സ്പീഡ് ​ഗവർണർ നിർബന്ധം, ജിപിഎസ് സംവിധാനം; സ്കൂൾ വാഹനങ്ങൾക്ക് കർശന നിർദേശം

by Midhun HP News | May 25, 2023 | Latest News, കേരളം, ജില്ലാ വാർത്ത

തി​രു​വ​ന​ന്ത​പു​രം: സ്കൂൾ തുറക്കാൻ ദിവസങ്ങൾ മാത്രം അവശേഷിക്കേ, സ്കൂ​ൾ വാ​ഹ​ന​ങ്ങ​ളു​ടെ സു​ര​ക്ഷ ഉ​റ​പ്പു​വ​രു​ത്തു​ന്ന​തി​ന്​ ക​ർ​ശ​ന നി​ർ​ദേ​ശ​ങ്ങ​ളു​മാ​യി മോ​ട്ടോ​ർ വാ​ഹ​ന​വ​കു​പ്പ്. പ​ര​മാ​വ​ധി വേ​ഗം 50 കി​ലോ​മീ​റ്റ​റി​ൽ നി​ജ​പ്പെ​ടു​ത്തി​യ സ്പീ​ഡ് ഗവർണറുകൾ സ്കൂ​ൾ വാ​ഹ​ന​ങ്ങ​ളി​ൽ നി​ർ​ബ​ന്ധ​മാ​ക്കി. സ്കൂ​ൾ മേ​ഖ​ല​യി​ൽ പ​ര​മാ​വ​ധി മ​ണി​ക്കൂ​റി​ൽ 30 കി​ലോ​മീ​റ്റ​ർ വേ​ഗത്തിൽ മാത്രമേ സഞ്ചരിക്കാവൂ. മ​റ്റ് റോ​ഡു​ക​ളി​ൽ പ​ര​മാ​വ​ധി 50 കി​ലോ​മീ​റ്റർ.

മ​ദ്യ​പി​ച്ച് വാ​ഹ​ന​മോ​ടി​ച്ച​തി​നോ അ​മി​ത​വേ​ഗ​ത്തി​നോ അ​പ​ക​ട​ക​ര​മാ​യി വാ​ഹ​ന​മോ​ടിച്ചതിനോ മ​റ്റ് കു​റ്റ​കൃ​ത്യ​ങ്ങ​ൾ​ക്കോ ശി​ക്ഷി​ക്ക​പ്പെ​ട്ട​വ​രാ​ക​രു​ത് വാ​ഹ​ന​ത്തി​ന്റെ ഡ്രൈ​വ​ർ എന്ന് നിർദേശത്തിൽ പറയുന്നു.വാ​ഹ​ന​ങ്ങ​ളി​ൽ ജിപിഎ​സ്​ സം​വി​ധാ​നം ഉറപ്പാക്കണം. ഇ​വ സു​ര​ക്ഷ മി​ത്ര സോ​ഫ്​​റ്റ്​​വെ​യ​റു​മാ​യി നിർബന്ധമായി ബ​ന്ധി​പ്പി​ച്ചിരിക്കണം. സ്കൂ​ൾ മാ​നേ​ജ്മെ​ൻറി​നും ര​ക്ഷാ​ക​ർ​ത്താ​ക്ക​ൾ​ക്കും സ്കൂ​ൾ വാ​ഹ​ന​ങ്ങ​ളെ ത​ത്സ​മ​യം നി​രീ​ക്ഷി​ക്കു​ന്ന​തി​നാ​യി ‘വി​ദ്യാ വാ​ഹ​ൻ’ എ​ന്ന മൊ​ബൈ​ൽ ആ​പ് മോ​ട്ടോ​ർ വാ​ഹ​ന വ​കു​പ്പ് ത​യാ​റാ​ക്കി​യി​ട്ടു​ണ്ട്.

