by Midhun HP News | Jan 8, 2025 | Latest News, ജില്ലാ വാർത്ത
കൊച്ചി : നടി ഹണിറോസ് നല്കിയ ലൈംഗിക അധിക്ഷേപ പരാതിയില് ബോബി ചെമ്മണൂര് കസ്റ്റഡിയില്. വയനാട്ടിലെ റിസോര്ട്ടില് നിന്ന് കൊച്ചി പൊലീസാണ് ബോബി ചെമ്മണൂരിനെ കസ്റ്റഡിയിലെടുത്തത്.
ഹണി റോസിന്റെ പരാതിയില് ബോബി ചെമ്മണൂരിനെതിരെ ജാമ്യമില്ലാ വകുപ്പുകള് ചുമത്തിയാണ് കേസ് രജിസ്റ്റര് ചെയ്തിട്ടുള്ളത്. പരാതിയില് അന്വേഷണം നടത്താന് പ്രത്യേക സംഘത്തിനും രൂപം നല്കിയിരുന്നു. എറണാകുളം സെന്ട്രല് എസിപി ജയകുമാറിന്റെ നേതൃത്വത്തിലുള്ള സംഘമാണ് അന്വേഷിക്കുന്നത്. പ്രത്യേക സംഘത്തില് സെന്ട്രല് സിഐയും സൈബര് സെല് അംഗങ്ങളും ഉള്പ്പെടുന്നു.
സ്ത്രീത്വത്തെ അപമാനിച്ചതിനും ഐടി ആക്ടുമാണ് ബോബി ചെമ്മണൂരിനെതിരെ ചുമത്തിയിട്ടുള്ളത്. ഇന്നലെ വൈകീട്ടാണ് ബോബി ചെമ്മണൂരിനെതിരെ ഹണിറോസ് പൊലീസിന് പരാതി നല്കുന്നത്. തന്നെ പിന്തുടര്ന്ന് ശല്യപ്പെടുത്തുകയും അശ്ലീല ചുവയോടെയുള്ള ദ്വയാര്ഥ പദപ്രയോഗങ്ങള് നടത്തുന്നുവെന്നും കാണിച്ചാണ് നടി പരാതി നല്കിയത്. ബോബി ചെമ്മണൂരിനെ കസ്റ്റഡിയിലെടുത്ത പശ്ചാത്തലത്തില് ഇന്ന് ഹണി റോസിന്റെ മൊഴി എടുക്കും. ഇതിന് ശേഷം ബോബി ചെമ്മണൂരിനെതിരെ കൂടുതല് വകുപ്പുകള് ചുമത്താനാണ് പൊലീസിന്റെ നീക്കം.
ബോബി ചെമ്മണൂരിന് പുറമെ ഹണി റോസിന്റെ പരാതിയില് രജിസ്റ്റര് ചെയ്ത സൈബര് അധിക്ഷേപ കേസുകളില് ഫെയ്സ്ബുക്കില് നിന്ന് പൊലീസ് വിവരങ്ങള് തേടിയിട്ടുണ്ട്. പൊലീസിന് മൊഴി നല്കിയ ഹണിറോസ് ഇന്സ്റ്റഗ്രാമില് അടക്കം തനിക്കെതിരെ വന്ന അധിക്ഷേപ കമന്റുകളുടെ സ്ക്രീന്ഷോട്ട് അടക്കം കൈമാറിയിട്ടുണ്ട്. നടിക്കെതിരെ അശ്ലീല കമന്റിട്ട 20 പേരെ തിരിച്ചറിഞ്ഞെന്നും നടപടി തുടരുമെന്നും കൊച്ചി സിറ്റി പൊലീസ് കമ്മീഷണര് പുട്ട വിമലാദിത്യ അറിയിച്ചു.
by Midhun HP News | Jan 8, 2025 | Latest News, ജില്ലാ വാർത്ത
സംസ്ഥാന സ്കൂൾ കലോൽത്സവത്തിൽ എച്ച് എസ് വിഭാഗം ദഫ് മുട്ടിൽ എ ഗ്രേഡ് നേടി ആറ്റിങ്ങൽ ഗവ. മോഡൽ വൊക്കേഷണൽ & ഹയർ സെക്കന്ററി സ്കൂളിലെ വിദ്യാർത്ഥികൾ.
by Midhun HP News | Jan 8, 2025 | Latest News, ജില്ലാ വാർത്ത
എസ്. എന്. ഡി. പി യോഗം ആറ്റിങ്ങല് യൂണിയന്റെ ആഭിമുഖ്യത്തിൽ 123-മത് എസ്.എൻ. ഡി പി യോഗം സ്ഥാപകദിനാഘോഷം യൂണിയന് വൈസ് പ്രസിഡന്റ് വി. ഷാജിയുടെ അദ്ധ്യക്ഷതയില് യൂണിയന് പ്രസിഡന്റ് എസ് ഗോകുല് ദാസ് ഉദ്ഘാടനം ചെയ്തു. യൂണിയന് ആക്ടിംഗ് സെക്രട്ടറി ദഞ്ചുദാസ് ചെറുവള്ളിമുക്ക്, യൂണിയന് കൗണ്സിലര് കെ.സുധീര്, എസ്.സുജാതന്, ഷാജി.സി, റോയല് അജി, ബി കെ സുരേഷ് ബാബു യൂണിയന് വനിതാ സംഘം വൈസ് പ്രസിഡന്റ് പ്രശോഭ ഷാജി, ട്രഷര് വി. രാധമണി, കേന്ദ്ര കമ്മിറ്റി അംഗങ്ങളായ ബിന്ദു വിനു, ലത തങ്കപ്പന് എന്നിവര് സംസാരിച്ചു.
