by Midhun HP News | Jul 1, 2025 | Latest News, ജില്ലാ വാർത്ത
തിരുവനന്തപുരം: കെഎസ്ആര്ടിസി ജീവനക്കാര്ക്കും ഈ മാസവും ഒന്നാം തീയ്യതിക്ക് മുന്പേ ശമ്പളം അക്കൗണ്ടുകളില് എത്തിയെന്ന് ഗതാഗത മന്ത്രി കെ ബി ഗണേഷ് കുമാര്. ജീവനക്കാര്ക്കൊപ്പമാണ് എന്നും എപ്പോഴുമെന്നും മന്ത്രി പറഞ്ഞു.
കെഎസ്ആര്ടിസിയിലെ മുഴുവന് ജീവനക്കാര്ക്കും ജൂണ് മാസത്തെ ശമ്പളം മുപ്പതാം തിയ്യതി വിതരണം ചെയ്തെന്നാണ് മന്ത്രി അറിയിച്ചത്. തുടര്ച്ചയായി പതിനൊന്നാമത്തെ മാസമാണ് കെഎസ്ആര്ടിസിയിലെ ജീവനക്കാര്ക്കുള്ള ശമ്പളം ഒറ്റത്തവണയായി നല്കുന്നത്. ശമ്പള ഇനത്തിനായുള്ള 80 കോടി രൂപ വിതരണം ചെയ്തു.
ജീവനക്കാരുടെ ശമ്പളം ഒറ്റ ഗഡുവായി ഒന്നാം തിയ്യതി തന്നെ നല്കുമെന്ന് മുഖ്യമന്ത്രിയും ഗതാഗത വകുപ്പ് മന്ത്രിയും നേരത്തെ പ്രഖ്യാപിച്ചിരുന്നു. തുടര്ന്നുള്ള മാസങ്ങളിലും കെഎസ്ആര്ടിസി ജീവനക്കാരുടെ മുഴുവന് ശമ്പളവും ഒന്നാം തിയ്യതി തന്നെ ഒറ്റത്തവണയായി നല്കുന്നതിനുള്ള നടപടികള് സ്വീകരിച്ചിട്ടുണ്ടെന്ന് മന്ത്രി പറഞ്ഞു.
by Midhun HP News | Jul 1, 2025 | Latest News, ജില്ലാ വാർത്ത
കല്ലമ്പലത്ത് വാഹന അപകടത്തിൽ ദമ്പതികൾ മരണപെട്ടു. കല്ലമ്പലം വെയിലൂരിൽ കെഎസ്ആർടിസി ബസും സ്കൂട്ടിയും കൂട്ടിയിടിച്ചാണ് അപകടം സംഭവിച്ചത് . പരവൂർ സ്വദേശിയായ ശ്യാം ശശിധരൻ, ഭാര്യ ഷീന എന്നിവരാണ് മരണപ്പെട്ടത്.
കൊല്ലം ഭാഗത്തേക്ക് പോയ കെഎസ്ആർടിസി ബസും ആറ്റിങ്ങൽ ഭാഗത്തേക്ക് പോയ സ്കൂട്ടിയുമാണ് കൂട്ടിയിടിച്ചത്. ഗുരുതരമായി പരിക്കേറ്റ ഇരുവരെയും കല്ലമ്പലത്തെ സ്വകാര്യ ആശുപത്രിയിൽ എത്തിച്ചെങ്കിലും ശ്യാം ശശിധരൻ്റെ ജീവൻ രക്ഷിക്കാൻ ആയില്ല. ഒപ്പമുണ്ടായിരുന്ന ഭാര്യ ഷീന തിരുവനന്തപുരത്തെ കിംസ് ആശുപത്രിയിൽ ചികൽസയിയിലിരിക്കെ മരണപ്പെട്ടു.
