ആറ്റിങ്ങൽ തച്ചൂർക്കുന്ന് കൈരളി ജംഗ്ഷൻ ആറാം വാർഡിലെ വെള്ളക്കെട്ട് യാത്രക്കാർക്ക് ദുഷ്കരമാകുന്നു. ഒരു ചെറിയ മഴ പെയ്താൽ പോലും റോഡിൽ ഉണ്ടാകുന്ന വെള്ളക്കെട്ടിൽ കൂടി വേണം യാത്രക്കാർക്കും കുട്ടികൾക്കും നടന്നുപോകാൻ. ചെയർപേഴ്സൺന്റെ വാർഡിലാണ് ഈ വെള്ളക്കെട്ട്. എത്രയും വേഗം ഇതിനൊരു പരിഹാരം കാണണമെന്നാണ് നാട്ടുകാർ ആവശ്യപ്പെടുന്നത്.
തിരുവനന്തപുരം: പാലക്കാട് ഉപതെരഞ്ഞെടുപ്പ് തീയതി മാറ്റി. ഈ മാസം 20ലേക്കാണ് തെരഞ്ഞെടുപ്പ് കമ്മീഷന് വോട്ടെടുപ്പ് തീയതി മാറ്റിയത്. നേരത്തെ 13നായിരുന്നു തെരഞ്ഞെടുപ്പ് നിശ്ചയിച്ചിരുന്നത്. കല്പ്പാത്തി രഥോത്സവം പ്രമാണിച്ച് പാലക്കാട് ഉപതെരഞ്ഞെടുപ്പ് തീയതി മാറ്റണമെന്ന് ബിജെപി ഉള്പ്പെടെയുള്ള പാര്ട്ടികള് തെരഞ്ഞെടുപ്പ് കമ്മീഷനോട് ആവശ്യപ്പെട്ടിരുന്നു.
ഇത് പരിഗണിച്ചാണ് തീയതി മാറ്റിയത് എന്നാണ് റിപ്പോര്ട്ടുകള് വ്യക്തമാക്കുന്നത്. കേരളത്തിലെ അടക്കം 14 മണ്ഡലങ്ങളിലെ വോട്ടെടുപ്പ് തീയതിയാണ് തെരഞ്ഞെടുപ്പ് കമ്മീഷന് മാറ്റിയത്.
തിരുവനന്തപുരം: സംസ്ഥാനത്ത് അടുത്ത അഞ്ചു ദിവസം കൂടി ഇടിമിന്നലോടു കൂടിയ മഴയ്ക്ക് സാധ്യതയെന്ന് കാലാവസ്ഥ വകുപ്പ്. വെള്ളിയാഴ്ച വരെ ശക്തമായ മഴ തുടരുമെന്നാണ് മുന്നറിയിപ്പ്. മണിക്കൂറില് 40 കിലോമീറ്ററില് താഴെ വരെ വേഗതയില് ശക്തമായ കാറ്റിനും സാധ്യതയുണ്ട്. ഒരു ജില്ലയിലും പ്രത്യേക മഴ മുന്നറിയിപ്പ് പുറപ്പെടുവിച്ചിട്ടില്ല.
തെക്ക് കിഴക്കന് അറബിക്കടലിന് മുകളില് തെക്കന് കേരളത്തിന് സമീപം ചക്രവാതച്ചുഴി സ്ഥിതിചെയ്യുന്നുണ്ട്. നാളെയോടെ തെക്ക് കിഴക്കന് ബംഗാള് ഉള്ക്കടലില് ചക്രവാതച്ചുഴി രൂപപ്പെടാനും സാധ്യത. ഈ പശ്ചാത്തലത്തിലാണ് കേരളത്തില് മഴ വീണ്ടും ശക്തമാകുന്നത്.