സ്കൂ​ൾ തു​റ​ക്കു​ന്ന​തി​ന് ​മു​മ്പ്​ ത​ന്നെ വാ​ഹ​ന​ത്തി​ന്റെ അ​റ്റ​കു​റ്റ​പ്പ​ണി പൂ​ർ​ത്തി​യാ​ക്കി ഫി​റ്റ്ന​സ് പ​രി​ശോ​ധ​ന​ക്ക് ഹാ​ജ​രാ​ക്ക​ണം. വാ​തി​ലു​ക​ളു​ടെ എ​ണ്ണ​ത്തി​ന് തു​ല്യ​മാ​യ ഡോ​ർ അ​റ്റ​ൻ​ഡ​ർ​മാ​ർ എ​ല്ലാ സ്കൂ​ൾ ബ​സി​ലും വേ​ണം. സീ​റ്റി​ങ്​ ക​പ്പാ​സി​റ്റി അ​നു​സ​രി​ച്ച് മാ​ത്ര​മേ കു​ട്ടി​ക​ളെ യാ​ത്ര ചെ​യ്യാ​ൻ അ​നു​വ​ദി​ക്കാ​വൂ. 12 വ​യ​സ്സി​ന് താ​ഴെ പ്രാ​യ​മു​ള്ള കു​ട്ടി​ക​ളാ​ണെ​ങ്കി​ൽ ഒ​രു സീ​റ്റി​ൽ ര​ണ്ടു​പേ​ർ​ക്ക് യാ​ത്ര ചെ​യ്യാ​ൻ അ​നു​വ​ദി​ക്കാം.

ഓ​രോ ട്രി​പ്പി​ലും യാ​ത്ര ചെ​യ്യു​ന്ന കു​ട്ടി​ക​ളു​ടെ പേ​ര്, ക്ലാ​സ്, അ​ഡ്ര​സ്സ് ബോ​ർ​ഡി​ങ്​ പോ​യ​ൻ​റ് , ര​ക്ഷാ​ക​ർ​ത്താ​വി​ന്റെ പേ​ര്, വി​ലാ​സം, ഫോ​ൺ ന​മ്പ​ർ എ​ന്നി​വ രേ​ഖ​പ്പെ​ടു​ത്തി​യ ലി​സ്റ്റ് ലാ​മി​നേ​റ്റ് ചെ​യ്ത് വാ​ഹ​ന​ത്തി​ൽ പ്ര​ദ​ർ​ശി​പ്പി​ക്ക​ണം. ഓ​രോ വി​ദ്യാ​ഭ്യാ​സ സ്ഥാ​പ​ന​ത്തി​ലും എ​ല്ലാ കു​ട്ടി​ക​ളു​ടെ​യും യാ​ത്രാ മാ​ർ​ഗ​ങ്ങ​ൾ സം​ബ​ന്ധി​ച്ചു​ള്ള കാ​ര്യ​ങ്ങ​ൾ രേ​ഖ​പ്പെ​ടു​ത്തി​യ ര​ജി​സ്റ്റ​ർ സൂ​ക്ഷി​ക്ക​ണം. ഇ​വ മോ​ട്ടോ​ർ വാ​ഹ​ന വ​കു​പ്പ്, പൊലീസ് ഉ​ദ്യോ​ഗ​സ്ഥ​ർ എ​ന്നി​വ​രു​ടെ പ​രി​ശോ​ധ​നാ സ​മ​യ​ത്ത് ഹാ​ജ​രാ​ക്ക​ണമെന്നും നിർദേശത്തിൽ പറയുന്നു.

