിക്കുന്നതിലും യുവാക്കൾക്ക് തൊഴിലവസരങ്ങൾ സൃഷ്ടിക്കുന്നതിലും കേന്ദ്ര-സംസ്ഥാന സർക്കാർ തികച്ചും പരാജയപ്പെട്ടിരിക്കുകയാണെന്ന് എം.പി പറഞ്ഞു.

വർക്കല കഹാർ, സ്വാഗത സംഘം ചെയർമാൻ എം.എസ് നൗഷാദ്, ജനറൽ കൺവീനർ കെ.ആർ അഭയൻ, ഡി.സി.സി ജനറൽ സെക്രട്ടറിമാരായ പി.ഉണ്ണികൃഷ്ണൻ, എം. ജെ ആനന്ദ്, കെ.എസ് അജിത് കുമാർ, ജെഫേഴ്സൺ, അഡ്വ.കൃഷ്ണകുമാർ, വി.കെ രാജു, കെ. പി രാജശേഖരൻ നായർ, മോനി ശാർക്കര, സുനിൽ പെരുമാതുറ, അബ്ദുൾ ജബ്ബാർ, കിഴുവിലം ബിജു ശരുൺകുമാർ, എസ് .സുജിത്, ജയചന്ദ്രൻ, മൻസൂർ മംഗലപുരം, ഉദയകുമാരി, എച്ച്.പി ഹാരിസൺ, ജൂഡ് ജോർജ്, എ.ആർ നിസാർ, രഘുനാഥൻ, ഓമന, രാജേഷ് ബി.നായർ, ഹരിദാസ് വർക്കല, ജയന്തി കൃഷ്ണ, പുതുക്കരി പ്രസന്നൻ, ശൈലൻ, സുജിത് മോഹൻ എന്നിവർ സംസാരിച്ചു.