തിരുവനന്തപുരം: കെഎസ്ആർടിസി ബസ്സുകളിൽ യാത്ര ചെയ്യുമ്പോൾ മോശം ഭക്ഷണം കഴിച്ച് വയർ കേടാകുമെന്ന പേടി ഇനി വേണ്ട. ദീര്ഘദൂര സര്വീസ് നടത്തുന്ന ബസുകള് ഭക്ഷണം കഴിക്കാന് നിര്ത്തുന്ന സ്ഥലങ്ങളുടെ പട്ടിക പുറത്തിറക്കി കെഎസ്ആര്ടിസി. 24 സ്ഥലങ്ങളിലെ ഭക്ഷണശാലകൾ ഉൾപ്പെടുത്തിക്കൊണ്ടുള്ളതാണ് പട്ടിക.
ഭക്ഷണം കഴിക്കാന് ബസുകള് വൃത്തിഹീനമായ ഹോട്ടലുകളില് നിര്ത്തുന്നു എന്ന് വ്യാപക പരാതി ഉയർന്ന സാഹചര്യത്തിലാണ് കെഎസ്ആർടിസിയുടെ നീക്കം. ദീര്ഘദൂര കെഎസ്ആര്ടിസി ബസുകളാണ് യാത്രകാര്ക്ക് ഭക്ഷണം കഴിക്കാന് വേണ്ടി നിര്ത്തുക. ദേശീയ, സംസ്ഥാന, അന്തര് സംസ്ഥാന പാതകളുടെയും എംസി റോഡിന്റെയും വശങ്ങളിലെ ഹോട്ടലുകളുടെ പട്ടികയാണ് പുറത്തിറക്കിയത്. ലിസ്റ്റില് ഉള്പ്പെടാത്തതും വൃത്തിഹീനവുമായ ഹോട്ടലുകളില് ഭക്ഷണം കഴിക്കാന് ബസ് നിര്ത്താന് പാടില്ലെന്ന് ഉത്തരവില് വ്യക്തമാക്കുന്നു.
കെഎസ്ആര്ടിസി ഓപ്പറേഷന് എക്സിക്യൂട്ടീവ് ഡയറക്റ്ററാണ് ഭക്ഷണശാലകളുടെ പട്ടിക തയാറാക്കി ഉത്തരവിറക്കിയത്. ഇതിന്റെ ഭാഗമായി സംസ്ഥാന വ്യാപകമായി ഹോട്ടലുകളില് നിന്നും താത്പര്യ പത്രം ക്ഷണിച്ചിരുന്നു. അതിനു ശേഷമാണ് അന്തിമ പട്ടിക തയാറാക്കിയത്. അതത് ബസ് സ്റ്റാന്ഡുകളിലെ കാന്റീനുകള്ക്കു പുറമേ യാത്രാമധ്യേ നിര്ത്തേണ്ട ഹോട്ടലുകളുടെ പട്ടികയാണ് തയാറാക്കിയത്. രാവിലെ 07.30 മുതല് 9.30 വരെ പ്രഭാത ഭക്ഷണത്തിനും 12.30 മുതല് 2 മണി വരെ ഉച്ച ഭക്ഷണത്തിനും വൈകിട്ട് 4 മുതല് 6 വരെ ചായ, ലഘു ഭക്ഷണത്തിനുമായി ബസ് നിർത്തണം. രാത്രി ഭക്ഷണം രാത്രി 8 മണി മുതല് 11 വരെയാണ്.
