ആറ്റിങ്ങൽ: കോരാണി പുകയിലത്തോപ്പ് അഖില ഭവനിൽ പരേതരായ നാരായണ സ്വാമി ആചാരിയുടെയും രാജമ്മളുടെയും മകൻ അനിൽകുമാർ (മാള അനി )(60)അന്തരിച്ചു.
ഭാര്യ: രാജലക്ഷ്മി.
മക്കൾ: അഖില, അമ്പാടി.
സംസ്കാരം വൈകിട്ട് 3 ന് തൈക്കാട് ശാന്തികവാടത്തിൽ.
ആറ്റിങ്ങൽ: ആറ്റിങ്ങൽ ഗവ. ഗേൾസ് ഹയർ സെക്കൻഡറി സ്കൂളിൽ 2026 മാർച്ചിൽ നടന്ന പ്ലസ് ടു പരീക്ഷയിൽ മികച്ച വിജയം നേടിയ വിദ്യാർഥികൾക്ക് അനുമോദനച്ചടങ്ങും പരിസ്ഥിതി ദിനാചരണവും നടത്തി.
ആറ്റിങ്ങൽ എം എൽ എ ഒ.എസ്. അംബിക പരിപാടികളുടെ ഉദ്ഘാടനവും വിജയികളായ 37 കുട്ടികൾക്കുള്ള സമ്മാനദാനവും നിർവഹിച്ചു. ആറ്റിങ്ങൽ നഗരസഭാ ചെയർപേഴ്സൺ എം പ്രദീപ് അധ്യക്ഷത വഹിച്ചു. വൈസ് ചെയർപേഴ്സൺ രേഖ ആർ എസ്, സ്ഥിരംസമിതി അധ്യക്ഷന്മാരായ അരൂപ് ആർ എസ്, അഡ്വ വി സുരേഷ്, ബിനു ജി എസ്, കൗൺസിലർ രമ്യ, എസ് എം സി ചെയർമാൻ രതീഷ് നിരാല, പ്രിൻസിപ്പാൾ ഡോ ഉദയകുമാരി, ഹെഡ്മിസ്ട്രസ് ശ്രീലത, സീനിയർ അധ്യാപകൻ റോയ് ആർ നാഥ് എന്നിവർ സംസാരിച്ചു. പിടിഎ പ്രസിഡൻറ് സന്തോഷ് കുമാർ സ്വാഗതവും സ്റ്റാഫ് സെക്രട്ടറി രതീഷ് ടി നന്ദിയും പറഞ്ഞു. ചടങ്ങിൽ വച്ച് നാഷണൽ സർവീസ് സ്കീം യൂണിറ്റ് സംഘടിപ്പിച്ച പരിസ്ഥിതിദിന പ്രശ്നോത്തരി വിജയികൾക്കുള്ള സമ്മാനങ്ങളും നൽകി.
പെരുംകുളം എ എം എൽ പി എസിലെ ലോക പരിസ്ഥിതി ദിനത്തോടനുബന്ധിച്ച് നടന്ന ചടങ്ങിൽ കടയ്ക്കാവൂർ ഗ്രാമപഞ്ചായത്ത് ഹരിത കർമ്മ സേന അംഗങ്ങളായ സന്ധ്യ, റീന എന്നിവരെ ആദരിച്ചു. മൂന്നും നാലും ക്ലാസിലെ കുട്ടികളുടെ ചോദ്യങ്ങൾക്ക് അവർ ഉത്തരം നൽകി.
വീടുകളിലുള്ള ഹരിതകർമസേനാ കാർഡിൻ്റെ വിവര ശേഖരണം, ചങ്ങാത്തത്തിൻ്റെ പച്ചപ്പ് എന്ന പേരിൽ വീട്ടിൽ കൂട്ടുകാരൻ്റെ പേരിൽ ഒരു മരം നട്ടുപരിപാലിക്കുക, ആൽബം നിർമ്മാണം, ജലവിഭവ മാനേജ്മെൻ്റ് തുടങ്ങി ഒട്ടേറെ പ്രവർത്തനങ്ങൾ പരിസ്ഥിതി ദിനാചരണത്തിൻ്റെഭാഗമായി നടന്നു. സ്കൂൾ ഹെഡ്മാസ്റ്റർ പ്രവീൺ, അധ്യാപകരായ സബീർ, ഷിജി, റീന, സനീറ, കാവേരി എന്നിവർ പങ്കെടുത്തു.
കൊച്ചി: സംസ്ഥാനത്ത് സ്വര്ണവില വീണ്ടും കുറഞ്ഞു. ഇന്ന് ഒറ്റയടിക്ക് പവന് 2200 രൂപയാണ് കുറഞ്ഞത്. 1,12,000 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 275 രൂപയാണ് കുറഞ്ഞത്. 14,000 രൂപയാണ് ഒരു ഗ്രാം സ്വര്ണത്തിന്റെ വില.
