by Midhun HP News | Aug 16, 2025 | Latest News, ദേശീയ വാർത്ത
ഡല്ഹി: മനുഷ്യക്കടത്തും മതപരിവര്ത്തനവും ആരോപിക്കപ്പെട്ട് ഛത്തീസ്ഗഢില് അറസ്റ്റിലായ കന്യാസ്ത്രീകള് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറുമായി കൂടിക്കാഴ്ച നടത്തി. ഡല്ഹിയിലെ വസതിയില് എത്തിയാണ് സിസ്റ്റര് പ്രീതി മേരി, സിസ്റ്റര് വന്ദന ഫ്രാന്സിസ് എന്നിവര് സഹോദരന് ഒപ്പം രാജീവ് ചന്ദ്രശേഖറിനെ കണ്ടത്.
ജാമ്യം കിട്ടയതിന് ശേഷം ഡല്ഹിയില് എത്തിയതിന് പിന്നാലെയാണ് കൂടിക്കാഴ്ച. ബിജെപി സംസ്ഥാന ജനറല് സെക്രട്ടറി അനൂപ് ആന്റണിയും കൂടിക്കാഴ്ചയില് ഒപ്പം ഉണ്ടായിരുന്നു. നന്ദി പറയാനാണ് കന്യാസ്ത്രീകള് എത്തിയതെന്ന് കൂടിക്കാഴ്ചയ്ക്ക് ശേഷം രാജീവ് ചന്ദ്രശേഖര് പറഞ്ഞു. കേസിന്റെ മുന്നോട്ടുപോക്കില് അവര്ക്ക് പൂര്ണ പിന്തുണ നല്കിയിരുന്നതായും അദ്ദേഹം അറിയിച്ചു.
കന്യാസ്ത്രീകള്ക്ക് എതിരെ ചുമത്തിയിട്ടുള്ള കേസുമായി ബന്ധപ്പെട്ട് ഛത്തീസ്ഗഡ് സര്ക്കാരുമായി നേരിട്ട് ബന്ധപ്പെട്ടുന്ന നിലയില് തുടര് നീക്കങ്ങള് ഉള്പ്പെടെയാണ് കൂടിക്കാഴ്ചയില് ചര്ച്ചയായത് എന്നാണ് റിപ്പോര്ട്ടുകള്. കേസില് നിലവില് ജാമ്യം മാത്രമാണ് കന്യാസ്ത്രീകള്ക്ക് ലഭിച്ചിരിക്കുന്നത്. എഫ്ഐആര് അടക്കം റദ്ദാക്കുന്നതുമായി ബന്ധപ്പെട്ട നിയമ നടപടികള് തുടരുകയാണ്. ഗുരുതര വകുപ്പുകള് ചുമത്തിയാണ് നിലവില് കേസ് രജിസ്റ്റര് ചെയ്തിരിക്കുന്നത്. കേസിന്റെ തുടര് നടപടിയില് ഛത്തീസ്ഗഢ് സര്ക്കാര് നിലപാട് കടുപ്പിക്കാതിരിക്കാന് സര്ക്കാര് തലത്തില് സമ്മര്ദം ചെലുത്താന് സാധിക്കുന്ന നിലയിലുള്ള ഇടപെടലുകള് ആണ് സഭയുള്പ്പെടെ സംസ്ഥാന ബിജെപിയില് നിന്നും പ്രതീക്ഷിക്കുന്നത് എന്നാണ് റിപ്പോര്ട്ടുകള്.
by Midhun HP News | Aug 16, 2025 | Latest News, ദേശീയ വാർത്ത
ലഖ്നൗ: 18 ദിവസത്തെ ആക്സിയം-4 ദൗത്യത്തിന് ശേഷം ഗ്രൂപ്പ് ക്യാപ്റ്റന് ശുഭാംശു ശുക്ലയുടെ ഇന്ത്യയിലേയ്ക്കുള്ള മടങ്ങി വരവിന് കാത്തിരിക്കുകയാണ് കുടുംബം. അദ്ദേഹത്തെ സ്വീകരിക്കാന് ഡല്ഹിയിലേയ്ക്ക് പോകാനുള്ള തയ്യാറെടുപ്പിലാണ് കുടുംബാംഗങ്ങള്. നാളെ ശുഭാംശു ഇന്ത്യയിലെത്തും. തിങ്കളാഴ്ച അദ്ദേഹം പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തുമെന്നാണ് സൂചന.
