by Midhun HP News | Jun 10, 2026 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ ധനലക്ഷ്മി ലോട്ടറി ഫലം പ്രഖ്യാപിച്ചു.DT 927572 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ DS 280490 എന്ന നമ്പറിലുള്ള ടിക്കറ്റിനാണ്. DV 826575 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില.ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize Rs.5,000/-
(Remaining all series)Lottery Winning Stories
DN 927572
DO 927572
DP 927572
DR 927572
DS 927572
DU 927572
DV 927572
DW 927572
DX 927572
DY 927572
DZ 927572
4th Prize Rs.5,000/-(Last four digits to be drawn 19 times)
0027 1124 1809 2123 2158 2650 3379 3775 4277 4463 4572 4897 5604 5824 6380 6810 7622 7673 8152
5th Prize Rs.2,000/-
(Last four digits to be drawn 6 times)
0477 1275 5500 5575 5841 6719
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Jun 10, 2026 | Latest News, ദേശീയ വാർത്ത
അബുദാബി: യുഎഇയില് അടുത്ത അഞ്ച് മാസം താപനിലയും മഴയും സീസണല് ശരാശരിയേക്കാള് കൂടുതലായിരിക്കുമെന്ന് കാലാവസ്ഥാ വകുപ്പിന്റെ മുന്നറിയിപ്പ്(എന്സിഎം). 2026 ജൂലൈ മുതല് നവംബര് വരെയുള്ള കാലയളവില് എല് നിനോ പ്രതിഭാസത്തിന് സാധ്യതയുണ്ടെന്നും ദേശീയ കാലാവസ്ഥ നിരീക്ഷണ കേന്ദ്രം മുന്നറിയിപ്പില് പറഞ്ഞു. ഇക്കാലയളവില് ശക്തമായ കാറ്റിനും മഴയ്ക്കും സാധ്യതയുണ്ടെന്നാണ് മുന്നറിയിപ്പ്.
ഈ കാലയളവില് യുഎഇയില് എല് നിനോ പ്രതിഭാസമുണ്ടാകാന് 98 ശതമാനം സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നു. ഏറ്റവും പുതിയ സീസണല് പ്രവചനത്തില്, നിനോ 3.4 സമുദ്രോപരിതല താപനിലയിലെ അപാകത 0.5 ഡിഗ്രി സെല്ഷ്യസില് എത്തിയെന്നും ഇത് എല് നിനോ വിഭാഗത്തില് പെടുമെന്നും എന്സിഎം പറഞ്ഞു.
എന്താണ് ‘നിനോ 3.4’ സൂചിക?
ഉഷ്ണമേഖലാ പസഫിക് സമുദ്ര-അന്തരീക്ഷ വ്യവസ്ഥയിലുണ്ടാകുന്ന ആനുകാലിക മാറ്റങ്ങളെയാണ് എല് നിനോ എന്ന് വിളിക്കുന്നത്. നിലവില് സമുദ്രോപരിതല താപനിലയിലെ ‘നിനോ 3.4’ (Nino 3.4) എന്ന അസാധാരണത്വം 0.5 ഡിഗ്രി സെല്ഷ്യസാണെന്നും ഇത് എല് നിനോ വിഭാഗത്തിലാണ് പെടുന്നതെന്നും എന്സിഎം പറയുന്നു. യുഎഇയെ ബാധിക്കുന്ന കാലാവസ്ഥാ വ്യതിയാനങ്ങളെ സൂചിപ്പിക്കുന്ന പ്രധാന സൂചകമാണിത്.
