by Midhun HP News | Apr 29, 2025 | Latest News, ജില്ലാ വാർത്ത, ദേശീയ വാർത്ത
ലഖ്‌നൗ: ഐപിഎല്ലില്‍ സെഞ്ച്വറി നേടിയ ഏറ്റവും പ്രായം കുറഞ്ഞ താരമെന്ന നേട്ടം സ്വന്തമാക്കിയ പതിനാലുകാരന്‍ വൈഭവ് സൂര്യവംശി ആറാം വയസ്സില്‍ ഐപിഎല്‍ കാണാനെത്തിയ ചിത്രം സാമൂഹിക മാധ്യമങ്ങളില്‍ പങ്കുവച്ച് ലഖ്‌നൗ സൂപ്പര്‍ ജയന്റ്‌സ് ഉടമ സഞ്ജീവ് ഗോയങ്ക. 2017ല്‍ തന്റെ അന്നത്തെ ടീമായ പൂനെ സൂപ്പര്‍ജയന്റ്‌സിനായി ഗാലറിയില്‍ ആര്‍പ്പവിളിക്കാനെത്തിയ കുട്ടിയുടെ ചിത്രമാണ് അദ്ദേഹം പങ്കിട്ടത്.
തിങ്കളാഴ്ച ജയ്പൂരില്‍ നടന്ന മത്സരത്തില്‍ ഗുജറാത്തിനെതിരെ 35 പന്തില്‍ സെഞ്ച്വറി നേടിയാണ് ഈ കൗമാരക്കാരന്‍ ചരിത്രം കുറിച്ചത്. ഒരു ഇന്ത്യന്‍ കളിക്കാരന്റെ ഏറ്റവും വേഗമേറിയതും ഐപിഎല്ലിലെ ഏറ്റവും വേഗമേറിയ രണ്ടാമത്തെ സെഞ്ച്വറിയെന്നെ നേട്ടവും പതിനാലുകാരന്‍ സ്വന്തം പേരില്‍ എഴുതി. വൈഭവ് സൂര്യവംശിയുടെ ഐപിഎല്ലിലെ മൂന്നാമത്തെ മത്സരമായിരുന്നു ഇന്നലെത്തേത്. 14 വയസ്സും 32 ദിവസവും പ്രായമുള്ളപ്പോള്‍, വെറും 35 പന്തില്‍ നിന്ന് 101 റണ്‍സ് നേടി ഐപിഎല്ലിലും ടി20യിലും സെഞ്ച്വറി നേടുന്ന ഏറ്റവും പ്രായം കുറഞ്ഞ കളിക്കാരനായി. സെഞ്ച്വറി തികയ്ക്കാനായി ക്രിസ് ഗെയ്‌ലിനെക്കാള്‍ അഞ്ച് പന്തുകള്‍ മാത്രമാണ് വൈഭവ് അധികമെടത്തത്.
ഈ കൗമാരതാരത്തിന്റെ മിന്നല്‍ പ്രകടത്തിന് ശേഷം, എല്‍എസജി ഉടമ സോഷ്യല്‍ മീഡിയയില്‍ ആറുവയസുകാരന്‍ വൈഭവിന്റെ ചിത്രം പങ്കിട്ടു. പൂനെ ടീമിന്റെ ജഴ്‌സിയണിഞ്ഞ് ഗാലറിയില്‍ കളികാണെനെത്തിയ കുട്ടിയുടെതായിരുന്നു. ‘ഇന്നലെ രാത്രി ഞാന്‍ അത്ഭുതത്തോടെ കണ്ടു… ഇന്ന് രാവിലെ ഞാന്‍ അത് സാമൂഹിക മാധ്യമത്തില്‍ പങ്കവച്ചു. 2017ല്‍ എന്റെ അന്നത്തെ ടീമായ റൈസിംഗ് പൂനെ സൂപ്പര്‍ജയന്റ് ടീമിനായി ആര്‍പ്പുവിളിക്കുന്ന ആറ് വയസുകാരന്റെ ചിത്രം നന്ദി, വൈഭവ്. ഒരുപാട് ആശംസകളും പിന്തുണയും,’ ഗോയങ്ക കുറിച്ചു.
