അഞ്ചുതെങ്ങ് ഗ്രാമ പഞ്ചായത്തിൽ ലക്ഷങ്ങൾ ചിലവഴിച്ചു സ്ഥാപിച്ച വാട്ടർ എ.ടി.എം പൂട്ടി

by Midhun HP News | Jun 6, 2026 | Latest News, ജില്ലാ വാർത്ത

അഞ്ചുതെങ്ങ് ഗ്രാമ പഞ്ചായത്തിൽ ലക്ഷങ്ങൾ ചിലവഴിച്ച് സ്ഥാപിച്ച വാട്ടർ എ.ടി.എം പൂട്ടി. വാട്ടർ അതോറിറ്റിയുടെ അറിവില്ലാത്ത കുടിവെള്ളം കടത്തിയതിനാണ് നടപടി. കുടിവെള്ള ക്ഷാമം അതിരൂക്ഷമായ ഗ്രാമ പഞ്ചായത്തിൽ അഞ്ച് ലക്ഷം രൂപ ചിലവിൽ സ്ഥാപിച്ച വാട്ടർ എ.ടി.എം നാണ് പൂട്ട് വീണത്.

കഴിഞ്ഞ ഭരണസമിതിയുടെ പ്രോജക്റ്റ് ആയിരുന്നു ഇത്.
ഗ്രാമപഞ്ചായത്ത് ഓഫീസ് ആവിശ്യത്തിനായ് നൽകിയ കുടിവെള്ള കണക്ഷൻ ദുരുപയോഗം ചെയ്തത് കണ്ടെത്തിയതോടെ വാട്ടർ എടിഎം ലേക്കുള്ള കണക്ഷൻ വിച്ഛേദിക്കുകയായിരുന്നു. കഴിഞ്ഞ ഭരണനസമിതിയുടെ കാലത്ത് 2025 – 2026 പദ്ധതിയിൽ ഉൾപ്പെടുത്തി 5 ലക്ഷത്തോളം രൂപ ചിലവഴിച്ചാണ് പദ്ധതി നിർമ്മാണം പൂർത്തിയാക്കിയത്. ആർ.ജെ എന്റർ പ്രൈസസ് പള്ളിപ്പുറമെന്ന സ്ഥാപനമാണ് പദ്ധതിയുടെ നിർമ്മാണ ചുമതല വഹിച്ചത്.

പദ്ധതിയ്ക്കായുള്ള കുടിവെള്ള ഇലക്ട്രിക് ലൈൻ എന്നിവ എടുത്തിരിക്കുന്നത് നിലവിലെ പഞ്ചായത്ത് ഓഫീസിൽ നിന്ന് തന്നെയായിരുന്നു. വാട്ടർ അതോറിറ്റി ചട്ടം സെക്ഷൻ 4(1) പ്രകാരം അതോറിറ്റിയുടെ നൽകുന്ന കുടിവെള്ളം വിൽപ്പനനടത്തുവാൻ വക്തികൾക്കോ സ്ഥാപനങ്ങൾക്കോ അധികാരമില്ല. മാത്രവുമല്ല ഇത് നിയമലംഘനത്തിന്റെ കഠിന്യം അനുസരിച്ച് പിഴയോ ശിക്ഷയോ ലഭിക്കുന്ന കുറ്റമാണ്. ഇത് പ്രകാരമാണ് വാട്ടർ അതോറിറ്റി നടപടി സ്വീകരിച്ചിരിക്കുന്നത്.

കഴിഞ്ഞ മാർച്ച്‌ 6 ന് അഞ്ചുതെങ്ങ് ഗ്രാമ പഞ്ചായത്ത് പ്രസിഡന്റ് ഷിൻസി ഐവിനാണ് എടിഎം ന്റെ പ്രവർത്തനോദ്ഘാടനം ചെയ്തത്. മിഷീന്റെ പുറത്ത് നിലവിലെ എല്ലാ ഗ്രാമ പഞ്ചായത്ത് അംഗങ്ങളുടെയും പേരുവിവരങ്ങൾ രേഖപ്പെടുത്തുകയും ചെയ്തിരുന്നു. പുതിയ ഭരണ സമിതി അധികാരത്തിലെത്തിയതിനു ശേഷമുള്ള ആദ്യ പദ്ധതി ഉദ്ഘാടന ചടങ്ങ് ആയിരുന്നു ഇത്.

പരിസ്ഥിതിദിനാഘോഷം ഗംഭീരമാക്കി കുടവൂർക്കോണം ഗവ. ഹൈസ്കൂൾ

by Midhun HP News | Jun 6, 2026 | Latest News, ജില്ലാ വാർത്ത

ആറ്റിങ്ങൽ: ലോക പരിസ്ഥിതി ദിനാചരണത്തിൻ്റെ ഭാഗമായി കുടവൂർക്കോണം ഗവഃ ഹൈസ്കൂളിൽ വ്യത്യസ്തങ്ങളായ പരിപാടികൾക്ക് തുടക്കം കുറിച്ചു. വിദ്യാലയ ഹരിത വൽക്കരണം, ദൃശ്യാവിഷ്കാരം, ചങ്ങാതിക്കൊരു തൈ, പ്രസംഗം, പരിസ്ഥിതി ദിന പ്രതിജ്ഞ, പോസ്റ്റർ നിർമ്മാണം പരിസ്ഥിതി ദിന പ്രഭാഷണം എന്നിവ ദിനാചരണത്തിൻ്റെ ഭാഗമായി നടന്നു.