by Midhun HP News | Jul 1, 2025 | Latest News, ജില്ലാ വാർത്ത
ഗവ.ഗേൾസ് ഹയർ സെക്കൻഡറി സ്കൂൾ ആറ്റിങ്ങൽ ‘ലഹരിക്കെതിരെ നമ്മൾ’ ക്യാമ്പയിൻ്റെ ഭാഗമായി വിദ്യാലയത്തിന്റെ വിമുക്തി ക്ലബ്ബ്, ആൻറി നാർക്കോട്ടിക് ക്ലബ് (ANC)എന്നിവയുടെ ഉദ്ഘാടനം നഗരസഭസഭ ചെയർപേഴ്സൻ അഡ്വ. എസ് കുമാരി നിർവഹിച്ചു.
ലഹരി വസ്തുക്കളുടെ ഉപയോഗത്തിനെതിരെ സമൂഹത്തെ ബോധവൽക്കരിക്കാൻ രവികുമാർ രചിച്ച പാഠശാലയിലെ പനങ്കിളികൾ എന്ന ബാലസാഹിത്യകൃതിയുടെ വിതരണോദ്ഘാടനം ആറ്റിങ്ങൽ നഗരസഭ വൈസ് ചെയർമാൻ തുളസീധരൻപിള്ള നിർവഹിച്ചു. ചടങ്ങിൽ പ്രിൻസിപ്പൽ ഡോ. ഉദയകുമാരി, ഹെഡ്മാസ്റ്റർ ഷാജി എ , വാർഡ് മെമ്പർ ബിനു, പിടിഎ പ്രസിഡൻറ് സന്തോഷ്,സ്കൂൾ സെക്രട്ടറി കീർത്തന, വിമുക്തി ക്ലബ് കൺവീനർ സുജ കെ എസ് എന്നിവർ സംസാരിച്ചു. ലഹരിവസ്തുക്കളുടെ ഉപയോഗത്തിന്റെ ഭീകരതയെക്കുറിച്ചും ലഹരി വിമുക്ത സമൂഹത്തിൻറെ മേന്മകളെ കുറിച്ചും രവികുമാർ പ്രഭാഷണം നടത്തി.
by Midhun HP News | Jul 1, 2025 | Latest News, ജില്ലാ വാർത്ത
ആറ്റിങ്ങൽ: കർഷക കോൺഗ്രസ് ലീഡേഴ്സ് മീറ്റ് സംഘടിപ്പിച്ചു. കർഷക കോൺഗ്രസ് ആറ്റിങ്ങൽ നിയോജക മണ്ഡലം ലീഡേഴ്സ് മീറ്റ് സംസ്ഥാന വൈസ് പ്രസിഡന്റ് അടയമൺ മുരളി ഉദ്ഘാടനം ചെയ്തു. ജില്ലാ പ്രസിഡന്റ് തോംസൺ ലോറൻസ് മുഖ്യ പ്രഭാഷണം നടത്തി . മികച്ച പ്രവർത്തനം കാഴ്ചവച്ച പ്രവർത്തകരെ ജില്ലാ കമ്മിറ്റിക്ക് വേണ്ടി ജില്ലാ പ്രസിഡന്റ് പൊന്നാട അണിയിച്ചു.