സൂര്യവംശിയുടെ 35 പന്തില്‍ നിന്നുള്ള സെഞ്ച്വറിയുടെ കരുത്തില്‍ ഗുജറാത്തനെതിരെ രാജസ്ഥാന്‍ എട്ടുവിക്കറ്റിന്റെ വിജയം നേടി. 15.5 ഓവറില്‍ വിജയലക്ഷ്യമായ 210 റണ്‍സ് മറികടന്നു. മത്സരശേഷം, ഗോയങ്ക കൗമാരക്കാരന്റെ പ്രകടനത്തെ പ്രശംസിച്ചിരുന്നു. ‘ആത്മവിശ്വാസത്തിനും പ്രതിഭയ്ക്കും സല്യൂട്ട്… യുവ വൈഭവ് സൂര്യവംശി… വൗ! 35 പന്തില്‍ നിന്നുള്ള അതിശയകരമായ സെഞ്ച്വറി…,’ അദ്ദേഹം കുറിച്ചു.
by Midhun HP News | Apr 29, 2025 | Latest News, ജില്ലാ വാർത്ത
പോത്തൻകോട് സുധീഷ് കൊലക്കേസിൽ പതിനൊന്ന് പ്രതികളും കുറ്റക്കാരെന്ന് കോടതി. നെടുമങ്ങാട് പട്ടികജാതി – പട്ടികവർഗ പ്രത്യേക കോടതിയാണ് വിധി പറയുക. പ്രതികൾ കുറ്റം ചെയ്തതായി പ്രോസിക്യൂഷന് തെളിയിക്കാൻ കഴിഞ്ഞു. നാളെയാണ് ശിക്ഷ വിധിക്കുക. 2011 ഡിസംബർ 11നാണ് മംഗലാപുരം സ്വദേശി സുധീഷ് ക്രൂരമായി കൊല്ലപ്പെട്ടത്. കുപ്രസിദ്ധ ഗുണ്ട ഒട്ടകം രാജേഷ് അടക്കം 11 പ്രതികളാണ് കേസിൽ ഉണ്ടായത്.
ഗുണ്ടാപ്പകയാണ് കൊലപാതകത്തിലേക്ക് നയിച്ചത്. വീട്ടിൽ ഓടിയൊളിച്ച സുധീഷിനെ അക്രമിസംഘം പിന്തുടർന്നെത്തി വെട്ടുകയായിരുന്നു. തുടർന്ന് വെട്ടിമാറ്റിയ കാലുമായി അക്രമിസംഘം ആഹ്ലാദപ്രകടനം നടത്തുകയും ചെയ്തു. ഇതിന്റെ സിസിടിവി ദൃശ്യങ്ങളടക്കം പുറത്തുവന്നിരുന്നു.
by Midhun HP News | Apr 29, 2025 | Latest News, ജില്ലാ വാർത്ത
ആറ്റിങ്ങൽ: ആറ്റിങ്ങൽ കേന്ദ്രമായുള്ള സർഗ്ഗ ആർട്‌സ് & സ്പോർട്‌സ് സെൻ്ററും ആറ്റിങ്ങൽ അമർ ആശുപത്രിയും സംയുക്തമായി ചിറയിൻകീഴ് താലൂക്കിലെ സ്കൂൾ കുട്ടികൾക്കായി 2025 മെയ് 10, 11 തീയതികളിൽ ആറ്റിങ്ങൽ ടൗൺ യു.പി സ്കൂ‌ളിൽ വച്ച് ചെസ്സ് മത്സരം സംഘടിപ്പിക്കുന്നു.
പത്ത് വയസ്സുവരെയുള്ള കുട്ടികളെ സബ് ജൂനിയർ വിഭാഗത്തിലും 11 മുതൽ 15 വയസ്സ് വരെയുള്ള കുട്ടികളെ ജൂനിയർ വിഭാഗത്തിലുമാണ് ഉൾപ്പെടുത്തുന്നത്. ആൺകുട്ടികൾക്കും പെൺകുട്ടികൾക്കും പ്രത്യേക മത്സരങ്ങളാണ്. സ്വിസ്റ്റ് സിസ്റ്റത്തിൽ നടത്തുന്ന മത്സരങ്ങളിൽ വിജയിക്കുന്ന ഒന്നും രണ്ടും സ്ഥാനക്കാർക്ക് ക്യാഷ് പ്രൈസും ട്രോഫിയും സമ്മാനമായി നൽകുന്നതാണ്. പങ്കെടുക്കുന്ന കുട്ടികൾ മെയ് അഞ്ചിനു മുമ്പ് പേര് രജിസ്റ്റർ ചെയ്യേണ്ടതാണ്. കൂടുതൽ വിവരങ്ങൾക്ക് ഫോൺ 8907146877, 9846171092.
