by Midhun HP News | Mar 2, 2026 | Latest News, ജില്ലാ വാർത്ത
ആറ്റിങ്ങൽ വലിയകുന്നു താലൂക്ക് ആശുപത്രിയിൽ എച്ച് പി വി വാക്സിനേഷൻ ആരംഭിച്ചു. സ്ത്രീകളിൽ വർദ്ധിച്ചു വരുന്ന സെർവിക്സ് ക്യാൻസർ തടയുന്നതിന്റെ ഭാഗമായി എച്ച് പി വി വാക്സിൻ നൽകുവാൻ സർക്കാർ തീരുമാനിച്ചിട്ടുള്ളതിനാൽ 14 വയസ്സ് മുതൽ 15 വയസ്സും മൂന്നുമാസം വരെ പ്രായമുള്ള പെൺകുട്ടികൾക്കാണ് വാക്സിൻ നൽകുന്നത്.
ഈ വാക്സിൻ രജിസ്റ്റർ ചെയ്യുന്നതിന് വാർഡിലെ ആരോഗ്യപ്രവർത്തകരായിട്ടുള്ള ആശാവർക്കർ അറിയിക്കേണ്ടതാണ്. വലിയകുന്ന് ആശുപത്രിയിൽ ഞായർ ഒഴികെ തിങ്കൾ മുതൽ ശനി വരെ രാവിലെ 9 മണി മുതൽ ഒരു മണി വരെ വാക്സിൻ നൽകുന്നതാണ്. ആധാർ കാർഡ്, ആധാർ കാർഡ് ലിങ്ക് ചെയ്ത ഫോൺ നമ്പറുമായി രക്ഷകർത്താവ് കുട്ടിയെ കൊണ്ട് വരേണ്ടതാണ്.
മെഡിക്കൽ ഓഫീസർ ഡോക്ടർ പ്രീത സോമന്റെ നേതൃത്വത്തിൽ 16 കുട്ടികൾക്ക് ഇന്ന് വാക്സിൻ നൽകിയിട്ടുണ്ട്. ബാക്ക് എടുത്ത കുട്ടികൾക്ക് വാക്സിനേഷൻ സർട്ടിഫിക്കറ്റും നൽകിയിട്ടുള്ളതാണ്. പീഡിയാട്രിക് വിഭാഗം ഡോക്ടർ മഞ്ജു വാക്സിൻ എടുക്കുന്നേണ്ടുന്ന ഗുണങ്ങളെ കുറിച്ച് ബോധ വൽക്കരണം നൽകി. ഗൈനറ്റ് വിഭാഗം ഡോക്ടർ ഗീത വേണുഗോപാൽ ഡോക്ടർ രാഹിത ജി. JPHN മാർ ആശാവർക്കർ മറ്റ് ആരോഗ്യ പ്രവർത്തക പങ്കെടുത്തു. ഈ വാക്സിൻ ഗർഭാശയമുഖ ക്യാൻസറിനെ പ്രതിരോധിക്കാനുള്ള വളരെ സുരക്ഷിതമായ മാർഗ്ഗമാണ്ണ്.
വാക്സിനേഷൻ ആരംഭിച്ച തീയതി: 2026 ഫെബ്രുവരി 28.
വാക്സിൻ്റെ പേര്:ഗാർഡസിൽ 4 (Gardasil ) ഇത് ഒറ്റ ഡോസ് (0.5 ml) ആയി ഇടത് മേൽക്കൈയ്യിലാണ് നൽകുന്നത്.
14 വയസ്സ് തികഞ്ഞ പെൺകുട്ടികൾക്ക് (14-ാം ജന്മദിനം ആഘോഷിച്ചവർ, എന്നാൽ 15 വയസ്സ് തികയാത്തവർ).
ക്യാമ്പയിൻ ആരംഭിച്ച് 90 ദിവസത്തിനുള്ളിൽ 15 വയസ്സ് തികയുന്ന പെൺകുട്ടികൾക്കും ഈ അവസരം പ്രയോജനപ്പെടുത്താം.