ശുഭാംശു മടങ്ങിവരുന്നതിന്റെ സന്തോഷത്തില് സഹോദരി ശുചി മിശ്രയുടെ വാക്കുകള്, കുടുംബം അദ്ദേഹത്തെ കാണാന് ആകാംക്ഷയോടെ കാത്തിരിക്കുകയാണ്. ഈ ദിവസത്തിനായി ഞങ്ങള് വളരെ കാലമായി കാത്തിരിക്കുകയായിരുന്നു. ഇപ്പോള് അദ്ദേഹം തിരിച്ചെത്തുന്ന അവസരത്തില് ഞങ്ങള് വളരെ ആവേശത്തിലാണ്. അദ്ദേഹത്തെ കാണാനും കെട്ടിപ്പിടിക്കാനും രാജ്യത്തിന് വേണ്ടി ഇത്രയും മികച്ച പ്രവര്ത്തനം നടത്തിയതിന് അഭിനന്ദിക്കാനും ഞങ്ങള് കാത്തിരിക്കുകയാണെന്നും അവര് മാധ്യമങ്ങളോട് പറഞ്ഞു. ഭാര്യ കാമ്ന ശുക്ലയും ആറ് വയസുള്ള മകന് കിയാഷ് ശുക്ലയും ടെക്സസിലെ ഹൂസ്റ്റണില് അദ്ദേഹത്തോടൊപ്പമുണ്ട്.
കുടുംബം മുഴുവന് അദ്ദേഹത്തിന്റെ വരവിനായി കാത്തിരിക്കുകയാണെന്ന് പിതാവ് ശംഭു ദയാല് ശുക്ല സന്തോഷത്തോടെ പറഞ്ഞു. ഞങ്ങളുടെ മകന് തിരിച്ചെത്തുന്നു. ഞങ്ങള്ക്ക് വളരെ സന്തോഷമുണ്ട്. അദ്ദേഹത്തെ കാണാന് ഡല്ഹിയിലേയ്ക്ക് പോവുകയാണ്. രാജ്യത്തിനും ഞങ്ങള്ക്കും സന്തോഷ നിമിഷമാണ്. പ്രധാനമന്ത്രിയും വിശിഷ്ട വ്യക്തികളും അദ്ദേഹത്തെ അനുഗ്രഹിച്ചു. അവരുടെ പ്രാര്ഥനകളും അനുഗ്രഹങ്ങളും കാരണം അദ്ദേഹത്തിന്റെ ദൗത്യം വിജയിച്ചുവെന്നും ശുഭാംശുവിന്റെ പിതാവ് പറഞ്ഞു.
ശുഭാംശു മടങ്ങിവരുന്നതിന്റെ സന്തോഷത്തില് സഹോദരി ശുചി മിശ്രയുടെ വാക്കുകള്, കുടുംബം അദ്ദേഹത്തെ കാണാന് ആകാംക്ഷയോടെ കാത്തിരിക്കുകയാണ്. ഈ ദിവസത്തിനായി ഞങ്ങള് വളരെ കാലമായി കാത്തിരിക്കുകയായിരുന്നു. ഇപ്പോള് അദ്ദേഹം തിരിച്ചെത്തുന്ന അവസരത്തില് ഞങ്ങള് വളരെ ആവേശത്തിലാണ്. അദ്ദേഹത്തെ കാണാനും കെട്ടിപ്പിടിക്കാനും രാജ്യത്തിന് വേണ്ടി ഇത്രയും മികച്ച പ്രവര്ത്തനം നടത്തിയതിന് അഭിനന്ദിക്കാനും ഞങ്ങള് കാത്തിരിക്കുകയാണെന്നും അവര് മാധ്യമങ്ങളോട് പറഞ്ഞു. ഭാര്യ കാമ്ന ശുക്ലയും ആറ് വയസുള്ള മകന് കിയാഷ് ശുക്ലയും ടെക്സസിലെ ഹൂസ്റ്റണില് അദ്ദേഹത്തോടൊപ്പമുണ്ട്.
