by Midhun HP News | Mar 30, 2026 | Latest News, ദേശീയ വാർത്ത
ചെന്നൈ: തമിഴ്നാട് നിയമസഭാ തെരഞ്ഞെടുപ്പിനു മുന്നോടിയായി പ്രകടന പത്രിക പുറത്തിറക്കി ഡിഎംകെ. കുടുംബനാഥകളായ സ്ത്രീകൾക്കുള്ള പ്രതിമാസ സാമ്പത്തിക സഹായം ആയിരത്തിൽ നിന്നു രണ്ടായിരമാക്കും എന്നതുൾപ്പെടെ നിരവധി ജനക്ഷേമ വാഗ്ദാനങ്ങളാണ് ഡിഎംകെ പത്രികയിൽ മുന്നോട്ടു വയ്ക്കുന്നത്. ചെന്നൈയിൽ വാർത്താസമ്മേളനത്തിലാണ് മുഖ്യമന്ത്രി എംകെ സ്റ്റാലിൻ പ്രകടന പത്രിക പുറത്തിറക്കിയത്.
വിദ്യാർഥികൾക്കുള്ള പ്രഭാത ഭക്ഷണ പദ്ധതി എട്ടാം ക്ലാസ് വരെ നീട്ടുമെന്നും വാഗ്ദാനമുണ്ട്. സാധാരണയായി ഡിഎംകെ പ്രകടന പത്രിക ‘ഹീറോ’ ആണെങ്കിൽ ഇത്തവണ ‘സൂപ്പർ സ്റ്റാറാ’ണെന്നു സ്റ്റാലിൻ അവകാശപ്പെട്ടു.
ടെലിവിഷൻ ഉൾപ്പെടെയുള്ള വീട്ടുപകരണങ്ങൾ പുതിയതായി വാങ്ങാനോ മാറ്റി വാങ്ങാനോ ഉപയോഗിക്കാവുന്ന 8,000 രൂപയുടെ കൂപ്പൺ നൽകുന്ന ‘ഇല്ലത്തരസി’ പദ്ധതിയാണ് പത്രികയിലെ ശ്രദ്ധേയ വാഗ്ദാനങ്ങളിൽ മറ്റൊന്ന്. സ്വയം സഹായ സംഘാംഗങ്ങളായ സ്ത്രീകൾക്ക് സബ്സിഡിയോടെ ഈടില്ലാതെ 5 ലക്ഷം രൂപ വരെ വായ്പ അടക്കമുള്ള വാഗ്ദാനങ്ങളുമുണ്ട്.
വയോജന പെൻഷൻ 1,200ൽ നിന്നു രണ്ടായിരകമാക്കും. ഭിന്നശേഷിക്കാർക്കുള്ള പെൻഷൻ 1,500ൽ നിന്നു 2,500 ആക്കും. രണ്ട് ലക്ഷം തൊഴിലവസരങ്ങൾ സൃഷ്ടിക്കുന്നതിന്റെ ഭാഗമായി 2030ഓടെ എല്ലാ ജില്ലകളിലും നിയോ ടൈഡൽ പാർക്കുകൾ സ്ഥാപിക്കും. ഫാക്ടറികൾ ധാരാളമുള്ള ഇടങ്ങളിൽ സ്ത്രീ തൊഴിലാളികൾക്ക് സഹയാമായി ശിശു പരിപാലന കേന്ദ്രങ്ങൾ ആരംഭിക്കും.
ഉപരിപഠനം നടത്തുന്ന 35 ലക്ഷം വിദ്യാർഥികൾക്ക് ലാപ്ടോപ് നൽകും. സർക്കാർ ആശുപത്രികളിലെ ഡയാലിസിസ് കേന്ദ്രങ്ങളുടെ എണ്ണം ഇരട്ടിയാക്കുമെന്നും പ്രകടന പത്രികയിൽ വാഗ്ദാനം ചെയ്യുന്നു.
