by Midhun HP News | Sep 22, 2026 | Latest News, ദേശീയ വാർത്ത
ഇസ്ലാമബാദ്: പാകിസ്ഥാൻ ക്രിക്കറ്റിൽ മാസങ്ങളായി അരങ്ങേറുന്ന നാടകീയ സംഭവങ്ങളിലേക്ക് മറ്റൊന്നുകൂടി. ഓൺലൈൻ ചൂതാട്ടവും അഴിമതി ആരോപണങ്ങളുമായി ബന്ധപ്പെട്ട് പാക് താരങ്ങളായ മുഹമ്മദ് റിസ്‍‍വാനേയും ഇമാം ഉൾ ഹഖിനേയും പാകിസ്ഥാൻ സൈബർ ക്രൈം ഇൻവസ്റ്റിഗേഷൻ ഏജൻസി ഏതാണ്ട് രണ്ട് മണിക്കൂറോളം ചോദ്യം ചെയ്തിരുന്നു. ആരോപണങ്ങളുമായി ബന്ധപ്പെട്ട് തന്റെ ഭാഗം പരസ്യമായി വിശദീകരിക്കാനുള്ള റിസ്‍‍വാന്റെ നീക്കം തടഞ്ഞിരിക്കുകയാണ് ഇപ്പോൾ മൊഹ്സിൻ നഖ്‍വി തലവനായ പാകിസ്ഥാൻ ക്രിക്കറ്റ് ബോർഡ്.
ഇംഗ്ലണ്ട് പര്യടനത്തിനിടെ അച്ചടക്ക നടപടിയുടെ ഭാഗമായി പിസിബി നാട്ടിലേക്ക് അയച്ച ഏഴ് താരങ്ങളിൽ റിസ്‍വാനും ഇമാമും ഉൾപ്പെട്ടിരുന്നു. പിന്നാലെയാണ് ഓൺലൈൻ ചൂതാട്ടവുമായി ബന്ധപ്പെട്ട് സൈബർ ക്രൈം ഇൻവസ്റ്റിഗേഷൻ ഏജൻസി ഇരു താരങ്ങളേയും ചോദ്യം ചെയ്തത്.
പിസിബിയുടെ സെക്യൂരിറ്റി ടീം ഇരുവരുടേയും മൊബൈൽ ഫോണുകൾ പിടിച്ചെടുക്കുകയും ചെയ്തിരുന്നു. നിലവിൽ റിസ്‍വാന്റേയും ഇമാമിന്റേയും ഫോണുകൾ പിസിബി സെക്യൂരിറ്റി ടീമിന്റെ കസ്റ്റഡിയിൽ തന്നെയാണ്. സാമ്പത്തിക ഇടപാടുകളുമായി ബന്ധപ്പെട്ട വിവരങ്ങൾ വിശദമായി പരിശോധിക്കുകയാണ്.
വിഷയത്തിൽ മാധ്യമങ്ങളെ കാണാനും പൊതുജനങ്ങളോട് കാര്യങ്ങൾ വിശദീകരിക്കാനും റിസ്‍വാൻ രണ്ട് തവണ പിസിബിയോട് അനുമതി തേടിയെങ്കിലും ബോർഡ് രണ്ട് തവണയും താരത്തിന്റെ അഭ്യർഥന നിരസിച്ചു. തനിക്കെതിരെ ഉയർന്ന ആരോപണങ്ങളെക്കുറിച്ച് സ്വന്തം ഭാഗം വിശദീകരിക്കാൻ താരം ആഗ്രഹിച്ചിരുന്നു. നേരത്തെ വിഷയത്തിൽ താരം ഐസിസിക്ക് കത്തയച്ചിരുന്നു. അന്വേഷണ രീതികളിൽ വ്യക്തത തേടിയാണ് താരം ഐസിസിയുടെ ആന്റി കറപ്ഷൻ യൂണിറ്റിന് കത്തയച്ചത്. ഈ കത്ത് അയച്ചതിന്റെ കാരണം എന്താണെന്നും പരസ്യമായി വിശദീകരിക്കാൻ താരം ലക്ഷ്യമിട്ടിരുന്നു.