കുടുംബം മുഴുവന് അദ്ദേഹത്തിന്റെ വരവിനായി കാത്തിരിക്കുകയാണെന്ന് പിതാവ് ശംഭു ദയാല് ശുക്ല സന്തോഷത്തോടെ പറഞ്ഞു. ഞങ്ങളുടെ മകന് തിരിച്ചെത്തുന്നു. ഞങ്ങള്ക്ക് വളരെ സന്തോഷമുണ്ട്. അദ്ദേഹത്തെ കാണാന് ഡല്ഹിയിലേയ്ക്ക് പോവുകയാണ്. രാജ്യത്തിനും ഞങ്ങള്ക്കും സന്തോഷ നിമിഷമാണ്. പ്രധാനമന്ത്രിയും വിശിഷ്ട വ്യക്തികളും അദ്ദേഹത്തെ അനുഗ്രഹിച്ചു. അവരുടെ പ്രാര്ഥനകളും അനുഗ്രഹങ്ങളും കാരണം അദ്ദേഹത്തിന്റെ ദൗത്യം വിജയിച്ചുവെന്നും ശുഭാംശുവിന്റെ പിതാവ് പറഞ്ഞു.
by Midhun HP News | Aug 16, 2025 | Latest News, ദേശീയ വാർത്ത
കുവൈത്ത് സിറ്റി : കുവൈത്തിൽ വിഷമദ്യ ദുരന്തത്തിൽ മരിച്ചവരുടെ എണ്ണം 23 ആയി ഉയർന്നു. 10 നേപ്പാൾ സ്വദേശികൾ ദുരന്തത്തിൽ മരിച്ചതായി എംബസി അറിയിച്ചു. കണ്ണൂർ സ്വദേശി പി സച്ചിന്റെ മരണം കഴിഞ്ഞ ദിവസം അധികൃതർ സ്ഥിരീകരിച്ചിരുന്നു. മൃതദേഹം ഇന്ന് രാവിലെ നാട്ടിലെത്തിച്ചു. 3 വർഷമായി കുവൈത്തിൽ ജോലി ചെയ്തു വരുക ആയിരുന്നു സച്ചിൻ.
അതേസമയം ചികിത്സയിലുണ്ടായിരുന്ന 5 മലയാളികൾ കൂടി മരിച്ചതായി റിപ്പോർട്ടുകളുണ്ട്. ഇക്കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല. മരിച്ചവരുടെ പേരുവിവരങ്ങൾ പുറത്ത് വിടുന്നതിൽ കുവൈത്ത് അധികൃതർ തയ്യാറായിട്ടില്ല. നിയന്ത്രണങ്ങൾ ഉള്ളതിനാൽ ഇന്ത്യൻ എംബസിയും മരിച്ചവരുടെ പേരുകൾ പ്രസിദ്ധീകരിച്ചിട്ടില്ല.
