ആറ്റിങ്ങൽ നഗരസഭയിൽ 77-ാം മത് റിപ്പബ്ലിക്ക് ദിനാഘോഷം സംഘടിപ്പിച്ചു

by Midhun HP News | Jan 26, 2026 | Latest News, ജില്ലാ വാർത്ത

ആറ്റിങ്ങൽ: നഗരസഭ ചെയർപേഴ്സൺ എം. പ്രദീപ് രാവിലെ 9 മണിക്ക് നഗരസഭാങ്കണത്തിൽ ദേശീയപതാക ഉയർത്തിക്കൊണ്ട് 77-ാം മത് റിപ്പബ്ലിക്ക് ദിനസന്ദേശം പൗരാവലിയെ അഭിസംബോധന ചെയ്ത് പങ്കുവെച്ചു.

പുതിയ കൗൺസിൽ അധികാരത്തിലെത്തിയിട്ട് ആദ്യത്തെ റിപ്പബ്ലിക്ക് ദിനാചരണമായിരുന്നു നഗരസഭ കാര്യാലയത്തിൽ വെച്ച് നടന്നത്. തുടർന്ന് രാഷ്ട്രപിതാവിൻ്റെ പ്രതിമയിൽ ജനപ്രതിനിധികൾ ഒരോരുത്തരായി പുഷ്പ്പങ്ങളർപ്പിച്ചു. വൈസ് ചെയർപേഴ്സൺ ആർ.എസ്. രേഖ, സ്ഥിരം സമിതി അധ്യക്ഷൻമാർ, സെക്രട്ടറി കെ.എസ്. അരുൺ,ക്ലീൻസിറ്റി മാനേജർ എം.ആർ. റാംകുമാർ, ഹെൽത്ത് ഇൻസ്പെക്ടർ ആരീഷ്, കൗൺസിലർമാർ, വ്യാപാരി വ്യവസായി ഏകോപന സമിതി സെക്രട്ടറി കണ്ണൻ ചന്ദ്ര പ്രസ്, അറേബ്യൻ ഫാഷൻ ജൂവലറി എം ഡി നാസർ അറേബ്യൻ, നഗരസഭാ ഉദ്യോഗസ്ഥർ, ശുചീകരണ വിഭാഗം ജീവനക്കാർ, എസ്.പി.സി കേഡറ്റുകൾ വ്യാപാരി സംഘടന ഭാരവാഹികൾ, നാട്ടുകാർ തുടങ്ങിയവർ പങ്കെടുത്തു.

അങ്കണവാടിയിൽ റിപ്പബ്ലിക്ക് ദിനാഘോഷം സംഘടിപ്പിച്ചു

by Midhun HP News | Jan 26, 2026 | Latest News, ജില്ലാ വാർത്ത

ചിറയിൻകീഴ് ഗ്രാമപ്പഞ്ചായത്ത് വാർഡ് 4, 37ആം നമ്പർ അങ്കണവാടിയിൽ റിപ്പബ്ലിക്ക് ദിനാഘോഷം സംഘടിപ്പിച്ചു. പഞ്ചായത്ത് പ്രസിഡന്റ് സിന്ധു ദേശീയ പതാക ഉയർത്തി.

പൊതുപ്രവർത്തകൻ പാലവിള സുരേഷ്, ലൈബ്രറിയൻ രോഹിണി, പുതുക്കരി വാർഡ് മെമ്പർ വിമല, വാർഡ് മെമ്പറും വൈസ് പ്രസിഡന്റ്റുമായ വിജയകുമാർ, അംഗൻവാടി വർക്കർ അനിത എൽ എസ്, ഹെൽപ്പർ സിന്ധു എസ് തുടങ്ങിയവർ പങ്കെടുത്തു.

തോന്നയ്ക്കൽ ഗവൺമെന്റ് ഹയർ സെക്കൻഡറി സ്കൂൾ മെഡിസിൻ റാക്ക് സംഭാവന നൽകി

by Midhun HP News | Jan 26, 2026 | Latest News, ജില്ലാ വാർത്ത

ഗവൺമെന്റ് ഹയർ സെക്കൻഡറി സ്കൂൾ തോന്നയ്ക്കലിലെ യു പി വിഭാഗം സയൻസ് ക്ലബ്ബിന്റെ ആഭിമുഖ്യത്തിൽ വേങ്ങോട് പ്രാഥമിക ആരോഗ്യ കേന്ദ്രത്തിലെ ഫാർമസിയിൽ മെഡിസിൻ റാക്ക് സംഭാവന നൽകി. പ്രസ്തുത യോഗത്തിൽ സ്കൂൾ പി ടി എ പ്രസിഡന്റ് വി മധുസൂദനൻ നായർ അധ്യക്ഷത വഹിച്ചു.

