‘കേരളത്തിനൊരു തണൽ’; 150 വൃക്ഷത്തെകൾ നട്ടു പിടിപ്പിച്ചു

by liji HP News | Jun 17, 2024 | Latest News, ജില്ലാ വാർത്ത

സംസ്ഥാന വ്യാപകമായി പരിസ്ഥിതി ദിനവുമായി ബന്ധപ്പെട്ട് തദ്ദേശസ്വയംഭരണ വകുപ്പിലെ എഞ്ചിനിയറിംഗ് വിഭാഗം ജീവനക്കാരുടെ സംഘടനയായ ‘ഫീല’ സംസ്ഥാന കമ്മിറ്റി ആഹ്വാനം ചെയ്ത ‘കേരളത്തിനൊരു തണൽ’ എന്ന പദ്ധതി പ്രകാരം കേരളത്തിലങ്ങോളമിങ്ങോളം 5000 LSGD എഞ്ചിനിയറിംഗ് സ്റ്റാഫുകളെ പ്രതിനിധീകരിച്ച് 5000 വൃക്ഷതൈകൾ വച്ച് പിടിക്കുന്നതിൻ്റെ സംസ്ഥാനതല ഉദ്ഘാടനത്തിനായി പോത്തൻകോട് ഗ്രാമ പഞ്ചായത്തും ഫീലയും കൈകോർത്തു.

150 വൃക്ഷത്തെ നടീൽ തിരുവനന്തപുരം ജില്ല അതിഗംഭീരമായ പരിപാടി പോത്തൻകോട് ബസ് സ്റ്റാൻഡിൽ നിന്നും 300 മീറ്റർ അകലെ Trends shop- ന് എതിർവശം ആയി സ്ഥിതി ചെയ്യുന്ന റോഡിൽ പോത്തൻകോട് പഞ്ചായത്ത് പ്രസിഡൻ്റ് ടി ആർ അനിൽ കുമാർ ഉദ്ഘാടനം ചെയ്യ്തു. വൈസ്.പ്രസിഡൻ്റ് അനിത ടീച്ചർ, വികസനകാര്യകമ്മിറ്റി ചെയർമാൻ അഭിൻ ദാസ്, ഫീല സംസ്ഥാന പ്രസിഡൻ്റ് ശുഭാ സുനിൽ, ജില്ലാ പ്രസിഡൻ്റ് നിസാം, ജില്ലാ സെക്രട്ടറി മഹേഷ്, സംസ്ഥാന ഭാരവാഹികളായ ഷഫീക്ക്, ബിജു.കെ ആർ, സതീഷ്, രമ്യ രമേഷ്, ഷീന, രേഷ്മ തുടങ്ങിയർ പങ്കെടുത്തു.

കായിക്കരയിലും മൂലൈത്തോട്ടത്തും വീടുകൾ കുത്തി തുറന്ന് മോഷണം

by liji HP News | Jun 15, 2024 | Latest News, ജില്ലാ വാർത്ത

അഞ്ചുതെങ്ങ് കായിക്കരയിലും മൂലൈത്തോട്ടത്തും വീടുകൾ കുത്തിത്തുറന്ന് മോഷണം. കോവിൽത്തോട്ടം പുത്തൻവീട്ടിൽ മണികണ്ഠന്റെയും മൂലൈതോട്ടം പത്മശ്രീയിൽ പ്രതാപന്റെയും വീടുകളിലാണ് മോഷണം നടന്നത്.

ഇവരുടെ വീടുകളിൽ ആൾ താമസം ഇല്ലാതിരുന്നത് മുതലെടുത്ത് മോഷ്ടാക്കൾ വീട്ടിൻ്റെ ജന്നൽ കുത്തിത്തുറന്ന് വിലപിടിപ്പുള്ള സാധന സാമഗ്രികൾ അപഹരിക്കുകയായിരുന്നു.
പ്രതികളെ എത്രയും വേഗം അറസ്‌റ്റ് ചെയ്യണമെന്ന് കായിക്കര കോൺഗ്രസ് കൂട്ടായ്മ ഉയർന്ന പോലീസ് ഉദ്യോഗസ്ഥർക്ക് മാസ്സ് പെറ്റീഷൻ നൽകി. പ്രതികൾക്കായി അഞ്ചുതെങ്ങ് പോലീസ് അന്വേഷണം ആരംഭിച്ചു.

