100 % വിജയവുമായി ആറ്റിങ്ങൽ സി എസ് ഐ സ്കൂൾ
ആറ്റിങ്ങൽ: സി എസ് ഐ സ്കൂളിൽ എസ്.എസ്.എൽ.സി പരീക്ഷയിൽ 100% വിജയശതമാനം. 189 കുട്ടികൾ എസ്.എസ്.എൽ.സി പരീക്ഷ എഴുതിയതിൽ എല്ലാപേരും വിജയിച്ചു. 52 പേർ ഫുൾ എ പ്ലസ് നേടി
ആറ്റിങ്ങൽ അവനവഞ്ചേരി ഗവ. ഹൈസ്കൂളിൽ എസ്.എസ്.എൽ.സി പരീക്ഷയിൽ മികച്ച വിജയം
ആറ്റിങ്ങൽ: ആറ്റിങ്ങൽ അവനവഞ്ചേരി ഗവ. ഹൈസ്കൂളിൽ എസ്.എസ്.എൽ.സി പരീക്ഷയിൽ 98.6 % വിജയം. 292 പേർ പരീക്ഷ എഴുതിയതിൽ 288 പേർ വിജയിച്ചു. 65 പേർക്ക് മുഴുവൻ വിഷയങ്ങൾക്കും എ പ്ലസ് ലഭിച്ചു.
ആറ്റിങ്ങൽ ഗവ. ഗേൾസ് ഹയർ സെക്കന്ററി സ്കൂളിൽ എസ്.എസ്.എൽ.സി പരീക്ഷയിൽ 100 % വിജയം
ആറ്റിങ്ങൽ: ആറ്റിങ്ങൽ ഗവ. ഗേൾസ് ഹയർ സെക്കന്ററി സ്കൂളിൽ എസ്.എസ്.എൽ.സി പരീക്ഷയിൽ 100 % വിജയം. 362 കുട്ടികൾ ആണ് പരീക്ഷ എഴുതിയത്. ഇതിൽ 83 പേർ ഫുൾ എ പ്ലസ് നേടി.
ആറ്റിങ്ങൽ ഗവ. മോഡൽ ബോയ്സിൽ എസ്.എസ്.എൽ.സി പരീക്ഷയിൽ 100 % വിജയം
ആറ്റിങ്ങൽ: ആറ്റിങ്ങൽ ഗവ. മോഡൽ വോക്കഷണൽ & ബോയ്സ് ഹയർ സെക്കന്ററി സ്കൂളിൽ എസ്.എസ്.എൽ.സി പരീക്ഷയിൽ 100 % വിജയം. 314 കുട്ടികൾ ആണ് പരീക്ഷ എഴുതിയത്. 41 പേർ ഫുൾ എ പ്ലസ് നേടി.
എസ്എസ്എല്സി പരീക്ഷാഫലം പ്രഖ്യാപിച്ചു; 99.5 % വിജയം
തിരുവനന്തപുരം: എസ്എസ്എല്സി പരീക്ഷാ ഫലം പ്രഖ്യാപിച്ചു. 424583 പേര് ഉപരിപഠനത്തിന് യോഗത്യ നേടി.99.5 ശതമാനം വിദ്യാര്ഥികള് വിജയിച്ചു. വിദ്യാഭ്യാസ മന്ത്രി വി ശിവന്കുട്ടിയാണ് ഫലപ്രഖ്യാപനം നടത്തിയത്.
എല്ലാ വിഷയത്തിലും 61449 പേര് എ പ്ലസ് നേടി. പാല, മാവേലക്കര വിദ്യാഭ്യാസ ജില്ലയില് നൂറുശതമാനം വിജയം. ഏറ്റവും കുറവുള്ള വിദ്യാഭ്യാസ ജില്ല ആറ്റിങ്ങല്. റവന്യൂ ജില്ലകളില് ഏറ്റവുമധികം വിജയം നേടിയത് കണ്ണൂര്, 99.87 ശതമാനം. കുറവ് തിരുവനനന്തപുരം.ഏറ്റവും കൂടുതല് എപ്ലസ് ലഭിച്ചത് മലപ്പുറം ജില്ലയിലാണ് 4115 വിദ്യാര്ഥികള്.