നിലവിൽ പാക് ക്രിക്കറ്റിലെ സെൻട്രൽ കോൺട്രാക്ട് ഉള്ള താരമാണ് റിസ്‍വാൻ. അതിനാൽ കരാറിന്റെ പരിധിയിൽ വരുന്ന വിഷയങ്ങളിൽ പരസ്യമായി പ്രതികരിക്കണമെങ്കിൽ താരങ്ങൾ ബോർഡിന്റെ മുൻകൂർ അനുമതി വാങ്ങണമെന്നാണ് പാക് ക്രിക്കറ്റ് നിയമം. ഇതനുസരിച്ചാണ് റിസ്‍വാൻ രണ്ട് തവണ പിസിബിയെ സമീപിച്ചത്. എന്നാൽ രണ്ട് അഭ്യർഥനകളും ബോർഡ് തള്ളി.
ബോർഡിനെതിരെ താരം തിരിയുമോ എന്ന ആശങ്കയാണ് അഭ്യർഥന നിരസിക്കാൻ കാരണമായി പണ്ഡിതർ വ്യാഖ്യാനിക്കുന്നത്. എന്നാൽ റിസ്‍വാൻ അത്തരമൊരു കാര്യത്തിലേക്ക് കടക്കില്ലെന്നും തന്റെ നിരപരാധിത്വം തെളിയിക്കുക മാത്രമാണ് ലക്ഷ്യമെന്നും താരത്തോടടുത്തവർ പറയുന്നു.
by Midhun HP News | Sep 21, 2026 | Latest News, ദേശീയ വാർത്ത
അയോധ്യ: അയോധ്യയിലെ രാമക്ഷേത്രത്തില്‍ നടന്ന 105 മേഷണക്കേസുകള്‍ സിസിടിവി ദൃശ്യങ്ങളില്‍ വ്യക്തമായതായി സുപ്രീം കോടതിയെ അറിയിച്ചു. പ്രത്യേക അന്വേഷണ സംഘത്തിന്റെ റിപ്പോര്‍ട്ട് സുപ്രീം കോടതിക്ക് കൈമാറി. സെപ്റ്റംബര്‍ 25-നകം കുറ്റപത്രം സമര്‍പ്പിക്കുമെന്നും സോളിസിറ്റര്‍ ജനറല്‍ തുഷാര്‍ മേത്ത കോടതിയെ അറിയിച്ചു.
ഇതുവരെ ഉണ്ടായ അറസ്റ്റ് സംബന്ധമായ വിവരങ്ങളും കേസുമായി ബന്ധപ്പെട്ട ശേഖരിച്ച തെളിവുകളും അന്വേഷണസംഘം സുപ്രീം കോടതിയില്‍ സമര്‍പ്പിച്ചു. സിസിടിവി ദൃശ്യങ്ങള്‍, സാക്ഷിമൊഴികള്‍, മറ്റ് തെളിവുകള്‍ തുടങ്ങിയവ അതില്‍ ഉള്‍പ്പെടുന്നു. ‘അറസ്റ്റിനു ശേഷം 90 ദിവസങ്ങള്‍ സെപ്റ്റംബര്‍ 25-ന് അവസാനിക്കുകയാണ്. അതിനാല്‍ ഞങ്ങള്‍ കുറ്റപത്രം സമര്‍പ്പിക്കേണ്ടതുണ്ട്, അല്ലെങ്കില്‍ പ്രതികള്‍ക്ക് സ്വാഭാവിക ജാമ്യം ലഭിക്കും,’ മേത്ത പറഞ്ഞു.
