by Midhun HP News | Oct 24, 2024 | Latest News, ദേശീയ വാർത്ത
നടന് ശിവകുമാറിന്റെ പാത പിന്തുടര്ന്നാണ് സൂര്യ സിനിമയിലേക്ക് ചുവടുവെക്കുന്നത്. ഇപ്പോള് തെന്നിന്ത്യയില് ഏറ്റവും താരമൂല്യമുള്ള താരങ്ങളില് ഒരാളാണ് സൂര്യ. എന്നാല് നടനാകണമെന്ന് ആഗ്രഹിച്ച് സിനിമയില് എത്തിയ ആളല്ല സൂര്യ. തുണിക്കടയില് ജോലി ചെയ്തിരുന്ന സൂര്യയെ നടനാക്കുന്നത് വീട്ടിലെ സാമ്പത്തിക പ്രശ്നങ്ങളാണ്.
തുണിക്കടയില് ജോലിക്ക് കയറി ആദ്യത്തെ 15 ദിവസം ട്രെയ്നിയായിരുന്നു. അന്ന് 750 രൂപയാണ് കിട്ടിയിരുന്നത്. ഞാന് നടന്റെ മകനാണ് എന്ന വിവരം അവര്ക്ക് അറിയില്ലായിരുന്നു. ആ സമയത്തെ എന്റെ മാസ ശമ്പളം 1200 രൂപയായിരുന്നു. ഞാനവിടെ മൂന്ന് വര്ഷത്തോളം ജോലി ചെയ്തു. ആ സമയം കൊണ്ട് എന്റെ ശമ്പളം 8000 രൂപയായി.- പിങ്ക് വില്ലക്ക് നല്കിയ അഭിമുഖത്തില് സൂര്യ പറഞ്ഞു.
അമ്മയാണ് കുടുംബത്തിലെ സാമ്പത്തിക പ്രശ്നങ്ങളെക്കുറിച്ച് സൂര്യയോട് പറയുന്നത്. ഞാന് 25,000 രൂപ കടം വാങ്ങിയിട്ടുണ്ടെന്നും ഇത് അച്ഛന് അറിയില്ലെന്നും അമ്മ എന്നോട് പറഞ്ഞു. ഇത് കേട്ട് ഞെട്ടിപ്പോയ സൂര്യ സേവിങ്സിനെക്കുറിച്ച് ചോദിച്ചത്. തങ്ങളുടെ ബാങ്ക് ബാലന്സ് ഒരിക്കലും ഒരു ലക്ഷത്തിന് മുകളില് പോകാറില്ലെന്ന് അപ്പോഴാണ് അറിയുന്നത്. ആ സമയത്ത് അച്ഛന് അധികം സിനിമകള് ചെയ്യാറുണ്ടായിരുന്നില്ലെന്നും സൂര്യ പറഞ്ഞു.കടം വാങ്ങിയ പണം തിരിച്ചുകൊടുക്കാന് അമ്മ കഷ്ടപ്പെടുന്നത് എനിക്ക് വല്ലാതെ കൊണ്ടു. ഞാന് എന്താണ് ചെയ്യുന്നത് എന്ന് ഞാന് അപ്പോഴാണ് ആലോചിച്ചത്. ഞാന് സിനിമയിലേക്ക് വന്നത് പണത്തിനു വേണ്ടിയാണ്. എന്റെ അമ്മ വാങ്ങിയ കടം തിരിച്ചടയ്ക്കാന്. അങ്ങനെയാണ് ഞാന് എന്റെ കരിയര് ആരംഭിക്കുന്നത്. അങ്ങനെയാണ് ഞാന് സൂര്യ ആയത്.- താരം കൂട്ടിച്ചേര്ത്തു.
by Midhun HP News | Oct 24, 2024 | Latest News, ദേശീയ വാർത്ത
മുംബൈ: ഇന്ന് നമ്മുടെ എല്ലാ സാമ്പത്തിക ഇടപാടുകള്ക്കും ഒഴിച്ചുകൂടാന് സാധിക്കാത്ത ഒന്നായി മാറിയിരിക്കുകയാണ് പാന് കാര്ഡ്. എന്തിനും ഏതിനും പാനില്ലാതെ നടക്കാത്ത സ്ഥിതിയാണ്. ആദായനികുതി അടയ്ക്കാനും വര്ഷാവര്ഷം ആദായനികുതി റിട്ടേണ് സമര്പ്പിക്കാനും മാത്രമല്ല. ദൈനംദിന നടക്കുന്ന എല്ലാ സാമ്പത്തിക ഇടപാടുകള്ക്കും പാന്കാര്ഡ് ഒഴിച്ചുകൂടാന് വയ്യാത്തതാണെന്ന് ചുരുക്കം.