വാ​ഹ​ന​ത്തി​ന്റെ പി​റ​കി​ൽ വാ​ഹ​ന​ത്തി​ന്റെ സീ​റ്റി​ങ്​ ക​പ്പാ​സി​റ്റി രേ​ഖ​പ്പെ​ടു​ത്ത​ണം.സ്കൂ​ളി​ൻറെ പേ​രും ഫോ​ൺ ന​മ്പ​റും വാ​ഹ​ന​ത്തി​ൻറെ ഇ​രു​വ​ശ​ങ്ങ​ളി​ലും പ്ര​ദ​ർ​ശി​പ്പി​ക്ക​ണം. ഓ​രോ വാ​ഹ​ന​ത്തി​ലും ഒ​രു അ​ധ്യാ​പ​ക​നെ​യോ അ​ന​ധ്യാ​പ​ക​നെ​യോ റൂ​ട്ട് ഓ​ഫി​സ​റാ​യി നി​യോ​ഗി​ക്ക​ണം. ഡ്രൈ​വ​ർ​ക്ക് കു​റ​ഞ്ഞ​ത് 10 വ​ർ​ഷ​ത്തെ​യെ​ങ്കി​ലും ഡ്രൈ​വി​ങ്​ പ​രി​ച​യം വേ​ണം. പ്ര​ഥ​മ​ശു​ശ്രൂ​ഷ​ക്ക് അ​ത്യാ​വ​ശ്യ​മാ​യ എ​ല്ലാ മ​രു​ന്നു​ക​ളും ഉ​ൾ​ക്കൊ​ള്ളു​ന്ന ഫ​സ്റ്റ് എ​യ്ഡ് ബോ​ക്സ് സൂ​ക്ഷി​ക്ക​ണം. വാ​ഹ​ന​ത്തി​ന​ക​ത്ത് ഫ​യ​ർ എ​ക്സ്റ്റി​ങ്ങ്യൂ​ഷ​ർ എ​ല്ലാ​വ​ർ​ക്കും കാ​ണാ​വു​ന്ന രീ​തി​യി​ലും അ​ടി​യ​ന്ത​ര ഘ​ട്ട​ങ്ങ​ളി​ൽ എ​ളു​പ്പ​ത്തി​ൽ എ​ടു​ത്ത്​ ഉ​പ​യോ​ഗി​ക്കാ​വു​ന്ന രീ​തി​യി​ലും ഘ​ടി​പ്പി​ക്ക​ണം. വാ​ഹ​ന​ത്തി​ന്റെ പി​റ​കി​ൽ ചൈ​ൽ​ഡ് ലൈ​ൻ (1098) പൊ​ലീ​സ് (100) ആം​ബു​ല​ൻ​സ് (102) ഫ​യ​ർ​ഫോ​ഴ്സ് (101), ബ​ന്ധ​പ്പെ​ട്ട മോ​ട്ടോ​ർ വാ​ഹ​ന​വ​കു​പ്പ് ഓ​ഫി​സ്, സ്കൂ​ൾ പ്രി​ൻ​സി​പ്പ​ൽ എ​ന്നി​വ​രു​ടെ ഫോ​ൺ ന​മ്പ​ർ പ്ര​ദ​ർ​ശി​പ്പി​ക്ക​ണമെന്നും നിർദേശത്തിൽ പറയുന്നു.

വെള്ളായണി കാർഷിക കോളേജിൽ പെൺകുട്ടിയെ സഹപാഠി ക്രൂരമായി പൊള്ളലേല്‍പ്പിച്ചു

by Midhun HP News | May 25, 2023 | Latest News, കേരളം, ജില്ലാ വാർത്ത

തിരുവനന്തപുരം: വെള്ളായണി കാർഷിക കോളേജിൽ പെൺകുട്ടിയെ സഹപാഠി ക്രൂരമായി തേപ്പുപെട്ടി ഉപയോഗിച്ച് പൊള്ളലേല്‍പ്പിച്ചു. പൊള്ളലേറ്റത് ആന്ധ്രാ സ്വദേശിനിയായ പെൺകുട്ടിക്കാണ്. ആന്ധ്രാ സ്വദേശിനിയായ മറ്റൊരു പെൺകുട്ടിയാണ് പൊള്ളിച്ചതെന്നാണ് പുറത്തുവരുന്ന വിവരം. രണ്ടുപേരും ഹോസ്റ്റലിൽ ഒരു മുറിയിലായിരുന്നു താമസം.
സംഭവം മെയ് 18 ന് നാട്ടിൽ പോയി. പൊള്ളലേറ്റ കുട്ടിയും പ്രതിയായ കുട്ടിയും പിന്നീട് അവധിക്ക് പോയി. ഇന്ന് തിരിച്ചു വന്നതിന് ശേഷമാണ് പെൺകുട്ടി പരാതി നൽകിയത്. ആരോപണ വിധേയയായ കുട്ടി ഇന്ന് തിരിച്ചെത്തുകയേ ഉള്ളു.

