by Midhun HP News | Oct 5, 2025 | Latest News, ദേശീയ വാർത്ത
ഭോപ്പാല്: ചുമയ്ക്കുള്ള മരുന്ന് കഴിച്ച് രണ്ടു കുട്ടികള് കൂടി മരിച്ചു. ഇതോടെ മധ്യപ്രദേശിലെ ചിന്ദ്വാരയില് കഫ് സിറപ്പ് കഴിച്ച് മരിച്ച കുട്ടികളുടെ എണ്ണം 11 ആയി ഉയര്ന്നു. അഞ്ചു വയസ്സില് താഴെയുള്ള കുട്ടികളാണ് മരിച്ചത്. കോള്ഡ്രിഫ് എന്ന മരുന്ന് കഴിച്ച കുട്ടികളാണ് മരിച്ചത്.
ഈ കഫ് സിറപ്പില് വിഷാംശം നിറഞ്ഞ വ്യാവസായിക രാസവസ്തു അടങ്ങിയിട്ടുണ്ടെന്ന് ലബോറട്ടറി പരിശോധനയില് കണ്ടെത്തിയിട്ടുണ്ട്. ഇതേത്തുടര്ന്ന് സംസ്ഥാനത്ത് കോള്ഡ്രിഫ് എന്ന കഫ് സിറപ്പ് നിരോധിച്ചിട്ടുണ്ട്. മരുന്നില് 48.6% ഡൈഎത്തിലീന് ഗ്ലൈക്കോള് അടങ്ങിയിരിക്കുന്നതായി തമിഴ്നാട് ഡ്രഗ്സ് കണ്ട്രോള് വിഭാഗം മധ്യപ്രദേശ് സര്ക്കാരിനെ അറിയിച്ചു.
ഈ രാസവസ്തു ഗുരുതരമായ വൃക്ക തകരാറിനും മരണത്തിനും കാരണമാകുമെന്നാണ് അറിയിച്ചിട്ടുള്ളത്. വിവാദ കഫ് സിറപ്പ് കുട്ടികള്ക്ക് കുറിച്ചു കൊടുത്ത ഡോക്ടറെ മധ്യപ്രദേശ് പൊലീസ് അറസ്റ്റ് ചെയ്തു. ചിന്ദ്വാരയിലെ പരാസിയയില് പ്രൈവറ്റ് ക്ലിനിക്ക് നടത്തുന്ന ഡോക്ടര് പ്രവീണ് സോണിയാണ് അറസ്റ്റിലായത്.
സര്ക്കാര് ഡോക്ടറായ പ്രവീണ് സോണി തന്റെ പ്രൈവറ്റ് ക്ലിനിക്കിലെത്തിയ കുട്ടികള്ക്കാണ് ചുമ മരുന്ന് കുറിച്ചു കൊടുത്തതെന്നാണ് റിപ്പോര്ട്ട്. ചുമയ്ക്കുള്ള മരുന്നായ കോള്ഡ്രിഫിന്റെ നിര്മ്മാതാക്കളായ തമിഴ്നാട് കാഞ്ചീപുരത്തെ സ്രീസന് ഫാര്മസ്യൂട്ടിക്കല്സിനെതിരെയും മധ്യപ്രദേശ് സര്ക്കാര് കേസ് രജിസ്റ്റര് ചെയ്തിട്ടുണ്ട്.