പാന് കാര്ഡിനുള്ള പ്രാധാന്യം തിരിച്ചറിഞ്ഞ് നിരവധി തട്ടിപ്പുകളും നമ്മുടെ നാട്ടില് അരങ്ങേറുന്നുണ്ട്. പാന് കാര്ഡിലെ വിവരങ്ങള് ഹാക്കര്മാര് ചോര്ത്തിയെടുക്കുന്ന അനേകം സംഭവങ്ങള് അടിക്കടി റിപ്പോര്ട്ട് ചെയ്യപ്പെടുന്നു.
സൈബര് ആക്രമണങ്ങളും വ്യാജ ലോണ് ആപ്പുകളും തുടങ്ങി തട്ടിപ്പിന്റെ മേഖല അതീവ വിപുലമാണ്. ഇത്തരക്കാരെല്ലാം തന്നെ പാന് കാര്ഡിന്റെ വിവരങ്ങള് ചോര്ത്തിയെടുത്താണ് നമുക്ക് പണിതരുന്നത്. ഇങ്ങനെയെല്ലാമാണെങ്കിലും കാര്ഡ് സുരക്ഷിതമായി വെയ്ക്കാന് നിരവധി വഴിയുണ്ട്. അവ താഴെ കുറിക്കുന്നു.
*സംശയം തോന്നുന്ന വെബ്സൈറ്റുകളില് സ്വകാര്യ വിവരങ്ങള് പങ്കുവെയ്ക്കാതിരിക്കുക.
*പാന് ആവശ്യപ്പെടുന്ന വെബ്സൈറ്റുകള് https അല്ല ആരംഭിക്കുന്നത് എങ്കില് പരമാവധി ക്ലിക്ക് ചെയ്യാതിരിക്കുക. http സൈറ്റുകള് മാത്രമേ വിശ്വസിക്കാന് സാധിക്കൂ.
*ക്രെഡിറ്റ് സ്കോര് ഇടയ്ക്കിടെ പരിശോധിക്കുക.
* ഇനി തട്ടിപ്പില് വീണു എന്ന് സംശയം തോന്നിയാല് ഉടന് തന്നെ ഇന്ഫോര്മേഷന് നെറ്റ് വര്ക്ക് പോര്ട്ടലില് കയറി പരാതി രജിസ്റ്റര് ചെയ്യുക.
ഇക്കാര്യങ്ങളെല്ലാം കൃത്യമായി ചെയ്യാന് നമുക്ക് സാധിച്ചാല് തട്ടിപ്പുകാരെ ഭയക്കാതെ കഴിയാം.
by Midhun HP News | Oct 24, 2024 | Latest News, ദേശീയ വാർത്ത
ഡല്ഹി: കാനഡയില് അന്താരാഷ്ട്ര വിദ്യാര്ഥികള്ക്കുള്ള സ്റ്റഡി വിസ വെട്ടിക്കുറച്ചതിന് പിന്നാലെ കുടിയേറ്റത്തിലും കടുത്ത നിയന്ത്രണങ്ങള് ഏര്പ്പെടുത്തുമെന്ന് പ്രധാനമന്ത്രി ജസ്റ്റിന് ട്രൂഡോ. 2025 മുതല് സര്ക്കാര് ഇമിഗ്രേഷന് നടപടികള് പരിമിതപ്പെടുത്തുമെന്നാണ് ട്രൂഡോ വ്യക്തമാക്കിയിരിക്കുന്നത്. കഴിഞ്ഞ മാസമാണ് വിദേശ വിദ്യാര്ഥികളുടെ സ്റ്റഡി പെര്മിറ്റുകളുടെ എണ്ണത്തില് കാനഡ നിയന്ത്രണം കൊണ്ടുവന്നത്.
‘ഞങ്ങള്ക്ക് കാനഡയില് ഇനി കുറച്ച് താല്ക്കാലിക വിദേശ തൊഴിലാളികള് മാത്രമേ ഉണ്ടാകൂ. കമ്പനികള്ക്ക് കനേഡിയന് തൊഴിലാളികള്ക്ക് മുന്ഗണന നല്കി നിയമനം നടത്താന് കഴിയാത്തത് എന്തുകൊണ്ടാണെന്ന് അറിയിക്കാന് കര്ശനമായ നിയമങ്ങള് കൊണ്ടുവരും,’ ജസ്റ്റിന് ട്രൂഡോ എക്സ് പോസറ്റില് പറഞ്ഞു.
