by Midhun HP News | Nov 21, 2024 | Latest News
പ്രതിരോധ മന്ത്രാലയത്തിന് കീഴില്‍ പ്രവര്‍ത്തിക്കുന്ന ഭാരത് ഡൈനാമിക്‌സ് ലിമിറ്റഡില്‍ വിവധ ട്രേഡുകളിലായി 150 അപ്രന്റീസ്ഷിപ്പ് അവസരങ്ങള്‍. ഐ.ടി.ഐക്കാര്‍ക്ക് അപേക്ഷിക്കാം. ഹൈദരാബാദിലെ കാഞ്ചന്‍ ബാഗ് യൂണിറ്റിലാണ് ഒഴിവുകള്‍. തിരഞ്ഞെടുക്കപ്പെടുന്നവര്‍ക്ക് സ്‌റ്റൈപ്പന്റ് ലഭിക്കും.
ഒഴിവുകള്‍
ഇലക്ട്രീഷ്യന്‍ 10, മെഷിനിസ്റ്റ് 14, ഫിറ്റര്‍ 70, ഇലക്ട്രോണിക്‌സ് മെക്കാനിക് 26, മെക്കാനിക് ഡീസല്‍ 5, മെഷിനിസ്റ്റ് ഗ്രൈന്‍ഡര്‍ 2, മെക്കാനിക് റഫ്രിജറേഷന്‍ & എസി 5, ടര്‍ണര്‍ 14, വെല്‍ഡര്‍ 4 എന്നീ തസ്തികകളിലാണ് ഒഴിവുകള്‍.
യോഗ്യത
പത്താം ക്ലാസ് വിജയിച്ചിരിക്കണം. കൂടെ ബന്ധപ്പെട്ട ട്രേഡില്‍ ഐ.ടി.ഐ സര്‍ട്ടിഫിക്കറ്റും വേണം.
പ്രായപരിധി
30 വയസ് കവിയരുത്.
അപേക്ഷ
യോഗ്യരായവര്‍ അപ്രന്റീസ്ഷിപ്പ് പോര്‍ട്ടലായ https://apprenticeshipindia.org വഴി അപേക്ഷ നല്‍കുക. അപേക്ഷ നല്‍കേണ്ട അവസാന തീയതി നവംബര്‍ 25.
അപേക്ഷയുടെ ഹാര്‍ഡ്‌കോപ്പി Manager (HR) Apprentice, Bharath Dynamics Limited, Kanchan Bag, Hydrabad- 500058 എന്ന വിലാസത്തിലേക്ക് ഡിസംബര്‍ 6ന് മുന്‍പായി അയക്കണം.
കൂടുതല്‍ വിവരങ്ങള്‍ക്ക്: https://bdl-india.in/
by Midhun HP News | Nov 21, 2024 | Latest News
കഠിനംകുളം: കഠിനംകുളം മരിയനാട് കടലിൽ നിന്നും 20 കോടിയോളം വിലമതിക്കുന്ന തിമിംഗല ഛർദി എന്ന അമ്പർ ഗ്രീസ് കണ്ടെത്തി. മത്സ്യബന്ധനത്തിനിടെ ഉൾക്കടലിൽ ഒഴുകി നടക്കുന്ന നിലയിൽ കണ്ടെത്തിയ തിമിംഗല ഛർദി മത്സ്യ തൊഴിലാളികൾ സുരക്ഷിതമായി മരിയനാട് തീരത്ത് എത്തിക്കുകയും തുടർന്ന് ബന്ധപ്പെട്ട വിഭാഗത്തെ വിവരം അറിയിക്കുകയുമായിരുന്നു. വിവരമറിഞ്ഞ് കോസ്റ്റൽ പോലീസ് – വനം വകുപ്പ് ഉദ്യോഗസ്ഥർ സ്ഥലത്തെത്തുകയും പരിശോധ നടത്തുകയും ചെയ്തു.
