by liji HP News | Apr 17, 2024 | Latest News, കേരളം
ആറ്റിങ്ങൽ ബി ആർ സി യുടെ പരിധിയിലുള്ള 5 പ്രതിഭാ കേന്ദ്രങ്ങളിലും അഞ്ച് ദിവസം നീണ്ടുനിൽക്കുന്ന ക്യാമ്പുകൾ ആരംഭിച്ചു. ആലന്തറ, ഭഗവതികോണം, മുക്കുടിൽ, ഒറ്റൂർ പെരുമാതുറ, എന്നീ കേന്ദ്രങ്ങളിലാണ് കുട്ടികളുടെ സർഗാത്മകശേഷിയും അക്കാദമിക് നിലവാരവും വർദ്ധിപ്പിക്കുന്നതിന് വേണ്ടിയുള്ള വിവിധ പരിപാടികൾ ആസൂത്രണം ചെയ്തുകൊണ്ടുള്ള ക്യാമ്പുകൾ ആരംഭിച്ചിട്ടുള്ളത്.
സാമൂഹികമായും സാമ്പത്തികമായും പിന്നാക്കം നിൽക്കുന്ന മേഖലകളിലെ വിദ്യാഭ്യാസ പ്രവർത്തനങ്ങൾക്ക് പരമാവധി ഊന്നൽ കൊടുത്തുകൊണ്ട് സമഗ്ര ശിക്ഷ കേരളയുടെ ആഭിമുഖ്യത്തിൽ പ്രവർത്തിക്കുന്ന പ്രതിഭാ കേന്ദ്രങ്ങൾ കുട്ടികളുടെ സാമൂഹിക വൈയക്തിക മനോഭാവത്തിൽ വലിയ മാറ്റമാണ് സൃഷ്ടിക്കുന്നത്.
ഓരോ പ്രതിഭാ കേന്ദ്രങ്ങളിലും വേനൽപ്പാട ക്യാമ്പിന് മുൻപായി സംഘാടകസമിതികൾ കൂടുകയും പ്രതിഭാ കേന്ദ്രം
വിഭാവനം ചെയ്യുന്ന വിവിധ പരിപാടികളുടെ ആസൂത്രണവും നിർവഹണവും നടത്തുകയും ചെയ്തു. പ്രവർത്തി പരിചയം, ആർട്ട് എഡ്യൂക്കേഷൻ, മ്യൂസിക്, ലോ ഷൻ നിർമ്മാണം, നാടൻ കളികൾ പരിചയപ്പെടൽ,കായിക വിദ്യാഭ്യാസം, തുടങ്ങി വിവിധ പരിപാടികളാണ് ഓരോ പ്രതിഭാ കേന്ദ്രങ്ങളിലും അഞ്ചുദിവസമായി നടക്കുന്ന ക്യാമ്പിന് ആസൂത്രണം ചെയ്തിരിക്കുന്നത്.പ്രാദേശികമായി അറിയപ്പെടുന്ന കലാകാരന്മാർ,കർഷകർ അധ്യാപകർ വിവിധ മേഖലകളിൽ പ്രഗത്ഭ്യം സൃഷ്ടിച്ചിട്ടുള്ള വ്യക്തികൾ തുടങ്ങിയവർ ഓരോ ദിവസവും ക്യാമ്പുകളിൽ ആർ പി മാരായി എത്തുന്നുണ്ട്.
by liji HP News | Apr 17, 2024 | Latest News, കേരളം
കൊല്ലം: അവധിക്കാല യാത്രകളുമായി കൊല്ലം കെഎസ്ആർടിസി ഡിപ്പോ. ബഡ്ജറ്റ് ടൂറിസം സെല്ലിന്റെ ആഭിമുഖ്യത്തിലാണ് അവധിക്കാലയാത്രകള് നടത്തുന്നത്. ഏപ്രില് 18ന് വയനാട് ഉല്ലാസയാത്ര പുറപ്പെട്ട് 21ന് രാത്രിയില് മടങ്ങിയെത്തും. പ്രവേശന ഫീസും, രണ്ടു ദിവസത്തെ താമസവും, മുത്തങ്ങ ജംഗിള് സഫാരിയും അടക്കം 4100 രൂപയാണ് നിരക്ക്.
ഏപ്രില് 19 ന് രാവിലെ 5 മണിക്ക് പത്മനാഭപുരം-കന്യാകുമാരി യാത്രയും സംഘടിപ്പിച്ചിട്ടുണ്ട്. 780 രൂപയാണ് നിരക്ക്. ഏപ്രില് 20ന് രാവിലെ 5 മണിക്ക് പുറപ്പെടുന്ന ഇടുക്കി യാത്രയ്ക്ക് – അയ്യപ്പന് കോവില് തൂക്കുപാലം, കാല്വരി മൗണ്ട്, രാമക്കല്മേട് സന്ദർശനം- 1070 രൂപയാണ് നിരക്ക്.
