by Midhun HP News | Sep 8, 2026 | Latest News, ജില്ലാ വാർത്ത
തിരുവനന്തപുരം: സിഎംആര്എല് എക്സാലോജിക് ഇടപാടില് അഴിമതി നിരോധന നിയമപ്രകാരം പ്രതിപക്ഷ നേതാവ് പിണറായി വിജയന്, മുന്മന്ത്രി മുഹമ്മദ് റിയാസ്, ഭാര്യ ടി വീണ എന്നിവര്ക്കെതിരെ കേസ് എടുക്കണമെന്ന് എന്ഫോഴ്സ്മെന്റ് ഡയറക്ടറേറ്റ്. ഇക്കാര്യം ചൂണ്ടിക്കാണ്ടി സംസ്ഥാന പൊലീസ് മേധാവിക്ക് ഇഡി കത്ത് നല്കി. അഴിമതി തടയല് നിയമം 66(2) വകുപ്പ് പ്രകാരം കേസില് സമാഹരിച്ച തെളിവുകള് ഉള്പ്പെടുത്തി വിശദമായ റിപ്പോര്ട്ടും ഡിജിപിക്ക് നല്കിയിട്ടുണ്ട്. ഇതിന്റെ അടിസ്ഥാനത്തില് എഫ്ഐആര് രജിസ്റ്റര് ചെയ്യണമെന്നാണ് ആവശ്യം.
കേസുമായി ബന്ധപ്പെട്ട് പ്രതിപക്ഷ നേതാവ് പിണറായി വിജയന്റെ വീട്ടിലും മുഹമ്മദ് റിയാസിന്റെ സുഹൃത്തുക്കളുടെ വീട്ടിലും ഓഫിസിലും ഉള്പ്പെടെ സംസ്ഥാനത്തിന്റെ പല ഭാഗങ്ങളില് എന്ഫോഴ്സ്മെന്റ് ഡയറക്ടറേറ്റ് പരിശോധന നടത്തിയിരുന്നു. പരിശോധനയില് നിര്ണായകമായ പല രേഖകള് കണ്ടെത്തിയതായി ഇഡി സ്ഥിരികരിച്ചിരുന്നു. ഇതിന് പിന്നാലെയാണ് പിണറായി വിജയനെയും മുഹമ്മദ് റിയാസിനെയും കേസില് ഉള്പ്പെടുത്തണമെന്ന് ആവശ്യപ്പെട്ട് ഇഡി പൊലീസ് മേധാവിക്കു കത്തയച്ചിരിക്കുന്നത്.
by Midhun HP News | Sep 8, 2026 | Latest News, ജില്ലാ വാർത്ത
കല്ലമ്പലം: ആലിൻമൂട് പൗർണ്ണമിയിൽ വി. കമലാസനൻ (85- റിട്ട. അസിസ്റ്റന്റ് ഡയറക്ടർ, സർവ്വേ ആൻഡ് എൽ. ആർ ഡിപ്പാർട്ട്മെന്റ്, എസ്.എൻ.ഡി.പി ഡയറക്ടർ ബോർഡ് മെമ്പർ, മാവിൻമൂട് ശാഖാ പ്രസിഡന്റ്, ആർ.എസ്.പി മുൻ മണ്ഡലം പ്രസിഡന്റ്, പുളിവേലിക്കോണം ഭഗവതി ക്ഷേത്രം ട്രസ്റ്റ് പ്രസിഡന്റ്, ) അന്തരിച്ചു.
ഭാര്യ:ദേവമണി.
മക്കൾ: ദിലീപ്, ദീപ്തി, ദീപക്.
മരുമക്കൾ: അശ്വതി. എസ്. ദർശൻ, ചന്ദ്രപ്രസാദ്.സി, അഞ്ചു. എൻ.
സഞ്ചയനം 12 ന് രാവിലെ 8 ന്.
