കാലവര്‍ഷം കേരളത്തിലെത്തി; ശക്തമായ മഴയ്ക്ക് സാധ്യത, കോഴിക്കോട് ഓറഞ്ച് അലര്‍ട്ട്

by liji HP News | Jun 8, 2023 | Latest News, കേരളം, ജില്ലാ വാർത്ത

തിരുവനന്തപുരം: കാലവര്‍ഷം കേരളത്തിലെത്തിയതായി കേന്ദ്ര കാലാവസ്ഥ വകുപ്പ് അറിയിച്ചു. പ്രവചിച്ചതിലും മൂന്നു ദിവസം വൈകിയാണ് കാലവര്‍ഷം സംസ്ഥാനത്തെത്തിയത്. സംസ്ഥാനത്ത് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നും കാലാവസ്ഥ മുന്നറിയിപ്പ് നല്‍കി.

പത്തു ജില്ലകളില്‍ ശക്തമായ മഴയ്ക്ക് സാധ്യതയെന്നാണ് മുന്നറിയിപ്പ്. കോഴിക്കോട് ജില്ലയില്‍ ഓറഞ്ച് അലര്‍ട്ട് പുറപ്പെടുവിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കണ്ണൂര്‍ ജില്ലകളില്‍ യെല്ലോ അലര്‍ട്ടും പുറപ്പെടുവിച്ചിട്ടുണ്ട്.

അറബിക്കടലില്‍ രൂപംകൊണ്ട ബിപോര്‍ജോയ് ചുഴലിക്കാറ്റ് അതി തീവ്രചുഴലിക്കാറ്റായി ശക്തി പ്രാപിച്ചു. മധ്യകിഴക്കന്‍ അറബിക്കടലിനു മുകളില്‍ അതിതീവ്ര ചുഴലിയായി സ്ഥിതി ചെയ്യുകയാണ്. അടുത്ത 48 മണിക്കൂറില്‍ വീണ്ടും ശക്തി പ്രാപിക്കുന്ന ബിപോര്‍ജോയ് തുടര്‍ന്നുള്ള 3 ദിവസം വടക്ക് വടക്ക് പടിഞ്ഞാറു ദിശയില്‍ സഞ്ചരിക്കാന്‍ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ചിറയിൻകീഴ് റെയിൽവേ സ്റ്റേഷനിൽ നിർത്തുന്ന ട്രെയിനുകൾ