by Midhun HP News | Oct 4, 2025 | Latest News, ദേശീയ വാർത്ത
മുംബൈ: ഓസ്ട്രേലിയക്കെതിരായ ഏകദിന, ടി20 മത്സരങ്ങള്ക്കുള്ള ഇന്ത്യന് ടീമിനെ പ്രഖ്യാപിച്ചു. ശുഭ്മാന് ഗില് നയിക്കുന്ന ഏകദിന ടീമില് രോഹിത് ശര്മയും വിരാട് കോഹ്ലിയും ഉള്പ്പെടുന്നു. ശ്രേയസ് അയ്യയര് ഉപനായകനാകും. ഓസ്ട്രേലിയ്ക്കെതിരായ ഏകദിന പരമ്പരയില് ജസ്പ്രീംത് ബുംറയ്ക്ക് വിശ്രമം അനുവദിച്ചു. യശ്വസി ജയ്സ് വാളിനെ ടീമിലേക്ക് തിരിച്ചുവിളിച്ചു. നിലവിലെ ഏകദിന ക്യാപ്റ്റന് സ്ഥാനത്തുനിന്ന് രോഹിതിനെ മാറ്റിയാണ് ഗില്ലിനെ ക്യാപ്്റ്റനാക്കിയത്. നിലവില് ടെസ്റ്റ് ടീമിന്റെ ക്യാപ്റ്റനാണ് ഗില്. സൂര്യകുമാര് യാദവ് ആണ് ടി20 ക്യാപ്റ്റന്.
ഏകദിന ടീമിലെ ക്യാപ്റ്റന് സ്ഥാനമാറ്റം രോഹിത് ശര്മയെ അറിയിച്ചതായി മുഖ്യസെലക്ടര് അഗാര്ക്കര് പറഞ്ഞു. മൂന്ന് ഫോര്മാറ്റിലും മൂന്ന് നായകര് എന്നത് പ്രായോഗികമായി അസാധ്യമാണെന്നും ഇപ്പോള് ടി20 ലോകപ്പാണ് ടീം ശ്രദ്ധിക്കുന്നതെന്നും അദ്ദേഹം പറഞ്ഞു.
ഏകദിന ടീം: ശുഭ്മാന് ഗില് (ക്യാപ്റ്റന്), രോഹിത് ശര്മ്മ, വിരാട് കോഹ് ലി, ശ്രേയസ് അയ്യര് (വൈസ് ക്യാപ്റ്റന്), അക്ഷര് പട്ടേല്, കെഎല് രാഹുല് (വിക്കറ്റ് കീപ്പര്), നിതീഷ് കുമാര് റെഡ്ഡി, വാഷിങ്ടണ് സുന്ദര്, കുല്ദീപ് യാദവ്, ഹര്ഷിത് റാണ, മുഹമ്മദ് സിറാജ്, അര്ഷ്ദീപ് സിംഗ്, പ്രസിദ്ധ് കൃഷ്ണ, ധ്രുവ് ജുറേല് (വിക്കറ്റ് കീപ്പര്), യശസ്വി ജയ്സ്വാള്.
ടി20 ടീം: സൂര്യകുമാര് യാദവ് (ക്യാപ്റ്റന്), അഭിഷേക് ശര്മ്മ, ശുഭ്മാന് ഗില് (വൈസ് ക്യാപ്റ്റന്), തിലക് വര്മ്മ, നിതീഷ് കുമാര് റെഡ്ഡി, ശിവം ദുബെ, അകഷര് പട്ടേല്, ജിതേഷ് ശര്മ്മ (വിക്കറ്റ് കീപ്പര്), വരുണ് ചക്രവര്ത്തി, ജസ്പ്രീത് ബുംറ, അര്ഷ്ദീപ് സിംഗ്, കുല്ദീപ് യാദവ്, ഹര്ഷിത് റാണ, സഞ്ജു സാംസണ് (വിക്കറ്റ് കീപ്പര്), റിങ്കു സിങ് വാഷിംഗ്ടണ് സുന്ദര്.
