by Midhun HP News | Oct 5, 2025 | Latest News, ജില്ലാ വാർത്ത
ആറ്റിങ്ങൽ ഗവൺമെന്റ് മോഡൽ വി & എച്ച്എസ്എസിൽ ദൃശ്യോത്സവം 2025 സംഘടിപ്പിക്കുന്നു. ഒക്ടോബർ 6, 7 തീയതികളിലായി ഗവൺമെന്റ് മോഡൽ വിഎച്ച്എസ്എസ് ഓഡിറ്റോറിയത്തിലാണ് പരിപാടികൾ നടക്കുന്നത്.
സ്കൂൾ കലോത്സവത്തിന്റെ ഉദ്ഘാടനം പ്രശസ്ത സംവിധായകനും തിരക്ക് തിരക്കഥാകൃത്തും കേരള സർക്കാരിന്റെ ഔദ്യോഗിക സാംസ്കാരിക വിനിമയ കേന്ദ്രമായ ഭാരത് ഭവന്റെ മെമ്പർ സെക്രട്ടറിയുമായ ഡോക്ടർ പ്രമോദ് പയ്യന്നൂർ നിർവഹിക്കും. ചടങ്ങിൽ ആറ്റിങ്ങൽ നഗരസഭ വൈസ് ചെയർമാൻ തുളസീധരൻപിള്ള മുഖ്യാതിഥിയാകും. പിടിഎ പ്രസിഡന്റ് സന്തോഷ്, ഹെഡ്മാസ്റ്റർ കെ അനിൽകുമാർ, പ്രിൻസിപ്പൽ ജവാദ്, വിഎച്ച്എസ്ഇ പ്രിൻസിപ്പൽ എ ഹസീന, എസ് എം സി ചെയർമാൻ ആദേശ് പി, സ്റ്റാഫ് സെക്രട്ടറി സുരേഷ് കുമാർ എസ്, എം പി ടി എ പ്രസിഡന്റ് സൗമ്യ എൽ, കലോത്സവം കൺവീനർ കിരൺകുമാർ പി, സ്കൂൾ ചെയർപേഴ്സൺ അവന്തിക എസ് നായർ തുടങ്ങി മറ്റു പ്രമുഖരും പങ്കെടുക്കും.
by Midhun HP News | Oct 5, 2025 | Latest News, ജില്ലാ വാർത്ത
ശാസ്ത്ര, ഗണിതശാസ്ത്ര, സാമൂഹ്യ ശാസ്ത്ര, ഐടി, പ്രവർത്തി പരിചയമേള തുടങ്ങിയവ ഒക്ടോബർ 8, 9, 10 തീയതികളിൽ ആയി ഗവൺമെന്റ് എച്ച്എസ് അവനവഞ്ചേരിയിൽ നടത്തും.
ഒക്ടോബർ എട്ടിന് നടക്കുന്ന ഉദ്ഘാടന സമ്മേളനം ചിറയിൻകീഴ് എംഎൽഎ ശശി നിർവഹിക്കും. ആറ്റിങ്ങൽ നഗരസഭ വൈസ് ചെയർപേഴ്സൺ അഡ്വക്കേറ്റ് കുമാരി അധ്യക്ഷയാകും. ഒക്ടോബർ 10 നടക്കുന്ന സമാപന സമ്മേളനം അടൂർ പ്രകാശ് എം പി ഉദ്ഘാടനം നിർവഹിക്കും. ആറ്റിങ്ങൽ നഗരസഭ വൈസ് ചെയർമാൻ ജി തുളസീധരൻ പിള്ള അധ്യക്ഷനാകും. ചടങ്ങിൽ മറ്റു വിശിഷ്ട വ്യക്തികളും പങ്കെടുക്കും.
by Midhun HP News | Oct 5, 2025 | Latest News, ജില്ലാ വാർത്ത
അന്താരാഷ്ട്ര നീതിന്യായ വ്യവസ്ഥകൾ ലംഘിച്ചുകൊണ്ട് ട്രംപിന്റെയും നെതന്യാഹുവിന്റെയും നേതൃത്വത്തിൽ നടത്തുന്ന ഗാസയിലെ വംശഹത്യയ്ക്കെതിരെ ട്രംപിന്റെയും നേതാന്യാഹു വിന്റെയും കോലങ്ങൾ കത്തിച്ചുകൊണ്ട് മംഗലപുരം ജംഗ്ഷനിൽ പ്രകടനം നടത്തി.