രാമക്ഷേത്രത്തിലെ സംഭാവനക്കൊള്ള അന്വേഷിക്കുന്ന പ്രത്യേക അന്വേഷണ സംഘത്തെ ഉത്തര്‍പ്രദേശ് സര്‍ക്കാര്‍ പുനഃസംഘടിപ്പിച്ചു. സുപ്രീം കോടതി ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ചിന്റെ നിര്‍ദേശപ്രകാരം മൂന്ന് ഐപിഎസ് ഉദ്യോഗസ്ഥരെയാണ് എസ്ഐടിയില്‍ നിയമിച്ചത്. നേരത്തേ ലഖ്‌നൗ ഡിവിഷണല്‍ കമ്മിഷണറും ഐഎഎസ് ഉദ്യോഗസ്ഥനുമായ വിജയ് വിശ്വാസ് പന്തും സ്പെഷ്യല്‍ സെക്രട്ടറി (ധനകാര്യം) നീല്‍ രത്തന്‍ കുമാറുമാണ് കേസ് അന്വേഷിച്ചിരുന്നത്.
by Midhun HP News | Sep 21, 2026 | Latest News, ദേശീയ വാർത്ത
ദുബൈ: ദുബൈയില്‍ സ്വര്‍ണ വിലയില്‍ ഇടിവ്. 18 കാരറ്റ് സ്വര്‍ണത്തിന് ഒരു ഗ്രാമിന് 400 ദിര്‍ഹത്തില്‍ താഴെ എത്തി. 24 കാരറ്റ് സ്വര്‍ണത്തിന് ഗ്രാമിന് 525 ദിര്‍ഹമാണ് വില. ഗ്രാമിന് 2.50 ദിര്‍ഹമാണ് കുറഞ്ഞത്.
ദുബൈ ജ്വല്ലറി ഗ്രൂപ്പിന്റെ കണക്കുകള്‍ പ്രകാരം 24 കാരറ്റ് സ്വര്‍ണത്തിന് ഗ്രാമിന് 525 ദിര്‍ഹം, 22 കാരറ്റിന് 486 ദിര്‍ഹവും 21 കാരറ്റിന് 466 ദിര്‍ഹവും 18 കാരറ്റിന് 399.50 ദിര്‍ഹവുമാണ് ഇന്നത്തെ വില വില.അമേരിക്കയിലെ പണപ്പെരുപ്പം, ഫെഡറല്‍ റിസര്‍വിന്റെ പലിശനിരക്ക് നയം, മിഡിലീസ്റ്റിലെ സംഘര്‍ഷാവസ്ഥ എന്നിവ സ്വര്‍ണവിലയെ സ്വാധീനിക്കുമെന്ന് വിദഗ്ധരുടെ വിലയിരുത്തല്‍.അന്താരാഷ്ട്ര വിപണിയിലും സ്വര്‍ണവില നേരിയ തോതില്‍ കുറഞ്ഞു. സ്‌പോട്ട് ഗോള്‍ഡ് 0.45 ശതമാനം ഇടിഞ്ഞ് ഔണ്‍സിന് 4,357 ഡോളറിലെത്തി. അമേരിക്കയിലെ പണപ്പെരുപ്പ കണക്കുകളും ഫെഡറല്‍ റിസര്‍വിന്റെ പലിശനിരക്ക് തീരുമാനങ്ങളുമാണ് സ്വര്‍ണവിപണിയുടെ പ്രധാന ചലകങ്ങളിലൊന്ന്. ഇതിനൊപ്പം മിഡില്‍ ഈസ്റ്റിലെ സംഘര്‍ഷവും എണ്ണവിലയിലെ മാറ്റങ്ങളും സ്വാധീനിക്കുമെന്നാണ് വിലയിരുത്തല്‍.
by Midhun HP News | Sep 21, 2026 | Latest News, ദേശീയ വാർത്ത
മക്ക: മക്കയിലെ മസ്ജിദുല്‍ ഹറമിലെ മൂഅദ്ദിനായ ഷെയ്ഖ് ഇബ്രാഹിം അല്‍ മദനി(76)അന്തരിച്ചു. രോഗബാധയെ തുടര്‍ന്ന് ചികിത്സയിലായിരുന്നു. ഇന്ന് പുലര്‍ച്ചെയായിരുന്നു അന്ത്യം. അവസാനമായി ഇന്ന് സുബഹി ബാങ്കുവിളിയാണ് നടത്തിയത്.
