by Midhun HP News | Sep 24, 2025 | Latest News, ജില്ലാ വാർത്ത
തിരുവനന്തപുരം: ശബരിമല വിഷയവും അയ്യപ്പ ഭക്തരുടെ വിശ്വാസവും സിപിഎമ്മും ബിജെപിയും കൈയടക്കുന്ന സാഹചര്യത്തില്, എന്എസ്എസുമായി(നായര് സര്വീസ് സൊസൈറ്റി) വളരെ അടുപ്പമുള്ള ഒരു വിഭാഗം സമാന മാരഗ്ഗം തേടണമെന്ന സമ്മർദ്ദം കോൺഗ്രസിനുള്ളിൽ ഉയരുന്നു. എന്നാൽ ഇത് എങ്ങനെ വേണമെന്നതിൽ ഇത് വരെ തീരുമാനം ആയിട്ടില്ല.
ആഗോള അയ്യപ്പ സംഗമം ബഹിഷ്കരിച്ചത്, കോണ്ഗ്രസിന് ഹിന്ദു വോട്ടുകള് ആവശ്യമില്ലെന്ന മാനസികാവസ്ഥയെയാണ് കാണിക്കുന്നതെന്ന എന്എസ്എസ് ജനറല് സെക്രട്ടറി ജി സുകുമാരന് നായരുടെ പരാമര്ശമാണ് കോണ്ഗ്രസിലെ ഒരു വിഭാഗത്തിനെ ചൊടിപ്പിച്ചത്. കഴിഞ്ഞ യുഡിഎഫ് സര്ക്കാര് ശബരിമലയുടെ വികസനത്തിനായി എന്താണ് ചെയ്തതെന്ന് കോണ്ഗ്രസ് അയ്യപ്പ ഭക്തരോട് വിശദീകരിക്കണമായിരുന്നുവെന്ന് മുതിര്ന്ന കോണ്ഗ്രസ് നേതാവും ഉമ്മന്ചാണ്ടി സര്ക്കാരിലെ മുന് വനം മന്ത്രിയുമായ തിരുവഞ്ചൂര് രാധാകൃഷ്ണന് ദി ന്യൂ ഇന്ത്യന് എക്സ്പ്രസിനോട് പറഞ്ഞു. തന്റെ ഭരണകാലത്ത് നിലയ്ക്കല് ബേസ് വികസിപ്പിക്കുന്നതിനും കുടിവെള്ള പ്രശ്നത്തിനും ഓക്സിജന് പാര്ലറുകള് സ്ഥാപിക്കുന്നതിനും ഭൂമി അനുവദിച്ചതായി അദ്ദേഹം ഓര്മിപ്പിച്ചു. ഇത് നമ്മള് ജനങ്ങളോട് പറയണം, അദ്ദേഹം പറഞ്ഞു.
പല നേതാക്കളും എൻഎസ്എസ് പ്രസ്താവനയെ ഒരു മുന്നറിയിപ്പായി കാണുന്നു. ‘വാസ്തവത്തില് എല്ഡിഎഫ് സര്ക്കാരിനൊപ്പം നില്ക്കാനുള്ള എന്എസ്എസിന്റെ തീരുമാനം കോണ്ഗ്രസിന് മരണവാറണ്ട് പോലെയാണ്. നമ്മള് ഒരു രാഷ്ട്രീയ വിസ്മൃതിയുടെ വക്കിലാണ്, ഒരു മുതിര്ന്ന കോണ്ഗ്രസ് നേതാവ് പറഞ്ഞു. 1997-ല് മുന് മുഖ്യമന്ത്രി ഇ കെ നായനാരില് നിന്ന് പോപ്പ് ഭഗവദ്ഗീത സ്വീകരിക്കുന്നത് പോലെയാണ് മുഖ്യമന്ത്രി അയ്യപ്പ വിഗ്രഹം സ്വീകരിക്കുന്നതെന്നും അദ്ദേഹം കൂട്ടിച്ചേര്ത്തു. പോളിങ് കുറവാണെന്ന് സര്ക്കാരിനെ പരിഹസിച്ചുകൊണ്ട് നമ്മുടെ നേതാക്കള് വീണ്ടും എന്എസ്എസിനെ പ്രകോപിപ്പിക്കുകയാണ്. കോണ്ഗ്രസിന് ഉത്തരവാദിത്തത്തില് നിന്ന് ഒഴിഞ്ഞുമാറാന് കഴിയില്ല, അദ്ദേഹം കൂട്ടിച്ചേര്ത്തു.