ആർക്കെല്ലാം വാക്സിൻ നൽകരുത്…….
1 കഠിനമായ അസുഖമുള്ളവർക്ക് സുഖം പ്രാപിച്ച ശേഷം വാക്സിൻ നൽകാം
2 മുമ്പ് വാക്സിൻ എടുത്തപ്പോൾ അലർജി ഉണ്ടായവർ അല്ലെങ്കിൽ ഈസ്റ്റ് (Yeast) അലർജി ഉള്ളവർക്ക് വാക്സിൻ നൽകരുത്.
3 ഗർഭിണികൾ.
4 നിശ്ചിത പ്രായപരിധിയിൽ അല്ലാത്തവർ.
5 നേരത്തെ തന്നെ HPV വാക്സിൻ (Gardasil/Cervarix/Cervavac) ഒന്നോ അതിലധികമോ ഡോസ് എടുത്തവർ.
എവിടെ വെച്ച് ലഭിക്കും?…..
സർക്കാർ ആരോഗ്യ കേന്ദ്രങ്ങളിൽ മാത്രം (PHC, CHC, മെഡിക്കൽ കോളേജുകൾ, ജില്ലാ ആശുപത്രികൾ തുടങ്ങിയവ).
സ്വീകരിക്കേണ്ട മുൻകരുതലുകൾ……
1 വാക്സിനേഷന് മുമ്പ്: പെൺകുട്ടികൾ ആഹാരം കഴിച്ചിട്ടുണ്ടെന്ന് ഉറപ്പുവരുത്തണം.
2 വെറും വയറ്റിൽ വാക്സിൻ നൽകരുത്.
വാക്സിനേഷന് ശേഷം:…….
1 വാക്സിൻ എടുത്ത ശേഷം 30 മിനിറ്റ് നിരീക്ഷണത്തിൽ ഇരിക്കണം.
പ്രധാന വിവരങ്ങൾ……
1. പാർശ്വഫലങ്ങളും പരിഹാരങ്ങളും (AEFI Management)
HPV വാക്സിൻ സുരക്ഷിതമാണ്. കുത്തിവെപ്പെടുത്ത ഭാഗത്ത് ചെറിയ വേദന, ചുവപ്പ്, അല്ലെങ്കിൽ തടിപ്പ് എന്നിവ ഉണ്ടാകാം. ചിലപ്പോൾ പനി, തലവേദന, തലകറക്കം എന്നിവ അനുഭവപ്പെട്ടേക്കാം. ഇത് സാധാരണയായി രണ്ട് ദിവസത്തിനുള്ളിൽ മാറുന്നതാണ്.
ധാരാളം വെള്ളം കുടിക്കുക, പനിയുണ്ടെങ്കിൽ പാരാസെറ്റമോൾ കഴിക്കുക,
എല്ലാ വാക്സിനേഷൻ കേന്ദ്രങ്ങളും അടുത്തുള്ള ആശുപത്രികളുമായി ബന്ധിപ്പിച്ചിരിക്കും. അടിയന്തര സാഹചര്യങ്ങൾക്കായി ഹെൽപ്പ് ലൈൻ നമ്പറുകളും ലഭ്യമായിരിക്കും.
2. സമ്മതപത്രം
പെൺകുട്ടികൾക്ക് വാക്സിൻ നൽകുന്നതിന് മുമ്പ് രക്ഷിതാക്കളുടെ സമ്മതം നിർബന്ധമാണ്.
U-WIN പോർട്ടൽ വഴിയോ അല്ലെങ്കിൽ നേരിട്ട് രേഖാമൂലമോ (Hard copy) സമ്മതം അറിയിക്കാം.