കൊല്ലം ജില്ലയിലെ ചെന്തുരുണി വന്യജീവി സങ്കേതത്തിലൂടെ കാനനയാത്ര- റോസ്മലയിലേക്കും തെന്മലയിലേക്കും ഏകദിന ഉല്ലാസയാത്ര. ഏപ്രില് 20ന് രാവിലെ 6 30ന് പുറപ്പെടുന്ന യാത്രയില് പ്രവേശന ഫീസുള്പ്പെടെ 770 രൂപയാണ് നിരക്ക്.
എറണാകുളം ജില്ലയിലെ പാണിയേലിപോരിലേക്കും ഉല്ലാസയാത്ര സംഘടിപ്പിച്ചിട്ടുണ്ട്. ഏപ്രില് 21ന് ഞായറാഴ്ച പുലര്ച്ചെ 5 മണിക്ക് യാത്ര പുറപ്പെടും. നിരക്ക്:1050 രൂപ. പൊൻമുടിയിലേക്ക് 21ന് രാവിലെ 6 മണിക്ക് ഉല്ലാസയാത്ര എന്ട്രി ഫീസുകള് ഉള്പ്പെടെ 770 രൂപയാണ് നിരക്ക്.
by liji HP News | Apr 17, 2024 | Latest News, കേരളം
പാലക്കാട്: സംസ്ഥാനത്ത് ഇനി ഡബിള് ഡെക്കര് തീവണ്ടിയും. കോയമ്പത്തൂര് – കെഎസ്ആര് ബംഗലൂരു ഉദയ് എക്സ്പ്രസ് പാലക്കാട്ടേക്ക് നീട്ടുന്നതിന്റെ പരീക്ഷണ ഓട്ടം ഇന്നു നടക്കും. കോയമ്പത്തൂരില് നിന്ന് പൊള്ളാച്ചി വഴിയാവും യാത്ര.
രാവിലെ എട്ടിന് കോയമ്പത്തൂരില് നിന്ന് പുറപ്പെട്ട് 10. 45-ന് പാലക്കാട് ടൗണിലും 11.05-ന് പാലക്കാട് ജങ്ഷനിലും ട്രെയിന് എത്തും. തിരികെ 11.35-ന് പുറപ്പെട്ട് 2.40-ന് കോയമ്പത്തൂരിലെത്തി പരീക്ഷണ ഓട്ടം അവസാനിപ്പിക്കും.
റെയില്വേയുടെ ഉദയ് എക്സ്പ്രസ് സീരീസിലെ ആദ്യ ഡബിള് ഡക്കര് എ സി ചെയര് കാര് തീവണ്ടിയാണിത്. ട്രെയിനിന്റെ സമയക്രമത്തില് തീരുമാനമായിട്ടില്ല. ദക്ഷിണ റെയില്വേയുടെ സേലം, പാലക്കാട് ഡിവിഷനുകള് ചേര്ന്നാണ് പരീക്ഷണ ഓട്ടം നടത്തുന്നത്.
by liji HP News | Apr 17, 2024 | Latest News, ദേശീയ വാർത്ത
ന്യൂഡല്ഹി: ലോക്സഭ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് നടക്കുന്ന മണ്ഡലങ്ങളിലെ പരസ്യ പ്രചാരണം ഇന്ന് അവസാനിക്കും. 102 മണ്ഡലങ്ങളില് വെള്ളിയാഴ്ചയാണ് വോട്ടെടുപ്പ് നടക്കുന്നത്. തമിഴ്നാട്ടിലെ മുഴുവന് സീറ്റിലും ആദ്യഘട്ടത്തിലാണ് തെരഞ്ഞെടുപ്പ് നടക്കുന്നത്.
തമിഴ്നാട് (39), ഉത്തരാഖണ്ഡ് (5), ബിഹാര് (4), മധ്യപ്രദേശ് (6), മഹാരാഷ്ട്ര (5), രാജസ്ഥാന് (12), ത്രിപുര (1), ഉത്തര്പ്രദേശ് (8), പശ്ചിമബംഗാള് (3), ജമ്മു കശ്മീര് (1), അരുണാചല് പ്രദേശ് (2), മണിപ്പൂര്(2), മേഘാലയ(2), മിസോറാം (1), നാഗാലാന്ഡ് (1), സിക്കിം (1) എന്നീ സംസ്ഥാനങ്ങളിലും, ലക്ഷദ്വീപ്, പുതുച്ചേരി, ആന്ഡമാന് നിക്കോബാര് എന്നീ കേന്ദ്ര ഭരണപ്രദേശങ്ങളും അടക്കം 102 മണ്ഡലങ്ങളാണ് ആദ്യഘട്ടത്തില് വിധിയെഴുതുന്നത്. 102 മണ്ഡലങ്ങളിലായി 1625 സ്ഥാനാര്ത്ഥികളാണ് മത്സര രംഗത്തുള്ളത്.