നിയോജകമണ്ഡലം പ്രസിഡന്റ് ആറ്റിങ്ങൽ മനോജ് അധ്യക്ഷത വഹിച്ചു. ജില്ലാ ഭാരവാഹികളായ പള്ളിക്കൽ മോഹനൻ, ചെറുന്നിയൂർ ടി എസ് അനിൽകുമാർ, എസ് കെ സുജി, അസ് ബർ പള്ളിക്കൽ, സജീവ് മുളവന, ബീന നാ സിറാജ്, ഷൻസ് പാളയംകുന്ന്, ലാൽ കോരാണി, ഒറ്റൂർ പപ്പൻ, കോൺഗ്രസ് മണ്ഡലം പ്രസിഡന്റുമാരായ സവാദ് ഖാൻ, എച്ച്. ബഷീർ തുടങ്ങിയവർ സംസാരിച്ചു
by Midhun HP News | Jul 1, 2025 | Latest News, ജില്ലാ വാർത്ത
മുൻ മുഖ്യമന്ത്രി വി.എസ് അച്യുതാനന്ദന്റെ ആരോഗ്യനില അതീവ ഗുരുതരമായി തുടരുന്നു. മരുന്നുകളോട് പ്രതികരിക്കുന്നുണ്ടെങ്കിലും രക്തസമ്മര്ദവും വ്യക്കകളുടെ പ്രവര്ത്തനവും സാധാരണ നിലയിലല്ലെന്ന് മെഡിക്കൽ ബുളറ്റിൻ വ്യക്തമാക്കുന്നു. ആരോഗ്യസ്ഥിതി വിലയിരുത്താൻ പട്ടം എസ് യു ടി യിലെ ഡോക്ടർമാരെക്കൂടാതെ തിരുവനന്തപുരം മെഡിക്കൽ കോളജിലെ ഏഴംഗ വിദഗ്ധ സംഘവും എത്തിയിരുന്നു.
നിലവിലെ ചികിൽസ തുടരാനാണ് സംഘത്തിൻ്റെ നിർദേശം. വെന്റിലേറ്ററിൻ്റെ സഹായത്താലാണ് വി.എസിൻ്റെ ചികിത്സ തുടരുന്നത്. ഹൃദയാഘാതത്തെ തുടർന്ന് കഴിഞ്ഞ തിങ്കളാഴ്ചയാണ് വി.എസിനെ പട്ടത്തെ സ്വകാര്യ ആശുപത്രിയിൽ പ്രവേശിപ്പിച്ചത്.
by Midhun HP News | Jul 1, 2025 | Latest News, ജില്ലാ വാർത്ത
തിരുവനന്തപുരം: സംസ്ഥാനത്താകെ ഒരു ലക്ഷത്തിലധികം ഉപഭോക്താക്കളെന്ന നേട്ടവുമായി കേരളത്തിന്റെ സ്വന്തം ഇന്റര്നെറ്റ് കണക്ഷനായ കെഫോണ്. ഇന്റര്നെറ്റ് സാക്ഷരതയില് മുന്നില് നില്ക്കുന്ന കേരളത്തില് എല്ലാവര്ക്കും ഇന്റര്നെറ്റ് എത്തിക്കുകയെന്ന പ്രഖ്യാപിത ലക്ഷ്യം പൂര്ത്തീകരിക്കുന്നതിനൊപ്പം വാല്യൂ ആഡഡ് സര്വീസുകളിലേക്കും കടക്കുകയാണ് കെഫോണ്. കൂടുതല് ഉപഭോക്താക്കളെ ലക്ഷ്യമിട്ട് മറ്റ് ഇന്റര്നെറ്റ് സര്വീസ് പ്രൊവൈഡര്മാരോടു കിടപിടിക്കുന്ന സേവനം നല്കാനാണ് കേരളത്തിന്റെ സ്വന്തം ഇന്റര്നെറ്റ് കണക്ഷനായ കെഫോണും ലക്ഷ്യമിടുന്നത്. സാധാരണക്കാര്ക്ക് താങ്ങാവുന്ന നിരക്കില് ദക്ഷിണേന്ത്യന് ടി.വി ചാനലുകളും സിനിമകളും ഉള്പ്പെടുത്തുന്ന ഒടിടി പ്ലാറ്റ്ഫോം ഉടന് യാഥാര്ത്ഥ്യമാക്കും. ഒ.ടി.ടിയുമായി ബന്ധപ്പെട്ട ടെന്ഡര് നടപടികള് അന്തിമ ഘട്ടത്തിലാണ്. ഐപിടിവി, വിഎന്ഒ ലൈസന്സ് തുടങ്ങിയവയാണ് കെഫോണിന്റെ അടുത്ത ഘട്ട നടപടികള്. ഇതിന് പുറമേ സംസ്ഥാനത്തിന് പുറത്ത് ഇന്റര്നെറ്റ് നല്കുന്നതിനായുള്ള ലൈസന്സിനുള്ള കെഫോണിന്റെ ശ്രമങ്ങളും തുടരുകയാണ്.
