മെഡിക്കൽ ഓഫീസേഴ്സ് അസോസിയേഷനും തിരുവനന്തപുരം ഡിസ്ട്രിക്ട് ലീഗൽ സർവീസസ് അതോറിറ്റിയും സംയുകതമായി സെമിനാർ സംഘടിപ്പിച്ചു

by Midhun HP News | Dec 2, 2024 | Latest News, ജില്ലാ വാർത്ത

കേരള ഗവണ്മെന്റ് മെഡിക്കൽ ഓഫീസേഴ്സ് അസോസിയേഷനും തിരുവനന്തപുരം ഡിസ്ട്രിക്ട് ലീഗൽ സർവീസസ് അതോറിറ്റിയും സംയുകതമായി ആരോഗ്യവകുപ്പിലെ ഡോക്ടർമാർക്കായി മെഡിക്കോലീഗൽ കേസുകൾ കൈകാര്യം ചെയ്യുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ച് സെമിനാർ സംഘടിപ്പിച്ചു. തിരുവനന്തപുരത്തുള്ള കെ ജി എം ഒ എ ഹെഡ് ക്വാർട്ടേഴ്സിൽ ആണ്

കെജിഎംഒ എ തിരുവനന്തപുരം ജില്ലാ പ്രസിഡന്റ്‌ ഡോ.പദ്മപ്രസാദ് അധ്യക്ഷനായിരുന്ന സെമിനാർ കെജിഎംഒഎ സൗത്ത് സോൺ ജോയിന്റ് സെക്രട്ടറി ഡോ. അരുൺ. എ. ജോൺ ഉദ്ഘാടനം ചെയ്തു. സീനിയർ സിവിൽ ജഡ്ജും തിരുവനന്തപുരം ലീഗൽ സർവീസ് അതോറിറ്റി സെക്രട്ടറിയുമായ ഷംനാദ് മുഖ്യപ്രഭാഷാണവും ക്ലാസും നയിച്ചു.

കെ ജി എം ഒ എ തിരുവനന്തപുരം ജില്ലാ സെക്രട്ടറി ഡോ. സുനിത. എൻ. സ്വാഗതവും താലൂക്ക് കൺവീനർ ഡോ. ആദർശ് നന്ദിയും രേഖപെടുത്തി. മുതിർന്ന സംസ്ഥാന സമിതി അംഗമായ ഡോ. ജോസഫ് ഗോമസ് ആശംസകൾ രേഖപ്പെടുത്തി. സർവീസ് സംബന്ധമായ കാര്യങ്ങൾ അനായാസം നിർവ്വഹിക്കാൻ വേണ്ട പിന്തുണയും മാർഗ്ഗ നിർദ്ദേശങ്ങളും നൽകുവാൻ ഉതകുന്ന കൂടുതൽ പരിപാടികൾ വരും ദിവസങ്ങളിൽ സംഘടിപ്പിക്കുമെന്ന് കെ ജി എം ഒ എ തിരുവനന്തപുരം ജില്ലാ നേതൃത്വം അറിയിച്ചു.