അതേസമയം, സംഭവത്തെ കുറിച്ച് അന്വേഷിക്കാൻ നാലംഗ സമിതിയെ കോളേജ് അധികൃതർ നിയമിച്ചിട്ടുണ്ട്. സംഭവം തിരുവല്ലം പൊലീസിനെ വിളിച്ചറിയിച്ചത് കോളേജ് അധികൃതർ തന്നെയാണ്. ആക്രമണത്തിന് എന്താണ് കാരണമെന്ന് വ്യക്തമല്ല.
അവസാന വർഷ അ​ഗ്രികൾച്ചർ വിദ്യാർത്ഥികൾക്കിടയിലാണ് സംഭവമുണ്ടായത്. ആന്ധ്രസ്വദേശിനിയായ പെൺകുട്ടിയാണ് പൊള്ളലേൽപ്പിച്ചത്. ഈ പെൺകുട്ടി മറ്റൊരു പെൺകുട്ടിയുടെ സഹായത്താലാണ് ആക്രമിച്ചതെന്നാണ് പുറത്തുവരുന്ന വിവരം. സംഭവം നടക്കുന്നത് 18ാംതിയ്യതി വ്യാഴാഴ്ച്ചയാണ്.

പൊള്ളലേറ്റ പെൺകുട്ടി പരാതി നൽകാൻ വിസമ്മതിച്ചതിനെ തുടർന്ന് കോളേജ് അധികൃതർ ഇക്കാര്യം അറിഞ്ഞിരുന്നില്ല. പൊള്ളലേറ്റ ശേഷം കുട്ടി നാട്ടിലേക്ക് പോവുകയായിരുന്നു. പിന്നീട് ശരീരത്തിൽ ​ഗുരുതരമായി പൊള്ളലേറ്റതിനെ കുറിച്ച് ബന്ധുക്കൾ കോളേജിലെത്തി അധികൃതരെ അറിയിക്കുകയായിരുന്നു. തുടർന്ന് കോളേജ് അധികൃതർ നാലം​ഗ സമിതിയെ നിയോ​ഗിച്ച് അന്വേഷണത്തിന് നേതൃത്വം നൽകി.

പെൺകുട്ടി പരാതി നൽകാൻ വിസമ്മതിച്ചെങ്കിലും അന്വേഷണം നീങ്ങുകയാണ്. സംഭവം പൊലീസ് സ്റ്റേഷനിൽ അറിയിച്ചിട്ടുണ്ട്. അതേസമയം, സംഭവത്തിൽ ദുരൂഹതകൾ ചൂണ്ടിക്കാണിക്കുന്നുണ്ട്. ഒരേ മുറിയിൽ കഴിഞ്ഞ രണ്ടുവർഷമായി താമസിച്ചു വരികയാണ് ഇരുവരും. പൊലീസ് പെൺകുട്ടിയുടെ മൊഴിയെടുക്കുകയാണ്. തേപ്പുപെട്ടി കൊണ്ട് പൊള്ളലേൽപ്പിച്ചതാകാമെന്ന് വിദ്യാർത്ഥികളും ഡീനും പറയുന്നത്.

ആക്രമണത്തിന്റെ കാരണം വ്യക്തമല്ലെന്ന് ഡീൻ ഡോ. റോയ് സ്റ്റീഫൻ പറഞ്ഞു. ഇരുവരും നല്ല സുഹൃത്തുക്കളായിരുന്നു. ജാതി വിവേചനവും, പുറത്തു നിന്നുള്ള ഇടപെടലും ആക്രമണത്തിന് പിന്നിലില്ലെന്നും ഡീൻ വ്യക്തമാക്കി. അതേസമയം, സംഭവത്തിൽ പ്രതികരണവുമായി കൃഷിമന്ത്രി പി. പ്രസാദ് രം​ഗത്തെത്തി. അന്വേഷണം നടത്തി കർശന നടപടിയെടുക്കാൻ മന്ത്രി കോളജ് അധികൃതർക്ക് നിർദേശം നൽകി.