ഓസ്ട്രേലിയക്കെതിരായ പരമ്പരയില് മൂന്ന് ഏകദിനങ്ങളും അഞ്ച് ടി20 മത്സരങ്ങളുമാണ് ഉള്ളത്. ഈ മാസം 19 മുതല് പെര്ത്തിലാണ് ഏകദിന പരമ്പരയ്ക്കു തുടക്കമാകുന്നത്.
by Midhun HP News | Oct 4, 2025 | Latest News, ദേശീയ വാർത്ത
ഇന്ത്യൻ ആർമിയിൽ ജോലി നേടാൻ അവസരം. സിവിലിയൻ ഗ്രൂപ്പ് ‘സി’ തസ്തികകളിലേക്കാണ് നിയമനം നടത്തുന്നത്. ആകെ 194 ഒഴിവുകളാണ് ഉള്ളത്. അപേക്ഷകൾ സമർപ്പിക്കേണ്ട അവസാനതീയതി ഒക്ടോബർ 24. ഇന്ത്യൻ ആർമിയുടെ ഭാഗമാകാൻ ആഗ്രഹിക്കുന്നവർക്കുള്ള മികച്ച അവസരമാണിത്.
ലോവർ ഡിവിഷൻ ക്ലർക്ക്, ഫയർമാൻ, വെഹിക്കിൾ മെക്കാനിക്, ഫിറ്റർ, വെൽഡർ, ട്രേഡ്സ്മാൻ മേറ്റ്, വാഷർമാൻ, കുക്ക് എന്നി തസ്തികയിലാണ് ഒഴിവുകൾ ഉള്ളത്.
ഡൽഹി, ജബൽപൂർ, കാങ്കിനാര, പ്രയാഗ്രാജ്, ആഗ്ര, മീററ്റ്, പൂനെ,ബംഗളൂരു തുടങ്ങിയ സ്ഥലങ്ങളിലാകും നിയമനം ലഭിക്കുക.
വിദ്യാഭ്യാസ യോഗ്യത
വെഹിക്കിൾ മെക്കാനിക്, ഇലക്ട്രീഷ്യൻ, ടെലികോം മെക്കാനിക്, എന്ജിനിയർ എക്യുപ്മെന്റ് മെക്കാനിക്: 10+2 പാസായിരിക്കണം, ബന്ധപ്പെട്ട ട്രേഡിൽ അംഗീകൃത ഐടിഐയിൽ നിന്നുള്ള സർട്ടിഫിക്കറ്റ്.
മെഷിനിസ്റ്റ്, ഫിറ്റർ, വെൽഡർ, ടിൻ ആൻഡ് കോപ്പർ സ്മിത്ത്, അപ്ഹോൾസ്റ്റർ: ബന്ധപ്പെട്ട ട്രേഡിൽ അംഗീകൃത സ്ഥാപനത്തിൽ നിന്നുള്ള ഐടിഐ സർട്ടിഫിക്കറ്റ്.
സ്റ്റോർകീപ്പർ / ലോവർ ഡിവിഷൻ ക്ലർക്ക് (എൽഡിസി): 12-ാം ക്ലാസ് പാസായിരിക്കണം. എൽഡിസി അപേക്ഷകർക്ക് ഇംഗ്ലീഷിൽ ഒരു മിനിറ്റിൽ 35 വാക്കുകളോ ഹിന്ദിയിൽ ഒരു മിനിറ്റിൽ 30 വാക്കുകളോ ടൈപ്പ് ചെയ്യാൻ കഴിയണം.
ഫയർമാൻ: മെട്രിക്കുലേഷൻ (10-ാം ക്ലാസ്) പാസായിരിക്കണം. ശാരീരികക്ഷമതയുള്ളവരും അഗ്നിശമന ഉപകരണങ്ങളെക്കുറിച്ച് അറിവുള്ളവരുമായിരിക്കണം.
കുക്ക്: മെട്രിക്കുലേഷൻ (10-ാം ക്ലാസ്) പാസായിരിക്കണം, പാചകത്തെക്കുറിച്ചുള്ള അറിവും ഉണ്ടായിരിക്കണം.
ട്രേഡ്സ്മാൻ മേറ്റ് / വാഷർമാൻ: അംഗീകൃത ബോർഡിൽ നിന്നുള്ള മെട്രിക്കുലേഷൻ (10-ാം ക്ലാസ്) പാസായിരിക്കണം.