ആകെ 4,27,021 വിദ്യാര്ഥികളാണ് ഈ വര്ഷം എസ്എസ്എല്സി പരീക്ഷ എഴുതിയത്. മുന് വര്ഷങ്ങളിലേതിന് സമാനമായി ഔദ്യോഗിക വെബ്സൈറ്റുകള്ക്ക് പുറമെ ഡിജിലോക്കര് വഴിയും എസ്എംഎസ് വഴിയും ഫലം അറിയാന് സൗകര്യമുണ്ട്.
വൈകിട്ട് നാലു മണി മുതൽ പിആർഡി ലൈവ് മൊബൈൽ ആപ്പിലൂടെയും താഴെ പറയുന്ന വെബ്സൈറ്റുകളിലൂടെയും ഫലമറിയാം. https://pareekshabhavan.kerala.gov.in, https://prd.kerala.gov.in, https://results.kerala.gov.in, https://examresults.kerala.gov.in, https://kbpe.kerala.gov.in, https://results.digilocker.kerala.gov.in, https://sslcexam.kerala.gov.in, https://results.kite.kerala.gov.in.
എസ്എസ്എൽസി (എച്ച്ഐ) ഫലം http://sslchiexam.kerala.gov.in ലും ടിഎച്ച്എസ്എൽസി (എച്ച്ഐ) ഫലം http://thslchiexam.kerala.gov.in ലും എഎച്ച്എസ്എൽസി ഫലം http://ahslcexam.kerala.gov.in ലും ടിഎച്ച്എസ്എൽസി ഫലം https://thslcexam.kerala.gov.in/thslc/index.php എന്ന വെബ്സൈറ്റിലും ലഭിക്കും.
സഹകരണ ബാങ്കുകളിലെ അനീതിയ്ക്കെതിരെ ശക്തമായ പ്രതിരോധ സമരത്തിലേക്ക്- കെ. പി എം എസ്
ഗ്രാമീണ മേഖലയിലെ സാധാരണക്കാരന്റെ ആശ്രയം കേന്ദ്രങ്ങളാണ് സഹകരണ സ്ഥാപനങ്ങൾ, എന്നാൽ ചിറയിൻകീഴ് താലൂക്കിലെ ചില സഹകരണ ബാങ്കുകളും സംഘങ്ങളും സാധാരണക്കാരായ പട്ടികജാതിക്കാരെയും സാമ്പത്തികമായി പിന്നാക്കം നിൽക്കുന്നവരെയും തെരഞ്ഞുപിടിച്ച് ജപ്തി ഭീഷണി മുഴക്കുകയാണ്. സമൂഹത്തിലെ ഉന്നതരുടെ ലോണുകളിൽ നടപടികൾ സ്വീകരിക്കാതെയും എല്ലാവിധ ആനൂകുല്യങ്ങളും അനുവദിച്ച് നൽകുകയും ചെയ്തുകൊണ്ടാണ് സാധാരണക്കാരൻ്റെ ലോണുകളിൽ അതിവേഗത്തിലുള്ള ജപ്തി നടപടികൾ സ്വീകരിക്കുന്നത്. അതുപോലെ ജപ്തി നടപടികൾ നിർത്തിവയ്ക്കാമെന്ന് വാഗ്ദാനം നൽകി വായ്പാക്കാരനെ കൊണ്ട് കുടിശ്ശിക അടപ്പിച്ചതിന് ശേഷം ജപ്തി നടപടിക്ക് പത്രപരസ്യം നൽകി വായ്പാക്കാരെ സമ്മർദ്ദം ചെലുത്തുന്നതും പരാതിയായി ഉയർന്നു വന്നു കഴിഞ്ഞു.
വട്ടി പലിശക്കാരൻ്റെ മാതൃകയിലാണ് ചില സഹകരണ ബാങ്കുകൾ പ്രവർത്തിക്കുന്നത്. വായ്പ എടുക്കുന്ന വേളയിൽ റിസ്ക് ഫണ്ടിലേക്ക് പണം ഈടാക്കുന്നു. പക്ഷേ റിസ്ക് ഫണ്ട് ആനൂകുല്യം ലഭിക്കുന്നതിന് വേണ്ട ഒരു ഗൈഡൻസും വായ്പാക്കാരോട് പറയാറില്ല. ഗുരുതരമായ രോഗാവസ്ഥയിൽ ഉള്ളവർക്കും മരണമടഞ്ഞ വർക്കും റിസ്ക് ഫണ്ട് നിഷേധിക്കുക, വായ്പാകാരൻ മരണപ്പെട്ട ശേഷമുള്ള കാലയളവിലും പലിശയും പിഴപലിശയും ഈടാക്കുക, ഒറ്റത്തവണ തീർപ്പാക്കൽ പദ്ധതിയിൽ ലഭിക്കേണ്ട ആനുകൂല്യങ്ങൾ നൽകാതിരിക്കുക , ആളും തരവും നോക്കിയുള്ള നീതി നിഷേധവും ഭീഷണിയും എന്നാണ് ഉയർന്നു വരുന്ന പരാതികൾ. ഇത്തരത്തിലുള്ള ഇരട്ട നീതി അവസാനിപ്പിക്കാൻ കൂടുതൽ വിവരശേഖരണം നടത്താനും നിയമനടപടികൾ സ്വീകരിക്കാനും സമരപരിപാടികൾക്ക്കെ പി എം എസ് ചിറയിൻകീഴ് യൂണിയൻ നേതൃത്വം നൽകുമെന്ന് യൂണിയൻ സെക്രട്ടറി ശാന്തശീലൻ കാട്ടും പുറം അറിയിച്ചു.
