by Midhun HP News | May 13, 2024 | Latest News, കേരളം
തിരുവനന്തപുരം: സംസ്ഥാനത്ത് ഇന്നും പരക്കെ മഴ പെയ്യുമെന്നു കാലാവസ്ഥാ വകുപ്പിന്റെ പ്രവചനം. വരും മണിക്കൂറിൽ തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മിതമായ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇന്ന് രണ്ട് ജില്ലകളിൽ യെല്ലോ അലർട്ടുണ്ട്. പത്തനംതിട്ട, ഇടുക്കി ജില്ലകളിലാണ് യെല്ലോ അലർട്ട്. മറ്റു ജില്ലകളിൽ മുന്നറിയിപ്പുകളില്ല. എന്നാൽ നേരിയ മഴ സാധ്യത നിലനിൽക്കുന്നു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.
by Midhun HP News | May 13, 2024 | Latest News, ജില്ലാ വാർത്ത
തിരുവനന്തപുരം: ഡ്രൈവിങ് ടെസ്റ്റ് പരിഷ്കാരത്തിനെതിരായ പ്രതിഷേധം കടുപ്പിക്കാനൊരുങ്ങി സംയുക്ത സമര സമിതി. പ്രതിഷേധത്തിന്റെ ഭാഗമായി ഇന്ന് സെക്രട്ടേറിയറ്റിനു മുന്നിൽ കൂറ്റൻ ധർണ നടത്താനാണ് തീരുമാനം. അര ലക്ഷത്തോളം പേർ പ്രതിഷേധ ധർണയിൽ പങ്കെടുക്കുമെന്നു സമര സമിതി അവകാശപ്പെട്ടു.
പരിഷ്കാരത്തിനെതിരായ സമരം ഒരാഴ്ച പിന്നിട്ടു. എന്നാൽ സർക്കാരും സമരക്കാരും വിട്ടുവിഴ്ചയില്ലെന്ന നിലപാടിൽ തന്നെയാണ്. അതേസമയം ഇന്നും ടെസ്റ്റിനുള്ള സ്ലോട്ട് നൽകാനാണ് മോട്ടോർ വാഹന വകുപ്പിന്റെ തീരുമാനം. ടെസ്റ്റ് ഗ്രൗണ്ടുകൾക്ക് സമീപം പ്രതിഷേധം തുടരുമെന്നു സമര സമിതി വ്യക്തമാക്കിയിട്ടുണ്ട്. ഇതു കണക്കിലെടുത്തു സുരക്ഷ ഒരുക്കും.
by Midhun HP News | May 13, 2024 | Latest News, കേരളം
കൊച്ചി: പുതുവൈപ്പ് ബീച്ചിൽ കുളിക്കാനിറങ്ങി അപകടത്തിൽപ്പെട്ട് രണ്ട് പേർ കൂടി മരിച്ചു. കതൃക്കടവ് സ്വദേശി മിലൻ സെബാസ്റ്റ്യൻ (19), ഇളംകുളം സ്വദേശി ആൽബിൻ (19) എന്നിവരാണ് മരിച്ചത്. ഇന്നലെ കലൂർ സ്വദേശി അഭിഷേക് മരിച്ചിരുന്നു.
പുതുവൈപ്പ് ബീച്ചിൽ കുളിക്കാനിറങ്ങിയ എട്ട് പേരടങ്ങുന്ന സംഘമാണ് അപകടത്തിൽപ്പെട്ടത്. അഭിഷേക് വെള്ളത്തിൽ മുങ്ങിയപ്പോൾ ഒപ്പമുള്ളവർ രക്ഷപ്പെടുത്താൻ ശ്രമിക്കുന്നതിനിടെയാണ് അൽബിനും മിലനും തിരയിൽപ്പെടുന്നത്. ഇരുവരേയും രക്ഷപ്പെടുത്തിയെങ്കിലും ഗുരുതരാവസ്ഥയിലായിരുന്നു. ആശുപത്രിയിൽ ചികിത്സയിൽ കഴിയുന്നതിനിടെ ഇന്ന് പുലർച്ചെയാണ് ഇരുവരും മരിച്ചത്.
by Midhun HP News | May 13, 2024 | Latest News, ജില്ലാ വാർത്ത
ആറ്റിങ്ങൽ താഴെയിളമ്പ പാറക്കടവന് സമീപം കുളിക്കാൻ ഇറങ്ങിയ വിദ്യാർത്ഥി മുങ്ങി മരിച്ചു. ആനയറ സ്വദേശി അർജുൻ 15 ആണ് മരണപ്പെട്ടത്. കഴിഞ്ഞ ദിവസം ഉച്ച കഴിഞ്ഞായിരുന്നു സംഭവം. ബന്ധുവീട്ടിൽ സന്ദർശനത്തിന് എത്തിയതായിരുന്നു അർജുൻ. എല്ലാവരും കുളിക്കുന്നതിനിടയിൽ ആയിരുന്നു അപകടം. ഫയർഫോഴ്സും നാട്ടുകാരും ചേർന്ന് അർജുനെ രക്ഷപ്പെടുത്തി ആശുപത്രിയിൽ എത്തിച്ചെങ്കിലും മരണപ്പെട്ടു.
by Midhun HP News | May 13, 2024 | Latest News, ജില്ലാ വാർത്ത
കല്ലമ്പലം: കടുവയിൽ സൗഹൃദ റെസിഡന്റ്‌സ് അസോസിയേഷൻ പ്രദേശരത്തെ പ്ലസ് ടു വിനും എസ്. എസ്. എൽ. സിക്കും ഫുൾ എ പ്ലസ് കരസ്ഥമാക്കിയ ജാസ്സിം എൻ ഖാലിദ്, അൽഫിയ. എസ്, നിവേദിത ഡി. എസ്., സൽമാൻ അൽ ഫാരിസി, ശിവേന്ദു എന്നിവരെ എസ് ആർ എ ഓഫീസിൽ നടന്ന യോഗത്തിൽ വച്ചു ഫലകവും മെഡലും മധുരപലഹാരവും നൽകി ആദരിച്ചു.
ചടങ്ങിൽ ‘സൗഹൃദ ‘പ്രസിഡന്റ്‌ ശശിധരൻ പി. എൻ., സെക്രട്ടറി ഖാലിദ് പനവിള, ഖജാൻജി സൈനുലബ്ദീൻ സൽസബീൽ, വൈസ് പ്രസിഡന്റ്‌ അറഫ റാഫി, കടുവയിൽ ജാമിയ സ്വലാഹിയ അറബിക് കോളേജ് വൈസ് പ്രിൻസിപ്പൽ റഫീഖ് മൗലവിജോയിന്റ് സെക്രട്ടറിമാരായ സോമശേഖരൻ നായർ, ശ്രീകുമാർ. ജി എന്നിവർ സംസാരിച്ചു.
Recent Comments