by liji HP News | Jun 8, 2023 | Latest News, കേരളം, ജില്ലാ വാർത്ത

TRAIN NO & NAME TOWARDS ARRIVAL DEPARTURE

16348 മംഗലാപുരം-തിരുവനന്തപുരം എക്‌സ്പ്രസ്സ് തിരുവനന്തപുരം ഭാഗത്തേയ്ക്ക് 03:05 03:06
16302 തിരുവനന്തപുരം-ഷൊർണ്ണൂർ വേണാട് എക്സ്പ്രസ്സ് കൊല്ലം ഭാഗത്തേയ്ക്ക് 05:51 05:52 16650 നാഗർകോവിൽ-മംഗലാപുരം പരശുറാം എക്സ്പ്രസ്സ് കൊല്ലം ഭാഗത്തേയ്ക്ക് 06:36 06:37
16729 മധുര-പുനലൂർ എക്സ്പ്രസ്സ് കൊല്ലം ഭാഗത്തേയ്ക്ക് 07:11 07:12
06423 കൊല്ലം-തിരുവനന്തപുരം സ്പെഷ്യൽ എക്സ്പ്രസ്സ് തിരുവനന്തപുരം ഭാഗത്തേയ്ക്ക് 07:37 07:38
16630 മംഗലാപുരം -തിരുവനന്തപുരം മലബാർ എക്സ്പ്രസ്സ് തിരുവനന്തപുരം ഭാഗത്തേയ്ക്ക് 07:49 07:50
16381 പൂനെ-കന്യാകുമാരി ജയന്തി ജനത എക്സ്പ്രസ്സ് തിരുവനന്തപുരം ഭാഗത്തേയ്ക്ക് 08:46 08:47
06426 നാഗർകോവിൽ കൊല്ലം സ്പെഷ്യൽ എക്സ്പ്രസ്സ് കൊല്ലം ഭാഗത്തേയ്ക്ക് 08:51 08:52
16303 എറണാകുളം തിരുവനന്തപുരം വഞ്ചിനാട് എക്സ്പ്രസ്സ് തിരുവനന്തപുരം ഭാഗത്തേയ്ക്ക് 09:14 09:15
16382 കന്യാകുമാരി -പൂനെ ജയന്തി ജനത എക്സ്പ്രസ്സ് കൊല്ലം ഭാഗത്തേയ്ക്ക് 11:05 11:06
16526 ബാംഗ്ലൂർ -കന്യാകുമാരി ഐലൻഡ് എക്സ്പ്രസ്സ് തിരുവനന്തപുരം ഭാഗത്തേയ്ക്ക് 11:10 11:11
06772 കൊല്ലം-കന്യാകുമാരി മെമു (വെള്ളിയാഴ്ച്ച ഒഴികെ) തിരുവനന്തപുരം ഭാഗത്തേയ്ക്ക് 12:27 12:28
16525 കന്യാകുമാരി -ബാംഗ്ലൂർ ഐലൻഡ് എക്സ്പ്രസ്സ് കൊല്ലം ഭാഗത്തേയ്ക്ക് 13:06 13:07
16366 നാഗർകോവിൽ കോട്ടയം എക്സ്പ്രസ്സ് കൊല്ലം ഭാഗത്തേയ്ക്ക് 15:21 15:22
06427 കൊല്ലം – നാഗർകോവിൽ സ്പെഷ്യൽ എക്സ്പ്രസ്സ് തിരുവനന്തപുരം ഭാഗത്തേയ്ക്ക് 16:07 16:08
06425 കൊല്ലം – തിരുവനന്തപുരം സ്പെഷ്യൽ എക്സ്പ്രസ്സ് തിരുവനന്തപുരം ഭാഗത്തേയ്ക്ക് 16:49 16:50
16649 മംഗലാപുരം- നാഗർകോവിൽ പരശുറാം എക്സ്പ്രസ്സ് തിരുവനന്തപുരം ഭാഗത്തേയ്ക്ക് 18:03 18:04
16304 തിരുവനന്തപുരം- എറണാകുളം വഞ്ചിനാട് എക്സ്പ്രസ്സ് കൊല്ലം ഭാഗത്തേയ്ക്ക് 18:11 18:12
06424 തിരുവനന്തപുരം- കൊല്ലം സ്പെഷ്യൽ എക്സ്പ്രസ്സ് കൊല്ലം ഭാഗത്തേയ്ക്ക് 18:41 18:42
16730 പുനലൂർ- മധുര എക്സ്പ്രസ്സ് തിരുവനന്തപുരം ഭാഗത്തേയ്ക്ക് 19:09 19:10
16629 തിരുവനന്തപുരം- മംഗലാപുരം മലബാർ എക്സ്പ്രസ്സ് കൊല്ലം ഭാഗത്തേയ്ക്ക് 19:12 19:13
06773 കന്യാകുമാരി -കൊല്ലം മെമു (വെള്ളിയാഴ്ച്ച ഒഴികെ) കൊല്ലം ഭാഗത്തേയ്ക്ക് 19:43 19:44
16347 തിരുവനന്തപുരം- മംഗലാപുരം എക്സ്പ്രസ്സ് കൊല്ലം ഭാഗത്തേയ്ക്ക് 21:16 21:17
16301 ഷൊർണ്ണൂർ – തിരുവനന്തപുരം വേണാട് എക്സ്പ്രസ്സ് തിരുവനന്തപുരം ഭാഗത്തേയ്ക്ക് 21:27 21:28
16127 ചെന്നൈ- ഗുരുവായൂർ എക്സ്പ്രസ്സ് കൊല്ലം ഭാഗത്തേയ്ക്ക് 23:44 23:45