നേപ്പാൾ സ്വദേശികളായ 35 പേരാണ് വിഷമദ്യ ദുരന്തവുമായി ബന്ധപ്പെട്ട് ചികിത്സ തേടിയത്. ഇവരിൽ 10 പേർ മരിച്ചതായി കുവൈത്തിലുള്ള നേപ്പാൾ എംബസി അധികൃതർ സ്ഥിരീകരിച്ചു. കൂടുതൽ വിവരങ്ങൾക്ക് നേപ്പാൾ എംബസിയുടെ +96561008956 എന്ന വാട്സ്ആപ്പ് നമ്പറിൽ ബന്ധപ്പെടണമെന്ന് അധികൃതർ അറിയിച്ചു. എന്നാൽ സംഭവവുമായി ബന്ധപ്പെട്ട് 16 നേപ്പാൾ സ്വദേശികൾ മരിച്ചതായി ഫെഡറേഷൻ ഓഫ് നേപ്പാളി ജേർണലിസ്റ്റ് എന്ന സംഘടനാ രംഗത്ത് എത്തി. വിഷ മദ്യവുമായി ബന്ധപ്പെട്ട് കുവൈത്തിൽ മരിക്കുന്ന നേപ്പാൾ സ്വദേശികളുടെ എണ്ണം വർധിച്ചതായും പൗരന്മാർ ജാഗ്രത പുലർത്തണമെന്നും സംഘടനാ അഭ്യർത്ഥിച്ചു.
വിഷ മദ്യ ദുരന്തവുമായി ബന്ധപ്പെട്ട് 160 പേരാണ് ചികിത്സ തേടിയത്. ഇതിൽ 23 പേർ മരിച്ചതായും നിരവധിപ്പേർ ഇപ്പോഴും ഗുരുതരാവസ്ഥയിൽ ആശുപത്രിയിൽ തുടരുന്നതായും കുവൈത്ത് ആഭ്യന്തര മന്ത്രാലയം വ്യക്തമാക്കി.
ദുരന്തത്തിന്റെ പശ്ചാത്തലത്തിൽ കുവൈത്തിൽ ആഭ്യന്തര മന്ത്രിയുടെ നേതൃത്വത്തിൽ വ്യപകമായി പരിശോധന നടത്തുന്നുണ്ട്. സംഭവവുമായി ബന്ധപ്പെട്ട് വ്യാജമദ്യ നിര്മാണ കേന്ദ്രം നടത്തിപ്പുകാരായ രണ്ട് ഏഷ്യക്കാരെ പൊലീസ് അറസ്റ്റ് ചെയ്തിട്ടുണ്ട്.
വാരാന്ത്യ അവധിയിലേക്ക് കടക്കും മുൻപ് നടപടികൾ വേഗത്തിൽ പൂർത്തിയാക്കി കൂടുതൽ മൃതദേഹങ്ങൾ വിട്ടു നൽകാൻ കുവൈത്ത് അധികൃതർ നീക്കം തുടങ്ങിയിട്ടുണ്ട്.
by Midhun HP News | Aug 16, 2025 | Latest News, ദേശീയ വാർത്ത
ശ്രീനഗര്: ജമ്മു കശ്മീരിലെ കിഷ്ത്വാര് മേഖലയില് മേഘവിസ്ഫോടനത്തെ തുടര്ന്നുണ്ടായ വെള്ളപ്പൊക്കത്തിലും മണ്ണിടിച്ചിലിലും മരണ സംഖ്യ ഉയരുന്നു. അപകടത്തില് മരിച്ചവരുടെ എണ്ണം 65 ആയി. അപകടത്തില് കാണാതായ 200ഓളം പേര്ക്ക് വേണ്ടിയുള്ള തിരച്ചില് തുടരുകയാണ്.
