by Midhun HP News | Nov 6, 2024 | Latest News, ദേശീയ വാർത്ത
ന്യൂഡല്ഹി: ലൈറ്റ് മോട്ടോര് വെഹിക്കിള് (എല്എംവി) ഡ്രൈവിങ് ലൈസന്സ് ഉള്ളവര്ക്ക് 7500 കിലോ വരെയുള്ള ഭാര വാഹനങ്ങള് ഓടിക്കാമെന്ന് സുപ്രീംകോടതി. എല്എംവി ലൈസന്സ് ഉടമകള് ഭാരവാഹനങ്ങള് ഓടിക്കുന്നത് റോഡപകടങ്ങളുടെ പ്രധാന കാരണമാണെന്ന് കാണിക്കുന്ന തെളിവുകളൊന്നും കണ്ടെത്താനായില്ലെന്നും കോടതി ചൂണ്ടിക്കാട്ടി.
7500 കിലോയില് കൂടുതല് ഭാരമുള്ള ട്രാന്സ്പോര്ട്ട് വാഹനങ്ങള്ക്ക് മാത്രമാണ് ഇനി മുതല് അധിക യോഗ്യത ആവശ്യമായി വരൂ. ലൈറ്റ് മോട്ടോര് വെഹിക്കിളിന്റെ ഡ്രൈവിങ് ലൈസന്സുള്ള ഒരാള്ക്ക് ഭാരവാഹനങ്ങള് ഓടിക്കാന് അര്ഹതയുണ്ടോ എന്ന വിഷയം പരിശോധിച്ച് അഞ്ചംഗ ഭരണഘടനാ ബെഞ്ചാണ് വിധി പറഞ്ഞത്. ചീഫ് ജസ്റ്റിസ് ഡിവൈ ചന്ദ്രചൂഡിന്റെ നേത്വത്തിലുള്ള ബെഞ്ചില് ജ്സ്റ്റിസുമാരായ ഋഷികേശ് റോയ്, പി എസ് നരംസിഹ, പങ്കജ് മീത്തല്, മനോജ് മിശ്ര എന്നിവരാണുണ്ടായിരുന്നത്. ജസ്റ്റിസ് ഋഷികേശ് റോയിയാണ് ബെഞ്ചിനു വേണ്ടി വിധിയെഴുതിയത്.
by Midhun HP News | Nov 6, 2024 | Latest News, ദേശീയ വാർത്ത
അമേരിക്കയുടെ 47ാമത് പ്രസിഡന്റായി ഡോണള്ഡ് ട്രംപ് തെരഞ്ഞെടുക്കപ്പെട്ടു. ഡെമോക്രാറ്റിക്ക് സ്ഥാനാര്ത്ഥി കമല ഹാരിസിനെയാണ് ട്രംപ് പരാജയപ്പെടുത്തിയത്. 277 ഇലക്ടറല് വോട്ട് നേടിയാണ് ട്രംപിന്റെ കുതിപ്പ്. 226 ഇലക്ടറല് വോട്ടുകളാണ് കമല ഹാരിസ് നേടിയത്. സെനറ്റില് റിപ്പബ്ലിക്കന് പാര്ട്ടി ഭൂരിപക്ഷം നേടി. ജെഡി വാന്സ് വൈസ് പ്രസിഡന്റാകും.
78കാരനായ ഡോണള്ഡ് ട്രംപ് വീണ്ടും പ്രസിഡന്റായതോടെ വേറിട്ട ചരിത്രം കൂടിയാണ് പിറന്നത്. അമേരിക്കന് ചരിത്രത്തില് തോല്വിക്ക് ശേഷം തിരിച്ചെത്തുന്ന രണ്ടാമത്തെ പ്രസിഡന്റായി അദ്ദേഹം.
അണികളെ അഭിസംബോധന ചെയ്യാനായി ട്രംപ് ഫ്ളോറിഡയിലേയ്ക്ക് തിരിച്ചെന്നാണ് റിപ്പോര്ട്ടുകള്. ഫ്ളോറിഡയിലെ വെസ്റ്റ് പാം ബീച്ചില് ട്രംപ് ഉടന് പ്രവര്ത്തകരെ അഭിസംബോധന ചെയ്യും. അതേസമയം, ഡെമോക്രാറ്റിക് സ്ഥാനാര്ത്ഥിയായ കമല ഹാരിസ് ഇന്ന് അനുയായികളെ അഭിസംബോധന ചെയ്യില്ല. വ്യാഴാഴ്ച കമല ഹാരിസ് തന്റെ അണികളെ അഭിസംബോധന ചെയ്യുമെന്നാണ് അറിയിച്ചിട്ടുള്ളത്.