3. വാക്സിനേഷൻ കാലാവധി
പ്രത്യേക ക്യാമ്പയിൻ വഴി 3 മാസം (90 ദിവസം) വാക്സിൻ ലഭ്യമാകും. അതിനുശേഷം ഇത് സാധാരണ പ്രതിരോധ കുത്തിവെപ്പ് ദിവസങ്ങളിൽ ലഭ്യമായിരിക്കും.
4. രജിസ്ട്രേഷൻ രീതി……
U-WIN പ്ലാറ്റ്ഫോം വഴിയാണ് രജിസ്ട്രേഷൻ നടത്തേണ്ടത്.
രക്ഷിതാക്കൾക്ക് സ്വയം രജിസ്റ്റർ ചെയ്യാം അല്ലെങ്കിൽ ആരോഗ്യ പ്രവർത്തകരുടെ സഹായം തേടാം.
നേരിട്ട് വാക്സിനേഷൻ കേന്ദ്രത്തിലെത്തിയും രജിസ്റ്റർ ചെയ്യാവുന്നതാണ്.
5. മറ്റ് കാര്യങ്ങൾ
വിരലിൽ അടയാളം: വാക്സിൻ എടുത്ത ശേഷം ഇടത് കൈയിലെ ചൂണ്ടുവിരലിൽ മഷി കൊണ്ട് അടയാളപ്പെടുത്തും.
സർട്ടിഫിക്കറ്റ്: വാക്സിനേഷൻ പൂർത്തിയായാൽ ഡിജിറ്റൽ സർട്ടിഫിക്കറ്റ് U-WIN പോർട്ടലിൽ നിന്ന് ഡൗൺലോഡ് ചെയ്യാം.
by Midhun HP News | Mar 1, 2026 | Latest News, ജില്ലാ വാർത്ത
തിരുവനന്തപുരം: തിരുവനന്തപുരം സെന്ട്രല് റെയില്വേ സ്റ്റേഷനില് പൊങ്കാല പ്രത്യേക ക്രമീകരണങ്ങള് കാരണം 2026 മാര്ച്ച് ഒന്ന് മുതല് മാര്ച്ച് മൂന്നുവരെ വാഹന പാര്ക്കിങ് കര്ശനമായി നിയന്ത്രിക്കപ്പെടും. നിലവിലെ പുനര്നിര്മാണ പ്രവര്ത്തനങ്ങള് കാരണം രണ്ടാം എന്ട്രന്സ് (പവര് ഹൗസ് റോഡ് വശം) പൂര്ണമായി അടച്ചിരിക്കുന്നു.എല്ലാ യാത്രക്കാരും, പ്രത്യേകിച്ച് തീര്ഥാടകരും താഴെപ്പറയുന്ന എന്ട്രന്സുകള് ഉപയോഗിക്കണമെന്ന് റെയില്വേ അഭ്യര്ഥിച്ചു.
തമ്പാനൂര് വശത്തുള്ള പ്രധാന എന്ട്രന്സ്
പാര്സല് ഓഫീസ് വശവും പ്രീമിയം പാര്ക്കിങ് എന്ട്രന്സ്
തൈക്കാട് വനിതാ & ശിശു ആശുപത്രിക്ക് സമീപമുള്ള ഓവര്ബ്രിഡ്ജിനടുത്തുള്ള അണ്ടര്പാസ്
2026 മാര്ച്ച് മൂന്നിന് തിരുവനന്തപുരം സെന്ട്രല് സ്റ്റേഷനില്നിന്ന് പുറപ്പെടുന്ന ട്രെയിനുകള് തീര്ഥാടകരുടെ സൗകര്യാര്ഥം താഴെപ്പറയുന്ന പ്ലാറ്റ്ഫോമുകളില് നിന്നായിരിക്കും പുറപ്പെടുക.