17 ഓളം കിലോ ഛർദിയാണ് വനം വകുപ്പ് വിഭാഗം ഏറ്റെടുത്തത്. തുടർന്ന് പാലോട് റെയ്ഞ്ച് ഉദ്യോഗസ്ഥർ പ്രത്യേകമായി പാക്ക് ചെയ്ത്‌ത് മറ്റു നടപടികൾ കൈകൊണ്ട ശേഷം റെയ്ഞ്ച് ഓഫീസിലേക്ക് കൊണ്ട് പോയി. കഠിനംകുളം മരിയനാട് മത്സ്യ വികസന ക്ഷേമ വികസന സംഘത്തിലെ സെന്റ് ജോസഫ് ഗ്രൂപ്പിലുള്ള പന്ത്രണ്ട് വള്ളങ്ങളിൽ നിന്നുള്ള 60 ഓളം മത്സ്യ തൊഴിലാളികളാണ് കടലിലെ നിധിയെന്നും ഒഴുകുന്ന സ്വർണമെന്നൊക്കെ പറയുന്ന തിമിംഗല ഛർദി കരക്കെത്തിച്ചത്. മത്സ്യബന്ധനത്തിന് പോയ കുമാർ, സുരേഷ്, മോസസ്, സുനിൽ, ജോൺസൻ, ചാൾസ് റോബിസൻ, ടോണി, ടിറ്റോ, സൂരജ്, ജോബിൻ എന്നിവരുടെ സംഘം ഇത് ലഭിച്ചതോടെ തീരത്തേക്ക് മടങ്ങുകയായിരുന്നു.
പാലോട് ഫോറസ്റ്റ് റെയ്ഞ്ച് ഓഫീസിലെത്തിക്കുന്ന ചർദ്ദി രാജീവ് ഗാന്ധി ഇൻസ്റ്റിറ്റ്യൂട്ടിൽ ലാബിൽ നൽകി പരിശോധിച്ചാൽ മാത്രമേ ഇതിൻ്റെ മൂല്യവും കാലപഴക്കവും കണക്കാൻ കഴിയുകയുള്ളു എന്ന് വനം വകുപ്പ് ഉദ്യോഗസ്ഥർ അറിയിച്ചു. അത്യപൂർവമായ തിമിംഗല ഛർദ്ദിക്ക്. 1.25 കോടിയോളം രൂപയാണ് വിപണിയിൽ ലഭിക്കുക.
by Midhun HP News | Nov 21, 2024 | Latest News
കൊല്ലം: യുവതിയെ ബസില്‍ തട്ടിക്കൊണ്ടുപോയി ഒരാഴ്ചയോളം തടവില്‍ പാര്‍പ്പിച്ച് കൂട്ടബലാത്സംഗം ചെയ്ത കേസില്‍ ഒന്നാം പ്രതി 26 വര്‍ഷത്തിന് ശേഷം പിടിയില്‍. വര്‍ക്കല റാത്തിക്കല്‍ ഇക്ബാല്‍ മന്‍സിലില്‍ ഇക്ബാലി(48)നെയാണ് അഞ്ചല്‍ പൊലീസ് അറസ്റ്റ് ചെയ്തത്. കേസില്‍ ജാമ്യം നേടിയശേഷം ഇയാള്‍ ഒളിവില്‍ പോകുകയായിരുന്നു.
1997-ലായിരുന്നു കേസിനാസ്പദമായ സംഭവം. കുളത്തൂപ്പുഴ ക്ഷേത്രദര്‍ശനം കഴിഞ്ഞ് മടങ്ങിയ 26-കാരിയെ കുളത്തൂപ്പുഴ-വര്‍ക്കല റൂട്ടില്‍ സര്‍വീസ് നടത്തുകയായിരുന്ന സ്വകാര്യ ബസില്‍ തട്ടിക്കൊണ്ടുപോയി, വര്‍ക്കലയില്‍ എത്തിച്ച് ലോഡ്ജുകളിലും റിസോര്‍ട്ടിലും തടവില്‍ പാര്‍പ്പിച്ച് പീഡിപ്പിച്ചെന്നാണ് കേസ്. ബസുടമയുടെ മകനായ ഇക്ബാല്‍ ബസില്‍ കണ്ടക്ടറായി ജോലിചെയ്യുകയായിരുന്നു. യുവതിയുടെ പരാതിയില്‍ കേസെടുത്ത അഞ്ചല്‍ പൊലീസ് ഇക്ബാല്‍ ഉള്‍പ്പെടെയുള്ള പ്രതികളെ പിടികൂടി.