by Midhun HP News | Apr 29, 2025 | Latest News, ജില്ലാ വാർത്ത
പട്ട്ള വിളയിൽ വിളാകം ശ്രീ വനദുർഗ്ഗാദേവി ക്ഷേത്രത്തിലെ പ്രതിഷ്ഠാ വാർഷിക മഹോത്സവം മെയ് ഒന്നിന്. മേയ് 1 രാവിലെ എട്ടര മുതൽ സമൂഹ പൊങ്കാല, 9 മണിയ്ക്ക് പ്രഭാത ഭക്ഷണം, 12 മണി മുതൽ സമൂഹസദ്യ, 6 മണിയ്ക്ക് താലപ്പൊലിയും വിളക്കും, രാത്രി 7. 30ന് കൈകൊട്ടിക്കളി, 8 മണിയ്ക്ക് തിരുവാതിര, 8:30ന് നൃത്തസന്ധ്യ,
രാത്രി 9 മണിക്ക് കോൽക്കളി തുടർന്ന് ആകാശദീപ കാഴ്ചയും ഉണ്ടാകും.
by Midhun HP News | Apr 29, 2025 | Latest News, ജില്ലാ വാർത്ത
തിരുവനന്തപുരം: ഈ വര്‍ഷത്തെ എസ്എസ്എല്‍സി പരീക്ഷാ ഫലം മെയ് 9ന് പ്രഖ്യാപിക്കുമെന്ന് മന്ത്രി വി ശിവന്‍ കുട്ടി. കൃത്യസമയത്ത് തന്നെ പ്ലസ് വണ്‍ ക്ലാസുകള്‍ ആരംഭിക്കുമെന്നും വിജയിക്കുന്ന എല്ലാവര്‍ക്കും അഡ്മിഷന്‍ നല്‍കാനാവുമെന്നും മന്ത്രി പറഞ്ഞു.
കേരളത്തില്‍ 2964 കേന്ദ്രങ്ങളിലും ലക്ഷദ്വീപിലെ ഒന്‍പതും ഗള്‍ഫ് മേഖലയിലെ ഏഴും കേന്ദ്രങ്ങളിലുമായി ആകെ 4,27,021 വിദ്യാര്‍ഥികളാണ് റഗുലര്‍ വിഭാഗത്തില്‍ പരീക്ഷ എഴുതിയതെന്ന് മന്ത്രി പറഞ്ഞു. കൂടുതല്‍ വിദ്യാര്‍ഥികള്‍ എസ്എസ്എല്‍സി പരീക്ഷ എഴുതിയത് മലപ്പുറം വിദ്യാഭ്യാസ ജില്ലയില്‍. 28,358 കുട്ടികളാണ് പരീക്ഷയെഴുതുന്നത്. ആലപ്പുഴ ജില്ലയിലെ കുട്ടനാട് വിദ്യാഭ്യാസ ജില്ലയിലാണ് കുറവ് വിദ്യാര്‍ഥികള്‍ പരീക്ഷയെഴുതിയത്, 1893പേര്. തിരൂരങ്ങാടി വിദ്യാഭ്യാസ ജില്ലയിലെ എടരിക്കോട് പികെഎംഎം എച്ച്എസ്എസ് ആണ് കൂടുതല്‍ കുട്ടികള്‍ പരീക്ഷയെഴുതിയ സ്കൂള്‍.
ഗള്‍ഫ് മേഖലയില്‍ 682പേരും ലക്ഷദ്വീപ് മേഖലയില്‍ 447 പേരും പരീക്ഷ എഴുതി. ഇവര്‍ക്ക് പുറമേ ഓള്‍ഡ് സ്‌കീമില്‍ (പിസിഒ) എട്ട് പേരും പരീക്ഷ എഴുതി. എസ്എസ്എല്‍സി പരീക്ഷ എഴുതിയവരില്‍ 2,17,696 പേര് ആണ്‍കുട്ടികളും 2,09,325 പേര് പെണ്‍കുട്ടികളുമാണ്. സര്‍ക്കാര്‍ സ്‌കൂളുകളില്‍ 1,42,298പേരും എയിഡഡ് സ്‌കൂളുകളില്‍ 2,55,092പേരും അണ്‍ എയിഡഡ് സ്‌കൂളുകളില്‍ 29,631പേരും പരീക്ഷയെഴുതിയതായും മന്ത്രി പറഞ്ഞു.
by Midhun HP News | Apr 29, 2025 | Latest News, ജില്ലാ വാർത്ത
ചിറയിൻകീഴ്: സമൂഹവിരുദ്ധരുടേയും മോഷ്ടാക്കളുേടയും ശല്യത്തിൽ പൊറുതിമുട്ടുകയാണ് പുരവൂർ പ്രദേശം. കിഴുവിലം പഞ്ചായത്തിലെ ഒന്നാം വാർഡായ പുരവൂരിലെ വെളിയിടങ്ങൾ കക്കൂസ് മാലിന്യം ഉൾപ്പെടെയുള്ളതു തള്ളാനുള്ള ഇടമായി മാറി. പോരാത്തതിനു മോഷ്ടാക്കളുടെ ശല്യവും.