by Midhun HP News | Sep 8, 2026 | Latest News, ജില്ലാ വാർത്ത
തിരുവനന്തപുരം: ചിറയിൻകീഴിലെ കയ്യാങ്കളിയെത്തുടർന്ന് പാർട്ടിയിൽനിന്ന് സസ്പെൻഡ് ചെയ്യപ്പെട്ട പാളയം പ്രദീപിനെ പേഴ്സണൽ സ്റ്റാഫിൽ ഉൾപ്പെടുത്താൻ രമ്യ ഹരിദാസ് എംഎൽഎ നീക്കം നടത്തിയതിൽ പരസ്യമായി അതൃപ്തി പ്രകടിപ്പിച്ച് കെപിസിസി പ്രസിഡന്റ് സണ്ണി ജോസഫ്. സസ്പെൻഷനിലുള്ള ഒരാളെ അഡീഷണൽ പിഎ ആയി നിയമിക്കാൻ കത്ത് നൽകിയത് ഒരു തരത്തിലും അഭികാമ്യമല്ലെന്ന് അദ്ദേഹം തുറന്നടിച്ചു. മുൻകാല പ്രാബല്യത്തോടെ ഇപ്പോൾ ഇത്തരമൊരു കത്ത് നൽകിയിട്ടുണ്ടെങ്കിൽ അത് തെറ്റാണ് എന്നതാണ് കെപിസിസിയുടെ നിലപാടെന്നും അദ്ദേഹം മാധ്യമങ്ങളോട് വ്യക്തമാക്കി.
പാളയം പ്രദീപിനെ 2026 മെയ് 21 മുതൽ മുൻകാല പ്രാബല്യത്തോടെ നിയമിക്കണമെന്ന് ആവശ്യപ്പെട്ടാണ് രമ്യ ഹരിദാസ് നിയമസഭാ സെക്രട്ടറിക്ക് കത്ത് നൽകിയത്. എന്നാൽ, രമ്യ ഹരിദാസ് കത്ത് നൽകിയ തീയതി കെപിസിസി പരിശോധിക്കുമെന്ന് സണ്ണി ജോസഫ് പറഞ്ഞു. ചിറയിൻകീഴിൽ സംഘർഷം ഉണ്ടായതിന് ശേഷമാണ് പ്രദീപിന് വേണ്ടി രമ്യ ഇത്തരമൊരു കത്ത് നൽകിയതെങ്കിൽ അത് പാർട്ടിക്ക് ഒരുതരത്തിലും അംഗീകരിക്കാനാവില്ല. സംഭവം നടന്ന് പാർട്ടി അച്ചടക്ക നടപടി പ്രഖ്യാപിച്ച ശേഷം പ്രദീപിനെ രക്ഷിച്ചെടുക്കാനാണ് ഈ നീക്കമെങ്കിൽ ഗുരുതരമായ പാർട്ടി അച്ചടക്ക ലംഘനമായാണ് നേതൃത്വം ഇതിനെ കണക്കാക്കുക.
ചിറയിൻകീഴിലെ പരസ്യമായ ചേരിപ്പോരും കയ്യാങ്കളിയും കോൺഗ്രസ് പ്രസ്ഥാനത്തിന് പൊതുസമൂഹത്തിൽ വലിയ അപമാനവും നാണക്കേടുമാണ് ഉണ്ടാക്കിയതെന്ന് കെപിസിസി അധ്യക്ഷൻ ഓർമ്മിപ്പിച്ചു. ഗൗരവതരമായ സംഘടനാ വിരുദ്ധ പ്രവർത്തനങ്ങൾ ചൂണ്ടിക്കാട്ടിയാണ് പാളയം പ്രദീപിനെയും എസ്. സജാദിനെയും പാർട്ടിയുടെ പ്രാഥമിക അംഗത്വത്തിൽനിന്ന് ഞായറാഴ്ച സസ്പെൻഡ് ചെയ്തത്.
സംഭവത്തെക്കുറിച്ച് അന്വേഷിക്കുന്ന കെപിസിസി സമിതി അധ്യക്ഷൻ എംഎം ഹസൻ ഉൾപ്പെടെയുള്ള മുതിർന്ന നേതാക്കളുമായി വിഷയം ഉടൻ നേരിട്ട് ചർച്ച ചെയ്യും. സമിതിയുടെ അന്തിമ റിപ്പോർട്ട് കൂടി പരിഗണിച്ച ശേഷമായിരിക്കും പാർട്ടി തുടർ നടപടികളിലേക്ക് കടക്കുക. എംഎൽഎമാർ പാർട്ടിയുടെ ചട്ടക്കൂടിന് അതീതരല്ലെന്ന ശക്തമായ സന്ദേശമാണ് കെപിസിസി പ്രസിഡന്റിന്റെ പ്രതികരണത്തിലൂടെ നേതൃത്വം നൽകുന്നത്.