ഇബ്രാഹിം അല്‍ മദനിയുടെ മരണത്തില്‍ ദുബൈയില്‍ 10 ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചു. എമിറേറ്റിലുടനീളം പതാകകള്‍ പകുതി താഴ്ത്തിക്കെട്ടും. ഷെയ്ഖ് ഇബ്രാഹിം അല്‍ മദനിയുടെ മയ്യിത്ത് നമസ്‌കാരം ഇന്ന് അസര്‍ നമസ്‌കാരത്തിന് ശേഷം മക്കയിലെ മസ്ജിദുല്‍ ഹറമില്‍ നടക്കുമെന്നാണ് റിപ്പോര്‍ട്ട്.
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം, സോഷ്യല്‍ മീഡിയയില്‍ പങ്കുവെച്ച സന്ദേശത്തിലൂടെ തന്റെ സഹോദരന്റെ വിയോഗത്തില്‍ അനുശോചനം രേഖപ്പെടുത്തുകയും ആദരാഞ്ജലികള്‍ അര്‍പ്പിക്കുകയും ചെയ്തു.
by Midhun HP News | Sep 21, 2026 | Latest News, ദേശീയ വാർത്ത
മുംബൈ: പ്രമുഖ ടെക് കമ്പനി ആപ്പിള്‍ വീണ്ടും ജീവനക്കാരെ പിരിച്ചുവിട്ടതായി റിപ്പോര്‍ട്ട്. ഫിറ്റ്‌നസ് പ്ലസ് സേവന മേഖലയിലെ ഓഡിയോ വിഭാഗത്തില്‍ പ്രവര്‍ത്തിച്ചിരുന്ന ചുരുക്കം ജീവനക്കാരെയാണ് ഇത് ബാധിച്ചതെന്ന് ബ്ലൂംബെര്‍ഗ് റിപ്പോര്‍ട്ട് ചെയ്യുന്നു.
കഴിഞ്ഞ രണ്ടുമാസത്തിനിടെ ആപ്പിളിന്റെ രണ്ടാമത്തെ പിരിച്ചുവിടല്‍ ആണിത്. ടൈം ടു വാക്ക്, ടൈം ടു റണ്‍ തുടങ്ങിയ ഓഡിയോ ഫീച്ചറുകളില്‍ പ്രവര്‍ത്തിച്ചിരുന്ന ടീമിലെ അംഗങ്ങളെയാണ് ഇപ്പോള്‍ പിരിച്ചുവിട്ടത്. വീഡിയോ കാണാതെ തന്നെ ആപ്പിള്‍ വാച്ച് വഴി വര്‍ക്കൗട്ടുകള്‍ ചെയ്യാന്‍ സഹായിക്കുന്നതാണ് ഈ ഫീച്ചറുകള്‍. ഓട്ടോമേഷന്‍, ചെലവ് നിയന്ത്രിക്കല്‍, ആര്‍ട്ടിഫിഷ്യല്‍ ഇന്റലിജന്‍സ് എന്നിവയ്ക്ക് കൂടുതല്‍ പ്രാധാന്യം നല്‍കുന്നതിന്റെ ഭാഗമായാണ് പിരിച്ചുവിടല്‍ എന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
ഓഗസ്റ്റില്‍ ആപ്പിള്‍ 200ലധികം ജീവനക്കാരെയാണ് പിരിച്ചുവിട്ടത്. ഫിറ്റ്‌നസ് പ്ലസ് ബിസിനസിന് നിരന്തരമായി പുതിയ ഉള്ളടക്കങ്ങള്‍ നിര്‍മ്മിക്കേണ്ടതുണ്ട്. ഇതിന് വലിയ ചെലവ് വരുന്നുണ്ട്. സബ്‌സ്‌ക്രിപ്ഷന്‍ ഉപയോക്കാക്കള്‍ കുറയുന്നതും ഇത്തരം സേവനങ്ങളുടെ സാമ്പത്തിക വശത്തെ ബാധിക്കുന്നുണ്ട്. ഇതെല്ലാം കണക്കാക്കിയാണ് ആപ്പിളിന്റെ തീരുമാനമെന്നാണ് റിപ്പോര്‍ട്ടുകള്‍ ചൂണ്ടിക്കാണിക്കുന്നത്.