കശ്മീരിലെ കിഷ്ത്വാര് ജില്ലയിലെ ചഷോട്ടി പ്രദേശത്താണ് ദുരന്തം പെയ്തിറങ്ങിയത്. മച്ചൈല് മാതാ ക്ഷേത്രത്തിലേക്കുള്ള വഴിയിലെ വാഹന ഗതാഗതയോഗ്യമായ അവസാന ഗ്രാമമാണിത്. അപകടത്തില്പ്പെട്ട ഭൂരിഭാഗവും ക്ഷേത്രത്തിലേക്ക് എത്തിയ തീര്ത്ഥാടകരാണ്. 150 ഓളം പേര്ക്ക് പ്രളയത്തെ തുടര്ന്നുള്ള അപകടങ്ങളില് പരിക്കേറ്റിരുന്നു. ഇരുനൂറില് ഏറെ പേരെ പ്രദേശത്തു നിന്നും സുരക്ഷിത കേന്ദ്രങ്ങളിലേക്ക് മാറ്റിയിട്ടുണ്ട്. സൈന്യത്തിന്റെയും ദേശീയ സംസ്ഥാന ദുരന്തനിവാരണ സേനകളുടെയും നേതൃത്വത്തില് പ്രദേശത്ത് രക്ഷാപ്രവര്ത്തനം തുടരുകയാണ്.
മലയോരത്തുള്ള ഗ്രാമത്തിലെ വീടുകളില് പലതും മിന്നല് പ്രളയത്തില് ഒലിച്ചു പോയതായി ഡെപ്യൂട്ടി കമ്മിഷണര് പങ്കജ് കുമാര് ശര്മ വ്യക്തമാക്കി. മാതാ തീര്ഥാടനം താത്കാലികമായി നിര്ത്തിവച്ചു. പലയിടങ്ങളിലും മണ്ണിടിച്ചില് മൂലം റോഡുകള് തകര്ന്ന അവസ്ഥയിലാണ്. അതേസമയം കേന്ദ്ര മന്ത്രി ജിതേന്ദര് സിങ് ഇന്ന് കിഷ്ത്വര് സന്ദര്ശിക്കും.
by Midhun HP News | Aug 15, 2025 | Latest News, ദേശീയ വാർത്ത
അര്ജന്റീന ഫുട്ബോള് താരം ലയണല് മെസി ഡിസംബറില് ഇന്ത്യയിലെത്തും. ഇന്ത്യയിലേക്ക് വരാന് മെസിയുടെ ഏജന്റ് കൂടിയായ പിതാവ് ജോര്ജെ മെസിയുടെയും സംഘത്തിന്റെയും അനുമതി ലഭിച്ചുവെന്ന് കൊല്ക്കത്തയിലെ വ്യവസായി സതാദ്രു ദത്ത പറഞ്ഞു.
ഡിസംബര് 12ന് കൊല്ക്കത്തയിലെത്തുന്ന മെസി 13ന് അഹമ്മദാബാദ്, 14ന് മുംബൈ, 15ന് ദില്ലി നഗരങ്ങളിലെ വിവിധ പരിപാടികളില് പങ്കെടുക്കും. ദില്ലിയിലെത്തുന്ന മെസി പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തുമെന്നും സതാദ്രു ദത്ത പറഞ്ഞു.
‘ഗോട്ട് ടൂര് ഓഫ് ഇന്ത്യ’ എന്ന പേരിലായിരിക്കും മെസിയുടെ ഇന്ത്യ സന്ദര്ശനം അറിയപ്പെടുകയെന്നും ഈ മാസം 28നും സെപ്റ്റംബര് ഒന്നിനും ഇടയില് മെസി തന്നെ തന്റെ സമൂഹമാധ്യമങ്ങളിലൂടെ ഇന്ത്യ സന്ദര്ശിക്കുന്ന വിവരം ഔദ്യോഗികമായി പുറത്തുവിടുമെന്നും സതാദ്രു ദത്ത പറഞ്ഞു. ഇന്ത്യ സന്ദര്ശിക്കുന്നതിന്റെ ഭാഗമായുള്ള വീഡിയോയും മെസി സമൂഹമാധ്യമങ്ങളില് പോസ്റ്റ് ചെയ്യും.