‘അന്താരാഷ്ട്ര കാലാവസ്ഥാ നിരീക്ഷണങ്ങളും അത്യാധുനിക പ്രവചന മാതൃകകളും ഉപയോഗിച്ച് എല് നിനോ-സതേണ് ഓസിലേഷന്റെ (ENSO) സ്ഥിതി കൃത്യമായി നിരീക്ഷിച്ചുവരികയാണ്. ഇതിന്റെ അടിസ്ഥാനത്തില് പ്രതിമാസ അപ്ഡേറ്റുകള് പുറത്തുവിടും.’ നാഷണല് സെന്റര് ഓഫ് മെറ്റീരിയോളജി അധികൃതര് വ്യക്തമാക്കി.
by Midhun HP News | Jun 10, 2026 | Latest News, കേരളം
തിരുവനന്തപുരം: ഇന്ന് പ്രസിദ്ധീകരിക്കാനിരുന്ന കേരള ഹയര് സെക്കന്ഡറി ഒന്നാം വര്ഷ (പ്ലസ് വണ്) പരീക്ഷാ ഫലം മാറ്റി. ജൂലൈ പതിനഞ്ചിന് ഫലം പ്രസിദ്ധീകരിക്കും. ഗള്ഫ് മേഖലയില് പരീക്ഷകള് മാറ്റിവച്ചിരുന്നു. മാറ്റിവച്ച പരീക്ഷകള് അടുത്ത ആഴ്ച നടക്കുന്നതിനാലാണ് ഫലം മാറ്റിവച്ചത്.
ഫലം പ്രഖ്യാപിച്ചാലുടന് വിദ്യാര്ഥികള്ക്ക് keralaresults.nic.in, results.kite.Kerala.gov.in എന്നീ ഔദ്യോഗിക പോര്ട്ടലുകള് വഴി മാര്ക്കുകള് അറിയാം.
by Midhun HP News | Jun 10, 2026 | Latest News, ദേശീയ വാർത്ത
ദുബൈ: ദുബൈയിലെ മിനിബസ് അപകടത്തില് പരിക്കേറ്റവരില് രണ്ട് മലയാളികളും. അപകടത്തില് മരിച്ചവരുടെയും പരിക്കേറ്റവരുടെയും കുടുംബങ്ങള്ക്ക് പ്രമുഖ പ്രവാസി സംരംഭകനും ജീവകാരുണ്യ പ്രവര്ത്തകനും ബുര്ജീല് ഹോള്ഡിങ്സ് ചെയര്മാനും സിഇഒയുമായ ഡോ. ഷംഷീര് വയലില് സഹായധനം പ്രഖ്യാപിച്ചു. അപകടത്തില് ജീവന് നഷ്ടപ്പെട്ടവരുടെയും പരിക്കേറ്റവരുടെയും കുടുംബങ്ങള്ക്ക് 2.6 കോടി രൂപയുടെ പുനരധിവാസ പാക്കേജാണ് പ്രഖ്യാപിച്ചിരിക്കുന്നത്.
അപകടത്തില് മരിച്ച ഇന്ത്യക്കാരില് 3 പേര് തെലങ്കാനയില് നിന്നും 3 പേര് ഉത്തര് പ്രദേശില് നിന്നുമാണ്. അപകടത്തില് ജീവന് നഷ്ടപ്പെട്ട ആറ് ഇന്ത്യക്കാരടക്കം ഏഴ് പേരുടെ കുടുംബങ്ങള്ക്ക് 26 ലക്ഷം രൂപ വീതവും രണ്ട് മലയാളികള് ഉള്പ്പെടെ പരിക്കേറ്റ ഒന്പത് പേരുടെ അടിയന്തര ചികിത്സാ-പുനരധിവാസ ആവശ്യങ്ങള്ക്കായി 47 ലക്ഷം രൂപയും നല്കും. ഇതിനുപുറമെ, അപകടത്തിനിരയായവരുടെ കുടുംബാംഗങ്ങളുടെ അടിയന്തര യാത്രാ-താമസ സൗകര്യങ്ങള്ക്കായി 18 ലക്ഷം രൂപയും കുട്ടികളുടെ വിദ്യാഭ്യാസ ആവശ്യങ്ങള്ക്കായി 13 ലക്ഷം രൂപയും വകയിരുത്തിയിട്ടുണ്ട്.