കാനഡയുടെ പുതിയ നീക്കം ഇന്ത്യയില് നിന്ന് ഉള്പ്പെടെയുള്ള കുടിയേറ്റക്കാര്ക്ക് ജോലി ലഭിക്കുന്നതിനും രാജ്യത്ത് സ്ഥിരതാമസമാക്കുന്നതിനും കൂടുതല് പ്രതിസന്ധികള് സൃഷ്ടിക്കും. 2025ല് പുതുതായി പെര്മനന്റ് റസിഡന്സി നല്കുന്നവരുടെ എണ്ണം 395,000 ആയി ചുരുക്കുമെന്ന് കനേഡിയന് സര്ക്കാര് വൃത്തങ്ങളെ ഉദ്ധരിച്ച് വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു. രാജ്യത്ത് 2025ല് കുടിയേറ്റക്കാരുടെ എണ്ണം ഏകദേശം 30,000 മുതല് 300,000 ആയി കുറയുമെന്ന് വൃത്തങ്ങള് അറിയിച്ചു.
കാനഡയില് വിദേശ കുടിയേറ്റക്കാരുടെ എണ്ണം പെരുകുന്നത് താമസ്ഥലങ്ങളുടെ വില വര്ധിക്കുന്നതായും പലിശനിരക്കുകളില് വലിയ വര്ധനവും ചൂണ്ടികാണിച്ച് ട്രൂഡോ സര്ക്കാരിനെ കനേഡിയന്സ് പ്രതിഷേധം ശക്തമാക്കിയിരുന്നു. കുടിയേറ്റക്കാരുടെ വര്ധനവ് രാജ്യത്തെ ജനസംഖ്യയെ റെക്കോര്ഡ് തലത്തിലേക്ക് തള്ളിവിട്ടു, ഇത് ഭവന ആവശ്യവും വിലയും കൂടുതല് വര്ദ്ധിച്ചതായി റോയിട്ടേഴ്സ് റിപ്പോര്ട്ട് ചെയ്തു.
by Midhun HP News | Oct 22, 2024 | Latest News, ദേശീയ വാർത്ത
ഡല്ഹി: ബംഗാള് ഉള്ക്കടലില് രൂപപ്പെടുന്ന ദന ചുഴലിക്കാറ്റ് നാളെയോടെ കരതൊടുമെന്ന് കേന്ദ്ര കാലാവസ്ഥാ വകുപ്പ്(ഐഎംഡി). ചുഴലികാറ്റ് ഒഡീഷയിലെ പുരിക്കും പശ്ചിമ ബംഗാളിലെ സാഗര് ദ്വീപിനും ഇടയില് വീശുമെന്നാണ് ഐഎംഡി മുന്നറിയിപ്പ്.
ചുഴലിക്കാറ്റിന്റെ സഞ്ചാര പാത നിരീക്ഷിക്കുകയാണെന്നും ബംഗ്ലാദേശിനെയോ ഒഡീഷയെയോ ആണോ ചുഴകാറ്റ് കൂടുതല് ബാധിക്കുകയെന്ന് അധികൃതര് നിരീക്ഷിക്കുകയാണ്. കേന്ദ്രപാറ, ബാലസോര്, ഭദ്രക് തുടങ്ങിയ മൂന്ന് ജില്ലകളെ ആകും ചുഴലിക്കാറ്റ് ഏറ്റവും കൂടുതല് ബാധിക്കുക. ദന ചുഴലിക്കാറ്റ് ഉയര്ത്തുന്ന ഏത് വെല്ലുവിളികളെയും നേരിടാന് സംസ്ഥാന സര്ക്കാര് സജ്ജമാണെന്ന് ഒഡീഷ മുഖ്യമന്ത്രി മോഹന് ചരണ് മാജി പറഞ്ഞു. എന്ഡിആര്എഫ്, ഒഡിആര്എഫ്, അഗ്നിശമന സേന എന്നിവയില് നിന്നുള്ള ടീമുകളെ സജ്ജീകരിച്ച് അപകടസാധ്യതയുള്ള പ്രദേശങ്ങള് പൂര്ണ്ണമായും ഒഴിപ്പിക്കുന്നതിന് സര്ക്കാര് ഒരു പദ്ധതി ആവിഷ്കരിച്ചിട്ടുണ്ട്.