18 മുതൽ 25 വരെയാണ് പ്രായപരിധി. സംവരണ വിഭാഗത്തിൽ ഉൾപ്പെട്ടവർക്ക് ഉയർന്ന പ്രായ പരിധിയിൽ ഇളവുകൾ ലഭിക്കും. കമ്പ്യൂട്ടർ അധിഷ്ഠിത പരീക്ഷ,സ്കിൽ ടെസ്റ്റ് എന്നിങ്ങനെയാണ് തെരഞ്ഞെടുപ്പ് പ്രക്രിയ. കൂടുതൽ വിവരങ്ങൾക്ക് https://indianarmy.nic.in/ സന്ദർശിക്കുക.
by Midhun HP News | Oct 4, 2025 | Latest News, ദേശീയ വാർത്ത
ബംഗളൂരു: ദസറ, ദീപാവലി ഉത്സവകാലത്തോടനുബന്ധിച്ച് ബംഗളൂരു- കൊല്ലം റൂട്ടിൽ പ്രത്യേക ട്രെയിൻ സർവീസ് പ്രഖ്യാപിച്ചു. ഇന്ന്, 11, 18 തീയതികളിൽ വൈകീട്ട് 3 മണിക്ക് ബംഗളൂരു എസ്എംവിടി സ്റ്റേഷനിൽ നിന്നു പുറപ്പെടുന്ന ട്രെയിൻ (06219) അടുത്ത ദിവസം രാവിലെ 6.20നു കൊല്ലത്തെത്തും.
മടക്ക ട്രെയിൻ (06220) നാളെ, 12, 19 തീയതികളിൽ രാവിലെ 10.45നു കൊല്ലത്തു നിന്നു പുറപ്പെട്ട് അടുത്ത ദിവസം പുലർച്ചെ 3.30നു എസ്എംവിടിയിൽ എത്തും. പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചെങ്ങന്നൂർ, മാവേലിക്കര, കായംകുളം എന്നിവിടങ്ങളിൽ കേരളത്തിൽ സ്റ്റോപ്പുണ്ട്.
by Midhun HP News | Oct 3, 2025 | Latest News, ദേശീയ വാർത്ത
ഡല്ഹി: ഓപ്പറേഷന് സിന്ദൂറില് അഞ്ച് പാക് വിമാനങ്ങള് തകര്ത്തെന്ന് ആവര്ത്തിച്ച് ഇന്ത്യന് വ്യോമസേന. എയര് ചീഫ് മാര്ഷല് അമര് പ്രീത് സിങ് ആണ് ഇന്ത്യന് അവകാശവാദങ്ങള് വീണ്ടും ഉയര്ത്തുന്നത്. പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫ് ഐക്യരാഷ്ട്രസഭയില് നടത്തിയ പ്രസ്താവനയ്ക്ക് പിന്നാലെയാണ് എയര് ചീഫ് മാര്ഷല് ഓപ്പറേഷന് സിന്ദൂറിനെ കുറിച്ച് വിശദീകരിക്കുന്നത്. 93-ാമത് വ്യോമ സേനാ ദിനാചരണത്തിന് മുന്നോടിയായി നടത്തിയ വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
ഇന്ത്യയുടെ വ്യോമ പ്രതിരോധ സംവിധാനങ്ങള് ഓപ്പറേഷന് സിന്ദൂറില് വലിയ പങ്കുവഹിച്ചു. പാകിസ്ഥാന്റെ 300 കിലോ മീറ്ററിന് ഉള്ളില് പോലും അവരുടെ സംവിധാനങ്ങള് പ്രവര്ത്തിപ്പിക്കാന് കഴിയില്ലെന്ന് തെളിയിച്ചു. പാകിസ്ഥാന്റെ എഫ് 16, ജെഎഫ് 17 വിമാനങ്ങള് ഇന്ത്യ തകര്ത്തു. ജാക്കോബോബാദ് എയര്ബേസിലെ എഫ് 16 ഹാങ്കര് അടക്കം തകര്ത്തു. ഹാങ്കറില് ഉണ്ടായിരുന്നത് ഉള്പ്പടെ 10 വിമാനങ്ങള് പാകിസ്ഥാന് നഷ്ടമായിട്ടുണ്ടെന്നും എയര് ചീഫ് മാര്ഷല് പറഞ്ഞു.