by Midhun HP News | Jan 8, 2025 | Latest News, ജില്ലാ വാർത്ത
സംസ്ഥാന സ്കൂൾ ഹൈസ്കൂൾ വിഭാഗം കലോത്സവത്തിൽ ചിത്രരചന (പെൻസിൽ), ചിത്രരചന (ജലച്ചായം) എന്നീ രണ്ട് ഇനങ്ങളിൽ ‘A’ ഗ്രേഡ് നേടി ശ്രീദേവ് ഹരീഷ്. തിരുവനന്തപുരം ജില്ലയിലെ അവനവഞ്ചേരി ഗവൺമെൻ്റ് ഹൈസ്കൂളിലെ വിദ്യാർത്ഥിയാണ്. കഴിഞ്ഞ വർഷം ചിത്രരചന (ജലച്ചായം) ‘A’ഗ്രേഡ് നേടിയിരുന്നു. സംസ്ഥാന ശാസ്ത്രോത്സവത്തിൽ ഡിജിറ്റൽ പെയിൻ്റിംഗിൽ ശ്രീദേവ് ഹരീഷ് ‘A’ ഗ്രേഡ് നേടിയിരുന്നു.
by Midhun HP News | Jan 8, 2025 | Latest News, ജില്ലാ വാർത്ത
അത്ഭുതപ്പെടുത്തുന്ന ഓർമ്മശക്തിയും ബുദ്ധിയും കൊണ്ട് ഇന്ത്യ ബുക്ക് ഒഫ് റെക്കാഡ്സിൽ ഇടം പിടിച്ച 22 മാസം മാത്രം പ്രായമുള്ള ആരാധ്യയ്ക്ക് ആദരമൊരുക്കി തലസ്ഥാനം. മണികണ്ഠേശ്വരം റോക്ക് ഗാർഡൻസ് ശ്രീകൃഷ്ണയിൽ സുരേഷിൻ്റെയും നിഷയുടെയും മകളാണ് എം.എസ്. ആരാധ്യ. പ്രസ് ക്ലബിൽ നടന്ന ചടങ്ങിൽ സംസ്ഥാന ചീഫ് സെക്രട്ടറി ശാരദാ മുരളീധരൻ ഇന്ത്യ ബുക്ക് ഒഫ് റെക്കാഡ്സിൻ്റെ സർട്ടിഫിക്കറ്റും ബാഡ്ജും മെഡലും ആരാധ്യയ്ക്ക് കൈമാറി. പ്രസ് ക്ലബ് സെക്രട്ടറി എം.രാധാകൃഷ്ണൻ അദ്ധ്യക്ഷനായി. സാഹിത്യകാരൻ പിരപ്പൻകോട് മുരളി, നഗരസഭാ കൗൺസിലർ നന്ദഭാർഗവ്, എം.എസ്. നിഷ എന്നിവർ സംസാരിച്ചു.
ഇന്ത്യ ബുക്ക് ഒഫ് റെക്കാഡ്സിൻ്റെ സർട്ടിഫിക്കറ്റ് സംസ്ഥാന ചീഫ് സെക്രട്ടറി ശാരദാ മുരളീധരൻ ആരാധ്യയ്ക്ക് കൈമാറി. പ്രസ് ക്ലബ് സെക്രട്ടറി എം.രാധാകൃഷ്ണൻ, സാഹിത്യകാരൻ പിരപ്പൻകോട് മുരളി, എം.എസ്. നിഷ, കൗൺസിലർ നന്ദഭാർഗവ് എന്നിവർ പങ്കെടുത്തു.
by Midhun HP News | Jan 8, 2025 | Latest News, ജില്ലാ വാർത്ത
സംസ്ഥാന സ്കൂൾ കലോത്സവത്തിൽ ഹയർ സെക്കൻഡറി വിഭാഗത്തിൽ ഹിന്ദി ഉപന്യാസ മത്സരത്തിൽ തുടർച്ചയായി മൂന്നാം തവണയും എ ഗ്രേഡ് ലഭിച്ചു എം.എസ്.പി എച്ച്.എസ്.എസ് ലെ വിദ്യാർത്ഥി എ.അനന്യ ഗോപു. എം.എസ്.പിയിൽ നിന്ന് ഇൻസ്പെക്ടറായി റിട്ടയർ ചെയ്ത എസ്.ഗോപകുമാരൻ നായരുടെയും, എം.എസ്.പി ഇംഗ്ലീഷ് മീഡിയം ഹൈസ്കൂൾ എച്ച്.എം ടി.ജി.അനിതയുടെയും മകളാണ്. കലാനികേതന്റെ ഉപഹാരം മംഗലപുരം എസ് എച്ച് ഒ കെ.ഹേമന്ത്കുമാറും, കെ പി ആർ എ, കലാനികേതൻ ചെയർമാൻ എം. എ ലത്തീഫ് എന്നിവർ ചേർന്ന് ആദരിച്ചു.
Recent Comments