യോഗ പരിശീലനം ആരംഭിക്കുന്നു

by liji HP News | Jun 14, 2024 | Latest News, ജില്ലാ വാർത്ത

ചിറയിൻകീഴ് താലൂക്ക് ടൂറിസം സഹകരണ സംഘത്തിന്റെ ആഭിമുഖ്യത്തിൽ ജൂൺ 17 തിങ്കളാഴ്ച വൈകുന്നേരം മുതൽ യോഗ പരിശീലനം ആരംഭിക്കുന്നു. വിദഗ്ധരായ അധ്യാപകർ ക്ലാസുകൾ നയിക്കുന്നു. താഴെ കാണുന്ന നമ്പറിൽ രജിസ്റ്റർ ചെയ്യുക: 9072133300

പി.കെ കുഞ്ഞച്ചൻ അനുസ്മരണവും പഠന ക്ലാസും സംഘടിപ്പിച്ചു

by liji HP News | Jun 14, 2024 | Latest News, ജില്ലാ വാർത്ത

കേരളാ കർഷക തൊഴിലാളി യൂണിയൻ ആറ്റിങ്ങൽ ഏരിയാ കമ്മിറ്റിയുടെ ആഭിമുഖ്യത്തിൽ പി.കെ കുഞ്ഞച്ചൻ അനുസ്മരണവും പഠന ക്ലാസും നടത്തി. അനുസ്മരണപ്രഭാഷണവും പഠന ക്ലാസും കെ.എസ്.കെ.റ്റി.യു ജില്ലാ പ്രസിഡന്റ് എ ഗണേശൻ ഉദ്ഘാടനം ചെയ്തു. ഏര്യാ പ്രസിഡൻ്റ് സി.എസ് അജയകുമാർ അധ്യക്ഷത വഹിച്ചു. ഏരിയാ സെക്രട്ടറി എസ് സതീഷ് കുമാർ സ്വാഗതവും ഏരിയാ കമ്മിറ്റി അംഗം കെ അരവിന്ദാക്ഷൻ നന്ദിയും പറഞ്ഞു.

തിരുവനന്തപുരം ജില്ലയിലെ അറിയിപ്പുകൾ

by liji HP News | Jun 14, 2024 | Latest News, ജില്ലാ വാർത്ത

അധ്യാപക ഒഴിവ്

ബാലരാമപുരം പൂങ്കോട് ഗവ.എസ്‌വി എൽപി സ്കൂളിൽ ദിവസവേതന അടിസ്ഥാനത്തിൽ അധ്യാപക ഒഴിവ്. അഭിമുഖം 18 ന് രാവിലെ 10 ന്.

കുമാരപുരം ഗവ യുപിഎസിൽ എൽപിഎസ്ടി, പാർട്ട് ടൈം ഹിന്ദി എന്നീ താൽക്കാലിക
തസ്തികകളിലെ ഒഴിവുകളിലേക്കുള്ള ഇന്റർവ്യു 18ന് ഉച്ചയ്ക്ക് 2 ന് നടത്തും.

ആറ്റിങ്ങൽ ബോയ്സ് എച്ച് എസ്എസിൽ യുപിഎസ്ടി, എച്ച്എസ്ടി (മലയാളം) തസ്തികകളിൽ താൽക്കാലിക അധ്യാപകരെ നിയമിക്കുന്നതിനുള്ള അഭിമുഖം 15 ന് 10 ന് നടക്കും.

പോത്തൻകോട് അയിരൂപ്പാറ ഗവ.ഹയർ സെക്കൻഡറി സ്കൂളിൽ ഇംഗ്ലിഷ് ജൂനിയർ താൽക്കാലിക അധ്യാപക ഒഴിവിലേക്ക് 18ന് രാവിലെ 10ന് അഭിമുഖം നടക്കും.

തിരുവനന്തപുരം ഓൾ സെയിന്റ്സ് കോളജിൽ കെമിസ്ട്രി, ബോട്ടണി, സുവോളജി, ഇംഗ്ലിഷ് എന്നീ വിഷയങ്ങളിലേക്ക് ഗസ്റ്റ് അധ്യാപകരുടെ ഒഴിവിലേക്ക് ഓൺലൈനായി(www.allsaintscollege.ac.in) അപേക്ഷിക്കണം. അവസാന തീയതി ജൂലൈ 5. ഇന്റർവ്യൂ തീയതികൾ അടുത്ത മാസം 6ന് കോളജ് വെബ്സൈറ്റിൽ പ്രസിദ്ധീകരിക്കും.