സംസ്ഥാന കലോത്സവത്തിൽ പളിയ നൃത്തത്തിൽ മിന്നും വിജയവുമായി ഗേൾസിലെ വിദ്യാർത്ഥികൾ

by Midhun HP News | Dec 2, 2024 | Latest News, ജില്ലാ വാർത്ത

ആറ്റിങ്ങൽ: സംസ്ഥാന കലോത്സവത്തിൽ ആദ്യമായി ഉൾപ്പെടുത്തിയ പളിയ നൃത്തത്തിൽ ആറ്റിങ്ങൽ ഗവൺമെൻറ് ഗേൾസ് ഹയർ സെക്കൻഡറി സ്കൂളിലെ വിദ്യാർഥിനികൾ സംസ്ഥാനതലത്തിൽ മൽസരിക്കാൻ യോഗ്യത നേടി. ഹയർസെക്കൻഡറി വിഭാഗത്തിലെ വിദ്യാർത്ഥിനികളാണ് ജില്ലയിൽ ഒന്നാമത് എത്തിയത്. പ്ലസ് ടു വിദ്യാർഥിനികളായ ആദിത്യ, അക്ഷയ, ബീമ എന്നിവരും പ്ലസ് വൺ വിദ്യാർഥിനികളായ ആർച്ച, ആസിയ, കൃഷ്ണ, ആതിര, ദുർഗ ശ്രീ, വൈഷ്ണവി, ഫാത്തിമ നസ്രിൻ, അർഷദ ഫിർസാന, ശിവാനി എന്നിവരടങ്ങുന്ന ടീമാണ് മത്സരത്തിൽ പങ്കെടുത്തത്. ഇതേ ഇനത്തിൽ ഹൈസ്കൂൾ വിഭാഗം ജില്ലയിൽ രണ്ടാം സ്ഥാനവും നേടി. ഇടുക്കി കുമളിയിൽ അധിവസിക്കുന്ന പളിയർ ആദിവാസി വിഭാഗത്തിന്റെ പരമ്പരാഗത നൃത്തരൂപമാണ് പളിയ നൃത്തം.

ആറ്റിങ്ങൽ മുനിസിപ്പൽതല കേരളോത്സവത്തിന് തുടക്കമായി

by Midhun HP News | Dec 1, 2024 | Latest News, ജില്ലാ വാർത്ത

ആറ്റിങ്ങൽ മുനിസിപ്പാലിറ്റി കേരളോത്സവം കായിക മത്സരങ്ങൾ ചെയർപേഴ്സൺ ഫുട്ബോൾ പാസ് ചെയ്ത് ഉദ്ഘാടനം ചെയ്തു. വൈസ്ചെയർമാൻ ജി തുളസീധരൻ പിള്ള, വിദ്യാഭ്യാസ കലാകിയിക സ്റ്റാന്റിംഗ് കമ്മറ്റി ചെയർപേഴ്സൺ എസ് ഗിരിജ, വികസനകാര്യ സ്റ്റാന്റിംഗ് കമ്മറ്റി ചെയർപേഴ്സൺ എസ് ഷീജ, ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ എ നജാം, കൗൺസിലർമാരായ എം താഹിർ, ഒ.പി ഷീജ, കെ.പി രാജു പോറ്റി, യൂത്ത് കോഡിനേറ്റർ ആർ രാജേഷ്, ആർട്സ് ജനറൽ കൺവീനർ എസ് സതീഷ് കുമാർ, കായിക വിഭാഗം ജനറൽ കൺവീനർ വി ഷാജി, പബ്ലിക് ഹെൽത്ത് ഇൻസ്പെക്ടർ അനിൽ വി എന്നിവർ പങ്കെടുത്തു.

ആറ്റിങ്ങൽ കലാപത്തിന്റെയും ആറ്റിങ്ങൽ വെടിവെപ്പിന്റെയും വാർഷികാചരണം; പൊതുസമ്മേളനം നടന്നു

by Midhun HP News | Dec 1, 2024 | Latest News, ജില്ലാ വാർത്ത

എസ്. എസ് ഹരിഹരയ്യർ ഫൗണ്ടേഷഷന്റെ ആഭിമുഖ്യത്തിൽ ആറ്റിങ്ങൽ കലാപത്തിന്റെയും ആറ്റിങ്ങൽ വെടിവെപ്പിന്റെയും വാർഷികാചരണ പരിപാടികളോടാനുബന്ധിച്ചു ആറ്റിങ്ങൽ വക്കംജി സ്ക്വയറിൽ നടന്ന പൊതുസമ്മേളനം യു. ഡി. എഫ് കൺവീനർ എം. എം ഹസ്സൻ ഉദ്ഘാടനം ചെയ്തു.

എൻ. പീതംബരകുറുപ്പ് എക്സ് എം. പി, അടൂർ പ്രകാശ് എം. പി, ഡോ. വി. എസ് അജിത് കുമാർ, ഡോ. ഗിരിജ, ജെ. ശശി, വക്കം സുകുമാരൻ എന്നിവർ പങ്കെടുത്തു.