കഥാകൃത്തും നാടകകൃത്തുമായ ഹരീഷ് വെള്ളല്ലൂർ മുഖ്യതിഥിയായെത്തി പരിപാടി ഉദ്ഘാടനം ചെയ്തു. അധ്യാപികയായ ഡോ. അജിതകുമാരി പദ്ധതി വിശദീകരണം നടത്തി. സ്കൂൾ ഹെഡ്മാസ്റ്റർ സജികുമാർ. എസ് സ്വാഗതവും സ്റ്റാഫ് സെക്രട്ടറി ശ്രീകുമാർ.ജി നന്ദിയും പറഞ്ഞു.

വേൾഡ് കപ്പിനു മുന്നോടിയായി എം വി ആർ എ യൂത്തിന്റെ നേതൃത്വത്തിൽ ഫ്ലെക്സുകൾ സ്ഥാപിച്ചു

by Midhun HP News | Jun 6, 2026 | Latest News, ജില്ലാ വാർത്ത

വേൾഡ് കപ്പിനു മുന്നോടിയായി ആറ്റിങ്ങലിലും ആരവം. എം വി ആർ എ യൂത്ത് യുവാക്കളായ സഫൽ, നന്ദു, ജിത്തു, രതീഷ് എന്നിവരുടെ നേതൃത്വത്തിൽ
ആറ്റിങ്ങൽ മൂന്നു മുക്കിൽ ഫ്ലെക്സുകൾ സ്ഥാപിച്ചു.

ഡോ: കെ ബീന രാജ്കുമാർ (52) നിര്യാതയായി

by Midhun HP News | Jun 6, 2026 | Latest News, ജില്ലാ വാർത്ത

ആറ്റിങ്ങൽ: മാമം ലക്ഷ്മിയിൽ (എസ്.കെ.ആർ.എ:16) വാമനപുരം എ.പി.എച്ച്.സി മെഡിക്കൽ ഓഫീസർ ഡോ: കെ ബീന രാജ്കുമാർ (52) നിര്യാതയായി.
ഭർത്താവ്: ആർ രാജ് കുമാർ (ലക്ഷ്മി ഓട്ടോ സ്കാൻസ്, ആറ്റിങ്ങൽ).
മകൻ: ആർ ദേവ നാരായണൻ

എൻ എസ് എസ് പ്രവർത്തനോദ്ഘാടനവും പരിസ്ഥിതി ദിനാഘോഷവും സംഘടിപ്പിച്ച് കിളിമാനൂർ ജി എച്ച് എസ് എസ്

by Midhun HP News | Jun 6, 2026 | Latest News, ജില്ലാ വാർത്ത

കിളിമാനൂർ ജി എച്ച് എസ് എസ് പ്ലസ് ടുവിന് ഫുൾ A+ നേടിയവർക്ക് അനുമോദനവും എൻ എസ് എസ് പ്രവർത്തനോദ്ഘാടനവും ലോക പരിസ്ഥിതി ദിനാഘോഷവും സംഘടിപ്പിച്ചു. പരിപാടിയുടെ ഉദ്ഘാടനം ഒ.എസ് അംബിക എം എൽ എ നിർവ്വഹിച്ചു.

ഈ അക്കാദമിക വർഷത്തെ നാഷണൽ സർവ്വീസ് സ്കീം പ്രവർത്തനങ്ങളുടെ ഉദ്ഘാടനം കിളിമാനൂർ ഗ്രാമപഞ്ചായത്ത് പ്രസിഡൻ്റ് എസ് ഷാജുമോൾ നിർവ്വഹിച്ചു. ജില്ലാ പഞ്ചായത്ത് അംഗം ദീപാ അനിൽ പരിസ്ഥിതി ദിന സന്ദേശം നൽകി.

പി ടി എ പ്രസിഡൻ്റ് ബിനു ജി അദ്ധ്യക്ഷത വഹിച്ചു. സ്കൂൾ പ്രിൻസിപ്പാൾ എ നൗഫൽ സ്വാഗതം പറഞ്ഞു. വാർഡ് മെമ്പർ കെ ഗിരിജ, എസ് എം സി ചെയർമാൻ എസ് കെ സുനി, സ്കൂൾ വൈസ് പ്രിൻസിപ്പാൾ ജയകല ബി, മുൻ പി ടി എ പ്രസിഡൻ്റ് വിനോദ് വി, ഡെപ്യൂട്ടി എച്ച് എം ശോഭ ജെ, എൻ സി സി അദ്ധ്യാപകൻ വിജയകുമാർ, ഹയർ സെക്കൻ്ററി അദ്ധ്യാപകരായ പാർവ്വതി രഞ്ജു, സജി കെ, എൻ എസ് എസ് പ്രോഗ്രാം ഓഫീസർ ആർ ട്രീഷ്യ എന്നിവർ ആശംസകൾ അറിയിച്ചു.

എൻ സി സിയുടെ പരിസ്ഥിതി ദിന സന്ദേശ റാലി ഉദ്ഘാടനം ജില്ലാ പഞ്ചായത്തംഗം നിർവ്വഹിച്ചു. ഗ്രാമ പഞ്ചായത്ത് പ്രസിഡൻ്റ് എൻ സി സി കേഡറ്റിന് വൃക്ഷതൈ കൈമാറി.എച്ച് എസ് എസ് സ്റ്റാഫ് സെക്രട്ടറി എസ് ഉണ്ണികൃഷ്ൻ കൃതജ്ഞത രേഖപ്പെടുത്തി.