നഗര കേന്ദ്രീകൃതമായി വന് കോര്പ്പറേറ്റ് സ്ഥാപനങ്ങള് ഇന്റര്നെറ്റ് കണക്ഷനുകള് വ്യാപിപ്പിക്കുമ്പോള് നഗരങ്ങള്ക്കൊപ്പം ഗ്രാമപ്രദേശങ്ങളും ഇന്റര്നെറ്റ് സാക്ഷരതയുടെ പരിധിയില് വരണമെന്ന ഉദ്ദേശത്തോടെയാണ് കെഫോണ് നഗരങ്ങളിലും ഗ്രാമങ്ങളിലും ഒരുപോലെ സേവനം നല്കുന്നത്. ഇന്റര്നെറ്റ് കടന്നുചെല്ലാത്ത ആദിവാസി ഊരുകളിലും ദ്വീപ് പ്രദേശങ്ങളിലും കെഫോണ് കണക്ഷന് നല്കുന്നുണ്ട്. ഗ്രാമപ്രദേശങ്ങളില് കൂടുതല് കണക്ഷന് നല്കിയാണ് നിലവില് കെഫോണിന്റെ കുതിപ്പ്.
റൂറല് ഏരിയ എന്ന് തരംതിരിക്കാനാവത്തവിധം അര്ബന്-റൂറല് സ്വഭാവത്തോടെയാണ് കേരളത്തിലെ സ്ഥലങ്ങളുള്ളത്. വളരെയേറെ ജനസാന്ദ്രതയുള്ള പ്രദേശങ്ങളാണ് സംസ്ഥാനത്ത് ഭൂരിഭാഗവും. അതിന് ആനുപാതികമായി കെഫോണ് നെറ്റുവര്ക്കും എല്ലായിടത്തേക്കും വ്യാപിച്ചിട്ടുണ്ട്. ഗ്രാമ-നഗര വ്യത്യാസമില്ലാതെ എല്ലായിടത്തും ഇന്റര്നെറ്റ് എത്തിക്കാന് കെഫോണിന് സാധിക്കും. ഇതിന് വേണ്ട വളരെ വിപുലമായ നെറ്റുവര്ക്ക് സംവിധാനങ്ങള് കെഫോണിനുണ്ട്. മറ്റ് ഐസ്പികളുമായി താരതമ്യം ചെയ്യുമ്പോള് കേരളത്തിലെ ഏറ്റവും വലിയ നെറ്റുവര്ക്കാണ് കെഫോണിന്റേത്. ഈ നെറ്റുവര്ക്കിന്റെ സാധ്യതകളെല്ലാം പരമാവധി പ്രയോജനപ്പെടുത്തുന്നതിനുള്ള പ്രവര്ത്തനങ്ങള് കെ ഫോണ് നടത്തുന്നുണ്ട്. ആകെ 66378 റീട്ടയില് എഫ്ടിടിഎച്ച് കണക്ഷനുകളാണ് നിലവില് കെഫോണ് സംസ്ഥാനത്താകെ നല്കിയിരിക്കുന്നത്.