യുദ്ധത്തിൽ 17922 കുഞ്ഞുങ്ങൾ മരിച്ചതിൽ 937 കുഞ്ഞുങ്ങൾ ഒരു വയസ്സിന് താഴെ മാത്രം പ്രായമുള്ളവരാണ്. ഇത്രയും ക്രൂരമായ നരഹത്യ നടത്തുന്ന നേതന്യാഹുവിനെതിരെയും ട്രമ്പിനെതിരെയും ലോകരാജ്യങ്ങൾഒന്നിക്കണമെന്ന് പറഞ്ഞുകൊണ്ട് പ്രതിഷേധ പ്രകടനം വേദി ചെയർമാൻ എം. എ ലത്തീഫ് ഉദ്ഘാടനം ചെയ്തു. പഞ്ചായത്ത് അംഗങ്ങളായ അജയരാജ് ബി.സി, ശ്രീചന്ദ്. എസ്, സഞ്ജു, മോനിഷ്, രാഹുൽ,നസീർ തോന്നയ്ക്കൽ, ഷാനി തോന്നയ്ക്കൽ, ഷംനാദ്,ഫാറൂഖ്, ഹുസൈൻ. എ,സജാദ്, തൗഫീഖ്, അക്രം, ഭരത്ത് കൃഷ്ണ, ആബിദ്, ശാക്കിർ ഇടവിളാകം തുടങ്ങിയവർ പ്രസംഗിച്ചു.
by Midhun HP News | Oct 5, 2025 | Latest News, ജില്ലാ വാർത്ത
തിരുവനന്തപുരം: സംസ്ഥാനത്ത് റേഷൻ കടകളുടെ പ്രവർത്തന സമയത്തിൽ മാറ്റം വരുത്തി. റേഷൻ കടകളുടെ പ്രവൃത്തി സമയം ഒരുമണിക്കൂർ കുറച്ച് പൊതുവിതരണ വകുപ്പ് ഉത്തരവിറക്കി. റേഷൻ കടകൾ ഇനി മുതൽ രാവിലെ എട്ടിന് പകരം ഒൻപതിനാണ് തുറക്കുക.
രാവിലെ ഒൻപതുമുതൽ 12 വരെയാണ് ഇനി പ്രവർത്തിക്കുക. വൈകീട്ട് നാലുമുതൽ ഏഴു വരെയും റേഷൻ കടകൾ തുറന്നു പ്രവർത്തിക്കും. 2023 മാർച്ച് ഒന്നിന് പരിഷ്കരിച്ച സമയക്രമമനുസരിച്ച് രാവിലെ എട്ടുമുതൽ ഉച്ചയ്ക്ക് 12 വരെയും വൈകീട്ട് നാലുമുതൽ ഏഴുവരെയുമാണ് റേഷൻകടകൾ പ്രവർത്തിച്ചിരുന്നത്. മൂന്നുമാസം മുമ്പ് ഭക്ഷ്യമന്ത്രി ജി ആർ അനിൽ സമയമാറ്റം സംബന്ധിച്ച് നൽകിയ ഉറപ്പ് പാലിച്ചില്ലെന്ന് ചൂണ്ടിക്കാട്ടി റേഷൻ വ്യാപാരികൾ പ്രതിഷേധവുമായി രംഗത്തെത്തിയിരുന്നു.
by Midhun HP News | Oct 4, 2025 | Latest News, ജില്ലാ വാർത്ത
2025-26 അധ്യയന വർഷത്തെ എൽ.എൽ.എം. കോഴ്‌സ് പ്രവേശനത്തിനുളള പുതുക്കിയ താൽക്കാലിക റാങ്ക് ലിസ്റ്റ് പ്രസിദ്ധീകരിച്ചു. വിദ്യാർത്ഥികൾക്ക് www.cee.kerala.gov.in എന്ന വെബ്‌സൈറ്റിലൂടെ ലിസ്റ്റ് പരിശോധിക്കാം.