സംസ്ഥാനത്ത് സ്വര്‍ണ വില കുറഞ്ഞു

by liji HP News | Jun 8, 2023 | Latest News, കേരളം, ജില്ലാ വാർത്ത

അന്താരാഷ്ട്ര വിപണിയില്‍ സ്വര്‍ണവിലയില്‍ വീണ്ടും ഇടിവ് രേഖപ്പെടുത്തി ഔണ്‍സിന് 1944 ഡോളര്‍ വരെയെത്തി. സംസ്ഥാനത്ത് ഇന്ന് സ്വര്‍ണവില കുറഞ്ഞു. കഴിഞ്ഞ ദിവസം വിലയില്‍ മാറ്റമില്ലാതെ ഗ്രാമിന് 5560 രൂപയും സ്വര്‍ണം പവന് 44,480 രൂപയുമായിരുന്നു.

ഇന്ന് 22 കാരറ്റ് ഒരു പവന്‍ സ്വര്‍ണത്തിന് ഔദ്യോഗിക വില 44,160 രൂപയും ഗ്രാമിന് 5520 രൂപയുമായി. ഗ്രാമിന് നാല്‍പത് രൂപയും പവന് 320 രൂപയുമാണ് ഇന്ന് കുറഞ്ഞത്. അന്താരാഷ്ട്ര വിപണിയില്‍ സ്വര്‍ണവില കുറയുന്നതാണ് സംസ്ഥാനത്തും സ്വര്‍ണവില ഇടിയാന്‍ കാരണം. ഏപ്രില്‍ 14ന് സ്വര്‍ണവില സര്‍വകാല റെക്കോര്‍ഡിലെത്തിയിരുന്നു. ഗ്രാമിന് 55 രൂപ വര്‍ധിച്ചാണ് വില റെക്കോര്‍ഡ് മറികടന്ന് 5665 രൂപയിലെത്തിയത്. പവന് 45,320 രൂപയുമായിരുന്നു അന്നത്തെ വില. ഇതിന് മുന്‍പ് ഏപ്രില്‍ 5നാണ് സംസ്ഥാനത്ത് സ്വര്‍ണവില റെക്കോര്‍ഡിട്ടത്. ഗ്രാമിന് 5625 രൂപയായിരുന്നു അന്നത്തെ റെക്കോര്‍ഡ് നിരക്ക്.

അമൽ ജ്യോതിയിലെ വിദ്യാർത്ഥിനിയുടെ മരണം; ആത്മഹത്യ കുറിപ്പ് കിട്ടിയിരുന്നുവെന്ന് കോട്ടയം എസ്പി

by liji HP News | Jun 8, 2023 | Latest News, കേരളം, ജില്ലാ വാർത്ത

കോട്ടയം: അമൽജ്യോതിയിലെ ബിരുദ വിദ്യാർത്ഥിനി ശ്രദ്ധയുടെ മരണത്തിൽ പ്രതികരണവുമായി കോട്ടയം എസ്പി.വിദ്യാർത്ഥിനിയുടെ ആത്മഹത്യ കുറിപ്പ് കിട്ടിയിരുന്നു എന്ന് എസ് പി കെ കാർത്തിക് പറഞ്ഞു. ഈ കുറിപ്പിൽ ആരെയും കുറ്റപ്പെടുത്തുന്ന ഒന്നും ഉണ്ടായിരുന്നില്ല. ക്രൈം ബ്രാഞ്ച് കേസ് നല്ല നിലയിൽ അന്വേഷിക്കുമെന്നും എസ് പി പറഞ്ഞു.

ബിരുദ വിദ്യാർത്ഥിനിയുടെ മരണത്തിൽ അമൽ ജ്യോതി എൻജിനീയറിങ് കോളേജിൽ രണ്ട് ദിവസമായി നടന്നുവന്നിരുന്ന വിദ്യാർത്ഥി സമരം മന്ത്രി തല സമിതി നടത്തിയ ചർച്ചയോടെ ഇന്നലെ അവസാനിപ്പിച്ചു. ശ്രദ്ധയുടെ ആത്മഹത്യയുമായി ബന്ധപ്പെട്ട കേസ് ജില്ലാ ക്രൈംബ്രാഞ്ച് അന്വേഷിക്കും എന്നായിരുന്നു ചർച്ചയിലെ പ്രധാന തീരുമാനം. ഉന്നയിച്ച ആവശ്യങ്ങൾ ഒന്നും പൂർണമായി അംഗീകരിക്കപ്പെട്ടില്ലെങ്കിലും മന്ത്രിമാർ ഇടപെട്ട പശ്ചാത്തലത്തിലാണ് സമരത്തിൽ നിന്ന് പിന്മാറാൻ വിദ്യാർത്ഥികൾ തയ്യാറായത്.