ഓട്ടോ ഓടിയ്ക്കുന്നതിനിടെ ദേഹാസ്വാസ്ഥ്യം; റോഡിലേക്ക് തെറിച്ചു വീണു ഡ്രൈവർ മരിച്ചു

by Midhun HP News | May 25, 2023 | Latest News, കേരളം, ജില്ലാ വാർത്ത

കൊല്ലം: ഓട്ടോറിക്ഷ ഓടിക്കുന്നതിനിടെ ദേഹാസ്വാസ്ഥ്യത്തെ തുടർന്ന് റോഡിൽ തെറിച്ചു വീണ് ഡ്രൈവർ മരിച്ചു. നിയന്ത്രണം വിട്ട് ഓട്ടോ മതിലിലിടിച്ചു യാത്രക്കാരിക്ക് പരുക്കേറ്റു. ചവറ സ്വദേശി രാജീവ് കുമാർ (34) ആണ് മരിച്ചത്. ബുധനാഴ്ച വൈകിട്ട് ആറു മണിയോടെയായിരുന്നു സംഭവം. മഠത്തിൽ ജംഗ്ഷനിലെ ഓട്ടോ സ്റ്റാൻഡിൽ നിന്നും ഓട്ടം പോകുന്നതിനിടെ തെക്കുംഭാഗം തണ്ടളത്ത് ജംഗ്ഷന് സമീപം വച്ച് രാജീവിന് ദേഹാസ്വാസ്ഥ്യം അനുഭവപ്പെടുകയായിരുന്നു. തുടർന്ന് ഓടിക്കുന്നതിനിടെ ഓട്ടോയിൽ നിന്നും ഇയാൾ റോഡിലേക്ക് വീണു. നിയന്ത്രണം വിട്ട ഓട്ടോ സമീപത്തെ മതിലിൽ ഇടിച്ചു നിന്നു. ഉടനെ രാജീവ് കുമാറിനെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. വടക്കുംഭാഗം സ്വദേശി അമ്പിളിക്കാണ് പരുക്കേറ്റത്.

തിരുവനന്തപുരം പട്ടത്ത് വീട്ടിൽ മോഷണം നടത്തിയ പ്രതിയെ പിടികൂടി

by Midhun HP News | May 25, 2023 | Latest News, കേരളം, ജില്ലാ വാർത്ത

തിരുവനന്തപുരം: തിരുവനന്തപുരം പട്ടത്ത് വീട്ടിൽ മോഷണം നടത്തിയ പ്രതിയെ പിടികൂടി. കുമാർ എന്നയാളാണ് മോഷണം നടത്തിയത്. പട്ടത്തെ വീട്ടിൽ നിന്നും 45 പവൻ മോഷ്ടിച്ചതും വലിയശാലയിൽ നിന്നും കടയിൽ മോഷണം നടത്തിയതും കുമാറെന്ന് പൊലീസ് പറഞ്ഞു.
അതേസമയം, തൃശൂരിലെ മരണവീട്ടില്‍ സഹായത്തിനെത്തി വീട്ടമ്മയുടെ മാല മോഷ്ടിച്ച കേസില്‍ പ്രതി അറസ്റ്റിലായതാണ് മറ്റൊരു മോഷണ വാർത്ത. ഞമനേങ്ങാട് വൈദ്യന്‍സ് റോഡിലെ കാണഞ്ചേരി വീട്ടില്‍ ഷാജി (43)യെയാണ് വടക്കേക്കാട് പൊലീസ് അറസ്റ്റു ചെയ്തത്. മാസങ്ങള്‍ നീണ്ട അന്വേഷണത്തിനൊടുവിലാണ് ഷാജിയെ പിടികൂടിയത്.

ലഖ്നൗവിന് 81 റൺസ് തോൽവി, മുംബൈ രണ്ടാം ക്വാളിഫയറിൽ

by Midhun HP News | May 25, 2023 | Latest News, കേരളം, ജില്ലാ വാർത്ത

ചെന്നൈ: ഐപിഎൽ എലിമിനേറ്ററിൽ ലഖ്നൗ സൂപ്പർ ജയന്റ്സിനെ തകർത്ത് മുംബൈ ഇന്ത്യൻസ്. അഞ്ച് റൺസിന് അഞ്ച് വിക്കറ്റ് വീഴ്ത്തിയ ആകാശ് മധ്‍വാളിന് മുന്നിൽ 81 റൺസിന് ലഖ്നൗ ജയന്റ്‌സ് മുട്ടുമടക്കി. മുംബൈ ഉയർത്തിയ 183 റൺസ് വിജയലക്ഷ്യം പിന്തുടർന്ന ലഖ്‌നൗ 16.3 ഓവറിൽ 101 റൺസിന് ഓൾഔട്ടായി. ഇതോടെ വെള്ളിയാഴ്‌ച നടക്കുന്ന രണ്ടാം ക്വാളിഫയറിൽ മുംബൈ ഇന്ത്യൻസ് ഹാർദിക് പാണ്ഡ്യ നയിക്കുന്ന
ഗുജറാത്ത് ടൈറ്റൻസിനെ നേരിടും.