തിരുത്തിയ അന്തിമ ഉത്തരസൂചികയും വെബ്സൈറ്റിൽ പ്രസിദ്ധീകരിച്ചിട്ടുണ്ട്. വിശദ വിവരങ്ങൾക്ക് വെബ് സൈറ്റിൽ പ്രസിദ്ധീകരിച്ചിട്ടുളള വിജ്ഞാപനം കാണുക. ഹെൽപ് ലൈൻ നമ്പർ: 0471 2332120, 2338487.
by Midhun HP News | Oct 4, 2025 | Latest News, ജില്ലാ വാർത്ത
തിരുവനന്തപുരം: കേരളത്തില്‍ അഞ്ച് പുതിയ ദേശീയപാതകള്‍ കൂടി വികസിപ്പിക്കുന്നു. രാമനാട്ടുകര – കോഴിക്കോട് എയര്‍പോര്‍ട്ട് റോഡ്, കണ്ണൂര്‍ വിമാനത്താവള റോഡ് ( ചൊവ്വ – മട്ടന്നൂര്‍ ), കൊടൂങ്ങല്ലൂര്‍ – അങ്കമാലി , വൈപ്പിന്‍ – മത്സ്യഫെഡ് ടൂറിസ്റ്റ് ഓഫീസ് റോഡ് എന്നിവ ദേശീയപാതാ നിലവാരത്തിലേക്ക് ഉയര്‍ത്തുന്നത്. വികസന പദ്ധതിയുടെ പദ്ധതിരേഖ തയ്യാറാക്കാന്‍ നടപടികള്‍ തുടങ്ങിയതായി പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് അറിയിച്ചു.
പദ്ധതി രേഖ തയ്യാറാക്കുന്നതിന് ഏജന്‍സിയെ തെരഞ്ഞെടുക്കുവാനുള്ള ടെന്‍ഡര്‍ നടപടികള്‍ ദേശീയപാതാ അതോറിറ്റി ആരംഭിച്ചതായും മന്ത്രി ഫെയ്‌സ്ബുക്ക് പോസ്റ്റില്‍ അറിയിച്ചു. കൊച്ചി – മധുര ദേശീയപാതയില്‍ കോതമംഗലം, മൂവാറ്റുപുഴ ബൈപാസ് നിര്‍മാണത്തിനുള്ള പദ്ധതി രേഖയും തയ്യാറാക്കുന്നുണ്ട്. മുഖ്യമന്ത്രി പിണറായി വിജയന് ഒപ്പം കേന്ദ്ര ഉപരിതല ഗതാഗതമന്ത്രിയെ ഡല്‍ഹിയില്‍ സന്ദര്‍ശിച്ച ഘട്ടത്തിലാണ് കൂടുതല്‍ പാതകള്‍ ദേശീയപാത നിലവാരത്തിലേക്ക് ഉയര്‍ത്തണം എന്ന ആവശ്യം ഉന്നയിച്ചത്. അതിനുള്ള വിശദമായ നിര്‍ദ്ദേശവും സംസ്ഥാന സര്‍ക്കാര്‍ സമര്‍പ്പിച്ചിരുന്നു. അതിന്റെ അടിസ്ഥാനത്തിലാണ് ഇപ്പോള്‍ അഞ്ചു പുതിയ ദേശീയപാതകളുടെ പദ്ധതി രേഖ തയ്യാറാക്കുവാനുള്ള നടപടികള്‍ ആരംഭിച്ചിട്ടുള്ളത് എന്നും മന്ത്രി അറിയിച്ചു.
കേരളത്തിലെ ജനങ്ങളുടെ ദീര്‍ഘകാലത്തെ സ്വപ്നമാണ് ഈ പാതകളുടെ വികസനം. ഇത് യാഥാര്‍ഥ്യമാക്കുവാന്‍ എല്ലാ സഹായവും നല്‍കിയ കേന്ദ്ര ഉപരിതല ഗതാഗത വകുപ്പ് മന്ത്രി നിതിന്‍ ഗഡ്കരിയോടും ബഹുമാനപ്പെട്ട മുഖ്യമന്ത്രി പിണറായി വിജയനും പൊതുമരാമത്ത് വകുപ്പിന്റെ നന്ദി അറിയിക്കുന്നതായും മന്ത്രി കുറിപ്പില്‍ അറിയിച്ചു.
Recent Comments