by Midhun HP News | Mar 30, 2026 | Latest News, ദേശീയ വാർത്ത
ടെഹ്റാന്: ഇറാനെതിരെ കരയുദ്ധത്തിന് മുതിര്ന്നാല് പേര്ഷ്യന് ഉള്ക്കടലിലെ സ്രാവുകള്ക്ക് യുഎസ് സൈനികര് നല്ല ഭക്ഷണമായിത്തീരുമെന്ന് ഇറാന് സൈനിക വക്താവ് ഇബ്രാഹിം സോല്ഫഘാരി. ശക്തമായി തിരിച്ചടി നല്കുമെന്ന് അദ്ദേഹം മുന്നറിയിപ്പ് നല്കി. 3500 സൈനികരുമായി യുഎസിന്റെ പടക്കപ്പല് യുഎസ്എസ് ട്രിപ്പോളിയിലെത്തി എന്ന വാര്ത്തയ്ക്ക് പിന്നാലെയാണ് ഇബ്രാഹിം സോല്ഫഘാരിയുടെ പ്രതികരണം.
പതിനായിരം സൈനികരെക്കൂടി അയയ്ക്കാന് യുഎസ് ആലോചിക്കുന്നുവെന്നും റിപ്പോര്ട്ടുണ്ട്. നയതന്ത്രത്തെപ്പറ്റി പരസ്യമായി സംസാരിക്കുന്ന യുഎസ്, രഹസ്യമായി ഇറാനെ ആക്രമിക്കാന് ഒരുങ്ങുകയാണെന്ന് ഇറാന് പാര്ലമെന്റ് സ്പീക്കര് മുഹമ്മദ് ബാഘര് ഖലിബാഫ് ആരോപിച്ചു. അതിനിടെ മാര്ച്ച് 27ന് ആക്രമിക്കപ്പെട്ട ഖോണ്ദാബ് ഖനജല പ്ലാന്റ് പൂര്ണമായി തകര്ന്നെന്ന് ഇറാന് സ്ഥിരീകരിച്ചു. പ്ലാന്റിന് ഗുരുതരമായ നാശനഷ്ടങ്ങള് സംഭവിച്ചിട്ടുണ്ടെന്നും ഇപ്പോള് പ്രവര്ത്തനരഹിതമാണെന്നും ഇറാന് അറിയിച്ചു.
പശ്ചിമേഷ്യന് സംഘര്ഷം തുടര്ന്ന് ഹോര്മുസ് കടലിടുക്കിക്കില് കുടുങ്ങിയ രണ്ട് ഇന്ത്യന് എല്പിജി ടാങ്കറുകള് ഉടന് ഇന്ത്യയില് എത്തും. കപ്പലുകള് ഇന്നലെ നാവികസേനയുടെ സംരക്ഷണത്തില് കടലിടുക്ക് കടന്നിരുന്നു. ബിഡബ്ല്യു ടിവൈആര് നാളെ മുംബൈ തീരത്ത് എത്തും. ബിഡബ്ല്യു ഇഎല്എം മറ്റന്നാള് മംഗ്ലൂര് തീരത്തുമെത്തും. പേര്ഷ്യന് ഗള്ഫ് മേഖലയിലുള്ള ബാക്കി 18 കപ്പലുകള്ക്കും ഉടന് ഹോര്മോസ് കടക്കാന് അനുവാദം ലഭിക്കുമെന്നും കേന്ദ്രസര്ക്കാര് അറിയിച്ചു. രാജ്യത്ത് ജനങ്ങള് പരിഭ്രാന്തരാകേണ്ട സാഹചര്യം ഇല്ലെന്നും ആവശ്യമായ പെട്രോള്, ഡീസല്, എല്പിജി സ്റ്റോക്ക് ലഭ്യമാണെന്നും കേന്ദ്രം വ്യക്തമാക്കി.