ആറു വയസുകാരിയെ അച്ഛൻ വെട്ടിക്കൊലപ്പെടുത്തി; നക്ഷത്രയുടെ പോസ്റ്റുമോർട്ടം ഇന്ന്

by liji HP News | Jun 8, 2023 | Latest News, കേരളം, ജില്ലാ വാർത്ത

മാവേലിക്കര പുന്നമൂട്ടിൽ അച്ഛൻ വെട്ടിക്കൊലപ്പെടുത്തിയ ആറു വയസുള്ള നക്ഷത്രയുടെ പോസ്റ്റുമോർട്ടം ഇന്ന്. നക്ഷത്രയുടെ കഴുത്തിന്റെ വലതുഭാഗത്താണ് മഴു കൊണ്ടുള്ള വെട്ടേറ്റത്. കൊലപാതകത്തിന്റെ കാരണം വ്യക്തമല്ല. പ്രതി ശ്രീമഹേഷ് പൊലീസ് കസ്റ്റഡിയിലും അക്രമാസക്തനാണ്. ഇയാൾ മയക്കുമരുന്നിനു അടിമയാണെന്ന് നാട്ടുകാർ പറഞ്ഞു. ശ്രീമഹേഷിൻറെ വെട്ടേറ്റ അമ്മ സുനന്ദ ജില്ലാ ആശുപത്രിയിൽ ചികിത്സയിലാണ്. ഇന്നലെയാണ് രണ്ടാം ക്ലാസ് വിദ്യാർത്ഥിനിയായ നക്ഷത്രയെ സ്വന്തം അച്ഛൻ മഴുകൊണ്ട് വെട്ടി കൊലപ്പെടുത്തിയത്. നക്ഷത്രയുടെ സംസ്കാരം ഇന്ന് പോസ്റ്റ്മോർട്ടത്തിനുശേഷം പത്തിയൂരിൽ അമ്മ വിദ്യയുടെ വീട്ടുവളപ്പിൽ നടക്കും.

വൈകിട്ട് ഏഴരയ്ക്കാണ് സംഭവമുണ്ടായത്. ബഹളം കേട്ട് തൊട്ടടുത്ത വീട്ടിൽ നിന്ന് അമ്മ സുനന്ദ ഓടിയെത്തിയപ്പോൾ കണ്ടത് വെട്ടേറ്റ് സോഫയിൽ കിടക്കുന്ന നക്ഷത്രയെയാണ്. ബഹളം വെച്ചുകൊണ്ട് പുറത്തേക്കോടിയ സുനന്ദയെയും പിന്തുടർന്നെത്തിയ ശ്രീമഹേഷ് ആക്രമിച്ചു. സുനന്ദയുടെ (62) കൈയ്ക്ക് വെട്ടേറ്റിട്ടുണ്ട്. ബഹളം കേട്ട് ഓടിയെത്തിയ സമീപവാസികളെ മഴുകാട്ടി ഭീഷണിപ്പെടുത്തി ആക്രമിക്കാനും ഇയാൾ ശ്രമിച്ചു.

നക്ഷത്രയുടെ അമ്മ മൂന്നു വർഷം മുൻപ് ആത്മഹത്യ ചെയ്തിരുന്നു. വിദേശത്തായിരുന്ന ശ്രീമഹേഷ് പിതാവ് ശ്രീമുകുന്ദൻ ട്രെയിൻ തട്ടി മരിച്ചതിനുശേഷമാണ് നാട്ടിലെത്തിയത്.