കൊല്ലം ജങ്ഷന് ഭാഗത്തേക്കുള്ള ട്രെയിനുകള്- പ്ലാറ്റ്ഫോമുകള് 1, 2, 3, 4,
നാഗര്കോവില് ഭാഗത്തേക്കുള്ള ട്രെയിനുകള്- പ്ലാറ്റ്ഫോം 5
ട്രെയിന് ഷെഡ്യൂളിനനുസൃതമായി പ്ലാറ്റ്ഫോമിലേക്ക് പ്രവേശനം അനുവദിക്കും. ഹോള്ഡിങ് ഏരിയകള്ക്ക് സമീപം അധിക ടിക്കറ്റ് കൗണ്ടറുകള് സജ്ജീകരിക്കും. റിസര്വ്ഡ് ടിക്കറ്റുള്ള യാത്രക്കാര്ക്ക് പ്രധാന എന്ട്രന്സ് പോര്ട്ടിക്കോ വഴി നേരിട്ട് പ്രവേശിക്കാം. കൂടാതെ, റിസര്വ്ഡ് യാത്രക്കാരുടെ സൗകര്യാര്ഥം തിരുവനന്തപുരം പേട്ട സ്റ്റേഷനില് താഴെപ്പറയുന്ന ട്രെയിനുകള്ക്ക് ഒരു മിനിറ്റ് താല്ക്കാലിക സ്റ്റോപ്പേജ് ഏര്പ്പെടുത്തിയിട്ടുണ്ട്.
by Midhun HP News | Feb 28, 2026 | Latest News, ജില്ലാ വാർത്ത
ദേശീയപാതയിൽ ആറ്റിങ്ങൽ പൂവൻപാറയിൽ വാഹനാപകടം. കെ എസ് ആർ ടി സി ബസ് രണ്ട് ഓട്ടോകളിൽ ഇടിച്ചാണ് അപകടമുണ്ടായത്. അപകടത്തിൽ ഒരു ഓട്ടോയുടെ ഡ്രൈവർക്ക് പരിക്കേറ്റു.
കൊല്ലം ഭാഗത്തേക്ക് പോയ കെഎസ്ആർടിസി ഫാസ്റ്റ് പാസഞ്ചർ ബസ് റോഡ് മുറിച്ചു കടക്കാൻ ശ്രമിച്ച ഓട്ടോയിൽ ഇടിക്കാതിരിക്കാൻ വെട്ടിച്ചപ്പോൾ റോഡ് വശത്ത് നിർത്തിയിട്ട ഓട്ടോയിലും റോഡ് മുറിച്ചു കടന്ന ഓട്ടോയിലും ഇടിക്കുകയും ഓട്ടോ മറിയുകയും ചെയ്തു. റോഡ് മുറിച്ചു കടന്ന ഓട്ടോയിലെ ഡ്രൈവർക്ക് പരിക്കേറ്റു. ഓട്ടോയിൽ രണ്ട് യാത്രക്കാരും ഉണ്ടായിരുന്നു. മാവേലിക്കര ഡിപോയിലെ കെ എസ് ആർ ടി സി ബസ്സ് ആണ് അപകടത്തിൽ പെട്ടത്. യാത്രക്കാർ മറ്റൊരു ബസ്സിൽ യാത്ര തുടർന്നു.
by Midhun HP News | Feb 28, 2026 | Latest News, ജില്ലാ വാർത്ത
കൊച്ചി: ഹൈക്കോടതിയില് നിന്ന് അനുകൂല വിധി ലഭിച്ചതോടെ വിവാദ ചിത്രം ‘കേരള സ്റ്റോറി 2’ ഇന്ന് മുതൽ പ്രദർശനം തുടങ്ങും. കൊച്ചി അടക്കമുള്ള നഗരങ്ങളിൽ ന്യൂൺ ഷോ മുതൽ പ്രദർശനം നടക്കും. അതേസമയം കാണാൻ ആളില്ലാത്തതിനെ തുടർന്ന് കോഴിക്കോട് ‘കേരള സ്റ്റോറി 2’ വിന്റെ പ്രദർശനം റദ്ദാക്കി.
