by Midhun HP News | Aug 15, 2025 | Latest News, ജില്ലാ വാർത്ത
2024- 25 അധ്യയനവർഷത്തിൽ കിളിമാനൂർ സബ് ജില്ലയിലെ വിവിധ വിദ്യാലയങ്ങളിൽ
എസ്എസ്എൽസി, പ്ലസ് ടു, യു എസ് എസ് പരീക്ഷകളിൽ മികച്ച വിജയം കരസ്ഥമാക്കിയ ഭിന്നശേഷി കുട്ടികളെ അനുമോദിച്ചുകൊണ്ട് വിജയോത്സവം 2025 സംഘടിപ്പിച്ചു.
കിളിമാനൂർ ഗ്രാമപഞ്ചായത്ത് പ്രസിഡന്റ് പോങ്ങനാട് രാധാകൃഷ്ണൻ അധ്യക്ഷനായ ചടങ്ങിൽ കിളിമാനൂർ ബി ആർ സി ബ്ലോക്ക് പ്രോജക്ട് കോഡിനേറ്റർ നവാസ് കെ സ്വാഗതം പറഞ്ഞു. ആറ്റിങ്ങൽ നിയോജകമണ്ഡലം എംഎൽഎ ഒ എസ് അംബിക വിജയോത്സവം ഉദ്ഘാടനം ചെയ്തു. സമഗ്ര ശിക്ഷ കേരളം തിരുവനന്തപുരം ജില്ല പ്രൊജക്റ്റ് കോഡിനേറ്റർ ഡോക്ടർ ബി നജീബ് മുഖ്യാതിഥിയായി. കിളിമാനൂർ പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കൊട്ടറ മോഹൻകുമാർ, നാസിമുദ്ദീൻ രാജകുമാരി ഗ്രൂപ്പ് എന്നിവർ ആശംസകൾ അറിയിച്ചു. രക്ഷകർത്താക്കൾ ഉൾപ്പെടെ 150 പേർ പരിപാടിയിൽ പങ്കെടുത്തു.
by Midhun HP News | Aug 15, 2025 | Latest News, ജില്ലാ വാർത്ത
കോരാണി ഡോക്ടർ അംബേദ്കർ മെമ്മോറിയൽ യുപി സ്കൂളിലെ സ്വാതന്ത്ര്യ ദിനാഘോഷപരിപാടികളുടെ ഉദ്ഘാടനം സ്കൂൾ പ്രഥമാധ്യാപിക പത്മകുമാരി പതാക ഉയർത്തി നിർവഹിച്ചു. തുടർന്ന് കുട്ടികളുടെ വിവിധ പരിപാടികളും നടന്നു.
by Midhun HP News | Aug 15, 2025 | Latest News, ജില്ലാ വാർത്ത
തിരുവനന്തപുരം: ശക്തമായ മഴയും പ്രതികൂല കാലാവസ്ഥയും കാരണം ഓഗസ്റ്റ് പതിനഞ്ച് മുതല്‍ പൊന്മുടി ഇക്കോടൂറിസ്സത്തിലേക്കുള്ള സന്ദര്‍ശനം ഇനി ഒരു അറിയിപ്പ് ഉണ്ടാകുന്നതുവരെ നിരോധിച്ചതായി ഡിവിഷണല്‍ ഫോറസ്റ്റ് ഓഫീസര്‍ അറിയിച്ചു. ഇന്നലെയും ഇന്നുമായി പെയ്ത മഴയില്‍ കുളച്ചിക്കരയ്ക്കും കമ്പിമൂടിനും ഇടയിലാണ് മണ്ണിടിച്ചില്‍ ഉണ്ടായത്.
മണ്ണിടിച്ചിലിനെ തുടര്‍ന്ന് ഏറെ നേരം ഗതാഗതം തടസ്സപ്പെട്ടിരുന്നു. ഗതാഗതം പുനഃസ്ഥാപിച്ചതായി അധികൃതര്‍ അറിയിച്ചു.
by Midhun HP News | Aug 15, 2025 | Latest News, ജില്ലാ വാർത്ത, ദേശീയ വാർത്ത
ന്യൂഡല്‍ഹി: ഭരണഘടനയാണ് രാജ്യത്തിന്റെ വഴി കാട്ടിയെന്നും ഐക്യമാണ് ഈ ദിനത്തിന്റെ സന്ദേശമെന്നും പ്രധാനമന്ത്രി നരേന്ദ്രമോദി. 79 ാമത് സ്വാതന്ത്ര്യദിനത്തില്‍ ചെങ്കോട്ടയില്‍ ദേശീയ പതാക ഉയര്‍ത്തിയ ശേഷം രാജ്യത്തെ അഭിസംബോധന ചെയ്യുകയായിരുന്നു അദ്ദേഹം നിറവില്‍ രാജ്യം. 140 കോടി ജനങ്ങള്‍ രാജ്യത്തിന്റെ വിജയം ആഘോഷിക്കുന്നുവെന്നും സ്വാതന്ത്ര്യദിനം അഭിമാനത്തിന്റെ ഉത്സവമാണെന്നും മോദി പറഞ്ഞു. രാജ്ഘട്ടിലെത്തി ഗാന്ധിസമാധിയില്‍ പുഷ്പാര്‍ച്ചന നടത്തിയ ശേഷമാണ് മോദി ചെങ്കോട്ടയില്‍ എത്തിയത്.