വളരെ വ്യക്തമായ ലക്ഷ്യത്തോടെ ആരംഭിച്ച ആക്രമണം വലിയ സംഘര്ഷത്തിലേക്ക് എത്തിക്കാതെ അവസാനിപ്പിക്കാനും സാധിച്ചു. ലോകത്ത് രണ്ട് യുദ്ധങ്ങള് നടക്കുന്നു. അത് അവസാനിപ്പിക്കുന്നതിന് നടപടികളില്ല. ഇന്ത്യുടെ നടപടികള് പാകിസ്ഥാന് വെടിനിര്ത്തല് ആവശ്യപ്പെടുന്ന നിലയിലേക്ക് എത്തിക്കാന് സാധിച്ചു. നമ്മുടെ സ്വന്തം ലക്ഷ്യങ്ങള് നിറവേറ്റപ്പെട്ടിരുന്നു എന്നും വ്യോമ സേനാ മേധാവി അവകാശപ്പെട്ടു.
by Midhun HP News | Oct 3, 2025 | Latest News, ദേശീയ വാർത്ത
അഹമ്മദാബാദ്: കെഎല് രാഹുലിന്റെ സെഞ്ച്വറിക്കും ശുഭ്മാന് ഗില്, ധ്രുവ് ജുറേല് എന്നിവരുടെ അര്ധ സെഞ്ച്വറിക്കും പിന്നാലെ രവീന്ദ്ര ജഡേജയ്ക്കും അര്ധ ശതകം. വെസ്റ്റ് ഇൻഡീസിനെതിരായ ഒന്നാം ക്രിക്കറ്റ് ടെസ്റ്റിൽ ഇന്ത്യ മികച്ച സ്കോറിലേക്ക് നീങ്ങുകയാണ്. ചായയ്ക്കു പിരിയുമ്പോള് ഇന്ത്യ 4 വിക്കറ്റ് നഷ്ടത്തില് 326 റണ്സെന്ന നിലയില്. ഇന്ത്യക്ക് 164 റണ്സ് ലീഡ്. വിന്ഡീസിന്റെ ഒന്നാം ഇന്നിങ്സ് 162 റണ്സില് അവസാനിപ്പിച്ചാണ് ഇന്ത്യ ഒന്നാം ഇന്നിങ്സ് ബാറ്റിങ് തുടങ്ങിയത്.
81 പന്തില് 4 സിക്സും 3 ഫോറും സഹിതം ജഡേജ 50 റണ്സിലെത്തി. ടെസ്റ്റ് കരിയറില് ജഡേജയുടെ 28ാം അര്ധ സെഞ്ച്വറിയാണിത്. കരിയറിലെ രണ്ടാം അര്ധ സെഞ്ച്വറിയാണ് ജുറേല് അടിച്ചെടുത്തത്. നിലവില് 94 പന്തില് 7 ഫോറും 2 സിക്സും സഹിതം 68 റണ്സുമായി ജുറേല് ക്രീസില് തുടരുന്നു.