3.3 ഓവറിൽ വെറും അഞ്ച് റൺസ് മാത്രം വഴങ്ങി അഞ്ച് വിക്കറ്റ് വീഴ്ത്തിയ മധ്‌വാളാണ് മുംബൈയുടെ വിജയശിൽപി. ഏറ്റവും കുറവ് റൺസ് വഴങ്ങി അഞ്ച് വിക്കറ്റ് വീഴ്ത്തിയ ഐപിഎൽ ബോളർമാരിൽ മധ്‌വാൾ അനിൽ കുംബ്ലെയുടെ റെക്കോർഡിന് ഒപ്പമെത്തി. ഐപിഎൽ പ്ലേ ഓഫുകളിലെ ഏറ്റവും മികച്ച ബോളിങ് പ്രകടനമെന്ന റെക്കോർഡും ഇനി മധ്‌വാളിനു സ്വന്തം.

ലഖ്‌നൗ ബാറ്റർമാർക്ക് ആർക്കും തന്നെ മത്സരത്തിൽ ഭേദപ്പെട്ട പ്രകടനം നടത്താനായില്ല. പവർപ്ലേയ്‌ക്കിടെ ലഖ്‌നൗ സൂപ്പർ ജയൻറ്‌സിൻറെ രണ്ട് വിക്കറ്റുകൾ മുംബൈ ഇന്ത്യൻസ് വീഴ്‌ത്തി. ആറ് പന്തിൽ മൂന്ന് നേടിയ പ്രേരക് മങ്കാദിനെ ആകാശ് മധ്‌വാളും 13 പന്തിൽ 19 നേടിയ കെയ്‌ൽ മെയേഴ്‌സിനെ ക്രിസ് ജോർദാനും ഔട്ടാക്കി. ഇതിന് ശേഷം ഒന്നിച്ച മാർക്കസ് സ്റ്റോയിനിസും ക്രുനാൽ പാണ്ഡ്യയും കരുത്താകുമെന്ന് പ്രതീക്ഷിച്ചെങ്കിലും ക്രുനാലിനെ മടക്കി പീയുഷ് ചൗളയും ആയുഷ് ബദോനിയെയും(7 പന്തിൽ 1), നിക്കോളാസ് പുരാനേയും(1 പന്തിൽ 0) പുറത്താക്കി ആകാശ് മധ്‍വാളും കനത്ത നാശം വിതച്ചു. ഇതോടെ 9.5 ഓവറിൽ 74-5 എന്ന നിലയിൽ ലഖ്‌നൗ തകർന്നു.

ഒരറ്റത്ത് മാർക്കസ് സ്റ്റോയിനിസ് കാലുറപ്പിക്കാൻ ശ്രമിച്ചെങ്കിലും 12-ാം ഓവറിൽ ടിം ഡേവിഡിൻറെ പന്തിൽ ഇഷാൻ കിഷൻറെ സ്റ്റംപിംഗ് സ്റ്റോയിനിസ് പുറത്തായി. 27 പന്തിൽ 40 റണ്ണെടുത്താണ് സ്റ്റോയിനിസ് മടങ്ങിയത്. പിന്നാലെ കൃഷ്ണപ്പ ഗൗതമും അനാവാശ്യ ഓട്ടത്തിൽ ​റണ്ണൗട്ടായി. രവി ബിഷ്ണോയിയെ 15-ാം ഓവറിൽ പുറത്താക്കി മധ്‍വാൾ നാല് വിക്കറ്റ് തികച്ചു. ഇതേ ഓവറിൽ ദീപക് ഹൂഡയും(13 പന്തിൽ 15) റണ്ണൗട്ടായി. അവസാനക്കാരൻ മൊഹ്‍സീൻ ഖാൻറെ(0) കുറ്റി തെറിപ്പിച്ച് അഞ്ച് വിക്കറ്റ് തികച്ച മധ്‍വാൾ മുംബൈക്ക് 81 റൺസിൻറെ കൂറ്റൻ ജയം സമ്മാനിക്കുകയായിരുന്നു. നാല് വിക്കറ്റ് വീഴ്ത്തിയ നവീൻ ഉൾ ഹഖ് ലഖ്നൗവിനായി ബൗളിങ്ങിൽ തിളങ്ങി. യാഷ് താക്കൂർ മൂന്ന് വിക്കറ്റ് വീഴ്ത്തി.