by Midhun HP News | Mar 30, 2026 | Latest News, ദേശീയ വാർത്ത
കുവൈത്ത് സിറ്റി: യുഎസും ഇസ്രയേലും നടത്തുന്ന ആക്രമണത്തിന് പ്രതികാരമായി ഗള്ഫ് രാജ്യങ്ങളിലേക്ക് വീണ്ടും ഇറാന്റെ ആക്രമണം. ആക്രമണത്തില് കുവൈത്തില് ഇന്ത്യക്കാരന് കൊല്ലപ്പെട്ടു. മരിച്ചയാളുടെ വിവരങ്ങള് ലഭ്യമല്ല. വൈദ്യുതി നിലയങ്ങളും കടല് വെള്ളം ശുദ്ധീകരിക്കുന്ന പ്ലാന്റുകളും കേന്ദ്രീകരിച്ചുള്ള ആക്രമണത്തിലാണ് മരണം. ആക്രമണത്തില് വൈദ്യുത നിലയങ്ങള്ക്കും ഒരു ജലശുദ്ധീകരണ പ്ലാന്റിനും കേടുപാടുകളുണ്ടായി.
യുഎഇയ്ക്ക് നേരെയുണ്ടായ ആക്രമണങ്ങളെ ഫലപ്രദമായി ചെറുത്തെന്ന് യുഎഇ പ്രതിരോധ മന്ത്രാലയം അറിയിച്ചു. പുലര്ച്ചെയുണ്ടായ ശക്തമായ ആക്രമണത്തെ തുടര്ന്ന് തുടര്ച്ചയായ സ്ഫോടക ശബ്ദങ്ങള് കേട്ടതായി നാട്ടുകാര് പറയുന്നു. ആക്രമണങ്ങളുടെ പശ്ചാത്തലത്തില് ബഹ്റൈനില് രാത്രികാല കടല് യാത്ര നിരോധിച്ചു. മത്സ്യബന്ധനത്തിനുള്പ്പെടെയാണ് നിരോധനം. വൈകീട്ട് ആറുമുതല് പുലര്ച്ചെ നാലുവരെയാണ് വിലക്ക് ഏര്പ്പെടുത്തിയിരിക്കുന്നത്.
img class=”alignnone wp-image-196920 size-large” src=”https://hpnewsatl.com/wp-content/uploads/2025/11/aswathy-1weAS-1024×124.jpg” alt=”” width=”1024″ height=”124″ />
by Midhun HP News | Mar 28, 2026 | Latest News, ദേശീയ വാർത്ത
ഡല്ഹി: ആഗോള വിപണിയില് എണ്ണവില കുതിക്കുന്നു. വീണ്ടും ബാരലിന് 110 ഡോളര് കടന്ന് കുതിക്കുകയാണ് ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡ് വില. നിലവില് ബാരലിന് 112.6 ഡോളറാണ് ബ്രെന്ഡ് ക്രൂഡിന്റെ വില. ഒരു ദിവസത്തിനിടെ ഏകദേശം അഞ്ചുശതമാനത്തോളമാണ് വില ഉയര്ന്നത്. 2022 ജൂലൈയ്ക്ക് ശേഷമുള്ള ഏറ്റവും ഉയര്ന്ന നിരക്കാണിത്.
പശ്ചിമേഷ്യയില് സംഘര്ഷം കനക്കുന്നതാണ് വില ഉയരാന് കാരണം. യുദ്ധം അവസാനിപ്പിക്കുന്നതിന് അനൗദ്യോഗിക ചർച്ചകൾ നടക്കുന്നുണ്ടെങ്കിലും ഒരു വശത്ത് സംഘർഷം തുടരുന്നത് എണ്ണ വിതരണത്തെ ബാധിക്കുമോ എന്ന ആശങ്കയാണ് വില ഉയരാൻ കാരണം. ഇറാന്റെ ആണവ കേന്ദ്രങ്ങള് ലക്ഷ്യമിട്ട് ഇസ്രയേല് വന് മിസൈല് ആക്രമണമാണ് നടത്തിയത്. ഇറാന്റെ ആണവായുധ നിര്മാണ പദ്ധതികളില് നിര്ണായക പങ്കുവഹിക്കുന്ന അറാക് ഷാഹിദ് ഖൊണ്ടാബ് ഹെവി വാട്ടര് കോംപ്ലക്സിന് നേരെ വ്യോമാക്രമണം നടത്തിയതായി ഇസ്രയേല് അറിയിച്ചു. ആണവായുധങ്ങള്ക്ക് ആവശ്യമായ പ്ലൂട്ടോണിയം ഉല്പ്പാദിപ്പിക്കുന്ന പ്രധാന കേന്ദ്രമാണ് അറാകിലെ പ്ലാന്റ് എന്നും ലോകത്തിന് ഭീഷണിയായ ഇറാന്റെ ആണവ പദ്ധതിയെ തടയുന്നതിന്റെ ഭാഗമായാണ് ഈ നടപടിയെന്നും ഇസ്രയേല് പ്രതിരോധ സേന അറിയിച്ചു.