സ്കൂൾ പ്രിൻസിപ്പൽ ജസ്സി ജലാൽ സ്വാഗതം പറയുകയും, യു പി വിഭാഗം സയൻസ് ക്ലബ് കൺവീനർ അശ്വതി ബി എസ് പദ്ധതി വിശദീകരണം നടത്തുകയും ചെയ്തു. മഞ്ഞമല ബ്ലോക്ക് മെമ്പർ നയന വി ബി ഉദ്ഘാടന കർമ്മം നിർവഹിച്ചു. കുടവൂർ വാർഡ് മെമ്പർ എം. എസ് ഉദയകുമാരി മുഖ്യപ്രഭാഷണം നടത്തി.

സ്കൂൾ എച്ച് എം സുജിത്ത് എസ്, വേങ്ങോട് പി എച്ച് സി മെഡിക്കൽ ഓഫീസർ ഡോക്ടർ സോണി രാജ്, പിടിഎ അംഗം ഷമികുമാർ എസ്, എച്ച് എസ് വിഭാഗം സ്റ്റാഫ് സെക്രട്ടറി സിന്ധു കുമാരി ഐ എസ് എന്നിവർ ആശംസ അറിയിച്ചു. വേങ്ങോട് പി എച്ച് സി ഫാർമസിസ്റ്റ് ശ്രീജ എസ് യോഗത്തിന് നന്ദി അറിയിച്ചു.

യു പി വിഭാഗം സീനിയർ അസിസ്റ്റന്റ് കലാ കരുണാകരൻ, യു പി വിഭാഗം സ്റ്റാഫ് സെക്രട്ടറി സരിത ആർ എസ്, ഷബിമോൻ എസ് എൻ, പി ടി എ അംഗം അരുണാ റാണി ജി ആർ, എസ് എം സി അംഗം വിനയ് എം എസ് എന്നിവർ സന്നിഹിതരായിരുന്നു.

നോവൽ ‘ലയം’ പ്രകാശനം ചെയ്തു

by Midhun HP News | Jan 26, 2026 | Latest News, ജില്ലാ വാർത്ത

ആറ്റിങ്ങൽ നടന്ന പുസ്തക പ്രകാശനത്തിൽ പി.ആർ. ജയചന്ദ്രൻ എഴുതിയ നോവൽ ലയം കൗൺസിലർ ജി.എസ്. ബിനു, പ്രൊ. എസ്. അയ്യപ്പൻ പിളളക്ക് നൽകി കൊണ്ട് പ്രകാശനം ചെയ്തു.

ഐക്യത്തിൽ നിന്നും എൻ എസ് എസ് പിന്മാറി

by Midhun HP News | Jan 26, 2026 | Latest News, ജില്ലാ വാർത്ത

എസ് എൻ ഡി പിയുമായുള്ള ഐക്യത്തിൽ നിന്നും എൻ എസ് എസ് പിന്മാറി. ഐക്യം പ്രായോഗികമാവില്ലായെന്ന് എൻ എസ് എസിൻ്റെ ഡയറക്ടർ ബോർഡ് വിലയിരുത്തി.
എൻ എസ് എസ്സിന് എല്ലാ രാഷ്ട്രീയ പാർട്ടികളോടും സമദൂരം തുടരും.

ശിവസേനയുടെ ആറ്റിങ്ങൽ മണ്ഡലം സെക്രട്ടറിയായി കണ്ണൻ ചന്ദ്രാപ്രസിനെ തെരഞ്ഞെടുത്തു

by Midhun HP News | Jan 26, 2026 | Latest News, ജില്ലാ വാർത്ത

ആറ്റിങ്ങൽ: ശിവസേനയുടെ ആറ്റിങ്ങൽ മണ്ഡലം സമ്മേളനം ആറ്റിങ്ങൽ വ്യാപാര ഭവനിൽ വച്ച് നടന്നു. ആറ്റിങ്ങൽ മണ്ഡലം സെക്രട്ടറിയായി കണ്ണൻ ചന്ദ്രാപ്രസിനെ തെരഞ്ഞെടുത്തു.
ജില്ലാ പ്രസിഡന്റ് ആറ്റുകാൽ സുനിൽ, സംസ്ഥാന നേതാക്കളായ ഉണ്ണി രാജേന്ദ്രൻ, അജി ഗോവിന്ദൻ, അജീഷ് ടി നായർ, മണ്ഡലം പ്രസിഡന്റ് അനിൽകുമാർ കുഞ്ഞുമോൻ, വിവേക്, പുഷ്പകുമാർ തുടങ്ങിയവർ ചടങ്ങിൽ പങ്കെടുത്തു.