കുടുംബത്തിന്റെ ഏക ആശ്രയം നഷ്ടപ്പെട്ടവര്ക്ക് അടിയന്തര ആശ്വാസം നല്കുന്നതിനൊപ്പം, അവരുടെ കുടുംബങ്ങളുടെ ഭാവി സുരക്ഷിതമാക്കാന് കൂടി ലക്ഷ്യമിട്ടാണ് ഈ സമഗ്ര പാക്കേജ് രൂപകല്പന ചെയ്തിരിക്കുന്നത്. ചെറിയ കുട്ടികളുള്ള കുടുംബങ്ങള്ക്ക് അവരുടെ ദീര്ഘകാല ആവശ്യങ്ങള് കണക്കിലെടുത്ത് പ്രത്യേക പരിഗണന നല്കിയിട്ടുണ്ട്.
അപകടത്തില്പ്പെട്ട ഇന്ത്യന് കുടുംബങ്ങള്ക്ക് സഹായം ഉറപ്പാക്കാന് ദുബായിലെ ഇന്ത്യന് കോണ്സുലേറ്റുമായി ചേര്ന്ന് പ്രവര്ത്തനങ്ങള് ഏകോപിപ്പിച്ചു വരികയാണെന്ന് ഡോ. ഷംഷീര് വയലില് അറിയിച്ചു.
അപകടത്തില്പ്പെട്ട മുഴുവന് രാജ്യക്കാരുടെയും കുടുംബങ്ങളിലേക്ക് ഈ സഹായം എത്തിക്കും. ഒരുപാട് പ്രതീക്ഷകളോടെയും ഉത്തരവാദിത്തങ്ങളോടെയുമാണ് ഇവര് പ്രവാസലോകത്ത് എത്തിയത്. സാമ്പത്തിക സഹായത്തിന് പ്രിയപ്പെട്ടവരുടെ വിയോഗത്തിന്റെ നഷ്ടം നികത്താനാവില്ലെങ്കിലും ഈ പ്രയാസകരമായ ഘട്ടത്തില് അവരുടെ കുടുംബങ്ങള്ക്ക് ഇതൊരു ചെറിയ ആശ്വാസമാകുമെന്ന് പ്രതീക്ഷിക്കുന്നുവെന്നും ഡോ. ഷംഷീര് വ്യക്തമാക്കി.
ദുബൈ ആസ്ഥാനമായുള്ള കമ്പനിയിലെ ജീവനക്കാര് സഞ്ചരിച്ചിരുന്ന മിനിബസാണ് കഴിഞ്ഞ ദിവസം അപകടത്തില്പ്പെട്ടത്. സാങ്കേതിക തകരാര് മൂലം റോഡില് നിര്ത്തിയിട്ടിരുന്ന ട്രക്കിന് പിന്നില് മിനി ബസിടിച്ചായിരുന്നു അപകടം. ഇന്ത്യ, ശ്രീലങ്ക സ്വദേശികളായ തൊഴിലാളികളാണ് അപകടത്തില്പ്പെട്ടത്.
by Midhun HP News | Jun 10, 2026 | Latest News, കേരളം
തിരുവനന്തപുരം: നടന് സലീംകുമാറിന്റെ സംസ്കാര ചടങ്ങിനിടെ മൊബൈല് കാമറകളുമായി തിക്കും തിരക്കും ഉണ്ടാക്കിയ സംഭവം നിയമം കൊണ്ട് നിയന്ത്രിക്കേണ്ട കാര്യമല്ലെന്ന് മുഖ്യമന്ത്രി വി ഡി സതീശന്. അദ്ദേഹം രോഗബാധിതനായി കിടക്കുമ്പോഴും മരിച്ചു കഴിഞ്ഞിട്ടും വളരെ മോശമായ രീതിയില് സോഷ്യല്മീഡിയയില് പ്രചാരണം നടത്തി. ആരാണ് ഇതിന്റെ പുറകില്? ഇത് നമ്മുടെ കേരളത്തിന് യോജിച്ചതല്ല. കേരളം അത് തിരിച്ചറിയും. ചെയ്യുന്ന ആളുകള് അത് മനസിലാക്കണമെന്നും മുഖ്യമന്ത്രി മാധ്യമങ്ങളോട് പറഞ്ഞു.