ദുഷ്കരമായ സമയങ്ങളില് പിന്തുണച്ചിരുന്നതിനാല് നമ്മള് എന്എസ്എസിനെ വിശ്വാസത്തിലെടുക്കണമായിരുന്നു. സിപിഎം മികച്ച പ്രകടനം കാഴ്ചവച്ചപ്പോള് പ്രതിപക്ഷത്ത് അയ്യപ്പ ഭക്തരുടെ കാര്യം ശ്രദ്ധിക്കുന്ന പാര്ട്ടിയായി ഇപ്പോള് ബിജെപി ഉയര്ന്നുവന്നിട്ടുണ്ടെന്ന് ഒരു മുന് കെപിസിസി പ്രസിഡന്റ് പറഞ്ഞു. സുരക്ഷാ ഉദ്യോഗസ്ഥര്ക്കൊപ്പം പ്രധാനമന്ത്രി നരസിംഹ റാവു മന്നം സമാധിയില് ഷൂ ധരിച്ച് പ്രവേശിച്ച സംഭവം വിവാദമായപ്പോള് എ കെ ആന്റണി അത് കൈകാര്യം ചെയ്തതെങ്ങനെയാണെന്ന് ഓര്മിക്കണമെന്നും അദ്ദേഹം പറഞ്ഞു. ഇപ്പോള് നമുക്ക് പക്വതയുള്ള നേതാക്കളില്ല, ഇപ്പോഴത്തെ നേതൃത്വം മുതിര്ന്ന നേതാക്കള്ക്ക് വിലകൊടുക്കുന്നില്ലെന്നും അദ്ദേഹം പറഞ്ഞു.
രണ്ട് നിര്ണായക തെരഞ്ഞെടുപ്പുകള്ക്ക് മുമ്പുള്ള സുവര്ണ്ണാവസരം പാര്ട്ടി പാഴാക്കിയെന്നും ഹിന്ദുക്കളുടെ വികാരങ്ങള് കോണ്ഗ്രസ് പരിഗണിച്ചില്ലെങ്കില് വലിയ രാഷ്ട്രീയ പ്രത്യാഘാതങ്ങള് നേരിടേണ്ടിവരുമെന്നും യുഡിഎഫ് നേതാക്കളില് ഒരു വിഭാഗം അഭിപ്രായപ്പെടുന്നു. വരുന്ന തെരഞ്ഞെടുപ്പില് നായര് സമുദായത്തിലെ മൂന്ന് നേതാക്കള് മുഖ്യമന്ത്രി സ്ഥാനത്തിനായി മത്സരിക്കുന്നതിനാല് എന്എസ്എസ് പിന്തുണ നിര്ണായകമാണെന്നാണ് ഒരു പ്രമുഖ യുഡിഎഫ് നേതാവ് ന്യൂ ഇന്ത്യന് എക്സ്പ്രസിനോട് പ്രതികരിച്ചത്.
by Midhun HP News | Sep 24, 2025 | Latest News, ജില്ലാ വാർത്ത
തിരുവനന്തപുരം: വിഴിഞ്ഞത്ത് വീട് കുത്തിത്തുറന്ന് വന്മോഷണം. വെണ്ണിയൂര് സ്വദേശി ശില്ബര്ട്ടിന്റെ വീട്ടില് നടന്ന മോഷണത്തില് 90 പവന് സ്വര്ണവും ഒരു ലക്ഷം രൂപയും നഷ്ടപ്പെട്ടു. പൊലീസ് അന്വേഷണം ആരംഭിച്ചു. അടുത്തകാലത്ത് സംസ്ഥാനത്ത് ഉണ്ടായ ഏറ്റവും വലിയ കവര്ച്ചയാണിത്.
ഇന്നലെ രാത്രിയാണ് സംഭവം. ഗില്ബര്ട്ട് റിട്ടയേര്ഡ് ഉദ്യോഗസ്ഥനാണ്. തൊട്ടടുത്ത് താമസിക്കുന്ന സഹോദരിയുടെ വീട്ടില് മരണം സംഭവിച്ചതിനെ തുടര്ന്ന് ഗില്ബര്ട്ടും കുടുംബവും അവിടേയ്ക്ക് പോയ സമയത്താണ് മോഷണം നടന്നത്. മരിച്ച വീടായതിനാല് സഹോദരിയുടെ വീട്ടിലേക്ക് ഗില്ബര്ട്ടും കുടുംബവും കൂട്ടുകിടക്കാന് പോയ സമയത്തായിരുന്നു കവര്ച്ച. വീട്ടില് ആളില്ല എന്ന് മനസിലാക്കിയാണ് മോഷണം നടന്നത് എന്നാണ് പൊലീസിന്റെ പ്രാഥമിക നിഗമനം. അലമാരയില് സൂക്ഷിച്ചിരുന്ന സ്വര്ണവും രൂപയുമാണ് കവര്ന്നത്. ഇന്ന് രാവിലെ വീട്ടില് എത്തിയപ്പോഴാണ് മോഷണവിവരം അറിയുന്നത്. ഉടന് തന്നെ കുടുംബം പൊലീസിനെ വിവരം അറിയിക്കുകയായിരുന്നു.