കെഎസ്ആർടിസി ഫുഡ് സ്പോട്ടുകൾ
1 ലേ അറേബ്യ- കുറ്റിവട്ടം. ദേശീയ പാത. കരുനാഗപ്പള്ളിക്കും കായംകുളത്തിനും ഇടയിൽ
2 പണ്ടോറ – വവ്വാക്കാവ്- ദേശീയ പാത. കരുനാഗപ്പള്ളിക്കും കായംകുളത്തിനും ഇടയിൽ
3 ആദിത്യ ഹോട്ടൽ- നങ്ങ്യാർകുളങ്ങര ദേശീയ പാത. ഹരിപ്പാടിനും കായംകുളത്തിനും
ഇടയിൽ
4 ആവീസ് പുട്ട് ഹൌസ്- പുന്നപ്ര. ദേശീയ പാത ആലപ്പുഴയ്ക്കും ഹരിപ്പാടിനും ഇടയിൽ
5 റോയൽ 66- കരുവാറ്റ ദേശീയ പാത ആലപ്പുഴയ്ക്കും ഹരിപ്പാടിനും ഇടയിൽ
6 ഇസ്താംബുൾ- തിരുവമ്പാടി, ദേശീയ പാത. ആലപ്പുഴയ്ക്കും ഹരിപ്പാടിനും ഇടയിൽ
7 ആർ ആർ റെസ്റ്ററന്റ്– മതിലകം. ദേശീയ പാത എറണാകുളത്തിനും ആലപ്പുഴയ്ക്കും
ഇടയിൽ
8 റോയൽ സിറ്റി- മാനൂർ. ദേശീയ പാത. എടപ്പാളിനും കുറ്റിപ്പുറത്തിനും ഇടയിൽ
9 ഖൈമ റെസ്റ്ററന്റ്- തലപ്പാറ. ദേശീയ പാത തിരൂരങ്ങാടിക്കും രാമനാട്ടുകരയ്ക്കും ഇടയിൽ
10 ഏകം- നാട്ടുകാൽ. സംസ്ഥാന പാത. പാലക്കാടിനും മണ്ണാർക്കാടിനും ഇടയിൽ
11 ലേസഫയർ- ദേശീയ പാത.സുൽത്താൻബത്തേരിക്കും മാനന്തവാടിക്കും ഇടയിൽ
12 ക്ലാസിയോ – താന്നിപ്പുഴ. എം സി റോഡ്. അങ്കമാലിക്കും പെരുമ്പാവൂരിനും ഇടയിൽ
13 കേരള ഫുഡ് കോർട്ട്- കാലടി, എം സി റോഡ്. അങ്കമാലിക്കും പെരുമ്പാവൂരിനും
ഇടയിൽ
14 പുലരി റെസ്റ്ററന്റ്- എം സി റോഡ്. കൂത്താട്ടുകുളത്തിനും കോട്ടയത്തിനും ഇടയിൽ
15 ശ്രീ ആനന്ദ ഭവൻ- എം സി റോഡ്. കോട്ടയം. കുമാരനല്ലൂരിനും എസ് എച്ച് മൗണ്ടിനും
ഇടയിൽ
16 അമ്മ വീട്- വയക്കൽ,എം സി റോഡ്. ആയൂരിനും വാളകത്തിനും ഇടയിൽ
17 ശരവണഭവൻ പേരാമ്പ്ര, ദേശീയ പാത.ചാലക്കുടിക്കും അങ്കമാലിക്കും ഇടയിൽ
18 ആനന്ദ് ഭവൻ- പാലപ്പുഴ. എം സി റോഡ്. മൂവാറ്റുപുഴയ്ക്കും കൂത്താട്ടുകുളത്തിനും
ഇടയിൽ
19 ഹോട്ടൽ പൂർണപ്രകാശ്-എം സി റോഡ്. ഏനാത്തിനും കൊട്ടാരക്കരയ്ക്കും ഇടയിൽ
20 മലബാർ വൈറ്റ് ഹൌസ്- ഇരട്ടക്കുളം.സംസ്ഥാന പാത തൃശൂരിനും ആലത്തൂരിനും
ഇടയിൽ
21 കെടിഡിസി ആഹാർ-ദേശീയ പാത. ഓച്ചിറയ്ക്കും കായംകുളത്തിനും ഇടയിൽ
22 എ ടി ഹോട്ടൽ- സംസ്ഥാന പാത.കൊടുങ്ങല്ലൂരിനും ഗുരുവായൂരിനും ഇടയിൽ
23 ലഞ്ചിയൻ ഹോട്ടൽ, അടിവാരം. കോഴിക്കോടിനും മാനന്തവാടിക്കും ഇടയിൽ.