‘സലീംകുമാറിന്റെ സംസ്കാര ചടങ്ങിനിടെ തിക്കും തിരക്കും ഉണ്ടാക്കിയപ്പോള് ഞാന് തന്നെ ദേഷ്യപ്പെട്ട് അവരോട് സംസാരിച്ചു. കാരണം ഗാര്ഡ് ഓഫ് ഓണര് കൊടുക്കാന് പോലും പൊലീസിന് പറ്റുന്നില്ല. കുടുംബാംഗങ്ങള്ക്ക് അവരുടെ കര്മ്മങ്ങള് ചെയ്യാന് അനുവദിക്കുന്നില്ല. വല്ലാത്തൊരു സ്ഥിതിയായിരുന്നു. ഞാനാണ് ആദ്യം പ്രതികരിച്ചത്. നിങ്ങള് മാറിനില്ക്കണം. കുടുംബത്തിന് കര്മ്മങ്ങള് ചെയ്യാന് അനുവദിക്കണം. അത് മാത്രമല്ലല്ലോ. അദ്ദേഹം രോഗബാധിതനായി കിടക്കുമ്പോള് സോഷ്യല്മീഡിയയില് വലിയൊരു ആക്രമണം ഉണ്ടായി. ചത്തുകൂടേ എന്നാണ് ചോദിച്ചത്. എന്താണ് ആ മനുഷ്യന് ചെയ്ത തെറ്റ്? മരിച്ച് കഴിഞ്ഞിട്ടും വളരെ മോശമായ രീതിയില് സോഷ്യല്മീഡിയ പ്രചാരണം നടത്തി. ഇത് നമ്മുടെ കേരളത്തിലാണോ നടക്കുന്നത്. ദേശീയ അവാര്ഡ് നേടിയ ഒരു നടനാണ്. മലയാളികളെ ചിരിപ്പിച്ച ഒരു നടനാണ്. എല്ലാവര്ക്കും ഇഷ്ടമുള്ള ഒരാളെ കുറിച്ച് എന്തും സോഷ്യല്മീഡിയയിലൂടെ പ്രചാരണം നടത്താമോ? ചത്തുകൂടേ എന്നാണ് ചോദിച്ചത്. സുഖമില്ലാതെ ഒരാള് കിടക്കുമ്പോള്. ഇതാണോ നമ്മുടെ കേരളം. ആരാണ് ഇതിന്റെ പുറകില്?. ഈ കാംപെയ്ന്റെ പുറകില്?’- വി ഡി സതീശന് ചോദിച്ചു.
‘എല്ലാവര്ക്കും രാഷ്ട്രീയമുണ്ട്. കലാകാരന്മാര്ക്കും സാംസ്കാരിക പ്രവര്ത്തകര്ക്കും രാഷ്ട്രീയമുണ്ട്. അവരുടെ രാഷ്ട്രീയത്തിന്റെ പേരില് ഒരാള് സുഖമില്ലാതെ വെന്റിലേറ്ററില് മരണത്തോട് മല്ലടിച്ചു കിടക്കുമ്പോള് നടത്തിയ ഒരു കാംപെയ്ന് ഉണ്ടല്ലോ. ഇത് നമ്മുടെ കേരളത്തിന് യോജിച്ചതല്ല. കേരളം അത് തിരിച്ചറിയും. ചെയ്യുന്ന ആളുകള് അത് മനസിലാക്കണം’- വി ഡി സതീശന് ഓര്മ്മിപ്പിച്ചു.
Recent Comments