പാകിസ്ഥാന്‍ ആണവായുധം കാട്ടി വിരട്ടേണ്ടതില്ലെന്നും മോദി പറഞ്ഞു. ഓപ്പറേഷന്‍ സിന്ദൂറില്‍ പങ്കെടുത്ത ധീരജവാന്‍മാര്‍ക്ക് ബിഗ് സല്യൂട്ട് എന്നും മോദി പറഞ്ഞു. സിന്ധുനദീ ജലക്കരാറില്‍ ഇനി ഒരുപുനരാലോചനയും ഇല്ല. രക്തവും വെള്ളവും ഒന്നിച്ചൊഴുകില്ലെന്നും മോദി പറഞ്ഞു. മതം ചോദിച്ചാണ് തീവ്രവാദികള്‍ നിഷ്‌കളങ്കരായവരെ കൊലപ്പെടുത്തിയത്. അവരെ പിന്തുണച്ചവര്‍ക്കും തക്കതായ ശിക്ഷ നല്‍കാന്‍ രാജ്യത്തിനായി.
പഹല്‍ഗാമില്‍ ഭീകരവാദികള്‍ ഭാര്യമാരുടെ മുന്നില്‍ വച്ച് ഭര്‍ത്താക്കന്മാരെ കൊലപ്പെടുത്തി. കുട്ടികളുടെ മുന്നില്‍ അവരുടെ പിതാക്കന്മാരെ കൊലപ്പെടുത്തി. നമ്മുടെ സൈന്യം ഓപ്പറേഷന്‍ സിന്ദൂറിലൂടെ ചുട്ട മറുപടി നല്‍കി. സൈന്യത്തിനു സര്‍ക്കാര്‍ പൂര്‍ണ സ്വാതന്ത്ര്യമാണ് നല്‍കിയതെന്നും പ്രധാനമന്ത്രി.പ്രസംഗത്തില്‍ സ്വാതന്ത്ര്യസമരസേനാനികളെയും ഭരണഘടനാ ശില്‍പികളെയും മോദി അനുസ്മരിച്ചു. മലയാളിയായ ദാക്ഷയണി വേലായുധനെയും പ്രസംഗത്തില്‍ മോദി പരാമര്‍ശിച്ചു.
സ്വാതന്ത്ര്യദിന ആഘോഷത്തിന്റെ ഭാഗമായി രാജ്യ തലസ്ഥാനമായ ഡല്‍ഹിയില്‍ കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്. ചെങ്കോട്ടയിലും പരിസരത്തുമായി 11,000ലധികം സുരക്ഷാ ഉദ്യോഗസ്ഥരെയും 3000 ട്രാഫിക് പൊലീസിനെയും നിയോഗിച്ചു. നഗരത്തിലുടനീളം നിരീക്ഷണ ക്യാമറകളും സ്ഥാപിച്ചിട്ടുണ്ട്. റെയില്‍വേ സ്റ്റേഷന്‍, ബസ് സ്റ്റാന്‍ഡ്, വിമാനത്താവളം, മെട്രോ സ്റ്റേഷനുകള്‍ തുടങ്ങിയ ഇടങ്ങളില്‍ പരിശോധന ശക്തമാക്കി. തുടര്‍ച്ചയായ പന്ത്രണ്ടാമത്തെ സ്വാതന്ത്ര്യദിന പ്രസംഗമാണ് പ്രധാനമന്ത്രി നരേന്ദ്ര മോദി നടത്തുന്നത്.
by Midhun HP News | Aug 14, 2025 | Latest News, ജില്ലാ വാർത്ത
സ്വാതന്ത്ര്യ ദിനമായ ഓഗസ്റ്റ് 15 രാവിലെ 7. 45 ന് പി എസ് എസ് എസ് കെ സായുധസേന വിമുക്തഭട സംഘടനയുടെ ജില്ലാ യൂണിറ്റ് അംഗങ്ങൾ കുടുംബസമേതം ഒത്തുകൂടി സ്വാതന്ത്ര്യസമര നായകനും രാഷ്ട്രപിതാവുമായ മഹാത്മാഗാന്ധിയുടെ ശുചിത്വം എന്ന സന്ദേശം ഉൾക്കൊണ്ട് വർക്കല ആറാട്ട് കടവ് തീരത്ത് ശുചീകരണ യജ്ഞം നടത്തുന്നു. നഗരസഭ ചെയർമാൻ കെ. എം ലാജി യജ്ഞത്തിന്റെ ഉദ്ഘാടനം നിർവഹിക്കും. എൻ സി സി കേഡറ്റുകളും പങ്കെടുക്കും.
by Midhun HP News | Aug 14, 2025 | Latest News, ജില്ലാ വാർത്ത
ഫരിദാബാദിലെ മാജിക് & ആർട്ട് യൂണിവേഴ്സിറ്റിയിൽ നിന്നും ഓണററി ഡോക്ടറേറ്റ് (കോമേഴ്സ് & മാനേജ്മെൻ്റ്) നേടി അവനവഞ്ചേരി എ കെ ജി നഗർ ദേവീശാന്തിൽ ഡോ. സന്തോഷ് കുമാർ.ജി. ആയുർവേദ മെഡിക്കൽ വിദ്യാഭ്യാസ വകുപ്പ് ഡയറക്ടറേറ്റിലെ ജീവനക്കാരനും, എൻ ജി ഒ യൂണിയ൯ ജില്ലാ കൗൺസിൽ അംഗവുമാണ്.
ഭാര്യ: അഷിത ജി ആർ
മക്കൾ: ദേവദത്തൻ, ദേവിക
Recent Comments