സംഘര്ഷം ലഘൂകരിക്കുന്നതിനുള്ള ചര്ച്ചകള് പുരോഗമിക്കുകയാണെന്ന് യുഎസ് പ്രസിഡന്റ് ഡോണള്ഡ് ട്രംപ് പ്രസ്താവിച്ചതിന് പിന്നാലെയാണ് ഇസ്രയേലിന്റെ ആക്രമണം. ഊര്ജ കേന്ദ്രങ്ങളെ ആക്രമിക്കില്ലെന്ന ട്രംപിന്റെ ഉറപ്പ് ലംഘിച്ചാണ് ഇസ്രയേല് നീക്കം.
ഊര്ജ കേന്ദ്രങ്ങള് ആക്രമിക്കില്ലെന്ന ട്രംപിന്റെ പ്രഖ്യാപനം വെറും വാക്കെന്ന് തെളിഞ്ഞതായി ഇറാന് വിദേശകാര്യ മന്ത്രി അബ്ബാസ് അറാഗ്ചി പറഞ്ഞു. രണ്ട് വന്കിട ഉരുക്ക് ശാലകള്, ഒരു പവര് സ്റ്റേഷന്, സിവിലിയന് ആണവ കേന്ദ്രം, മറ്റ് അടിസ്ഥാന സൗകര്യങ്ങള് എന്നിവക്ക് നേരെയാണ് ഇസ്രായേല് ആക്രമണം നടത്തിയത്. ഇസ്രയേലിന്റെ ഈ നടപടിക്ക് ശക്തമായ തിരിച്ചടി നല്കുമെന്ന് ഇറാന് പ്രഖ്യാപിച്ചു. ഇസ്രായേല് തീ കൊണ്ട് കളിച്ചെന്ന് ഐആര്ജിസി എയറോസ്പേസ് കമാന്ഡര് സെയ്ദ് മാജിദ് മൂസവി പറഞ്ഞു.’ഞങ്ങളുടെ അടിസ്ഥാന സൗകര്യ കേന്ദ്രങ്ങള് ആക്രമിക്കുന്നു. മുമ്പ് ഇത് നിങ്ങള് പരീക്ഷിച്ചതാണ്, ഇനി വിട്ടുവീഴ്ചയില്ല. കണ്ണിന് കണ്ണ് എന്ന തത്വം ഞങ്ങള് പാലിക്കില്ല’ കാത്തിരുന്നു കാണുക എന്നും മുന്നറിയിപ്പില് പറയുന്നു.
by Midhun HP News | Mar 28, 2026 | Latest News, ദേശീയ വാർത്ത
തെഹ്റാന്: ഇറാന്റെ ആണവ കേന്ദ്രങ്ങള് ലക്ഷ്യമിട്ട് ഇസ്രയേലിന്റെ വന് മിസൈല് ആക്രമണം. ഇറാന്റെ ആണവായുധ നിര്മാണ പദ്ധതികളില് നിര്ണായക പങ്കുവഹിക്കുന്ന അറാക് ഷാഹിദ് ഖൊണ്ടാബ് ഹെവി വാട്ടര് കോംപ്ലക്സിന് നേരെ വ്യോമാക്രമണം നടത്തിയതായി ഇസ്രയേല് അറിയിച്ചു. ആണവായുധങ്ങള്ക്ക് ആവശ്യമായ പ്ലൂട്ടോണിയം ഉല്പ്പാദിപ്പിക്കുന്ന പ്രധാന കേന്ദ്രമാണ് അറാകിലെ പ്ലാന്റ് എന്നും ലോകത്തിന് ഭീഷണിയായ ഇറാന്റെ ആണവ പദ്ധതിയെ തടയുന്നതിന്റെ ഭാഗമായാണ് ഈ നടപടിയെന്നും ഇസ്രയേല് പ്രതിരോധ സേന അറിയിച്ചു.
