തിരുവനന്തപുരം കിളിമാനൂരിൽ എട്ടാം ക്ലാസുകാരിയെ പീഡിപ്പിയ്ക്കാൻ ശ്രമിച്ച മധ്യവയസ്കൻ അറസ്റ്റിൽ. വെള്ളല്ലൂർ മാത്തയിൽ സ്വദേശി ജോൺസൻ (54) ആണ് പിടിയിലായത്.
കഴിഞ്ഞ ദിവസമായിരുന്നു സംഭവം. ട്യൂഷൻ സെൻ്ററിൽ കൊണ്ടുവിടാമെന്ന് പറഞ്ഞ് കാറിൽ കയറ്റി പീഡിപ്പിയ്ക്കാൻ ശ്രമിക്കുകയായിരുന്നു. പെൺകുട്ടി ബഹളം വച്ചതോടെ പ്രതി ഓടി രക്ഷപ്പെട്ടു. രക്ഷിതാക്കൾ നൽകിയ പരാതിയിലാണ് കിളിമാനൂർ പൊലീസ് കേസെടുത്തത്.
സമഗ്ര ശിക്ഷ കേരളയുടെ നേതൃത്വത്തിൽ ഒന്നും രണ്ടും ക്ലാസ്സുകളിൽ നടന്ന പഠന പ്രവർത്തനത്തിന്റെ ഭാഗമായി അവനവഞ്ചേരി ഗവ. ഹൈസ്കൂളിലെ കുട്ടികൾ തയ്യാറാക്കിയ സംയുക്ത ഡയറി പുറത്തിറക്കി. കുട്ടികളുടെ രചനകൾ ഉൾപ്പെടുത്തിയ ‘ഓർമ്മച്ചെപ്പ്’ എന്ന പേരിലുള്ള സംയുക്ത ഡയറി സ്കൂൾ ഹെഡ്മാസ്റ്റർ ജി.എൽ. നിമി, പിടിഎ പ്രസിഡന്റ് ജി.ആർ. ജിബി യ്ക്ക് നൽകിക്കൊണ്ട് പ്രകാശനം നടത്തി. സീനിയർ അധ്യാപകൻ സാബു നീലകണ്ഠൻ നായർ, അധ്യാപകരായ കെ. ജെയിംസ്, സീനത്ത് ബീവി, എസ്. കാവേരി, ജി.സി. ദീപാറാണി, രാഖി രാമചന്ദ്രൻ, ഡി. ശരണ്യദേവ്, വി.കെ. രേവതി, എസ്.ഷീന, എന്നിവർ സംബന്ധിച്ചു.
തിരുവനന്തപുരം: ഈ വര്ഷത്തെ എസ്എസ്എല്സി പരീക്ഷ ഇന്ന് അവസാനിക്കും. ഇന്നു നടക്കുന്ന സാമൂഹ്യശാസ്ത്രം വിഷയത്തോടെയാണ് പരീക്ഷ അവസാനിക്കുന്നത്. മൂല്യ നിര്ണയം എപ്രില് മൂന്നിന് ആരംഭിക്കും.
ഏപ്രില് 20 വരെ രണ്ടു ഘട്ടങ്ങളിലായി മൂല്യനിര്ണയം പൂര്ത്തിയാക്കാനാണ് ലക്ഷ്യമിടുന്നത്. 70 ക്യാമ്പുകളിലായി പതിനായിരത്തോളം അധ്യാപകരെ പങ്കെടുപ്പിച്ചണ് മൂല്യ നിര്ണയം നടത്തുക. മെയ് രണ്ടാം വാരം ഫലം പ്രഖ്യാപിക്കാന് കഴിയും എന്നാണ് വിദ്യാഭ്യാസ വകുപ്പിന്റെ കണക്കുകൂട്ടല്. നാളെയാണ് പ്ലസ് ടു പരീക്ഷകള് അവസാനിക്കുന്നത്.
കണ്ണൂര്: എഴുത്തുകാരനും നാടകകൃത്തുമായ ടി എന് പ്രകാശ് അന്തരിച്ചു. 68 വയസ്സായിരുന്നു. ഹൃദയാഘാതത്തെ തുടര്ന്ന് കണ്ണൂരിലെ സ്വകാര്യ ആശുപത്രിയില് വെച്ചായിരുന്നു അന്ത്യം.
കൈകേയി, താപം, തണൽ തുടങ്ങിയവയാണ് പ്രകാശിന്റെ ശ്രദ്ധേയമായ കൃതികൾ. കേരള സാഹിത്യ അക്കാദമി പുരസ്കാര ജേതാവാണ്. കേരള സാഹിത്യ അക്കാദമി അംഗം, കേന്ദ്ര സാഹിത്യ അക്കാദമി ഉപദേശക സമിതി അംഗം എന്നീ നിലകളിൽ പ്രവർത്തിച്ചിട്ടുണ്ട്. പള്ളിക്കുന്ന് ഗവ. ഹയര് സെക്കന്ററി സ്കൂള് അധ്യാപകനായിരുന്ന ഇദ്ദേഹം കണ്ണൂര് ജില്ലാ വിദ്യാഭ്യാസ ഓഫീസറായാണ് സര്വീസില് നിന്ന് വിരമിച്ചത്.
വളപട്ടണം പാലം, ദശാവതാരം, സ്നേഹദൃശ്യങ്ങള്, ഇന്ത്യയുടെ ഭൂപടം, ഈ കടല്ത്തീര നിലാവില്, തെരഞ്ഞെടുത്ത കഥകള്, താപം, ലോകാവസാനം, താജ്മഹല്, വാഴയില, രാജ്ഘട്ടില് നിന്നൊരാള് (കഥകള്). സൗന്ദര്യലഹരി, നട്ടാല് മുളയ്ക്കുന്ന നുണകള്, കിളിപ്പേച്ച് കേക്കവാ, ചന്ദന (നോവലെറ്റുകള്), തെരഞ്ഞെടുത്ത പതിനൊന്ന് നോവലെറ്റുകള്, ആര്ട്ട് ഓഫ് ലിവിംഗ്, നക്ഷത്രവിളക്കുകള് (ഓര്മ), വാന്ക, വീഞ്ഞ്, ഈസ്റ്ററിന്റെ തലേരാത്രി (ബാലസാഹിത്യം), സമനില, തണല്, തൊട്ടാല് പൊള്ളുന്ന സത്യങ്ങള്, കൈകേയി, വിധവകളുടെ വീട് (നോവലുകള്), ഡോ. ടി.പി സുകുമാരന്: പേരിന്റെ പൊരുള് (ജീവചരിത്രം) എന്നിവയാണ് കൃതികള്.
ആലംകോട് രാജീവ് ഭവനിൽ പരേതനായ രംഗനാഥൻ ചെട്ടിയാരുടെ സഹധർമ്മിണി
കെ സീതമ്മാൾ (75) (രംഗ രാജീവിൻ്റെ മാതാവ്, ഇപ്പോഴത്തെ ബർമ സിമൻ്റ് ബ്ളോക്ക്)
അന്തരിച്ചു.
മക്കൾ: രാജീവ്, സജീവ്
Recent Comments