by Midhun HP News | Sep 21, 2026 | Latest News, ദേശീയ വാർത്ത
നഗോയ: ഏഷ്യൻ ഗെയിംസ് മിക്‌സഡ് മാർഷ്യൽ ആർട്‌സിൽ (എംഎംഎ) ചരിത്ര നേട്ടവുമായി ഇന്ത്യൻ താരം സുചിക തരിയാൽ. ഏഷ്യൻ ഗെയിംസിൽ അരങ്ങേറ്റം കുറിച്ച എംഎംഎ ഇനത്തിൽ മെഡൽ നേടുന്ന ആദ്യ ഇന്ത്യൻ താരമായി സുചിക മാറി. വനിതകളുടെ ട്രെഡീഷണൽ 60 കിലോഗ്രാം വിഭാഗത്തിൽ 36 കാരിയായ സുചിക വെങ്കല മെഡൽ നേടി.
സെമി ഫൈനൽ പോരാട്ടത്തിൽ സിംഗപ്പൂരിന്റെ ഹുയി ഹൂൺ തിയോയോട് എക്‌സ്ട്രാ റൗണ്ടിൽ നേരിയ വ്യത്യാസത്തിൽ സുചിക പരാജയപ്പെടുകയായിരുന്നു. ഇതോടെയാണ് നേട്ടം വെങ്കലത്തിൽ ഒതുങ്ങിയത്. ക്വാർട്ടർ ഫൈനലിൽ മംഗോളിയയുടെ അൽതാൻചൈമെഗ് ബൈഗൽമയെ 2-0 എന്ന സ്‌കോറിന് തകർത്താണ് സുചിക സെമി ഫൈനലിലേക്ക് മുന്നേറിയതും മെഡൽ ഉറപ്പാക്കിയതും.
ഇന്ത്യയുടെ കോംബാറ്റ് സ്‌പോർട്‌സ് ചരിത്രത്തിൽ പുതിയ അധ്യായമാണ് സുചികയുടെ ഈ നേട്ടം എഴുതിച്ചേർത്തിരിക്കുന്നത്. സുചികയുടെ നേട്ടത്തോടെ ഏഷ്യൻ ഗെയിംസിലെ ഇന്ത്യൻ മെഡൽ വേട്ട ആറിലെത്തി. നാല് വെള്ളി, രണ്ട് വെങ്കലം മെഡലുകളാണ് നിലവിൽ ഇന്ത്യക്കുള്ളത്. ആറിൽ അഞ്ച് മെഡലുകളും ഷൂട്ടിങിൽ നിന്നാണ്.
നേരത്തേയും ഈയിനത്തിൽ അന്താരാഷ്ട്ര തലത്തിൽ ഇന്ത്യയെ പ്രതിനിധീകരിച്ച പരിചയസമ്പന്നയായ താരമാണ് സുചിക തരിയാൽ. 2022ലെ കോമൺവെൽത്ത് ഗെയിംസിൽ ജൂഡോ മത്സരങ്ങളിലും, 2023ലെ ഏഷ്യൻ ഗെയിംസിൽ കുറാഷ് ഇനത്തിലും സുചിക ഇന്ത്യക്കായി മത്സരിച്ചിട്ടുണ്ട്.
Recent Comments