ഇളമ്പ റൂറൽ സഹകരണ സംഘത്തിലെ ഓണാഘോഷം മുദാക്കൽ ഗ്രാമപഞ്ചായത്ത് മുൻ പ്രസിഡന്റ് ആർ.എസ് വിജയകുമാരി നിർവഹിച്ചു. സംഘം പ്രസിഡന്റ് എം ബിന്ദു അധ്യക്ഷത വഹിച്ചു. ഭരണസമിതി അംഗങ്ങളായ ഇളമ്പ ഉണ്ണികൃഷ്ണൻ. സന്തോഷ് കുമാർ, ശശിധരൻ നായർ, വിജയകുമാരി, ഗോപി, രജനീഷ്, സെക്രട്ടറി മഞ്ജു,സബീല ബീവി, എന്നിവർ പങ്കെടുത്തു അത്തപ്പൂക്കളവും പായസവിതരണവും ഉണ്ടായിരുന്നു.
കൊച്ചി: ഓണ വിപണി മുന്നിൽ കണ്ട് പാൽ ലഭ്യത ഉയർത്തി മിൽമ. 1.25 കോടി ലിറ്റർ പാൽ ആണ് അയൽ സംസ്ഥനങ്ങളിൽ നിന്നും മിൽമ ലഭ്യമാക്കുന്നത്. കഴിഞ്ഞ വർഷം 1.10 കോടി ലിറ്റർ പാലാണ് ഉത്രാടം മുതലുള്ള നാല് ദിവസങ്ങളിൽ കേരളത്തിൽ ചെലവഴിച്ചത്.
തമിഴ്നാട്, കർണാടക, ആന്ധ്ര, മഹാരാഷ്ട്ര എന്നീ സംസ്ഥാനങ്ങളെയാണ് പാലിനായി ആശ്രയിക്കുന്നത്. ഈ സംസ്ഥാനങ്ങളിലെ ഫെഡറേഷൻ വഴിയാണ് മിൽമ പാൽ സംഭരിക്കുക. ഉത്രാട ദിനമായ ശനിയാഴ്ചയാണ് ഏറ്റവും കൂടുതൽ വില്പന പ്രതീക്ഷിക്കുന്നത്. അന്ന് 25 ലക്ഷം ലിറ്ററിന്റെ ആവശ്യമാണ് കണക്കാക്കിയിരിക്കുന്നത്. എന്നാൽ, മറ്റ് ബ്രാൻഡുകളും കൂടിയാകുമ്പോൾ ഇത് 50 ലക്ഷം ലിറ്ററിനു മുകളിലെത്തും. സാധാരണ ദിവസം 12 ലക്ഷം ലിറ്റർ പാലാണ് മിൽമ ഉത്പാദിപ്പിക്കുന്നത്. ഉത്സവ സീസണുകളിൽ ആവശ്യത്തിന് പാലിനായി കേരളം മറ്റ് സംസ്ഥാനങ്ങളെയാണ് ആശ്രയിക്കുന്നത്. നാഷണൽ ഡെയറി ഡിവലപ്മെന്റ് ബോർഡിന്റെ കണക്കുകൾ പ്രകാരം രാജ്യത്തെ പാൽ ഉത്പാദനത്തിൽ ആദ്യ 15-ലാണ് കേരളത്തിന്റെ സ്ഥാനം.
പെരുമാതുറ: തീരദേശ പാതയിലെ അപകട കുഴിയടച്ച് ഒരു കൂട്ടം യുവാക്കൾ. പെരുമാതുറ മുതലപ്പൊഴിലേക്ക് പോകുന്ന പ്രധാന പാതയിലാണ് അപകടകരമായ കുഴികൾ രൂപപ്പെട്ടിരുന്നത്. അജ്മീർ സ്പോർട്സ് ആൻഡ് ആർട്സ് ക്ലബ്ബിലെ ഒരു കൂട്ടം യുവാക്കളാണ് റോഡിലെ കുഴിയടച്ചത്. നബിദിനത്തിൽ ക്ലബ് നടത്തുന്ന പരിപാടികൾക്കായി നീക്കിവെച്ച തുകയെടുത്ത് കുഴികൾ കോൺക്രീറ്റ് ചെയ്തടക്കുകയായിരുന്നു. ഏറേ തിരക്കുള്ള റോഡിൽ മാസങ്ങളായി രൂപപ്പെട്ട വലിയ കുഴികളിൽ വീണ് ഇരുചക്രവാഹനങ്ങളിൽ യാത്ര ചെയ്യുന്നവർക്ക് പരിക്കേൽക്കുന്നത് പതിവാണ്. മഴവെള്ളം കെട്ടിനിന്ന് കുഴികളിൽ ശ്രദ്ധയിൽപ്പെടാതെ വാഹനങ്ങൾ വീണ് തകരുന്നതും നിത്യസംഭവമായിരുന്നു.