മെസിയുടെ കൂടെ ഇന്റര് മയാമി ടീം അംഗങ്ങളായ റോഡ്രിഗോ ഡീ പോള്, ലൂയി സുവാരസ്, ജോര്ഡി ആല്ബ, സെര്ജിയോ ബുസ്കെറ്റ്സ് എന്നിവരുമുണ്ടായേക്കാം എന്ന സംശയം ഉണ്ടെന്ന് ദത്ത പറഞ്ഞു.
by Midhun HP News | Aug 15, 2025 | Latest News, ദേശീയ വാർത്ത
ഡല്ഹി: ഹൈവേകളില് ടോള് പിരിവുമായി ബന്ധപ്പെട്ടുള്ള ഗതാഗത തടസ്സം ഒഴിവാക്കാനായി കേന്ദ്ര ഉപരിതല ഗതാഗത മന്ത്രാലയം പ്രഖ്യാപിച്ച ഫാസ്ടാഗ് അടിസ്ഥാനമാക്കിയുള്ള വാര്ഷിക പാസ് സ്കീമിന് സ്വാതന്ത്ര്യദിനമായ വെള്ളിയാഴ്ച കേന്ദ്രസര്ക്കാര് തുടക്കമിട്ടു. ഫാസ്ടാഗ് അധിഷ്ഠിത വാര്ഷിക പാസിന്റെ വില 3,000 ആണ്. പ്രവര്ത്തനം ആരംഭിക്കുന്ന തീയതി മുതല് ഒരു വര്ഷത്തിനുള്ളില് ദേശീയപാതകളില് 200 ടോള് പ്ലാസ ക്രോസിങ്ങുകള് ഇത് വാഗ്ദാനം ചെയ്യുന്നു. കാറുകള്, ജീപ്പുകള്, വാനുകള് എന്നിവയുള്പ്പെടെ വാണിജ്യേതര സ്വകാര്യ വാഹനങ്ങള്ക്ക് മാത്രമേ പാസ് ബാധകമാകൂ.
വാര്ഷിക ടോള് ചെലവ് 10,000 ല് നിന്ന് 3,000 ആയി കുറയുന്നതിലൂടെ ഹൈവേ ഉപയോക്താക്കളുടെ സാമ്പത്തിക ഭാരം കുറയുമെന്നാണ് കേന്ദ്രസര്ക്കാരിന്റെ അവകാശവാദം. ടോള് പ്ലാസകളില് വാഹനങ്ങള് നിര്ത്തേണ്ടതിന്റെ ആവശ്യകത ഇല്ലാതാക്കാന് ഈ നീക്കം സഹായിക്കും. അതുവഴി ഗതാഗതം സുഗമമാക്കാനും യാത്രാ സമയം കുറയ്ക്കാനും സാധിക്കുമെന്നും കേന്ദ്ര ഉപരിതല ഗതാഗതമന്ത്രി നിതിന് ഗഡ്കരി പറഞ്ഞു. നാഷണല് ഹൈവേ അതോറിറ്റി ഓഫ് ഇന്ത്യ (NHAI), റോഡ് ട്രാന്സ്പോര്ട്ട് ആന്ഡ് ഹൈവേ മന്ത്രാലയം (MoRTH) എന്നിവയുടെ കീഴിലുള്ള നാഷണല് ഹൈവേകളിലും എക്സ്പ്രസ് വേകളിലുമുള്ള ടോള് പ്ലാസകളില് ഇത് പ്രയോജനപ്പെടുത്താന് സാധിക്കും. കേന്ദ്ര ഫാസ്ടാഗ് സിസ്റ്റവുമായി സംയോജിപ്പിച്ചിട്ടില്ലെങ്കില് സംസ്ഥാന ഹൈവേകളിലെ ടോള് പ്ലാസകളില് ഇത് ഉപയോഗിക്കാന് സാധിക്കില്ല. ടോള് പ്ലാസകളുടെ 60 കിലോമീറ്റര് പരിധിയില് താമസിക്കുന്നവരുടെ ടോളുമായി ബന്ധപ്പെട്ട് പരാതികളും യാത്രാതടസ്സവും കുറയ്ക്കാന് ലക്ഷ്യമിട്ടാണ് വാര്ഷിക പാസ് കൊണ്ടുവരുന്നത്.