by Midhun HP News | Nov 6, 2024 | Latest News, ദേശീയ വാർത്ത
അമേരിക്കയില് പ്രസിഡന്റ് തെരഞ്ഞെടുപ്പിന്റെ ആദ്യഫലസൂചനകള് പുറത്ത് വരുമ്പോള് ഡോണള്ഡ് ട്രംപിന്റെ നേതൃത്വത്തിലുള്ള റിപ്പബ്ലിക്കന് പാര്ട്ടിക്ക് അനുകൂലം. ഫ്ലോറിഡ, കെന്റക്കി, ഇന്ത്യാനയിലും ഡോണള്ഡ് ട്രംപിന് ജയം.അതേസമയം, ബര്മോണ്ടില് ജയം കമലാ ഹാരിസിനാണ്. മൂന്ന് സംസ്ഥാനങ്ങളില് ഡെമോക്രാറ്റിക് പാര്ട്ടി ലീഡ് ചെയ്യുമ്പോള് 23 സംസ്ഥാനങ്ങളില് റിപ്പബ്ലിക് പാര്ട്ടി ലീഡ് ചെയ്യുന്നു.ട്രംപിന് നേരെയുണ്ടായ വധശ്രമം ഉള്പ്പെടെ അമേരിക്കയെ പിടിച്ചുകുലുക്കിയ സംഭവ വികാസങ്ങളുടെ വന് നിര ഈ തെരഞ്ഞെടുപ്പ് കാലത്ത് ഉണ്ടായിരുന്നു. ജോ ബൈഡനെ മാറ്റി കളത്തിലിറങ്ങിയ കമലയ്ക്ക് ആദ്യം മേല്ക്കൈയുണ്ടായിരുന്നു. എന്നാല്, വെടിവെപ്പിന് ശേഷം ട്രംപിന് കാര്യമായ നേട്ടമുണ്ടാക്കാന് സാധിച്ചു.
ട്രംപ് പ്രസിഡന്റായാല് രാജ്യം അരാജകത്തിലേക്ക് കൂപ്പുകുത്തും എന്നായിരുന്നു കമലയുടെ പ്രധാന പ്രചാരണം.അമേരിക്കയില് പ്രസിഡന്റ് തെരഞ്ഞെടുപ്പിന്റെ ആദ്യഫലസൂചനകള് പുറത്ത് വരുമ്പോള് ഡോണള്ഡ് ട്രംപിന്റെ നേതൃത്വത്തിലുള്ള റിപ്പബ്ലിക്കന് പാര്ട്ടിക്ക് അനുകൂലം. ഫ്ലോറിഡ, കെന്റക്കി, ഇന്ത്യാനയിലും ഡോണള്ഡ് ട്രംപിന് ജയം.അതേസമയം, ബര്മോണ്ടില് ജയം കമലാ ഹാരിസിനാണ്. മൂന്ന് സംസ്ഥാനങ്ങളില് ഡെമോക്രാറ്റിക് പാര്ട്ടി ലീഡ് ചെയ്യുമ്പോള് 23 സംസ്ഥാനങ്ങളില് റിപ്പബ്ലിക് പാര്ട്ടി ലീഡ് ചെയ്യുന്നു.
ട്രംപിന് നേരെയുണ്ടായ വധശ്രമം ഉള്പ്പെടെ അമേരിക്കയെ പിടിച്ചുകുലുക്കിയ സംഭവ വികാസങ്ങളുടെ വന് നിര ഈ തെരഞ്ഞെടുപ്പ് കാലത്ത് ഉണ്ടായിരുന്നു. ജോ ബൈഡനെ മാറ്റി കളത്തിലിറങ്ങിയ കമലയ്ക്ക് ആദ്യം മേല്ക്കൈയുണ്ടായിരുന്നു. എന്നാല്, വെടിവെപ്പിന് ശേഷം ട്രംപിന് കാര്യമായ നേട്ടമുണ്ടാക്കാന് സാധിച്ചു. ട്രംപ് പ്രസിഡന്റായാല് രാജ്യം അരാജകത്തിലേക്ക് കൂപ്പുകുത്തും എന്നായിരുന്നു കമലയുടെ പ്രധാന പ്രചാരണം.
by Midhun HP News | Nov 5, 2024 | Latest News, ദേശീയ വാർത്ത
ഡല്ഹി: ഭാരത് ബ്രാന്ഡിന് കീഴില് സബ്സിഡി നിരക്കില് ഗോതമ്പ് പൊടിയുടെയും അരിയുടെയും രണ്ടാം ഘട്ട ചില്ലറ വില്പ്പന സര്ക്കാര് ആരംഭിച്ചു. ഉയര്ന്ന വിലയില് നിന്ന് ഉപഭോക്താക്കള്ക്ക് ആശ്വാസം നല്കുന്നതിനായാണ് കേന്ദ്രസര്ക്കാര് നടപടി.