സൂര്യകുമാർ യാദവും ഗ്രീൻ കാമറൂണും മികച്ച തുടക്കത്തിന് ശേഷം മടങ്ങിയപ്പോൾ തിലക് വർമ്മ, നെഹാൽ വധേര എന്നിവരുടെ ബാറ്റിങാണ് അവസാന ഓവറുകളിൽ മുംബൈക്ക് രക്ഷയായത്. കളിയിലേക്ക് എത്തും മുൻപേ രോഹിത്തും ഇഷാനും വീണു. നാലാം ഓവറിൽ നവീൻ ഉൾ ഹഖിന്റെ പന്തിൽ രോഹിത് ശർമ്മയെ(11) ആയുഷ് ബദോനി പിടികൂടിയപ്പോൾ തൊട്ടടുത്ത ഓവറിൽ ഇഷാൻ കിഷനെ(15) യഷ് താക്കൂർ വിക്കറ്റിന് പിന്നിൽ നിക്കോളാസ് പുരാന്റെ കൈകളിൽ ഭദ്രമാക്കി. പിന്നീടെത്തിയ കാമറൂൺ ഗ്രീൻ തകർത്തടിച്ചതോടെ പവർപ്ലേ പൂർത്തിയാകുമ്പോൾ 62-2 എന്ന ശക്തമായ നിലയിലെത്തി മുംബൈ. 10 ഓവറിൽ രണ്ട് വിക്കറ്റ് നഷ്ടത്തിൽ മുംബൈ ഇന്ത്യൻസിന് 97 റൺസുണ്ടായിരുന്നു.

ടീം സ്‌കോർ 100 കടന്നതിന് പിന്നാലെ സിക്സർ പറത്താനുള്ള ശ്രമത്തിനിടെ സൂര്യകുമാർ യാദവ് പുറത്തായി. 33 റൺസാണ് യാദവിന്റെ സമ്പാദ്യം. ഇതേ ഓവറിൽ ഗ്രീനിനെ(23 പന്തിൽ 41) നവീൻ സ്ലോ ബോളിൽ ബൗൾഡാക്കി. ഡേവിഡിനെ(13 പന്തിൽ 13) ഹൈ ഫുൾടോസിൽ മടക്കുകയായിരുന്നു യഷ് താക്കൂർ. 18-ാം ഓവറിൽ തിലക് വർമ്മയെയും(24 പന്തിൽ 26) പുറത്താക്കി നവീൻ നാല് വിക്കറ്റ് തികച്ചു. മൊഹ്സീൻ ഖാന്റെ 19-ാം ഓവറിൽ ക്രിസ് ജോർദാനും(7 പന്തിൽ 4) മടങ്ങി. ഇന്നിംഗ്സിലെ അവസാന പന്തിൽ നെഹാൽ വധേരയെ(12 ബോളിൽ 23) യഷ് പറഞ്ഞയച്ചു. വധേര രണ്ട് വീതം ഫോറും സിക്സും പറത്തി.

അഞ്ച് തവണ ഐപിഎൽ കിരീടം നേടിയിട്ടുള്ള മുംബൈ, ഇത്തവണ ആറാം കിരീടമാണ് ലക്ഷ്യമിടുന്നത്. ഇതുവരെ കളിച്ച 2 സീസണിലും പ്ലേ ഓഫിലെത്തിയ ലക്നൗ ആകട്ടെ, കഴിഞ്ഞ തവണ ബാംഗ്ലൂരിനോടു തോറ്റു മടങ്ങിയതിനു സമാനമായി ഇത്തവണ മുംബൈയോടും തോറ്റ് പുറത്തായി.