by Midhun HP News | Sep 7, 2026 | Latest News, ജില്ലാ വാർത്ത
നാഷണൽ ഹൈവേ KTCT ഹോസ്പിറ്റലിനു സമീപം സ്കൂൾ ബസും ഓട്ടോയും കൂട്ടിയിടിച്ചുണ്ടായ അപകടം. അപകടത്തിൽ ഓട്ടോ driver വാഹനത്തിൽ കുടുങ്ങിയ അവസ്ഥയിൽ ആയിരുന്നു. ആറ്റിങ്ങൽ ഫയർ സ്റ്റേഷൻ ഓഫീസർ ശ്രീ അഖിൽ S B യുടെ നേതൃത്വത്തിൽ സേന സംഭവ സ്ഥലത്തെത്തി ഹൈഡ്രോളിക് കട്ടർ hydrolic ജാക്കി എന്നിവ ഉപയോഗിച്ച് ഡ്രൈവർ നെ പുറത്തെടുത്തു 108 ആംബുലൻസ് ൽ ഹോസ്പിറ്റലിൽ എത്തിച്ചു
by Midhun HP News | Sep 7, 2026 | Latest News, ജില്ലാ വാർത്ത
വർക്കല ശ്രീനാരായണ കോളേജിലെ പൂർവ്വ വിദ്യാർത്ഥികളുടെ കൂട്ടായ്മയായ ‘എക്സോട്ടിക് ബേർഡ്സ്’ ഓണാഘോഷത്തിന്റെ ആലോചനയോഗം 31. 8. 2026 വർക്കല വല്ലഭൻ റിസോർട്ടിൽ നടത്തി. രക്ഷാധികാരികളും കൺവീനറും നേതൃത്വം കൊടുത്ത മീറ്റിംഗിൽ 26. 9 .26 ശനിയാഴ്ച ഓണാഘോഷം നടത്തുവാൻ തീരുമാനിച്ചു. വർക്കല വല്ലഭൻ ആഡിറ്റോറിയത്തിൽ വച്ച് ഓണക്കളികളും ഓണസദ്യയും വിവിധ കലാപരിപാടികളുമാണ് തീരുമാനിച്ചിരിക്കുന്നത്. കൂട്ടായ്മയിലെ അംഗങ്ങളും കുടുംബാംഗങ്ങളുമാണ് ഇതിൽ പങ്കെടുക്കുന്നത്.
രണ്ടുതരത്തിലുള്ള മെമ്പർഷിപ്പ് ആണ് ഉള്ളത്. ഒന്ന് വാർഷിക മെമ്പർഷിപ്പ്, രണ്ട് ആയുഷ്കാല മെമ്പർഷിപ്പ്.
അംഗങ്ങൾ ആകുവാൻ താല്പര്യമുള്ളവർ ഇതിന്റെ സാരഥികളിൽ നിന്നും മെമ്പർഷിപ്പ് ഫോം വാങ്ങി പൂരിപ്പിച്ചു നൽകണം.
കൂടുതൽ വിവരങ്ങൾക്ക് 75 59 95 98 0 6 എന്ന നമ്പറിൽ ബന്ധപ്പെടുക.
by Midhun HP News | Sep 7, 2026 | Latest News, ജില്ലാ വാർത്ത
ആറ്റിങ്ങൽ രാമച്ചംവിള ബൈപ്പാസിന് സമീപം റൈസ് ഫ്ലവർ & ഓയിൽ മിൽ ഓണേഴ്സ് അസോസിയേഷന്റെ വാർഷിക പൊതുയോഗം ശിവശ്രീ ഓഫീസിൽ വെച്ച് നടന്നു. ജില്ലാ ജനറൽ സെക്രട്ടറി ആറ്റിങ്ങൽ വി ശിവൻപിള്ള അധ്യക്ഷത വഹിച്ച യോഗത്തിൽ സംസ്ഥാന ജനറൽ സെക്രട്ടറി എൻ സോമരാജൻ പൊതുയോഗം ഉദ്ഘാടനം ചെയ്തു.
തുടർന്ന് ജില്ലാ പ്രസിഡന്റ് തോട്ടത്തിൽ സാലിഹ്, ജില്ലാ ട്രഷറർ സുരേഷ് ബാബു, ജില്ലാ വൈസ് പ്രസിഡന്റ് കഴക്കൂട്ടം ശിവദാസൻ തുടങ്ങിയവർ സംസാരിച്ചു. 2026 27 ലേക്കുള്ള ഭാരവാഹികൾ.. ജില്ലാ പ്രസിഡന്റായി ആറ്റിങ്ങൽ വി ശിവൻപിള്ളയെയും ജില്ലാ ജനറൽ സെക്രട്ടറിയായി ആനത്തലവട്ടം മോഹൻദാസിനെയും ജില്ലാ ട്രഷററായി ഗോപാലകൃഷ്ണൻ നായരെയും തിരഞ്ഞെടുത്തു.
Recent Comments