നെയ്യാറ്റിൻകര ആറയൂർ ഗവ. എൽവി ഹയർ സെക്കൻഡറി സ്കൂളിൽ ഹൈസ്കൂൾ വിഭാഗം സോഷ്യൽ സയൻസ് അധ്യാപക ഒഴിവുണ്ട്. ചൊവ്വാഴ്ച രാവിലെ 10ന് അഭിമുഖം.
നെയ്യാറ്റിൻകര കാഞ്ഞിരംകുളം ഗവ. ഹൈസ്കൂളിൽ യുപി വിഭാഗം പി.ഡി. അധ്യാപക ഒഴിവുണ്ട്. അഭിമുഖം നാളെ 9ന്.

ഈഞ്ചപ്പുരി ഗവ.വെൽഫെയർ എൽപിഎസിൽ ദിവസവേതന അടിസ്ഥാനത്തിൽ അധ്യാപക തസ്തികയിലേക്കുള്ള ഇന്റർവ്യൂ 19 ന് രാവിലെ 10.30 ന് സകൂളിൽ നടക്കും.

കരമന ഗവ.എസ്‍എസ് എൽപിഎസിൽ എൽപിഎസ്എയിലെ(തമിഴ്) ഒഴിവിലേക്കുള്ള ഇന്റർവ്യൂ നാളെ രാവിലെ 10 ന് സ്കൂളിൽ നടത്തും.

നെടുമങ്ങാട് പഴകുറ്റി കൊല്ലങ്കാവ് ഗവ. എൽപിഎസിലെ എൽപിഎസ്എ അധ്യാപക ഒഴിവിലേക്ക് അഭിമുഖം 18 ന് 11 ന് നടക്കും.

കാട്ടാക്കട തോട്ടമ്പറ സർക്കാർ എൽ.പി.സ്കൂളിൽ അദ്ധ്യാപക ഒഴിവുണ്ട്. ഇന്റർവ്യൂ 18ന് രാവിലെ 10.30ന്.

കാട്ടാക്കട പൂവച്ചൽ സർക്കാർ വൊക്കേഷനൽ ഹയർ സെക്കൻഡറി സ്കൂളിൽ ഹൈ സ്കൂൾ വിഭാഗത്തിൽ മലയാളം അധ്യാപക ഒഴിവുണ്ട്. ഇന്റർവ്യൂ 18ന് രാവിലെ 11ന്.

വൈദ്യുതി മുടക്കം
വെഞ്ഞാറമൂട് കെഎസ്ഇബി വെഞ്ഞാറമൂട് സെക്‌ഷൻ ഓഫിസിന്റെ പരിധിയിൽ മരച്ചില്ലകൾ വെട്ടി മാറ്റുന്നതിന്റെ ഭാഗമായി നാളെ പകൽ വൈദ്യുതി വിതരണം തടസ്സപ്പെടും.

കുവൈറ്റ്‌ തീപിടിത്തം മരിച്ചവരിൽ വർക്കല സ്വദേശിയും

by liji HP News | Jun 14, 2024 | Latest News, ജില്ലാ വാർത്ത

വർക്കല: കുവൈറ്റിലെ ലേബർ ക്യാമ്പിലുണ്ടായ തീപിടുത്തത്തിൽ വർക്കല ഇടവ പാറയിൽ കാട്ടുവിള വീട്ടിൽ ശ്രീജേഷ് (32) മരിച്ചു. ഏഴ് വർഷം മുൻപാണ് ശ്രീജേഷ് ദുബായിലെ ക്യാരിഫോർ കമ്പനിയിൽ ജോലിക്ക് എത്തുന്നത്.

ജോലി ഉപേക്ഷിച്ചു നാട്ടിലെത്തി. തുടർന്ന് സൗദിയിൽ എത്തി ഒരു വർഷം ജോലി ചെയ്തു. ആറു മാസം മുൻപ് ജോലി ഉപേക്ഷിച്ചു നാട്ടിൽ വരികയും ജോബ് വിസയിൽ ഇക്കഴിഞ്ഞ ജൂൺ 6 ന് കുവൈറ്റിലേക്ക് പോവുകയുമായിരുന്നു.

പിതാവ്: തങ്കപ്പൻ നായർ .
മാതാവ്: പരേതയായ ശ്രീദേവി (സീത).
സഹോദരി: ആരതി, ഭർത്താവ്. രാജേഷ്. ഇരുവരും അബുദാബിയിലാണ്. യാത്രക്ക് മുൻപ് കുരയ്ക്കണ്ണി അത്തിവിളയിൽ ആയിരുന്നു ശ്രീജേഷ് താമസിച്ചിരുന്നത്.