തിരുവനന്തപുരം മംഗലപുരത്ത് 65 കാരന് കുത്തേറ്റു

by Midhun HP News | May 21, 2025 | Latest News, ജില്ലാ വാർത്ത

തിരുവനന്തപുരം മംഗലപുരത്ത് 65 കാരന് കുത്തേറ്റു. മംഗലപുരം പാട്ടത്തിൽ സ്വദേശി താഹയ്ക്കാണ് (65) കുത്തേറ്റത്. താഹയെ കുത്തിയ സമീപവാസിയായ റാഷിദ് (31) പോലീസ് കസ്റ്റഡിയിൽ എടുത്തിട്ടുണ്ട്. ഉച്ചയ്ക്ക് രണ്ടരയോടെ ആയിരുന്നു സംഭവം. വീട്ടിനകത്ത് കയറിയായിരുന്നു ആക്രമണം.

രക്ഷപ്പെടാനായി താഹ മുകളിലത്തെ നിലയിലേയ്ക്ക് കയറിയെങ്കിലും റാഷിദ് പിന്നാലെ ചെന്ന് കുത്തുകയായിരുന്നു. വയറ്റിൽ നാലിടത്ത് ഗുരുതരമായി കുത്തേറ്റ താഹയുടെ കുടൽമാല പുറത്തുചാടി. ഇയാളെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.നാട്ടുകാർ അറിയിച്ചത് തന്നെ തുടർന്ന് സ്ഥലത്തെത്തിയ മംഗലപുരം പോലീസ് റാഷിദിനെ കസ്റ്റഡിയിലെടുത്തു. റാഷിദ് മുൻപും ഇയാളെ മർദ്ദിച്ചിരുന്നു. റാഷിദിന് മാനസിക പ്രശ്നം ഉള്ളതായിട്ടാണ് പ്രാഥമിക സൂചന.

കോൺഗ്രസ് ആറ്റിങ്ങൽ വെസ്റ്റ് മണ്ഡലം കമ്മിറ്റിയുടെ നേതൃത്വത്തിൽ രാജീവ് ഗാന്ധി രക്തസാക്ഷിത്വ ദിനം ആചരിച്ചു

by Midhun HP News | May 21, 2025 | Latest News, ജില്ലാ വാർത്ത

കോൺഗ്രസ് ആറ്റിങ്ങൽ വെസ്റ്റ് മണ്ഡലം കമ്മിറ്റിയുടെ നേതൃത്വത്തിൽ രാജീവ് ഗാന്ധി രക്തസാക്ഷിത്വ ദിനം ആചരിച്ചു.കോൺഗ്രസ് ആറ്റിങ്ങൽ മണ്ഡലം പ്രസിഡന്റ്‌ ആർ.എസ്. പ്രശാന്ത് നേതൃത്വം നൽകി. ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് തോട്ടവാരം ഉണ്ണികൃഷ്ണൻ, ജനറൽ സെക്രട്ടറി വിനയൻ മേലാറ്റിങ്ങൽ, മണ്ഡലം കമ്മിറ്റി വൈസ് പ്രസിഡണ്ട് കെ ജയകുമാർ, വിജയൻ പിള്ള സോപാനം, അഭിരാജ് വൃന്ദാവനം, ദിവാകരൻപിള്ള എസ് തുടങ്ങിയവർ പങ്കെടുത്തു.

പ്ലസ് ടു ഫലം നാളെ മൂന്നിന്; എങ്ങനെ റിസള്‍ട്ട് അറിയാം

by Midhun HP News | May 21, 2025 | Latest News, ജില്ലാ വാർത്ത

തിരുവനന്തപുരം: രണ്ടാം വര്‍ഷ ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പരീക്ഷകളുടെ ഫലം വ്യാഴാഴ്ച പ്രഖ്യാപിക്കും. പകല്‍ മൂന്നിന് വിദ്യാഭ്യാസ മന്ത്രി വി ശിവന്‍കുട്ടിയാണ് ഫലം പ്രഖ്യാപിക്കുക.പകല്‍ 3.30 മുതല്‍ ഫലമറിയാം.

www.results.hse.kerala.gov.in, www.prd.kerala.gov.in, results.digilocker.gov.in, www.results.kite.kerala.gov.in എന്ന വെബ്സൈറ്റുകളിലൂടെയും SAPHALAM 2025, iExaMS — Kerala, PRD Live എന്ന മൊബൈല്‍ ആപ്പുകളിലൂടെയുമാണ് ഫലം ലഭ്യമാകുക.

4,44,707 വിദ്യാര്‍ഥികളാണ് പ്ലസ് ടു പരീക്ഷയ്ക്ക് രജിസ്റ്റര്‍ ചെയ്തത്. 26,178 പേരാണ് വിഎച്ച്എസ്ഇ രണ്ടാം വര്‍ഷ റെഗുലര്‍ പരീക്ഷ എഴുതിയത്.

അറിയിപ്പ്

by Midhun HP News | May 21, 2025 | Latest News, ജില്ലാ വാർത്ത

1999 ലെ കേരള ചുമട്ടുതൊഴിലാളി ക്ഷേമബോർഡ് സ്കാറ്റേർഡ് വിഭാഗം ക്ഷേമ പദ്ധതിയിൽ അഞ്ചു വർഷത്തിൽ താഴെ വിഹിതമടവിൽ കുടിശ്ശിക വന്ന് അംഗത്വം റദ്ദായ സ്കാറ്റേർഡ് വിഭാഗം തൊഴിലാളികളിൽ നിന്നും 2025 മേയ് 31 വരെ വിഹിത കുടിശ്ശിക പിഴ പലിശ സഹിതം ഈടാക്കി അംഗത്വം പുനഃസ്ഥാപിക്കുന്നതിന് അവസരം ഉണ്ട്.

ആറ്റിങ്ങൽ ഉപകാര്യാലയത്തിൽ വച്ചു 26/05/2025 ന് സ്കാറ്റേർഡ് മേള നടത്തുവാൻ തീരുമാനിച്ചിട്ടുണ്ട്. കുടിശ്ശിക വരുത്തിയ സ്കാറ്റേർഡ് വിഭാഗം തൊഴിലാളികൾ ഒറിജിനൽ പാസ്സ് ബുക്ക്‌ ഓഫീസിൽ ഹാജരാക്കി, ഓഫീസിൽ നിന്നും രേഖപ്പെടുത്തി തരുന്ന ചെല്ലാൻ മുഖേന ബാങ്കിൽ അടവാക്കി അംഗത്വം പുന സ്ഥാപിക്കേണ്ടതാണ്.