അതേസമയം ആക്രമണത്തില് ആണവ കേന്ദ്രത്തില് നിലവില് ആണവ വികിരണ ഭീഷണിയോ ആളപായമോ ഇല്ലെന്നാണ് ഇറാനിയന് ആറ്റോമിക് എനര്ജി ഓര്ഗനൈസേഷന്റെ പ്രാഥമിക നിഗമനം. സംഘര്ഷം ലഘൂകരിക്കുന്നതിനുള്ള ചര്ച്ചകള് പുരോഗമിക്കുകയാണെന്ന് യുഎസ് പ്രസിഡന്റ് ഡോണള്ഡ് ട്രംപ് പ്രസ്താവിച്ചതിന് പിന്നാലെയാണ് ഇസ്രയേലിന്റെ ആക്രമണം. ഊര്ജ കേന്ദ്രങ്ങളെ ആക്രമിക്കില്ലെന്ന ട്രംപിന്റെ ഉറപ്പ് ലംഘിച്ചാണ് ഇസ്രയേല് നീക്കം.
ഊര്ജ കേന്ദ്രങ്ങള് ആക്രമിക്കില്ലെന്ന ട്രംപിന്റെ പ്രഖ്യാപനം വെറും വാക്കെന്ന് തെളിഞ്ഞതായി ഇറാന് വിദേശകാര്യ മന്ത്രി അബ്ബാസ് അറാഗ്ചി പറഞ്ഞു. രണ്ട് വന്കിട ഉരുക്ക് ശാലകള്, ഒരു പവര് സ്റ്റേഷന്, സിവിലിയന് ആണവ കേന്ദ്രം, മറ്റ് അടിസ്ഥാന സൗകര്യങ്ങള് എന്നിവക്ക് നേരെയാണ് ഇസ്രായേല് ആക്രമണം നടത്തിയത്. ഇസ്രയേലിന്റെ ഈ നടപടിക്ക് ശക്തമായ തിരിച്ചടി നല്കുമെന്ന് ഇറാന് പ്രഖ്യാപിച്ചു. ഇസ്രായേല് തീ കൊണ്ട് കളിച്ചെന്ന് ഐആര്ജിസി എയറോസ്പേസ് കമാന്ഡര് സെയ്ദ് മാജിദ് മൂസവി പറഞ്ഞു.’ഞങ്ങളുടെ അടിസ്ഥാന സൗകര്യ കേന്ദ്രങ്ങള് ആക്രമിക്കുന്നു. മുമ്പ് ഇത് നിങ്ങള് പരീക്ഷിച്ചതാണ്, ഇനി വിട്ടുവീഴ്ചയില്ല. കണ്ണിന് കണ്ണ് എന്ന തത്വം ഞങ്ങള് പാലിക്കില്ല’ കാത്തിരുന്നു കാണുക എന്നും മുന്നറിയിപ്പ്.
by Midhun HP News | Mar 28, 2026 | Latest News, ദേശീയ വാർത്ത
അബുദാബി: അബുദാബിയിലെ പ്രത്യേക സാമ്പത്തിക മേഖലയായ കെസാദില് ഇറാന്റെ ബാലിസ്റ്റിക് മിസൈല് തകര്ക്കുന്നതിനിടെ അവശിഷ്ടങ്ങള് വീണ അഞ്ച് ഇന്ത്യന് പൗരന്മാര്ക്ക് പരിക്കേറ്റതായി അധികൃതര്. രണ്ടിടങ്ങളില് തീപിടത്തമുണ്ടായതായും അധികൃതര് അറിയിച്ചു. ഇന്ന് പുലര്ച്ചെയായിരുന്നു ഇറാന്റെ ബാലിസ്റ്റിക് മിസൈല് ആക്രമണം. മിസൈലുകള് ആകാശത്തുവച്ചുതന്നെ പ്രതിരോധ സേന തകര്ത്തു. പരിക്കേറ്റവരില് ചിലരുടെ നില ഗുരുതരമാണെന്നാണ് റിപ്പോര്ട്ടുകള്.
