ചിറയിൻകീഴിന്റെ സ്വന്തം ശാർക്കര പച്ചരി വിപണിയിലിറങ്ങി

by liji HP News | Jul 4, 2023 | Latest News, ജില്ലാ വാർത്ത

ചിറയിൻകീഴ്: ചിറയിൻകീഴ് ഗ്രാമപ്പഞ്ചായത്തിലെ കൃഷിഭവന്റെ നേതൃത്വത്തിൽ പ്രവർത്തിക്കുന്ന ശാർക്കര കൃഷിക്കൂട്ടം ശാർക്കര പച്ചരി എന്ന അരി ഉത്‌പന്നം തയ്യാറാക്കി വിപണിയിലെത്തിച്ചു. ഇതിന്റെ ഔദ്യോഗിക വിപണനോദ്ഘാടനവും ബ്രാൻഡ് പ്രകാശനവും ഗ്രാമപ്പഞ്ചായത്ത് പ്രസിഡന്റ് പി.മുരളി നിർവഹിച്ചു.

ഒരു കൃഷിഭവൻ ഒരു ഉത്പന്നം എന്ന സംസ്ഥാന കൃഷിവകുപ്പിന്റെ വിഭാവനപ്രകാരമാണ് ചിറയിൻകീഴ് ഗ്രാമപ്പഞ്ചായത്ത് ഉത്പന്നം വിപണിയിലിറക്കിയത്. ചിറയിൽ പാടശേഖരത്തിൽ കെ.എസ്.പ്രകാശ് കൃഷിചെയ്തെടുത്ത പച്ചനെല്ല് കുത്തിയെടുത്ത് വത്സല, സുജാത, ശ്രീദേവി, ജീവ, സിന്ധു, സൂര്യ തുടങ്ങിയവർ ചേർന്ന് രൂപവത്കരിച്ച ശാർക്കര കൃഷിക്കൂട്ടമാണ് ശാർക്കര പച്ചരിയുടെ പിന്നിലുള്ളത്. കൃഷി അസിസ്റ്റന്റ് കാർത്തിക ജെ.എസ്. ആണ് പ്രോജക്ട് കോ-ഓർഡിനേറ്റർ.

പഞ്ചായത്തിൽ നടന്ന പച്ചരി ബ്രാൻഡ് പ്രകാശനച്ചടങ്ങിൽ വൈസ് പ്രസിഡന്റ് ആർ.സരിത, ആരോഗ്യ വിദ്യാഭ്യാസ സ്ഥിരം സമിതി ചെയർമാൻ പി.ബിജു, സെക്രട്ടറി എസ്.ബിന്ദുലേഖ, കൃഷി ഓഫീസർ എസ്.ജയകുമാർ, അസി. കൃഷി ഓഫീസർ എസ്.അനിൽകുമാർ, പെസ്റ്റ് സ്കൗട്ട് ഗുരുദത്ത്, കാർഷിക വികസന സമിതി അംഗം രാധാകൃഷ്ണൻ തുടങ്ങിയവർ പങ്കെടുത്തു

സ്കൂളിൽ അഴൂർ ഗവ. സ്കൂളിൽ വൻ മരം കടപുഴകി വീണു; ആളപായമില്ല

by liji HP News | Jul 4, 2023 | Latest News, ജില്ലാ വാർത്ത

അഴൂർ ഗവ. സ്കൂളിൽ വൻ മരം കടപുഴകി വീണു മതിൽ തകർന്നു. ക്ലാസുകൾ നടന്നുകൊണ്ടിരുന്നതിനാൽ കുട്ടികൾ ക്ലാസ്സ്മുറികളിലായിരുന്നു. അതിനാൽ വൻ ദുരന്തം ഒഴിവായി. മതിൽ തകർന്ന് സ്കൂൾ ഗ്രൗണ്ടിലേക്കാണ് മരം പതിഞ്ഞിരിക്കുന്നത്.

കർഷക തൊഴിലാളി പെൻഷൻ രണ്ടായിരത്തി അഞ്ഞൂറ് രൂപയായി വർദ്ധിപ്പിക്കണം: കർഷക തൊഴിലാളി കൊട്ടിയോട് യൂണിറ്റ് സമ്മേളനം

by liji HP News | Jul 4, 2023 | Latest News, ജില്ലാ വാർത്ത

കർഷക തൊഴിലാളി പെൻഷൻ രണ്ടായിരത്തി അഞ്ഞൂറ് രൂപയായി വർദ്ധിപ്പിക്കണമെന്ന് കർഷകത്തൊഴിലാളി യൂണിയന്റെ കൊട്ടിയോട് യൂണിറ്റ് സമ്മേളനം ആവശ്യപ്പെട്ടു. കർഷക തൊഴിലാളി യൂണിയൻ വെസ്റ്റ് വില്ലേജ് സെക്രട്ടറി എസ് സതീഷ് കുമാർ സമ്മേളനം ഉദ്ഘാടനം ചെയ്തു. യൂണിറ്റ് പ്രസിഡന്റ് കെ. ശാന്ത അധ്യക്ഷത വഹിച്ചു.