ജാമ്യത്തിലിറങ്ങിയ ഇയാള്‍ ഒളിവില്‍പ്പോയശേഷം വിദേശത്തേക്കു കടന്നു. അടുത്തിടെ സഹോദരിയുടെ മകളുടെ വിവാഹത്തിനായി ഇയാള്‍ നാട്ടിലെത്തിയെന്ന് പൊലീസിന് രഹസ്യവിവരം ലഭിച്ചു. ഇതേത്തുടര്‍ന്നാണ് മുങ്ങി നടന്ന പ്രതിയെ പൊലീസ് അറസ്റ്റ് ചെയ്തത്.
by Midhun HP News | Nov 21, 2024 | Latest News
തിരുവനന്തപുരം: മല്ലപ്പളളിയിൽ നടത്തിയ ഭരണഘടനാ വിരുദ്ധമായ പ്രസംഗത്തിൽ ക്രൈംബ്രാഞ്ച് അന്വേഷിക്കണമെന്ന ഹൈക്കോടതി ഉത്തരവിന്റെ അടിസ്ഥാനത്തിൽ രാജി വെക്കില്ലെന്ന് മന്ത്രി സജി ചെറിയാൻ. കോടതി ഉത്തരവ് അംഗീകരിക്കുന്നു. പക്ഷേ തന്‍റെ ഭാഗം കേൾക്കാതെയാണ് കോടതി ഉത്തരവിട്ടതെന്നും അപ്പീൽ പോകുമെന്നും സജി ചെറിയാന്‍ വ്യക്തമാക്കി.
പൊലീസ് അന്വേഷിച്ചാണ് റിപ്പോര്ട്ട് ഹൈക്കോടതിയിൽ നൽകിയത്. ആ റിപ്പോര്ട്ട് മാത്രമാണ് കോടതി പരിശോധിച്ചത്. പ്രസംഗത്തിന്റെ മറ്റ് ഉളളടക്കത്തിലേക്ക് കോടതി പോയിട്ടില്ലെന്ന് തോന്നുന്നു. വിഷയത്തിൽ അന്ന് ധാര്‍മ്മിക ഉത്തരവാദിത്തമേറ്റെടുത്ത് രാജിവെച്ചു. അതിന്റെ സമയം കഴിഞ്ഞു. ഒരു കോടതി ശരിയെന്നും മറ്റൊരു കോടതി തെറ്റെന്നും പറഞ്ഞു. ഇനി രാജിയില്ല. ഉത്തരവ് പരിശോധിച്ച് നിയമനടപടിയുമായി മേൽക്കോടതിയിൽ പോകും. പൊലീസ് അന്വേഷിക്കാത്ത ചില ഭാഗങ്ങളുണ്ട്. അതും അന്വേഷിക്കണമെന്നല്ലേ കോടതി പറഞ്ഞത്. അന്വേഷിക്കട്ടെ. കോടതി പറഞ്ഞത് അംഗീകരിക്കുന്നുവെന്നും അദ്ദേഹം വ്യക്തമാക്കി.
by Midhun HP News | Nov 21, 2024 | Latest News
മലപ്പുറം: ഇടതു സൈദ്ധാന്തികനും കവിയും പ്രഭാഷകനും വിവര്‍ത്തകനുമായ വിപി വാസുദേവന്‍ അന്തരിച്ചു. 78 വയസ്സായിരുന്നു. പുരോഗമന കലാസാഹിത്യ സംഘത്തിന്റെ മുന്‍ സംസ്ഥാന വൈസ് പ്രസിഡന്റായി പ്രവര്‍ത്തിച്ചിരുന്നു.
1946ല്‍ മലപ്പുറം ജില്ലയിലെ ഏലംകുളത്തത്താണ് ജനനം. ശക്തിഗീതങ്ങള്‍, ക്യൂബന്‍ വിപ്ലവത്തിന്റെ ഇതിഹാസം തുടങ്ങിയ പുസ്തകങ്ങള്‍ രചിച്ചിട്ടുണ്ട്. കേരള ഭാഷാധ്യാപക സംഘടന, കെഎസ്ടിഎ, കെജിടിഎ എന്നീ സംഘടനകളുടെ സംസ്ഥാന ഭാരവാഹിയായും പ്രവര്‍ത്തിച്ചിട്ടുണ്ട്.
Recent Comments