വളരെ വിപുലമായ നെറ്റുവര്ക്ക് സംവിധാനങ്ങള് കെഫോണിനുണ്ട്. മറ്റ് ഐസ്പികളുമായി താരതമ്യം ചെയ്യുമ്പോള് കേരളത്തിലെ ഏറ്റവും വലിയ നെറ്റുവര്ക്കാണ് കെഫോണിന്റേത്. 31153 കിലോ മീറ്ററുകള് ഫൈബര് ഒപ്റ്റിക് കേബിള് പൂര്ത്തീകരിച്ച് കെഫോണ് നിലവില് പൂര്ണസജ്ജമാണ്. ഐഎസ്പി ലൈസന്സും ഒപ്പം ഐപി ഇന്ഫ്രസ്ട്രക്ചര് ലൈസന്സും എന്എല്ഡി (നാഷണല് ലോങ്ങ് ഡിസ്റ്റന്സ്സ്) ലൈസന്സും കെ ഫോണിന് സ്വന്തമാണ്. കൊച്ചി ഇന്ഫോപാര്ക്കില് സജ്ജമാക്കിയ നെറ്റുവര്ക്ക് ഓപ്പറേറ്റിങ്ങ് സെന്ററാണ് കെഫോണിന്റെ തലച്ചോര്. ഇവിടെ നിന്നും 375 കെ.എസ്.ഇ.ബി സബ് സ്റ്റേഷനുകളിലായുള്ള പോയിന്റ് ഓഫ് പ്രസന്സ് (POP) കേന്ദ്രങ്ങള് വഴിയാണ് കേരളത്തിലുടനീളമുള്ള വിവിധ സ്ഥാപനങ്ങളിലേക്കും വീടുകളിലേക്കും ഇന്റര്നെറ്റ് ലഭ്യമാകുന്നത്. നെറ്റുവര്ക്ക് ഓപ്പറേറ്റിംഗ് സെന്ററില് (NOC) നിന്ന് 14 കോര് പോപ്പ് കേന്ദ്രങ്ങളിലേക്കും അവിടെ നിന്ന് 94 റിങ്ങ് അഗ്രിഗേഷന് നെറ്റുവര്ക്ക് വഴി 186 പ്രീ അഗ്രിഗേഷന് റിങ്ങ് നെറ്റുവര്ക്കിലേക്കും അവിടെ നിന്ന് 81 സ്പര് കേബിള് കണക്ഷന് കേന്ദ്രങ്ങളിലേക്കും വിന്യസിച്ചിരുക്കുന്ന വിപുലമായ നെറ്റുവര്ക്ക് സിസ്റ്റം വഴിയാണ് കെഫോണ് ഇന്റര്നെറ്റ് സേവനങ്ങള് നല്കുന്നത്. ഈ നെറ്റുവര്ക്കിന്റെ സാധ്യതകളെല്ലാം പരമാവധി പ്രയോജനപ്പെടുത്തുന്നതിനുള്ള പ്രവര്ത്തനങ്ങള് കെ ഫോണ് നടത്തുന്നുണ്ട്.
ദേശീയപാതാ വികസനവുമായി ബന്ധപ്പെട്ട പ്രവര്ത്തനങ്ങള് നടന്നുവരുന്നതിനാല് നെറ്റുവര്ക്ക് സജ്ജീകരണത്തില് ചെറിയൊരു വേഗതക്കുറവുണ്ടെങ്കില്പ്പോലും ഇതിനോടകം 23,163 സര്ക്കാര് ഓഫീസുകളില് കെഫോണ് കണക്ഷനുകള് നല്കിക്കഴിഞ്ഞു. ഇനിയും ബാക്കിയുള്ള സര്ക്കാര് സ്ഥാപനങ്ങളില് കണക്ഷന് നല്കുന്നതിനുള്ള പ്രവര്ത്തനങ്ങള് പുരോഗമിച്ചുവരികയാണ്. ഫൈബര് ടു ഓഫീസ് കണക്ഷനുകള് 2824 ആണ്. കൊമേഴ്സ്യല് എഫ്.ടി.ടി.എച്ച് കണക്ഷനുകള് 66378 എണ്ണവും സാമ്പത്തിക ബുദ്ധിമുട്ട് അനുഭവിക്കുന്ന 14097 കുടുംബങ്ങളില് സൗജന്യ കണക്ഷനുകളും ലൈവായി ഉപയോഗിക്കുന്നുണ്ട്.
Recent Comments