പുതിയ ഫാസ്ടാഗ് അധിഷ്ഠിത വാര്ഷിക പാസ് എന്ത്? ഇതിന്റെ പ്രയോജനങ്ങള് എന്തെല്ലാം?
വാര്ഷിക ഫാസ്ടാഗ്:
ഫാസ്ടാഗ് അധിഷ്ഠിത വാര്ഷിക പാസിന്റെ വില 3,000 ആണ്. പ്രവര്ത്തനം ആരംഭിക്കുന്ന തീയതി മുതല് ഒരു വര്ഷത്തിനുള്ളില് ദേശീയപാതകളില് 200 ടോള് പ്ലാസ ക്രോസിങ്ങുകള് ഇത് വാഗ്ദാനം ചെയ്യുന്നു. ‘വെറും 3,000 ഉപയോഗിച്ച്, യാത്രക്കാര്ക്ക് ഒരു വര്ഷത്തില് 200 ടോള് പ്ലാസ ക്രോസിങ്ങുകള് നടത്താന് കഴിയും. നേരത്തെ, ഇതിന് ഏകദേശം 10,000 രൂപ ചെലവാകുമായിരുന്നു,’- ഗഡ്കരി പറഞ്ഞു. പദ്ധതി പ്രകാരം ഒരു യാത്രയ്ക്ക് ശരാശരി 15 രൂപ മാത്രമായിരിക്കും ചെലവ്.
വാര്ഷിക ഫാസ്ടാഗിന് ആര്ക്കാണ് അപേക്ഷിക്കാന് കഴിയുക?
കാറുകള്, ജീപ്പുകള്, വാനുകള് എന്നിവയുള്പ്പെടെ വാണിജ്യേതര സ്വകാര്യ വാഹനങ്ങള്ക്ക് മാത്രമേ പാസ് ബാധകമാകൂ. വാണിജ്യ അല്ലെങ്കില് ചരക്ക് കൊണ്ടുപോകുന്ന വാഹനങ്ങള്ക്ക് ഇത് ഉപയോഗിക്കാന് കഴിയില്ല.
ഒരു ഉപയോക്താവിന് എത്രത്തോളം ലാഭിക്കാന് കഴിയും?
ശരാശരി ടോള് ചെലവ് 50 ല് നിന്ന് 15 ആയി കുറയുന്നതിനാല്, സാധാരണ ഉപയോക്താക്കള്ക്ക് പ്രതിവര്ഷം 7,000 രൂപ വരെ ലാഭിക്കാന് കഴിയുമെന്ന് മന്ത്രാലയം പറയുന്നു.
വാര്ഷിക ഫാസ്ടാഗ് എങ്ങനെ ആക്ടിവേറ്റ് ചെയ്യാം?
നിലവിലുള്ള ഒരു ഫാസ്ടാഗില് വാര്ഷിക പാസ് ആക്ടിവേറ്റ് ചെയ്യാനുള്ള ഓപ്ഷന് വരും. ശരിയായി ഘടിപ്പിച്ചിട്ടുണ്ടെങ്കില്, സാധുവായ ഒരു വാഹന രജിസ്ട്രേഷന് നമ്പറുമായി ബന്ധിപ്പിച്ചിട്ടുണ്ടെങ്കില്, ബ്ലാക്ക്ലിസ്റ്റ് ചെയ്തിട്ടില്ലെങ്കില് വാര്ഷിക പാസ് ആക്ടിവേറ്റ് ചെയ്യാവുന്നതാണ്.’ആക്ടിവേഷനും പുതുക്കലിനും വേണ്ടിയുള്ള ഒരു ലിങ്ക് ഉടന് തന്നെ രാജ്മാര്ഗ് യാത്ര ആപ്പിലും NHAI, MoRTH എന്നിവയുടെ ഔദ്യോഗിക വെബ്സൈറ്റുകളിലും ലഭ്യമാക്കും,’- ഗഡ്കരി എക്സില് പറഞ്ഞു.