‘അൽ ഇത്ഖാൻ’ പരിപാടിയ്ക്കു സമാപനം

by Midhun HP News | Dec 1, 2024 | Latest News, ജില്ലാ വാർത്ത

ആറ്റിങ്ങൽ: സ്കൂൾ ഓഫ് ക്വുർആൻ ആറ്റിങ്ങൽ സെൻ്ററിൻ്റെ ആഭിമുഖ്യത്തിൽ കുട്ടികളുടെ കലാപരിപാടിയായ ‘അൽ ഇത്ഖാൻ’ പ്രോഗ്രാം സംഘടിപ്പിച്ചു. ആറ്റിങ്ങൽ പാലാംകോണം ദാറുൽ അർഖം ക്യാമ്പസ്സിലാണ് പരിപാടി സംഘടിപ്പിച്ചത്.

ദാറുൽ അർഖം എച്ച്.ഒ.ഡി അബ്ദുറാസിഖ് സ്വലാഹി പരിപാടി ഉദ്ഘാടനം ചെയ്തു. ഫഹദ് ബഷീർ അധ്യക്ഷനായി. തംജീദ് അൽ ഹികമി, ഹൻസീർ ഹക്കീം, ഷഹീർ പെരുമാതുറ, മുഹമ്മദ് ഷാൻ സലഫി എന്നിവർ ആശംസകൾ അർപ്പിച്ച് സംസാരിച്ചു. പ്രീ സ്കൂൾ മുതൽ ഗ്രേഡ് അഞ്ച് വരെയുള്ള വിദ്യാർത്ഥികളാണ് വിവിധ മത്സരങ്ങളിൽ പങ്കെടുത്തത്. സെന്റർ തലത്തിൽ എ ഗ്രേഡോടെ ഒന്നാം സ്ഥാനം ലഭിച്ച വിദ്യാർത്ഥികൾ ഡിസംബർ 28 ന് മലപ്പുറം പാണക്കാട് ജാമിഅഃ അൽഹിന്ദ് ലേഡീസ് ക്യാമ്പസ്സിൽ നടക്കുന്ന അൽ ഇത്ഖാൻ ഇൻ്റർ സ്കൂൾ മത്സരത്തിൽ പങ്കെടുക്കും.

രാത്രിയിൽ കക്കൂസ് മാലിന്യ നിക്ഷേപം; പ്രതി പിടിയിൽ

by Midhun HP News | Dec 1, 2024 | Latest News, ജില്ലാ വാർത്ത

ആറ്റിങ്ങൽ: ദേശീയപാതയിൽ കോരാണി പതിനെട്ടാം മൈലിന് സമീപം കക്കൂസ് മാലിന്യം നിക്ഷേപിച്ച വാഹനവും ഡ്രൈവറെയുമാണ് നാട്ടുകാർ വിവരമറിയിച്ചതിനെ തുടർന്ന് ആറ്റിങ്ങൽ പോലീസ് എത്തി പിടികൂടിയത്.

കിഴുവിലം ഗ്രാമ പഞ്ചായത്ത്‌ അതിർത്തിയായ 18-ആം മൈൽ രേവതി ഓഡിറ്റോറിയത്തിന് സമീപം കഴിഞ്ഞ ദിവസം രാത്രിയിൽ കക്കൂസ് മാലിന്യം ഒഴുക്കിയ വെഞ്ഞാറമൂട് സ്വദേശി വിഷ്ണുവിനെയാണ് നാട്ടുകാരുംസ്ഥലത്ത് എത്തിയ ഗ്രാമ പഞ്ചായത്ത്‌ അധികൃതരും ചേർന്ന് പോലീസിൽ ഏൽപ്പിച്ചത്. മാലിന്യം കയറ്റി കൊണ്ടു വന്ന വാഹനവും പോലീസ് കസ്റ്റഡിയിലെടുത്തു.