by Midhun HP News | Sep 23, 2025 | Latest News, ജില്ലാ വാർത്ത, മരണം
അഞ്ചുതെങ്ങ്: അഞ്ചുതെങ്ങ് മാമ്പള്ളിയിൽ ഇറാത്ത് പടിഞ്ഞാറു വീട്ടിൽ സഖി (11) ആണ് മരണപ്പെട്ടത്. ഉച്ചയോടെ പി റ്റി എ മീറ്റിങ്ങ് കഴിഞ്ഞ് സഖിയുടെ അച്ഛൻ ഓടിച്ചിരുന്ന ഓട്ടോയിൽ അമ്മയോടൊപ്പം പോകവേ കടയ്ക്കാവൂർ കാനറാ ബാങ്കിനു സമീപം നായ കുറുകെ ചാടിയതിനെ തുടർന്ന് ഓട്ടോ നിയന്ത്രണം വിട്ട് മറിയുകയായിരുന്നു. ഗുരുതരമായി പരിക്ക് പറ്റിയ കുട്ടിയെ മെഡിക്കൽ കോളേജിൽ കൊണ്ടുപോകവേ മരണപ്പെടുകയായിരുന്നു. അച്ഛനും അമ്മയ്ക്കും അപകടത്തെ തുടർന്ന് പരിക്ക് പറ്റിയിട്ടുണ്ട്.
by Midhun HP News | Sep 23, 2025 | Latest News, ജില്ലാ വാർത്ത
കാസര്കോട്: സ്കൂള് ബസില് കയറുന്നതിനിടയില് വഴിയില് വീണുകിട്ടിയ കണ്ണട അതിന്റെ ഉടമസ്ഥന് തിരിച്ചുകിട്ടാന് കുട്ടികള് എഴുതിയ കത്ത് വൈറലാകുന്നു. ‘ഈ കണ്ണട വീണു കിട്ടിയതാണ്. ആരും എടുക്കരുത്. ഇതിന്റെ ഉടമസ്ഥന് വന്നു എടുത്തോളു.’-എന്നാണ് കുട്ടികള് കത്തില് എഴുതിയിരുന്നത്. കുട്ടികളുടെ നിര്മലമായ മനസ്സിന്റെയും സത്യസന്ധതയുടെയും തെളിവായുള്ള ഈ കത്തും കത്ത് എഴുതിയ വിദ്യാര്ഥികളുടെ പേരും ചിത്രങ്ങളും വിദ്യാഭ്യാസമന്ത്രി വി ശിവന്കുട്ടി ഫെയ്സ്ബുക്കില് പങ്കുവെച്ചതോടെ അഭിനന്ദനപ്രവാഹമാണ്.
കൂളിയാട് ഗവ: ഹൈസ്കൂളിലെ വിദ്യാര്ത്ഥികളായ ആദിദേവ് (ആദി), ആര്യതേജ് (പാച്ചു), നവനീത് (ശങ്കു) എന്നിവര് സ്കൂള് ബസില് കയറുന്നതിനിടയിലാണ് വഴിയില് കണ്ണട വീണുകിട്ടിയത്. ‘അഭിമാനത്തോടെ പറയാം, നമ്മുടെ വിദ്യാലയങ്ങളില് പഠിക്കുന്ന കുട്ടികള് പഠനത്തിലും സാമൂഹ്യജീവിതത്തിലും മറ്റുള്ളവര്ക്കുള്ള കരുതലിലും മാതൃകകളായി മാറുന്നു. ആദിയും, പാച്ചുവും, ശങ്കുവും നിങ്ങളെന്ന കുഞ്ഞുമിടുക്കന്മാരുടെ നീതിബോധം ഇന്നത്തെ സമൂഹത്തിനൊരു പാഠമാണ്. വിദ്യാഭ്യാസം നമ്മെ അറിവിലേക്ക് മാത്രമല്ല, മനുഷ്യസ്നേഹത്തിന്റെ പാതയിലേക്കാണ് നയിക്കേണ്ടത്. നമ്മുടെ കുട്ടികള് തന്നെയാണ് അതിന് തെളിവാകുന്നത്.’- ശിവന്കുട്ടി ഫെയ്സ്ബുക്കില് കുറിച്ചു.