തൊഴിലവസരങ്ങളുമായി ബന്ധപ്പെട്ട് അമേരിക്കയില് പതിവായി പുറത്തുവരുന്ന ജോബ് ഡേറ്റയാണ് സ്വര്ണത്തിന് വിനയായത്. പ്രതീക്ഷിച്ചതിനേക്കാള് കൂടുതല് തൊഴിലവസരങ്ങള് അമേരിക്കയില് സൃഷ്ടിക്കാനായി എന്ന് വ്യക്തമാക്കുന്ന അനുകൂലമായ തൊഴില് കണക്കുകളാണ് പുറത്തുവന്നത്. വിലക്കയറ്റം തടഞ്ഞുനിര്ത്താന് പലിശനിരക്ക് കൂട്ടാന് ഇത് അമേരിക്കന് കേന്ദ്രബാങ്കിന് ആത്മവിശ്വാസം നല്കുമെന്നാണ് റിപ്പോര്ട്ടുകള് വ്യക്തമാക്കുന്നത്. ഇത് ഡോളര് കൂടുതല് ശക്തിയാര്ജിക്കാനും ഇടയാക്കും. ഇതാണ് സ്വര്ണവിലയില് പ്രതിഫലിച്ചത്.
പശ്ചിമേഷ്യന് സംഘര്ഷം കനക്കുന്നതും ഇറാന്- അമേരിക്ക സമാധാന കരാര് യാഥാര്ഥ്യമാകുന്നത് അനിശ്ചിതമായി നീളുന്നതും സ്വര്ണവിലയെ സ്വാധീനിക്കുന്നുണ്ട്. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
ഇംഗ്ലിവുഡ്: ഫുട്ബോള് ലോകകപ്പ് തുടങ്ങാന് ദിവസങ്ങള് ശേഷിക്കെ അമേരിക്കയില് സമര ആഹ്വാനവുമായി ലോസ് ഏഞ്ചല്സിലെ സ്റ്റേഡിയം ജീവനക്കാര്. ലോകകപ്പ് മത്സരങ്ങള്ക്കിടെ കാലിഫോര്ണിയയിലെ ഇംഗ്ലിവുഡിലുള്ള സോഫി സ്റ്റേഡിയത്തിലെ 2,000ത്തോളം ബാര്ടെന്ഡര്മാര്, സെര്വര്മാര്, പാചകക്കാര്, ക്ലീനിങ് സ്റ്റാഫ് ജോലിക്കെത്തുമോ എന്നതില് അനിശ്ചിതത്വം തുടരുകയാണ്.
സ്റ്റേഡിയത്തിലെ ഭക്ഷ്യ സേവന ദാതാക്കളുമായുള്ള കരാര് ചര്ച്ചകള് സ്തംഭിച്ചതോടെയാണ് ജീവനക്കാര് സമരത്തിലേക്കെന്നുള്ള റിപ്പോര്ട്ടുകള് വന്നത്. ലോസ് ഏഞ്ചല്സിനടുത്തുള്ള സ്റ്റേഡിയത്തില് പരാഗ്വേയ്ക്കെതിരായ യുഎസിന്റെ ആദ്യ ലോകകപ്പ് മത്സരം നടക്കാനിരിക്കെയാണ് പണിമുടക്കിനെ പിന്തുണച്ച് ജീവനക്കാര് വോട്ടുചെയ്തത്.
തൊഴിലാളികളുമായി കരാറിലെത്തിയില്ലെങ്കില് ജൂണ് 12 ന് പണിമുടക്കുമെന്ന് യൂണിയന് അംഗം യോലാന്ഡ ഫിയറോ പറഞ്ഞു. പ്രസിഡന്റ് ഡൊണാള്ഡ് ട്രംപിന്റെ ഭരണത്തിന് കീഴില് കുടിയേറ്റ നടപടികള് കര്ശനമാക്കിയ സാഹചര്യത്തില് തൊഴിലാളികള്ക്ക് ശമ്പളവും സുരക്ഷയും സംബന്ധിച്ച് ആശങ്കയുണ്ടെന്ന് അദ്ദേഹം പറഞ്ഞു.
‘ജോലിക്കാര്ക്ക് വാടക നല്കാന് മതിയായ വരുമാനം ഇല്ലാത്ത സാഹചര്യത്തിലാണ് യുഎസ് ഇമിഗ്രേഷന് ആന്ഡ് കസ്റ്റംസ് എന്ഫോഴ്സുമെന്റിന്റെ നടപടി നേരിടേണ്ടി വരുന്നത്. ലോസ് ഏഞ്ചല്സിന് ലോകകപ്പ് കൊണ്ട് എന്താണ് പ്രയോജനം? യുണൈറ്റ് ഹിയര്11 സഹ-പ്രസിഡന്റ് കര്ട്ട് പീറ്റേഴ്സണ് പറഞ്ഞു.
Recent Comments