അവനവൻചേരി: ആറ്റിങ്ങൽ ബി ആർ സി യുടെ നേതൃത്വത്തിൽ ഓണചങ്ങാതിയുടെ ഔപ ചാരികമായ ഉദ്ഘാടനം അവവനവഞ്ചേരി വിദ്യാലായത്തിലെ അഞ്ജനശ്രീകുമാർ ന്റെ വീട്ടിൽ ആറ്റിങ്ങൽ നഗരസഭ വിദ്യാഭ്യാസ സ്റ്റാൻഡിങ് കമ്മിറ്റിചെയർപേഴ്സൺ ഗിരിജ
ഉദ്ഘാടനം നിർവഹിച്ചു. ആറ്റിങ്ങൽ നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ രമ്യ സുധീർ, ജി എച്ച് എസ് അവനവഞ്ചേരി പ്രധമധ്യാപകൻ നിമ്മി ജി എൽ, ആറ്റിങ്ങൽ ബിപിസി വിനു, ബി ആർ സി ട്രൈനെർ ബീനു വി. നാഥ്, അവനവഞ്ചേരി വിദ്യാലയത്തിലെ സ്പെഷ്യൽ എഡ്യൂക്കേറ്റർ ശ്രീമതി. അമൃത എസ്,അവനവഞ്ചേരി അധ്യാപകരായ സാബു, അനിൽകുമാർ, കൃഷ്ണ, സ്കൂൾ സൈക്കോളജിസ്റ്റ് ആതിര,എസ് പി സി കുട്ടികൾ, മറ്റ് ബി ആർ സി പ്രവർത്തകർ കുട്ടിയുടെ വീട്ടിൽ ഒത്തുചേർന്നു.
ഓണപാട്ടുകൾ പാടിയും, മനോഹരമായ അത്തമിട്ടും, പായസം വിളമ്പിയും പരിപാടി നടന്നു. അഞ്ജനക്കും ചേച്ചി അർച്ചനക്കും ഓണക്കോടിയും, ഓണ കിറ്റും, ഓണസമ്മാനങ്ങളും നൽകി. കുട്ടിക്കും കുടുംബത്തിനും വളരെ നല്ലൊരു അനുഭവമായിരുന്നു.ആറ്റിങ്ങൽ ബി ആർ സി പരിധിയിലെ ഭിന്നശേഷിക്കാരായ ഗൃഹാതിഷ്ഠിത വിദ്യാഭ്യാസം നൽകുന്ന സാമ്പത്തികമായി പിന്നാക്കം നിൽക്കുന്ന വിദ്യാലയത്തിൽ എത്തിച്ചേരാൻ കഴിയാത്ത 50 കുട്ടികൾക്ക് ആറ്റിങ്ങൽ ബി ആർ സി ഓണക്കിറ്റ് നൽകി.
തിരുവനന്തപുരം ജില്ലയിലെ ചോത്തൻകോട് ഐ സി ഡി എസ് ലെ അങ്കണവാടി ജീവനക്കാർ ഓഫീസിൻ്റെ മുൻപിൽ ധർണ നടത്തി. ഉദ്ഘാടനം സംസ്ഥാന സെക്രട്ടറി (CITU) അഡ്വ സായി കുമാർ നിർവഹിച്ചു.
പ്രൊജക്റ്റ് സെക്രട്ടറി ശ്രീലത, പ്രസിഡൻ്റ് ശോഭന, ജില്ലാ സെക്രട്ടറി വൃന്ദാ റാണി, ബ്ളോക്ക് മെമ്പർ മലയിൽ കോണം സുനിൽ, പോത്തൻ കോട് പഞ്ചായത്ത് പ്രസിഡന്റ് സുനിൽ കുമാർ എന്നിവർ സംസാരിച്ചു. അങ്കണവാടി ജീവനക്കാർ ഓണമായിട്ടും അവർക്ക് ശമ്പളം കിട്ടാത്തതിൻ്റെ പേരിലാണ് പ്രതിഷേധ സമരം സംഘടിപ്പിച്ചത്. ആറുമാസമായി ഇതെ അവസ്ഥ തുടരുകയാണ്. കൂടാതെ ജീവനക്കാരോട് മേലുദ്യോഗസ്ഥർ കാണിക്കുന്ന മാനസിക പീഡനവും അവഗണനയും മാസങ്ങളായി സഹിക്കുന്നു. പച്ചക്കറി ബില്ല്, വാട്ടർ ബില്ല്, കറണ്ട് ബില്ല് ഇവ പല പഞ്ചായത്തുകളിലും മാറി കിട്ടിയിട്ട് മാസങ്ങളോളമായെന്നും ജീവനക്കാർ പറയുന്നു.
ആറ്റിങ്ങൽ നഗരസഭ അതിദരിദ്ര ലിസ്റ്റിലും ആശ്രയലിസ്റ്റിലും ഉൾപ്പെട്ടവർക്കും ജ്യോതിസ് സെൻട്രൽ സ്ക്കൂളിൻ്റെ സഹകരണതോടെ ഈ വർഷത്തെ ഓണകിറ്റിൻ്റെയും മാസം തോറും നഗരസഭ നൽകി വരുന്ന അതി ദരിദ്രർക്കുള്ള ഭക്ഷ്യ കിറ്റിൻ്റെയും വിതരണോത്ഘാടനം ആറ്റിങ്ങൽ നഗരസഭ ചെയർപേഴ്സൺ എസ് കുമാരി നഗരസഭ ഓഫീസിൽ വച്ച് നിർവ്വഹിച്ചു.
Recent Comments