അതോടൊപ്പംതന്നെ ആറ്റിങ്ങൽ മുനിസിപ്പാലിറ്റി കീഴിലുള്ള ടൗൺ ഹാളിന്റെ നിർമ്മാണ പ്രവർത്തനങ്ങൾ മുടങ്ങി കിടക്കുന്ന അവസ്ഥയിലാണ്. സാധാരണ ജനങ്ങൾക്ക് ഏറെ പ്രയോജനപെടേണ്ട ടൗൺ ഹാളിന്റെ നിർമ്മാണ സ്തംഭനം വൻകിട കൺവെൻഷൻ സെന്ററുകളുടെ പ്രവർത്തനത്തെ സാഹായിക്കലാണ്. ഇക്കാരണത്താൽ സാധാരണ ജനങ്ങൾക്ക് വിവാഹം പോലുള്ള ചടങ്ങുകൾക്ക് ലക്ഷങ്ങളുടെ ബാധ്യതയാണ് വരുത്തി വയ്ക്കുന്നത്. ഇതിന് അടിയന്തിര പരിഹാരം ഉണ്ടാക്കാൻ മുനിസിപ്പാലിറ്റി തയ്യാറാകണമെന്ന് ആവശ്യപെടുന്നു.
സമൂഹത്തിലെ വ്യാപകമായി കൊണ്ടിരിക്കുന്ന ലഹരി ഉപയോഗത്തിനെതിരെ ലഹരി വിരുദ്ധ ക്യാമ്പ് സംഘടിപ്പിക്കാനും വെങ്ങാനൂർ മഹാത്മാ അയ്യൻകാളി സ്കൂൾ പ്രവേശനോത്സവും മഹാത്മാ അയ്യങ്കാളി ചരമദിനമായ ജൂൺ 18 ന് നടത്തുന്ന സ്മൃതി സംഗമവുമായി ബന്ധപ്പെട്ട മുന്നോരുക്കങ്ങൾ നടത്താൻ മെയ് പതിനൊന്നാം തീയതി വെങ്ങാനൂർ അയ്യങ്കാളി സ്മാരകം സ്കൂളിൽ വച്ച് ശാഖ യൂണിയൻ ഭാരവാഹികളുടെ കൺവെൻഷൻ നടക്കും. കെ പി എം എസ് ജനറൽ സെക്രട്ടറി പുന്നല ശ്രീകുമാർ കൺവെൻഷൻ ഉദ്ഘാടനം ചെയ്യുമെന്ന് യൂണിയൻ ചുമതലക്കാരൻ ആയ കെ. പി എം എസ് സംസ്ഥാന കമ്മിറ്റി അംഗം ബിനു മേനംകുളം സംസ്ഥാന കമ്മറ്റി തീരുമാനങ്ങൾ റിപ്പോർട്ടിങിലൂടെ അറിയിച്ചു.
യൂണിയൻ വൈസ് പ്രസിഡന്റ് ശോഭ കാട്ടുംപുറം അധ്യക്ഷത വഹിച്ചു. യൂണിയൻ സെക്രട്ടറി ശാന്തശീലൻ കാട്ടുംപുറം യൂണിയൻ റിപ്പോർട്ട് അവതരിപ്പിച്ചു. യൂണിയൻ ഖജാൻജി കുമാർ മേൽകടയ്ക്കാവൂർ പള്ളിക്കൽ പുഷ്പലോചനൻ എന്നിവർ സംസാരിച്ചു.
Recent Comments