കുറിപ്പ്:
‘സത്യസന്ധതയും പരസ്പരസഹകരണവും നമ്മുടെ കുട്ടികള് നമ്മെ പഠിപ്പിക്കുകയാണ്.’
ചീമേനിയില് സംഭവിച്ച ഒരു ചെറു സംഭവമാണ് ഇപ്പോള് ഹൃദയം തൊടുന്നത്. കൂളിയാട് ഗവ: ഹൈസ്കൂളിലെ വിദ്യാര്ത്ഥികളായ ആദിദേവ് (ആദി), ആര്യതേജ് (പാച്ചു), നവനീത് (ശങ്കു) എന്നിവര് സ്കൂള് ബസില് കയറുന്നതിനിടയില് വഴിയില് വീണുകിട്ടിയ ഒരു കണ്ണട അതിന്റെ ഉടമസ്ഥനെ തിരിച്ചുകിട്ടാന് എഴുതി വെച്ച കത്ത് കൊണ്ടാണ് മാതൃകയായിരിക്കുന്നത്.
‘ഈ കണ്ണട വീണു കിട്ടിയതാണ്. ആരും എടുക്കരുത്. ഇതിന്റെ ഉടമസ്ഥന് വന്നു എടുത്തോളു.’ ഈ വാക്കുകള്, കുട്ടികളുടെ നിര്മലമായ മനസ്സിന്റെയും സത്യസന്ധതയുടെയും തെളിവാണ്.
അതിയായ അഭിമാനത്തോടെ പറയാം, നമ്മുടെ വിദ്യാലയങ്ങളില് പഠിക്കുന്ന കുട്ടികള് പഠനത്തിലും സാമൂഹ്യജീവിതത്തിലും മറ്റുള്ളവര്ക്കുള്ള കരുതലിലും മാതൃകകളായി മാറുന്നു.
ആദിയും, പാച്ചുവും, ശങ്കുവും നിങ്ങളെന്ന കുഞ്ഞുമിടുക്കന്മാരുടെ നീതിബോധം ഇന്നത്തെ സമൂഹത്തിനൊരു പാഠമാണ്. വിദ്യാഭ്യാസം നമ്മെ അറിവിലേക്ക് മാത്രമല്ല, മനുഷ്യസ്നേഹത്തിന്റെ പാതയിലേക്കാണ് നയിക്കേണ്ടത്. നമ്മുടെ കുട്ടികള് തന്നെയാണ് അതിന് തെളിവാകുന്നത്.
by Midhun HP News | Sep 23, 2025 | Latest News, ജില്ലാ വാർത്ത
തിരുവനന്തപുരം: അമീബിക് മസ്തിഷ്കജ്വരം കൂടുതല് പേര്ക്ക് റിപ്പോര്ട്ട് ചെയ്യുന്ന സാഹചര്യത്തില് നിര്ദേശങ്ങളുമായി ആരോഗ്യവകുപ്പിന്റെ ഉത്തരവ്. ജലസംഭരണികളില് നിര്ബന്ധമായും ക്ലോറിനേഷന് നടത്തണമെന്നാണ് ആരോഗ്യവകുപ്പിന്റെ നിര്ദേശം.
മലിനമായ കുളങ്ങള്, തടാകങ്ങള്, ഒഴുക്ക് കുറഞ്ഞ തോടുകള് തുടങ്ങിയ ജലാശയങ്ങളില് മുങ്ങി കുളിക്കരുത്, നീന്തല് പരിശീലന കേന്ദ്രങ്ങള്, വാട്ടര് തീം പാര്ക്കുകള് എന്നിവിടങ്ങളിലെ ജലാശയങ്ങളില് ക്ലോറിനേഷന് നടത്തണം, ജലത്തിലെ ക്ലോറിന്റെ അളവ് പരിശോധിച്ചു രജിസ്റ്ററില് നടത്തിപ്പുകാര് രേഖപ്പെടുത്തണമെന്നും നിര്ദേശത്തില് പറയുന്നു.