കോഴിക്കോട് റീഗൽ തിയറ്ററിലാണ് പ്രദർശനം കാൻസൽ ചെയ്തത്. രണ്ട് പേർ മാത്രമാണ് സിനിമയ്ക്ക് ബുക്ക് ചെയ്തിരുന്നത്. രാത്രി പത്ത് മണിയോടെ പ്രദർശിപ്പിക്കേണ്ട ഷോയ്ക്ക് ആളില്ലാത്തതിനെ തുടർന്ന് തിയറ്റർ അധികൃതർ ഷോ കാൻസൽ ചെയ്തതായി അറിയിക്കുകയായിരുന്നു. കൊച്ചിയിലെ ചിത്രത്തിന്റെ ഇന്നത്തെ ആദ്യ ഷോയ്ക്ക് ഒരാൾ പോലും ബുക്ക് ചെയ്തിട്ടില്ല. ന്യൂക്ലിയസ് മാൾ പാൻ സിനിമാസിലാണ് കൊച്ചിയിലെ ആദ്യ ഷോ നടക്കുക. മറ്റു ഷോകൾക്കും വിരലിലെണ്ണാവുന്ന ബുക്കിങ് മാത്രമാണ് നടന്നിരിക്കുന്നത്. കൊച്ചിയിൽ 9 ഇടങ്ങളിലാണ് ചിത്രം പ്രദർശിപ്പിക്കുന്നത്.
ഡിവിഷന് ബെഞ്ചില് നിന്ന് ഇന്നലെ അനുകൂല വിധി ഉണ്ടായതോടെ ചില ഇടങ്ങളില് രാത്രി ചിത്രം പ്രദര്ശിപ്പിക്കാന് അണിയര് പ്രവര്ത്തകര് തീരുമാനിക്കുകയായിരുന്നു. ടീസറിലെ ദൃശ്യങ്ങള് മാത്രം ആധാരമാക്കി ചിത്രത്തെ വിലയിരുത്താന് കഴിയില്ല എന്നായിരുന്നു ഡിവിഷന് ബെഞ്ചിന്റെ നിരീക്ഷണം. ജസ്റ്റിസ് ശുശ്രുത് അരവിന്ദ് ധര്മാധികാരി അധ്യക്ഷനായ ബെഞ്ചാണ് വിധി പറഞ്ഞത്. സിനിമ മതസൗഹാര്ദം തകര്ക്കുന്നില്ലെന്നും റിലീസ് ചെയ്യാന് പറ്റിയില്ലെങ്കില് വലിയ സാമ്പത്തിക ബുദ്ധിമുട്ടുണ്ടാകുമെന്നുമായിരുന്നു നിര്മാതാക്കളുടെ വാദം. 15 ദിവസത്തേക്കാണ് ചിത്രത്തിന്റെ റിലീസിന് ഹൈക്കോടതി സിംഗിള് ബെഞ്ച് ഇടക്കാല സ്റ്റേ പുറപെടുവിച്ചത്.
by Midhun HP News | Feb 28, 2026 | Latest News, ജില്ലാ വാർത്ത
തിരുവനന്തപുരം: നിയമസഭാ തെരഞ്ഞെടുപ്പ് സ്ഥാനാര്ഥി നിര്ണയ ചര്ച്ചകള്ക്കായി സിപിഎം സംസ്ഥാന സെക്രേട്ടറിയറ്റ് യോഗം ഇന്ന് ചേരും. സെക്രട്ടേറിയറ്റ് അംഗങ്ങളില് ആരൊക്കെ മത്സരിക്കണമെന്നത് സംബന്ധിച്ചും ഇന്നത്തെ യോഗത്തില് തീരുമാനമുണ്ടാകും. സ്ഥാനാര്ഥി നിര്ണയവുമായി ബന്ധപ്പെട്ട് എല്ലാ ജില്ലാ സെക്രട്ടറിയേറ്റ് യോഗം ചേര്ന്നിരുന്നു. സ്ഥാനാര്ഥികളുടെ പാനലില് ഉള്പ്പെട്ട മുന്ന് ജില്ലാ സെക്രട്ടറിമാര് മത്സരിക്കണമോയെന്നതും യോഗത്തില് ചര്ച്ചയാകും. തിരുവനന്തപുരം, കൊല്ലം, ആലപ്പുഴ ജില്ലാ സെക്രട്ടറിമാരാണ് സ്ഥാനാര്ഥി പട്ടികയില് ഇടം നേടിയിട്ടുള്ളത്. ജില്ലാ സെക്രട്ടറിയേറ്റ് യോഗത്തില് പങ്കെടുത്ത സംസ്ഥാന സെക്രട്ടറി എംവി ഗോവിന്ദന് സെക്രട്ടറിമാര് മത്സരിക്കേണ്ടതുണ്ടോയെന്ന അഭിപ്രായമാണ് മുന്നോട്ടുവച്ചത്.
