ഇംഗ്ലണ്ടിലെ കെന്റ് അയ്യപ്പ ടെമ്പിൾ, കെന്റ് ഹിന്ദുസമാജം സംയുക്തമായി നടത്തിയ 12 ആം വർഷ അയ്യപ്പ പൂജക്ക് ഭക്തി നിർഭരമായ സമാപനമായി. പൂജകൾക്ക് ക്ഷേത്രം മേൽശാന്തി അഭിജിത് കർമികത്യം വഹിച്ചു. യുകെയിലെ പ്രമുഖ ഭജന ഗ്രൂപ്പ് ആയ തത്വമസി യുകെ അവതരിപ്പിച്ച ഭത്ക്തി സാന്ദ്രമായ ഭജനക്ക് സദാനന്ദൻ ദിവാകരൻ നേതൃത്വം നൽകി. ലണ്ടന്റെ വിവിധ ഭാഗങ്ങളിൽ നിന്നുള്ള നിരവധി ഭക്തർ പങ്കെടുത്തു.
ആറ്റിങ്ങൽ: വീരളം പച്ചംകുളം ശ്രീനന്ദനത്തിൽ (എൻ.ആർ.എ: 30) കെ ഷിജുവിന്റെ മകൻ സിദ്ധാർത്ഥ് എ(19) വെഞ്ഞാറമൂട് വാഹന അപകടത്തിൽ മെഡിക്കൽ കോളജിൽ ചികിത്സയിലിരിക്കെ അന്തരിച്ചു.
മാതാവ്: രേണു രവീന്ദ്രൻ.
സഹോദരി: സാധിക എസ്.സംസ്കാരം നാളെ രാവിലെ (02/12/2024) 11 മണിക്ക് സ്വവസതിയിൽ
തിരുവനന്തപുരം: പാചകവാതക സിലിണ്ടര് വില വര്ധിപ്പിച്ചു. വാണിജ്യ സിലിണ്ടര് വില 16രൂപ 50 പൈസ വര്ധിപ്പിച്ചു. പുതിയ വില ഇന്നുമുതല് പ്രാബല്യത്തിലായി. അതേസമയം ഗാര്ഹിക പാചക വാതക വിലയില് മാറ്റമില്ല.
തുടര്ച്ചായ അഞ്ചാം മാസമാണ് വില വര്ധിപ്പിക്കുന്നത്. അഞ്ച് മാസത്തിനിടെ കൂട്ടിയത് 173. 5 രൂപയാണ്. കഴിഞ്ഞ നവംബറില് എണ്ണക്കമ്പനികള് വാണിജ്യ സിലിണ്ടറിന് 62 രൂപ വര്ധിപ്പിച്ചിരുന്നു. വില കൂട്ടിയതോടെ, 19 കിലോഗ്രാം വാണിജ്യ സിലിണ്ടറിന്റെ വില സംസ്ഥാനത്ത് 1827 രൂപയായി വര്ധിച്ചു. ഡല്ഹിയില് ഗ്യാസ് സിലിണ്ടറിന്റെ വില 1818 രൂപയാണ്. കൊല്ക്കത്തയില് 1927 രൂപയും മുംബൈയില് 1771 രൂപയും ചെന്നൈയില് 1980.50 രൂപയുമാണ് വില.
വർക്കല: വർക്കലയിൽ വീട്ടമ്മയെ കെട്ടിയിട്ട ശേഷം പണവും സ്വർണവും കവർന്നെന്ന പരാതി വ്യാജമെന്ന് പോലീസ് കണ്ടെത്തി. വർക്കലയിൽ വാടകയ്ക്ക് താമസിക്കുന്ന തമിഴ്നാട് ഈറോഡ് സ്വദേശിയായ ശ്രീനിവാസൻ മാതാവ് സുമതി എന്നിവർ ചേർന്നാണ് പോലീസിനെ കബളിപ്പിക്കാൻ ശ്രമിച്ചത്. വർക്കല എസ് എച്ച് ഒ പ്രവീൺന്റെ കൃത്യമായ രീതിയിലുള്ള അന്വേഷണത്തിന്റെ ഫലമായാണ് കുടുംബത്തിലുള്ളവർ തന്നെ നടത്തിയ മോഷണ നാടകം പൊളിഞ്ഞത്.