ബന്ധപ്പെട്ട പഞ്ചായത്ത് സെക്രട്ടറിയോ ആരോഗ്യ വിഭാഗം ഉദ്യോഗസ്ഥരോ ആവശ്യപ്പെട്ടാല് രേഖകള് ഹാജരാക്കണം, കുടിവെള്ളത്തിന് ഉപയോഗിക്കുന്ന ജലസംഭരണികളിലും ക്ലോറിനേഷന് നടത്തണം, ജലസ്രോതസ്സുകളിലേക്ക് ഒഴുകിയെത്തുന്ന എല്ലാത്തരം ദ്രവമാലിന്യ കുഴലുകളും ഒഴിവാക്കണം, ജലസ്രോതസ്സുകളില് ഖര മാലിന്യം നിക്ഷേപിക്കുന്നത് ഒഴിവാക്കണം എന്നിവ ഉള്പ്പെടെയാണ് പ്രധാന നിര്ദേശങ്ങള്.
ഇക്കാര്യങ്ങള് പാലിക്കപ്പെടുന്നുണ്ടെന്ന് പബ്ലിക് ഹെല്ത്ത് ഓഫീസര്മാരും ചുമതലപ്പെടുത്തിയ ഉദ്യോഗസ്ഥരും ഉറപ്പുവരുത്തണമെന്നും നിര്ദേശത്തില് പറയുന്നു. നിര്ദേശങ്ങള് ലംഘിക്കുന്നവര്ക്കെതിരെ പൊതുജനാരോഗ്യ നിയമപ്രകാരം കേസെടുക്കുമെന്നും മുന്നറിയിപ്പില് പറയുന്നു. പബ്ലിക് ഓഫീസര്മാര് ആഴ്ചതോറും സംസ്ഥാന സര്വൈലന്സ് ഓഫീസര്ക്ക് റിപ്പോര്ട്ട് നല്കണമെന്നും ഉത്തരവില് പറയുന്നു.
by Midhun HP News | Sep 23, 2025 | Latest News, ജില്ലാ വാർത്ത
തിരുവനന്തപുരം: തിരുവനന്തപുരം കടപ്പനക്കുന്നില് പഴം പഴുത്തില്ലെന്ന് ആരോപിച്ച് കടയുടമയെ വെട്ടിപ്പരിക്കേല്പ്പിച്ചു. ഗുണ്ടാ സംഘമാണ് ആക്രമണം നടത്തിയതെന്നും, സംഘത്തിലുള്ളവര് മദ്യലഹരിയിലായിരുന്നുവെന്നും കടയുടമ പൊന്നയ്യൻ പറഞ്ഞു. ഒരു പ്രകോപനവുമില്ലാതെയാണ് മര്ദ്ദിച്ചതെന്നും ഇദ്ദേഹം പറഞ്ഞു. അക്രമം നടത്തിയ നാലുപേരെ പൊലീസ് പിടികൂടി.
തിരുവനന്തപുരം: തിരുവനന്തപുരം കടപ്പനക്കുന്നില് പഴം പഴുത്തില്ലെന്ന് ആരോപിച്ച് കടയുടമയെ വെട്ടിപ്പരിക്കേല്പ്പിച്ചു. ഗുണ്ടാ സംഘമാണ് ആക്രമണം നടത്തിയതെന്നും, സംഘത്തിലുള്ളവര് മദ്യലഹരിയിലായിരുന്നുവെന്നും കടയുടമ പൊന്നയ്യൻ പറഞ്ഞു. ഒരു പ്രകോപനവുമില്ലാതെയാണ് മര്ദ്ദിച്ചതെന്നും ഇദ്ദേഹം പറഞ്ഞു. അക്രമം നടത്തിയ നാലുപേരെ പൊലീസ് പിടികൂടി.
ഗുണ്ടാസംഘങ്ങള് തമ്മിലുള്ള വ്യക്തി വൈരാഗ്യമാണ് അക്രമത്തിലേക്ക് നയിച്ചതെന്ന് പൊലീസ് സൂചിപ്പിച്ചു. തമ്പാനൂരില് നിന്നാണ് നാലു പ്രതികളെ പൊലീസ് പിടികൂടിയത്. ഒരാള് ഓടി രക്ഷപ്പെട്ടു. കേസില് മൂന്നു പ്രതികളെക്കൂടി പിടികൂടാനുണ്ടെന്ന് പൊലീസ് അറിയിച്ചു. പിടിയിലായവര് സ്ഥിരം കുറ്റവാളികളാണെന്നും, ഗുണ്ടാസംഘത്തില് പെട്ടവരാണെന്നും പൊലീസ് സൂചിപ്പിച്ചു.
Recent Comments