എല്ലാ മണ്ഡലങ്ങളുടെയും സ്ഥാനാര്ഥികളുടെ കാര്യത്തില് ഇന്ന് ഏകദേശ ധാരണയാകും. പൊളിറ്റ് ബ്യൂറോ അംഗം എ വിജയരാഘവന്, കേന്ദ്രകമ്മിറ്റി അംഗം കെകെ ശൈലജ എന്നിവരുടെ പേരുകള് അതാത് ജില്ലാ സെക്രട്ടറിയേറ്റുകള് നല്കിയ പട്ടികയില് ഉള്പ്പെട്ടിട്ടില്ല. അതിനാല് സംസ്ഥാന സെക്രട്ടറിയേറ്റ് ആയിരിക്കും ഇക്കാര്യത്തില് അന്തിമ തീരുമാനമെടുക്കുക. മട്ടന്നൂര് സീറ്റ് ഇല്ലെങ്കില് മത്സരിക്കാന് ഇല്ലെന്ന് നിലപാട് കെകെ ശൈലജ സംസ്ഥാന നേതൃത്വത്തെ അറിയിച്ചതായാണ് വിവരം.
മുഖ്യമന്ത്രി പിണറായി വിജയന് മന്ത്രിമാരായ കെ എന് ബാലഗോപാല്, പി രാജീവ്, സജി ചെറിയാന്, വി എന് വാസവന്, പി എ മുഹമ്മദ് റിയാസ് എന്നിവര് സെക്രട്ടേറിയറ്റില് നിന്ന് മത്സരിക്കുമെന്ന് ഉറപ്പാണ്. ടിപി രാമകൃഷ്ണന്, തോമസ് ഐസക്, എം സ്വരാജ്, എംവി ജയരാജന്, പികെ ബിജു എന്നിവര് മത്സരരംഗത്തുണ്ടാകുമോയെന്ന കാര്യവും ഇന്നറിയാം. സ്പീക്കര് എംഎന് ഷംസീറിന് ഇത്തവണ സീറ്റ് ലഭിക്കാന് ഇടയില്ലെന്നാണ് വിവരം.
ഘടകകക്ഷികളുടെ സീറ്റുകള് ഏറ്റെടുക്കുന്നതും യോഗത്തില് ചര്ച്ചയാകും. ജില്ലാ സെക്രട്ടറിയേറ്റ് പാനലില് തിരുത്തല് വേണമെങ്കില് അക്കാര്യം നിര്ദ്ദേശിച്ച് സംസ്ഥാന സെക്രട്ടറിയേറ്റ് തിരികെ കൈമാറും. അധികം വൈകാതെ നടക്കുന്ന സംസ്ഥാന കമ്മിറ്റിയോഗമാണ് സ്ഥാനാര്ത്ഥി പട്ടിക അന്തിമമാക്കുക. രാമചന്ദ്രന് കടന്നപ്പള്ളിയുടെ കണ്ണൂര്, എ കെ ശശീന്ദ്രന്റെ എലത്തൂര് ,ആന്റണി രാജു അയോഗ്യനായ തിരുവനന്തപുരം , ആര്ജെഡി -ജെഡിഎസ് തര്ക്കമുള്ള കോവളം എന്നീ സീറ്റുകള് ഏറ്റെടുക്കുന്ന കാര്യത്തില് സംസ്ഥാന സെക്രട്ടറിയേറ്റില് ചര്ച്ച ഉണ്ടാവും.