80 ലോക്സഭ സീറ്റുകളുള്ള യുപിയില് എട്ടിടത്താണ് ആദ്യഘട്ടത്തില് വോട്ടെടുപ്പ്. സഹാരണ്പൂര്, കൈരാന, മുസാഫര്നഗര്, ബിജ്നോര്, നാഗിന, മൊറാദാബാദ്, രാംപൂര്, പിലിബിത്ത് എന്നിവയാണ് വെള്ളിയാഴ്ച പോളിങ് ബൂത്തിലെത്തുന്നത്. 42 സീറ്റുകളുള്ള ബംഗാളില് കൂച്ച്ബിഹാര്, അലിപൂര്ദ്വാര്, ജയ്പാല്ഗുരി എന്നിവയും വെള്ളിയാഴ്ച വിധിയെഴുതും. കേന്ദ്രമന്ത്രി നിതിന് ഗഡ്കരി മത്സരിക്കുന്ന നാഗ്പൂരും ആദ്യഘട്ടത്തില് വിധിയെഴുതും.
തമിഴ്നാട്ടിലെ മുഴുവന് സീറ്റിലും ആദ്യഘട്ടത്തിലാണ് തെരഞ്ഞെടുപ്പ് എന്നതിനാല് ബിജെപിയുടെയും നരേന്ദ്ര മോദിയുടെയും പ്രധാനശ്രദ്ധ ദക്ഷിണേന്ത്യയിലായിരുന്നു. രാഹുല്ഗാന്ധിയും പ്രിയങ്കഗാന്ധിയും മധ്യപ്രദേശിലും രാജസ്ഥാനിലും റാലികള് നടത്തി. പ്രധാനമന്ത്രി നരേന്ദ്രമോദി വടക്ക് കിഴക്കന് സംസ്ഥാനങ്ങളില് നാളെ പ്രചാരണം നടത്തും. രാഹുല്ഗാന്ധിയും അഖിലേഷ് യാദവും നാളെ സംയുക്ത വാര്ത്തസമ്മേളനവും വിളിച്ചിട്ടുണ്ട്.
by liji HP News | Apr 17, 2024 | Latest News, കേരളം
തൃശൂര്: തൃശൂര് പൂരത്തിന്റെ ഭാഗമായുള്ള സാമ്പിള് വെടിക്കെട്ട് ഇന്ന്. രാത്രി എഴിന് വടക്കുനാഥ ക്ഷേത്ര മൈതാനത്തു വെടിക്കെട്ടിന് തുടക്കമാകും. തിരുവമ്പാടി വിഭാഗം വെടിക്കെട്ടിന് ആദ്യം തിരി കൊളുത്തും തുടര്ന്ന് പാറമേക്കാവും. 8.30 വരെയാണ് സാമ്പിള് വെടിക്കെട്ടിന് അനുവദിച്ചിരിക്കുന്ന സമയം.
വെടിക്കെട്ടിന് തിരുവമ്പാടി, പാറമേക്കാവ് വിഭാഗങ്ങളെ നയിക്കുന്നത് ഒരാളാണെന്ന പ്രത്യേകയും ഇത്തവണയുണ്ട്. ആദ്യമായാണ് രണ്ടുവിഭാഗങ്ങളുടെ വെടിക്കെട്ട് ചുമതല ഒരാളിലേക്കെത്തുന്നത്. മുണ്ടത്തിക്കോട് സ്വദേശി പി.എം. സതീശിനാണ് ഇരുവിഭാഗത്തിന്റെയും വെടിക്കെട്ട് ചുമതല.
നഗരം കനത്ത പൊലീസ് സുരക്ഷാവലയത്തിലാണ്. 20ന് പുലര്ച്ചെ മൂന്നിനാണ് പ്രധാന വെടിക്കെട്ട്. പകല്പ്പൂരത്തിന് ഉപചാരം ചൊല്ലിപ്പിരിഞ്ഞ ശേഷവും വെടിക്കെട്ടുണ്ടാകും. 19നാണ് പൂരം.
Recent Comments