പകൽ സമയത്താണു ഇവിടെ മോഷണം. സ്കൂൾ വിദ്യാർഥികളേയും പൊതുജനത്തിനെയും വാഹനയാത്രക്കാരേയും ബുദ്ധിമുട്ടിലാക്കി മാസംേതാറുമാണ് റോഡിനു സമീപമുള്ള ഒഴിഞ്ഞ പുരയിടങ്ങളിൽ കക്കൂസ് മാലിന്യം ഒഴുക്കുന്നത്. ആറുമാസത്തിനിടയിൽ ആറുതവണയാണ് ഇവിടെ കക്കൂസ് മാലിന്യം ഒഴുക്കിയത്.
നിരവധിതവണ ഹോട്ടൽ വേസ്റ്റും പ്ലാസ്റ്റിക് വേസ്റ്റുകളും ചാക്കുകണക്കിനു കൊണ്ടുവന്ന് പാതയോരങ്ങളിൽ അലക്ഷ്യമായി വലിച്ചെറിഞ്ഞു കടന്നുകളയുന്നു. രാത്രിയിലാണ് സമൂഹവിരുദ്ധരുടെ ഈ അക്രമം.
വാഹനങ്ങളുടെ നമ്പർ പ്ലേറ്റുകൾ മറച്ചാണ് ഇവർ എത്താറുള്ളത്. സ്‌കൂളിലേക്കുള്ള വഴിയോരത്തെ മാലിന്യം കൊണ്ടിടുന്നതിനെതിരേ പഞ്ചായത്തിൽ പരാതി പറഞ്ഞിട്ടും ഫലമില്ല. പഞ്ചായത്ത് ആരോഗ്യ സ്‌ക്വാഡോ ആരോഗ്യ പ്രവർത്തകരോ ഇതു സംബന്ധിച്ച് അന്വേഷിക്കാൻപോലും തയ്യാറാകുന്നില്ലെന്നു നാട്ടുകാർ പരാതിപ്പെടുന്നു.
പാതയോരങ്ങളിൽ മാലിന്യം നിറയുന്നതോടെ തെരുവുനായശല്യവും കൂടിവരുന്നു. സ്കൂൾ, അങ്കണവാടി എന്നിവയുടെ മുന്നിൽ തെരുവു നായകളുടെ വിഹാരകേന്ദ്രമാണ്. ഇത് വിദ്യാർഥികളേയും രക്ഷിതാക്കളേയും ഒരുപോലെ പരിഭ്രാന്തിയിലാഴ്ത്തുകയാണ്.
ഇതിനൊക്കെ പുറമെയാണ് പ്രദേശത്തു വ്യാപിച്ചുവരുന്ന പകൽ മോഷണം. ആളൊഴിഞ്ഞ പുരയിടത്തിലെ ഗേറ്റ്, താമസക്കാരുള്ളതും അല്ലാത്തതുമായ വീടുകളിലെ പമ്പ് സെറ്റുകൾ, മറ്റ് വിലകൂടിയ വൈദ്യുത വിളക്കുകൾ, സൈക്കിൾ തുടങ്ങിയവ പകൽസമയത്ത് കയറി മോഷ്ടിച്ചുകൊണ്ടുപോവുകയാണ്. മോഷ്ടാക്കളെയും വാഹനത്തേയും സംബന്ധിച്ച് നിരീക്ഷണ ക്യാമറാ ദൃശ്യങ്ങൾ ഉൾപ്പെടെ നൽകി പോലീസിൽ പരാതി നൽകിയിട്ടും പ്രാഥമിക അന്വേഷണം പോലും നടത്താൻ പോലീസ് തയ്യാറായില്ലെന്നും നാട്ടുകാർ പരാതിപ്പെടുന്നു. പുരവൂരിലെ ഒഴിഞ്ഞ പുരയിടങ്ങളിലെ മാലിന്യനിക്ഷേപവും പ്രദേശത്തെ പകൽ മോഷണത്തെ സംബന്ധിച്ചും പരാതി നൽകിയിട്ടും ഫലമുണ്ടായില്ല. അതുകൊണ്ടുതന്നെ സമൂഹവിരുദ്ധശല്യം ആവർത്തിക്കപ്പെടുന്നു.
Recent Comments