ഗോതമ്പ് പൊടി (ആട്ട) കിലോയ്ക്ക് 30 രൂപയ്ക്കും അരി കിലോ 34 രൂപയ്ക്കുമാണ് വില്ക്കുന്നത്. ഒന്നാം ഘട്ട നിരക്കായ യഥാക്രമം 27.5 രൂപ, 29 രൂപയില് നിന്ന് നേരിയ വര്ധനയാണ് ഉണ്ടായിരിക്കുന്നത്. 5 കിലോ, 10 കിലോ പാക്കറ്റുകളായാണ് വില്പ്പന. എന്സിസിഎഫ്, നാഫെഡ്, കേന്ദ്രീയ ഭണ്ഡാര് എന്നി സഹകരണ സ്ഥാപനങ്ങളിലൂടെയും ഇ-കൊമേഴ്സ് പ്ലാറ്റ്ഫോമുകളിലൂടെയുമാണ് വില്പ്പന നടക്കുക. ഉപഭോക്താക്കള്ക്ക് ആശ്വാസം നല്കുന്നതിനുള്ള താല്ക്കാലിക ഇടപെടലാണ് ഇതെന്ന് ഭക്ഷ്യമന്ത്രി പ്രഹ്ലാദ് ജോഷി പറഞ്ഞു. സഹകരണ സംഘങ്ങളുടെ മൊബൈല് വാനുകള് ഫ്ലാഗ് ഓഫ് ചെയ്ത ശേഷം പ്രതികരിക്കുകയായിരുന്നു മന്ത്രി.
ഫുഡ് കോര്പ്പറേഷന് ഓഫ് ഇന്ത്യ (എഫ്സിഐ)യില് നിന്ന് 369,000 ടണ് ഗോതമ്പും 291,000 ടണ് അരിയും രണ്ടാം ഘട്ട ചില്ലറ വില്പ്പനയ്ക്കായി സര്ക്കാര് അനുവദിച്ചിട്ടുണ്ട്. വില സ്ഥിരതാ ഫണ്ടില് നിന്നാണ് ഇതിനാവശ്യമായ തുക അനുവദിച്ചത്. അനുവദിച്ച സ്റ്റോക്ക് തീരുന്നത് വരെ ഈ ഇടപെടല് തുടരും. കൂടുതല് ആവശ്യമുണ്ടെങ്കില് വീണ്ടും അനുവദിക്കുമെന്നും മന്ത്രി പറഞ്ഞു. 2023 ഒക്ടോബര് മുതല് 2024 ജൂണ് 30 വരെയുള്ള ഒന്നാം ഘട്ടത്തില് 15.20 ലക്ഷം ടണ് ഗോതമ്പ് പൊടിയും 14.58 ലക്ഷം ടണ് അരിയുമാണ് വിതരണം ചെയ്തത്.
by Midhun HP News | Nov 5, 2024 | Latest News, ദേശീയ വാർത്ത
മുംബൈ: വ്യാപാരത്തിന്റെ അവസാന നിമിഷങ്ങളില് വലിയ തോതില് ഓഹരി വാങ്ങിക്കൂട്ടല് നടന്നതിനെ തുടര്ന്ന് ഓഹരി വിപണിയില് മുന്നേറ്റം. സെന്സെക്സ് ഏകദേശം 700 പോയിന്റ് ആണ് മുന്നേറിയത്. 694 പോയിന്റ് നേട്ടത്തോടെ സെന്സെക്സ് 79,476ല് വ്യാപാരം അവസാനിപ്പിച്ചു. നിഫ്റ്റിയിലും സമാനമായ മുന്നേറ്റം ദൃശ്യമായി. 217 പോയിന്റ് നേട്ടത്തോടെ നിഫ്റ്റി വീണ്ടും 24,000 എന്ന സൈക്കോളജിക്കല് ലെവലിന് മുകളില് എത്തി.
നടപ്പുസാമ്പത്തികവര്ഷത്തിന്റെ രണ്ടാം പകുതിയില് രാജ്യത്ത് ഉപഭോഗം വര്ധിക്കുമെന്ന പ്രതീക്ഷകളാണ് വിപണിയെ തുണച്ചത്. പ്രധാനമായി ബാങ്കിങ്, മെറ്റല് ഓഹരികളാണ് നിക്ഷേപകര് വാങ്ങിക്കൂട്ടിയത്. എച്ച്ഡിഎഫ്സി ബാങ്ക്, എസ്ബിഐ, ഐസിഐസിഐ ബാങ്ക്, റിലയന്സ്, ആക്സിസ് ബാങ്ക് ഓഹരികളാണ് പ്രധാനമായി നേട്ടം ഉണ്ടാക്കിയത്. അതേസമയം കോള്ഇന്ത്യ, അദാനി പോര്ട്സ്, ഏഷ്യന് പെയിന്റ്സ്, ഐടിസി ഓഹരികള് നഷ്ടം നേരിട്ടു.