യൂണിറ്റ് സെക്രട്ടറി കെ രാജൻ സ്വാഗതം പറഞ്ഞു. രക്തസാക്ഷി പ്രമേയം എസ് മിനിയും അനുശോചന പ്രമേയം എം.എസ് ആദർശും അവതരിപ്പിച്ചു. ഏര്യ സെക്രട്ടറി ആർ രാജു, വെസ്റ്റ് വില്ലേജ് പ്രസിഡന്റ് വി വിശ്വംഭരൻ, വില്ലേജ് ട്രഷറർ ജി നാരായണപിള്ള, സി.പി.ഐ എം ബ്രാഞ്ച് സെക്രട്ടറി സുനിൽ കുമാർ എന്നിവർ സംസാരിച്ചു.റിപ്പോർട്ട് സെക്രട്ടറി കെ രാജൻ അവതരിപ്പിച്ചു. പ്രമേയങ്ങൾ എം.എസ് ആദർശ് അവതരിപ്പിച്ചു. പുതിയ പ്രസിഡന്റായി എസ് മിനിയേയും സെക്രട്ടറിയായി കെ രാജനേയും തെരഞ്ഞെടുത്തു.

കേരള കർഷകത്തൊഴിലാളി യൂണിയൻ വാർഷിക സമ്മേളനം സംഘടിപ്പിച്ചു

by liji HP News | Jul 4, 2023 | Latest News, ജില്ലാ വാർത്ത

കേരള കർഷകത്തൊഴിലാളി യൂണിയൻ തോട്ടവാരം യൂണിറ്റ് വാർഷിക സമ്മേളനം ആറ്റിങ്ങൽ ഏര്യ സെക്രട്ടറി ആർ രാജു ഉദ്ഘാടനം ചെയ്തു. യൂണിറ്റ് പ്രസിഡന്റ് എസ് പ്രേമരാജ് അധ്യക്ഷത വഹിച്ചു. യൂണിറ്റ് സെക്രട്ടറി എസ് അജയൻ സ്വാഗതം പറഞ്ഞു. യു.എൻ അശ്വതി രക്തസാക്ഷി പ്രമേയവും അർ.കെ ശ്യാം അനുശോചന പ്രമേയവും അവതരിപ്പിച്ചു. വെസ്റ്റ് എൽ.സി സെക്രട്ടറി എസ് സതീഷ് കുമാർ, എൽ.സി അംഗം എസ്.എൽ സംഗീത്, വാർഡ് കൗൺസിലർ എസ് ഗിരിജ എന്നിവർ അഭിവാദ്യം ചെയ്തു. പ്രസിഡന്റായി എസ് ഗിരിജയേയും സെക്രട്ടറിയായി എസ് അജയനേയും തെരഞ്ഞെടുത്തു.

ഐ എൻ ടി യു സി ഊരുപൊയ്ക യൂണിറ്റ് ഉദ്ഘാടനം നടന്നു

by liji HP News | Jul 4, 2023 | Latest News, ജില്ലാ വാർത്ത

ഐ എൻ ടി യു സി ഊരുപൊയ്ക യൂണിറ്റ് ഉദ്ഘാടനവും യൂണിഫോം വിതരണം ചെയ്തു. ഐ എൻ ടി യു സി റീജണൽ പ്രസിഡൻ്റ് അജിത്ത് പാട്ടത്തിൽ, ബ്ലോക്ക് സെക്രട്ടറി എം. എസ് ശശിധരൻ, ഐ എൻ ടി യു സി ജില്ലാ കമ്മറ്റി അംഗം രവി കുമാർ, ബ്ലോക്ക് പ്രസിഡൻ്റ് അഭയൻ എന്നിവർ പങ്കെടുത്തു.

മുതലപ്പൊഴിയിൽ മത്സ്യബന്ധന വള്ളം മറിഞ്ഞു

by liji HP News | Jul 4, 2023 | Latest News, ജില്ലാ വാർത്ത

മുതലപ്പൊഴിയിൽ മത്സ്യബന്ധന വള്ളം മറിഞ്ഞു. തൊഴിലാളികൾ നീന്തി രക്ഷപ്പെട്ടു.
മത്സ്യബന്ധനം കഴിഞ്ഞ് മടങ്ങവേ രാവിലെ 6 മണിയോടെ അഴിമുഖത്തുണ്ടായ ശക്തമായ തിരയിൽപ്പെട്ട് വള്ളം മറിയുകയായിരുന്നു. വള്ളത്തിലുണ്ടായിരുന്ന 3 തൊഴിലാളികൾ നീന്തി രക്ഷപ്പെട്ടു. കടലിലേക്ക് ഒഴുക്കി പോയ വള്ളം കരയ്ക്കെത്തിക്കാനുള്ള ശ്രമം തുടരുകയാണ്