മൂന്നാം ഭരണം തേടുന്ന എല്ഡിഎഫിനെ പിണറായി തന്നെ നയിക്കുമെന്ന് പ്രഖ്യാപിച്ചു കഴിഞ്ഞു. മാര്ച്ച് ഏഴിന് മുന്പ് സ്ഥാനാര്ഥികളുടെ കാര്യത്തില് തീരുമാനുണ്ടാകുമെന്നും എംഎ ബേബി ഇന്നലെ പിബി യോഗത്തിന് ശേഷം മാധ്യമങ്ങളോട് പറഞ്ഞു. ജില്ലകളില് നിന്നുള്ള പ്രാഥമിക സ്ഥാനാര്ഥി പട്ടികയില് 90% സീറ്റുകളിലും ഒറ്റ പേരാണ് പരിഗണനക്ക് വന്നിട്ടുള്ളത്.
by Midhun HP News | Feb 28, 2026 | Latest News, ജില്ലാ വാർത്ത
കോഴിക്കോട്: സംസ്ഥാനത്ത് രണ്ട് ഇടങ്ങളിലായി പുലര്ച്ചയുണ്ടായ വാഹനാപകടത്തില് ഏഴ് മരണം. കോഴിക്കോട് നല്ലളം മോഡേണ് ബസാറില് വാഹനാപകടത്തില് നാലുപേര് മരിച്ചു. നിര്ത്തിയിട്ട ലോറിയിലേക്ക് കാര് ഇടിച്ചുകയറിയാണ് അപകടമുണ്ടായത്. ശനിയാഴ്ച പുലര്ച്ചെ മൂന്നുമണിയോടെയാണ് സംഭവം. രാമനാട്ടുകര സ്വദേശികളായ ദിനില്, അജീഷ്, ഫറോക്ക് സ്വദേശി വിമല് എന്നിവരാണ് മരിച്ചത്. മൊബൈല് ടവര് ജോലി കഴിഞ്ഞ് മടങ്ങിയവര് സഞ്ചരിച്ച കാറാണ് അപകടത്തില്പ്പെട്ടത്. കാറില് 5 പേരാണ് ഉണ്ടായിരുന്നത്. രണ്ടു പേര്ക്ക് ഗുരുതര പരിക്കേറ്റു.
കാര് വെട്ടിപ്പൊളിച്ചാണ് ഉള്ളില് കുടുങ്ങിയവരെ പുറത്തെത്തിച്ചത്. പരിക്കേറ്റ രണ്ടുപേര് നഗരത്തിലെ സ്വകാര്യ ആശുപത്രിയിലും മെഡിക്കല് കോളജ് ആശുപത്രിയിലും ചികിത്സയിലാണ്. തിരുവനന്തപുരം കരമനയില് പുലര്ച്ച ഒന്നരയ്ക്കുണ്ടായ അപകടത്തില് മൂന്ന് യുവാക്കള് മരിച്ചു. ഹോട്ടല് തൊഴിലാളികളായ നെയ്യാറ്റിന്കര സ്വദേശികളായ സജിന്, പ്രണവ്, ഇതരസംസ്ഥാന തൊഴിലാളിയായ ഋതിക് എന്നിവരാണ് മരിച്ചത്. മൂന്നുപേരും ഹെല്മെറ്റ് ധരിച്ചിരുന്നില്ല. തലയ്ക്ക് സാരമായി പരിക്കേറ്റ് രക്തം വാര്ന്നാണ് മരിച്ചത്. ബൈക്കുകള് തമ്മില് കൂട്ടിയിടിച്ചാണ് അപകടം ഉണ്ടായത്.
Recent Comments