അബുദാബിയിലെ ഏറ്റവും വലിയ സാമ്പത്തിക മേഖലയാണ് കെസാദ്. ഇതാദ്യമായാണ് ഇവിടേയ്ക്ക് ഇറാന് ആക്രമണം വ്യാപിപ്പിക്കുന്നത്. ടെഹ്റാനെതിരായ ആക്രമണം വ്യാപിപ്പിക്കുമെന്ന് പ്രഖ്യാപിച്ചതിന് പിന്നാലെ ഇസ്രയേല് ഇറാന്റെ ആണവ നിലയങ്ങളില് ആക്രമണം നടത്തി. ഇതിന് തിരിച്ചടി എന്ന നിലയിലാണ് ഇറാന്റെ ആക്രമണം. സൗദി അറേബ്യയിലെ സൈനിക താവളത്തിന് നേരെയും ഇറാന് ആക്രമണം നടത്തി. ഇതില് അമേരിക്കന് സൈനികര്ക്ക് പരിക്കേല്ക്കുകയും വിമാനങ്ങള്ക്ക് കേടുപാടുകള് സംഭവിക്കുകയും ചെയ്തതായാണ് വിവരം.
ഇറാന്റെ ആണവ കേന്ദ്രങ്ങള് ലക്ഷ്യമിട്ട് ഇസ്രയേല് വന് മിസൈല് ആക്രമണമാണ് നടത്തിയത്. ഇറാന്റെ ആണവായുധ നിര്മാണ പദ്ധതികളില് നിര്ണായക പങ്കുവഹിക്കുന്ന അറാക് ഷാഹിദ് ഖൊണ്ടാബ് ഹെവി വാട്ടര് കോംപ്ലക്സിന് നേരെ വ്യോമാക്രമണം നടത്തിയതായി ഇസ്രയേല് അറിയിച്ചു. ആണവായുധങ്ങള്ക്ക് ആവശ്യമായ പ്ലൂട്ടോണിയം ഉല്പ്പാദിപ്പിക്കുന്ന പ്രധാന കേന്ദ്രമാണ് അറാകിലെ പ്ലാന്റ് എന്നും ലോകത്തിന് ഭീഷണിയായ ഇറാന്റെ ആണവ പദ്ധതിയെ തടയുന്നതിന്റെ ഭാഗമായാണ് ഈ നടപടിയെന്നും ഇസ്രയേല് പ്രതിരോധ സേന അറിയിച്ചു.
അതേസമയം ആക്രമണത്തില് ആണവ കേന്ദ്രത്തില് നിലവില് ആണവ വികിരണ ഭീഷണിയോ ആളപായമോ ഇല്ലെന്നാണ് ഇറാനിയന് ആറ്റോമിക് എനര്ജി ഓര്ഗനൈസേഷന്റെ പ്രാഥമിക നിഗമനം. സംഘര്ഷം ലഘൂകരിക്കുന്നതിനുള്ള ചര്ച്ചകള് പുരോഗമിക്കുകയാണെന്ന് യുഎസ് പ്രസിഡന്റ് ഡോണള്ഡ് ട്രംപ് പ്രസ്താവിച്ചതിന് പിന്നാലെയാണ് ഇസ്രയേലിന്റെ ആക്രമണം. ഊര്ജ കേന്ദ്രങ്ങളെ ആക്രമിക്കില്ലെന്ന ട്രംപിന്റെ ഉറപ്പ് ലംഘിച്ചാണ് ഇസ്രയേല് നീക്കം.
Recent Comments