24 ഹോട്ടൽ നടുവത്ത്, മേപ്പാടി,കോഴിക്കോടിനും മാനന്തവാടിക്കും ഇടയിൽ
വൈദികനാണെന്നും, പള്ളിയില് നിന്ന് ലോണ് അനുവദിച്ചിട്ടുണ്ടെന്നും കളളം പറഞ്ഞ് വീട്ടില്ക്കയറി പ്രാര്ഥിച്ചശേഷം വയോധികയുടെ മാലയും പൊട്ടിച്ച് ഓടിയ ആള് പിടിയില്. അടൂരിലാണ് സംഭവം. തിരുവനന്തപുരം കാഞ്ഞിരംകുളം കണ്ണംകോട്ടേജില് ഷിബു എസ്. നായരാണ് (47) അടൂര് പൊലീസിന്റെ പിടിയിലായത്. ഇയാള് വിവിധ ജില്ലകളിലായി 36 കേസില് പ്രതിയാണ്. പ്രതിയെ പിടികൂടി സ്റ്റേഷനിലെ ലോക്കപ്പിലെത്തിച്ചയുടന് ഇയാല് വിസര്ജനം നടത്തി പൊലീസിന് നേരെ മലം വാരിയെറിഞ്ഞു, ഉദ്യോഗസ്ഥരെ ആക്രമിക്കാനും ശ്രമം നടത്തി.
ഏനാദിമംഗലം ചാങ്കൂര് തോട്ടപ്പാലം പാലത്തിങ്കല് മഞ്ജുസദനത്തില് മറിയാമ്മയുടെ സ്വര്ണമാലയാണ് പ്രതി പൊട്ടിച്ചത്. നവംബര് ഒന്നിന് ഉച്ചയ്ക്കാണ് മറിയാമ്മയുടെ വീട്ടില് ഷിബു എത്തിയത്. മകള് മോളിക്ക് പള്ളിയില് നിന്ന് ഒരു ലോണ് അനുവദിച്ചതായി ഷിബു മറിയാമ്മയോട് കള്ളം പറഞ്ഞു. ഇതിന്റെ തുടര്നടപടികള്ക്കായി ആയിരം രൂപ വേണമെന്നും ഷിബു ആവശ്യപ്പെട്ടു. പിന്നാലെ മറിയാമ്മ വീടിനുള്ളില്ച്ചെന്ന് രൂപ എടുത്തുകൊണ്ടുവരുമ്പോള് അത് തട്ടിപ്പറിച്ചശേഷം കഴുത്തില്ക്കിടന്ന സ്വര്ണമാലയും പൊട്ടിച്ച് പ്രതി ഓടുകയായിരുന്നുവെന്ന് പൊലീസ് പറഞ്ഞു. മറിയാമ്മയുടെ മകള് മോളി തൊഴിലുറപ്പ് പണിക്ക് പോയിരുന്ന സമയത്താണ് സംഭവം. പ്രതിയെ മുണ്ടക്കയത്ത് നിന്നാണ് കസ്റ്റഡിയിലെടുത്തത്.
ആറ്റിങ്ങൽ മാർക്കറ്റ് റോഡിൽ കുഴിമുക്കിനു സമീപം 1000 സ്ക്വയർ ഫീറ്റിൽ പാർക്കിങ് സൗകര്യത്തോടു കൂടി ഗോഡൗൺ വാടകയ്ക്ക്. 10,000 രൂപയാണ് വാടക. താല്പര്യമുള്ളവർ താഴെ കാണുന്ന നമ്പറിൽ ബന്ധപ്പെടേണ്ടതാണ്.
മൊബൈൽ നമ്പർ: 9946526139
Recent Comments