കഴിഞ്ഞദിവസമാണ് ശ്രീനിവാസൻ തന്റെ വീട്ടിൽ നിന്നും 5 പവൻ സ്വർണവും ഒരു ലക്ഷം രൂപയും മോഷണം പോയതായി പോലീസിനെ അറിയിച്ചത്. അമ്മ സുമതിയെ കെട്ടിയിട്ട ശേഷം മുഖംമൂടി സംഘം പണം കവർന്നു എന്നാണ് ശ്രീനിവാസൻ പോലീസിന് മൊഴി നൽകിയത്. സ്ഥലത്ത് എത്തിയ പോലീസ്, ഡോഗ് സ്കോഡ് ഉൾപ്പെടെ എത്തിച്ച് തെളിവെടുപ്പുകൾ നടത്തി. എന്നാൽ ഒന്നും കണ്ടെത്താനായില്ല. തുടർന്നാണ് പോലീസ് ശ്രീനിവാസൻ, മാതാവ് സുമതി എന്നിവരെ ചോദ്യം ചെയ്യാനാരംഭിച്ചത്.
ശ്രീനിവാസന്റെ ഭാര്യ ഗായത്രിയുടെ സ്വർണമാണ് കാണാതായത്. ഗായത്രിയുടെ ബന്ധുവിന്റെ വിവാഹത്തിന് നൽകാനായി സൂക്ഷിച്ചിരുന്ന സ്വർണവും പണവുമാണ് കാണാതായത്. വിവാഹത്തിന് സ്വർണവും പണവും നൽകുന്നത് ശ്രീനിവാസനും മാതാവ് സുമതിക്കും ഇഷ്ടമില്ലായിരുന്നു. ഇതാണ് മോഷണ നാടകം ആസൂത്രണം ചെയ്യാൻ ഇടയാക്കിയത്. ശ്രീനിവാസൻ തന്നെയാണ് സ്വർണവും പണവും അലമാരയിൽ നിന്നും മാറ്റിയത്. അതിനുശേഷം സുമതിയെ കെട്ടിയിടുകയും പോലീസിനെ വിവരം അറിയിക്കുകയും ആയിരുന്നു.
പോലീസിനെ തെറ്റിദ്ധരിപ്പിച്ചതിനും വ്യാജ മൊഴി നൽകിയതിനും പോലീസ് കേസെടുത്തു. കഴിഞ്ഞദിവസം തന്നെ മോഷണം സംബന്ധിച്ച വാർത്തകൾ പുറത്തുവന്നിരുന്നു. വർക്കലയിൽ കുറുവാസംഘം ഇറങ്ങി എന്ന രീതിയിലുള്ള പ്രചരണം പോലും ഉണ്ടായി. ഇതെല്ലാം ആണ് ഇപ്പോൾ പോലീസ് പൊളിച്ചടുക്കിയിരിക്കുന്നത്.
തിരുവനന്തപുരം: വിവാഹ അഭ്യര്ത്ഥന നിരസിച്ചതിന് പെണ്കുട്ടിയുടെ അച്ഛനെ യുവാവ് തലയ്ക്ക് അടിച്ചു കൊന്നു. കിളിമാനൂര് സ്വദേശി ബിജു (40) ആണ് ചികിത്സയിലിരിക്കെ മരിച്ചത്. കൊല്ലം മടത്തറ സ്വദേശിയായ പ്രതി രാജീവിനെ പൊലീസ് നേരത്തെ അറസ്റ്റ് ചെയ്തിരുന്നു.
കഴിഞ്ഞ 17 ന് രാത്രിയാണ് ബിജുവിനെ തലയ്ക്ക് അടിച്ചത്. വിവാഹ അഭ്യര്ത്ഥന നിരസിച്ചതിന്റെ ദേഷ്യത്തിലായിരുന്നു മര്ദനം. മര്ദനത്തില് നിലത്ത് വീണ ബിജുവിനെ യുവാവ് പാറക്കല്ല് ഉപയോഗിച്ച് തലക്ക് അടിക്കുകയായിരുന്നു. ചികിത്സയിലിരിക്കെയാണ് അന്ത്യം. പൊലീസ് കേസെടുത്തിട്ടുണ്ട്. പ്രതിയെ അന്ന് തന്നെ പൊലീസ് പിടികൂടിയിട്ടുണ്ട്.
ജില്ലാതല കലോത്സവത്തിൽ യുപി വിഭാഗം നാടക മത്സരത്തിൽ ഉന്നത വിജയം കരസ്ഥമാക്കിയ വഞ്ചിയൂർ യുപിഎസിലെ വിദ്യാർഥികൾ. കിളിമാനൂർ ഉപജില്ലയിൽ ഒന്നാം സ്ഥാനവും എ ഗ്രേഡും ഇവർ കരസ്ഥമാക്കിയിരുന്നു.
Recent Comments