അഹമ്മദാബാദ്: കെഎല് രാഹുലിന്റെ സെഞ്ച്വറിക്കും ശുഭ്മാന് ഗില്, ധ്രുവ് ജുറേല് എന്നിവരുടെ അര്ധ സെഞ്ച്വറിക്കും പിന്നാലെ രവീന്ദ്ര ജഡേജയ്ക്കും അര്ധ ശതകം. വെസ്റ്റ് ഇൻഡീസിനെതിരായ ഒന്നാം ക്രിക്കറ്റ് ടെസ്റ്റിൽ ഇന്ത്യ മികച്ച സ്കോറിലേക്ക് നീങ്ങുകയാണ്. ചായയ്ക്കു പിരിയുമ്പോള് ഇന്ത്യ 4 വിക്കറ്റ് നഷ്ടത്തില് 326 റണ്സെന്ന നിലയില്. ഇന്ത്യക്ക് 164 റണ്സ് ലീഡ്. വിന്ഡീസിന്റെ ഒന്നാം ഇന്നിങ്സ് 162 റണ്സില് അവസാനിപ്പിച്ചാണ് ഇന്ത്യ ഒന്നാം ഇന്നിങ്സ് ബാറ്റിങ് തുടങ്ങിയത്.
81 പന്തില് 4 സിക്സും 3 ഫോറും സഹിതം ജഡേജ 50 റണ്സിലെത്തി. ടെസ്റ്റ് കരിയറില് ജഡേജയുടെ 28ാം അര്ധ സെഞ്ച്വറിയാണിത്. കരിയറിലെ രണ്ടാം അര്ധ സെഞ്ച്വറിയാണ് ജുറേല് അടിച്ചെടുത്തത്. നിലവില് 94 പന്തില് 7 ഫോറും 2 സിക്സും സഹിതം 68 റണ്സുമായി ജുറേല് ക്രീസില് തുടരുന്നു.
യശസ്വി ജയ്സ്വാള് (54 പന്തില് 36), സായ് സുദര്ശന് (19 പന്തില് ഏഴ്) എന്നിവരാണ് ഇന്ത്യന് നിരയില് പുറത്തായത്. 68 റണ്സെടുത്തു നില്ക്കെ ഇന്ത്യയ്ക്ക് ആദ്യ വിക്കറ്റ് നഷ്ടമായി. ഓപ്പണര് യശസ്വി ജയ്സ്വാളാണ് ആദ്യം പുറത്തായത്. ജെയ്ഡന് സീല്സിന്റെ പന്തില് ഷായ് ഹോപ് ക്യാച്ചെടുത്താണ് യശസ്വി മടങ്ങിയത്. സ്കോര് 90ല് എത്തിയപ്പോള് ഇന്ത്യക്ക് രണ്ടാം വിക്കറ്റും നഷ്ടമായി. സായ് സുദര്ശനാണ് മടങ്ങിയത്. താരം 7 റണ്സ് മാത്രമാണ് കണ്ടെത്തിയത്. റോസ്റ്റന് ചെയ്സിന്റെ പന്തില് എല്ബിഡബ്ല്യു ആയാണ് സായ് മടങ്ങിയത്.
ടോസ് വിജയിച്ച് ബാറ്റിങ്ങിനിറങ്ങിയ വിന്ഡീസ് 44.1 ഓവറില് 162 റണ്സെടുത്ത് ഓള്ഔട്ടായി. 48 പന്തില് 32 റണ്സെടുത്ത ജസ്റ്റിന് ഗ്രീവ്സാണ് വെസ്റ്റിന്ഡീസ് നിരയിലെ ടോപ് സ്കോറര്. ഷായ് ഹോപ് (36 പന്തില് 26), റോസ്റ്റന് ചെയ്സ് (43 പന്തില് 24) എന്നിവരാണു വിന്ഡീസിന്റെ മറ്റു പ്രധാന സ്കോറര്മാര്. പേസര്മാരായ മുഹമ്മദ് സിറാജിന്റെയും ജസ്പ്രിത് ബുംറയുടേയും തകര്പ്പന് പ്രകടനമാണ് വിന്ഡീസിനെ തകര്ത്തെറിഞ്ഞത്. സിറാജ് നാലും ബുംറ മൂന്നും വിക്കറ്റുകള് വീഴ്ത്തി തിളങ്ങി.
Recent Comments