ഇന്നലെ വ്യാപാരത്തിനിടെ സെന്സെക്സ് 1500 പോയിന്റ് ആണ് ഇടിഞ്ഞത്. ഒടുവില് 940 പോയിന്റ് നഷ്ടത്തോടെയാണ് വ്യാപാരം അവസാനിപ്പിച്ചത്. വിദേശ നിക്ഷേപത്തിന്റെ പുറത്തേയ്ക്കുള്ള ഒഴുക്കാണ് വിപണിയില് പ്രതിഫലിച്ചത്. ഇന്ന് വ്യാപാരത്തിന്റെ തുടക്കത്തിലും ഇതിന്റെ തുടര്ച്ചയാണ് ദൃശ്യമായത്. നഷ്ടത്തോടെ വ്യാപാരം ആരംഭിച്ച വിപണി ഒരു ഘട്ടത്തില് അടുത്തകാലത്തെ ഏറ്റവും താഴ്ന്ന നിലവാരമായ 78,296 പോയിന്റിലേക്കും താഴ്ന്നിരുന്നു. തുടര്ന്നായിരുന്നു തിരിച്ചുവരവ്.
by Midhun HP News | Nov 5, 2024 | Latest News, ദേശീയ വാർത്ത
ബംഗളുരു: സുഹൃത്തുക്കളുമായി ബെറ്റ് വെച്ച് പടക്കത്തിന് മുകളിൽ കയറിയിരുന്ന യുവാവിന് പൊട്ടിത്തെറിയിൽ ദാരുണാന്ത്യം. ദീപാവലി ആഘോഷങ്ങൾക്കിടെ ബംഗളുരുവിലായിരുന്നു സംഭവം. 32കാരനായ ശബരീഷ് എന്നയാളാണ് മരിച്ചത്. സംഭവത്തിന്റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്.
ദീപാവലി ദിവസം രാത്രിയായിരുന്നു സംഭവം. രാത്രി എല്ലാവരും മദ്യപിച്ച ശേഷം പടക്കം പൊട്ടിക്കാൻ തുടങ്ങി. ഇതിനിടെയായിരുന്നു ബെറ്റ് വെച്ചത്. ശക്തിയേറിയ പടക്കത്തിന് തീ കൊടുത്ത ശേഷം കാർഡ് ബോർഡ് കൊണ്ട് മൂടി അതിന് മുകളിൽ ഇരിക്കണമെന്നായിരുന്നു ആവശ്യം. ഇങ്ങനെ ചെയ്താൽ ഒരു പുതിയ ഓട്ടോറിക്ഷയായിരുന്നു സുഹൃത്തുക്കൾ സമ്മാനമായി പറഞ്ഞിരുന്നത്. ശബരീഷ് ഈ വെല്ലുവിളി ഏറ്റെടുക്കാൻ തയ്യാറായി.
ചതുരാകൃതിയിലുള്ള ഒരു പെട്ടിക്ക് മുകളിൽ ശബരീഷ് ഇരിക്കുന്നത് വീഡിയോയിൽ കാണാം. സുഹൃത്തുക്കൾ ആദ്യം ഒപ്പം നിൽക്കുന്നു. ഒരാൾ പടക്കത്തിന് തീ കൊളുത്തിയ ശേഷം എല്ലാവരും ഓടി മാറി. അൽപ നേരം കഴിഞ്ഞ് പടക്കം പൊട്ടി. പിന്നാലെ സുഹൃത്തുക്കൾ തിരിച്ചെത്തി. കുറച്ച് നേരം പെട്ടിയുടെ മുകളിൽ തന്നെ ഇരിക്കുന്ന യുവാവ് പിന്നീട് കുഴഞ്ഞ് റോഡിലേക്ക് വീഴുന്നതാണ് വീഡിയോയിലുള്ളത്. സ്ഫോടനത്തിന്റെ ആഘാതത്തിൽ യുവാവിന്റെ ആന്തരിക അവയവങ്ങൾക്ക് ക്ഷതം സംഭവിച്ചതായാണ് റിപ്പോർട്ടുകൾ. ഇത് മരണ കാരണമായിട്ടുണ്ടാവണം. പൊലീസ് കേസ് രജിസ്റ്റർ ചെയ്തു. ശബരീഷിന്റെ ആറ് സുഹൃത്തുക്കളെ പൊലീസ് പിടികൂടി. ഇവരെ കോടതിയിൽ ഹാജരാക്കിയതായി സൗത്ത് ബംഗളുരു ഡെപ്യൂട്ടി കമ്മീഷണർ ലോകേഷ് ജഗലസർ പറഞ്ഞു.
Recent Comments