വാര്ഷിക ഫാസ്ടാഗ് വാലിഡിറ്റി:
പാസ് നാഷണല് ഹൈവേ, എക്സ്പ്രസ് വേ ടോള് പ്ലാസകളില് മാത്രമേ സാധുതയുള്ളൂ. സംസ്ഥാന ഹൈവേകള്ക്കോ തദ്ദേശ സ്വയംഭരണ സ്ഥാപനങ്ങള്ക്കോ കീഴിലുള്ള ടോള് പ്ലാസകളില്, ഫാസ്ടാഗ് സാധാരണനിലയില് പ്രവര്ത്തിക്കും. കൂടാതെ സ്റ്റാന്ഡേര്ഡ് ടോള് നിരക്കുകള് ബാധകമാകും.
200 യാത്രകള്:
വാര്ഷിക പാസ് 200 യാത്രകള്ക്കോ ഒരു വര്ഷത്തിനോ സാധുതയുള്ളതാണ്. ഏതാണ് ആദ്യം തീരുന്നത് അതിനുസരിച്ചാണ് ഇത് ക്രമീകരിച്ചിരിക്കുന്നത്. പരിധി തീര്ന്നുകഴിഞ്ഞാല്, ഒരു വര്ഷം ആയില്ലെങ്കിലും ഉപയോക്താക്കള്ക്ക് പുതിയ വാര്ഷിക പാസ് വീണ്ടും വാങ്ങാം.
ഒരു പുതിയ ഫാസ്ടാഗ് എടുക്കേണ്ടിവരുമോ?
വാര്ഷിക പാസ് ലഭിക്കാന് പുതിയ ഫാസ്ടാഗ് വാങ്ങേണ്ട ആവശ്യമില്ല. യോഗ്യതയ്ക്ക് വിധേയമായി ഇത് നിലവിലുള്ള ഫാസ്ടാഗുമായി ലിങ്ക് ചെയ്യാം.
വാര്ഷിക ഫാസ്ടാഗ് നിര്ബന്ധമാണോ?
വാര്ഷിക പാസ് ഓപ്ഷണലാണെന്ന് മന്ത്രാലയം വ്യക്തമാക്കി. വാര്ഷിക പാസ് സ്കീമില് ചേരാന് താല്പ്പര്യമില്ലെങ്കില് ഉപയോക്താക്കള്ക്ക് ഫാസ്ടാഗ് ഉപയോഗിച്ച് പതിവുപോലെ ടോള് അടയ്ക്കുന്നത് തുടരാം.
ഒരു യാത്ര എങ്ങനെയാണ് കണക്കാക്കുന്നത്?
മന്ത്രാലയത്തിന്റെ അഭിപ്രായത്തില്, ഓരോ ടോള് ക്രോസിങ് ഒരു യാത്രയായും ഒരു റൗണ്ട് ട്രിപ്പ് രണ്ട് യാത്രകള്ക്കും തുല്യമാണ്. ഡല്ഹി-മുംബൈ എക്സ്പ്രസ് വേ പോലുള്ള ക്ലോസ്ഡ് ടോളിങ് ഹൈവേകളില്, ഒരു എന്ട്രി-എക്സിറ്റിനെ ഒരു യാത്രയായും മറ്റു ടോള് റോഡുകളില്, ഓരോ ടോള് പ്ലാസയും ഒരു പ്രത്യേക യാത്രയായും കണക്കാക്കപ്പെടുന്നു.
Recent Comments