മഴവെള്ളം വേഗത്തില് ഒഴുക്കി വിടുന്നത് ഉറപ്പാക്കാന് എല്ലാ കൃഷി ഓഫീസര്മാര്ക്കും ജില്ലാ കലക്ടര്മാര്ക്കും നിര്ദേശങ്ങള് നല്കിയിട്ടുണ്ട്. ദന ചുഴലിക്കാറ്റ് ബാധിക്കാന് സാധ്യതയുള്ള ജില്ലകളിലെ എനര്ജി ഗ്രിഡുകളും എമര്ജന്സി ട്രാന്സ്മിഷന് ടവറുകളും സൂക്ഷ്മ നിരീക്ഷണത്തിലാണ്.
ചുഴലിക്കാറ്റ് മുന്നറിയിപ്പുള്ള സാഹചര്യത്തില് ഒക്ടോബര് 24 ന് പുരി, ഖുര്ദ, ഗഞ്ചം, ജഗത്സിംഗ്പൂര് ജില്ലകളില് ഇടിമിന്നലോടും ഇടിമിന്നലോടും കൂടിയ ശക്തമായ മഴയ്ക്ക് സാധ്യതുണ്ട്. 7 മുതല് 20 സെന്റീമീറ്റര് വരെ കനത്ത മഴയ്ക്കും 20 സെന്റിമീറ്ററില് കൂടുതല് ശക്തമായ മഴയ്ക്കുമുള്ള സാധ്യത മുന്നിര്ത്തി ഈ പ്രദേശങ്ങളില് റെഡ് അലര്ട്ട് നല്കിയിട്ടുണ്ട്. മുന്കരുതല് നടപടിയായി ഒഡിഷയില് ഒക്ടോബര് 23 മുതല് 25 വരെ 14 ജില്ലകളിലെ സ്കൂളുകള് അടച്ചിടാന് നിര്ദേശമുണ്ട്. ഒക്ടോബര് 23 ന് പശ്ചിമ ബംഗാളിലെ തീരദേശ ജില്ലകളായ പുര്ബ, പശ്ചിമ മേദിനിപൂര്, വടക്ക്, തെക്ക് 24 പര്ഗാനാസ് എന്നിവിടങ്ങളില് കനത്ത മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
by Midhun HP News | Oct 22, 2024 | Latest News, ദേശീയ വാർത്ത
ന്യൂഡല്ഹി: ഇന്ത്യ നാലാമത്തെ ആണവ അന്തര്വാഹിനി പുറത്തിറക്കി. വിശാഖപട്ടണം കപ്പല് നിര്മ്മാണശാലയില് കേന്ദ്ര പ്രതിരോധമന്ത്രി രാജ്നാഥ് സിങ് ആണ് ആണവോര്ജ്ജത്തില് പ്രവര്ത്തിക്കുന്ന ബാലിസ്റ്റിക് മിസൈല് അന്തര്വാഹിനിയുടെ ലോഞ്ച് നിര്വഹിച്ചത്.
ഇന്ത്യയില് തദ്ദേശീയമായി നിര്മ്മിച്ച രണ്ടാമത്തെ ആണവോര്ജ്ജത്തില് പ്രവര്ത്തിക്കുന്ന ബാലിസ്റ്റിക് മിസൈല് അന്തര്വാഹിനിയായ (എസ്എസ്ബിഎന്) ഐഎന്എസ് അരിഘാത് ഓഗസ്റ്റ് 29നാണ് കമ്മീഷന് ചെയ്തത്. ഇന്ത്യയുടെ മൂന്നാമത്തെ എസ്എസ്ബിഎന് അടുത്ത വര്ഷം കമ്മീഷന് ചെയ്യാനാണ് പ്രതിരോധമന്ത്രാലയം പദ്ധതിയിട്ടിരിക്കുന്നത്.
ഒക്ടോബര് 9ന് സുരക്ഷാ കാര്യങ്ങള്ക്കുള്ള മന്ത്രിസഭാ സമിതി ആണവോര്ജ്ജത്തില് പ്രവര്ത്തിക്കുന്ന ബാലിസ്റ്റിക് മിസൈല് അന്തര്വാഹിനികള് രണ്ടെണ്ണം കൂടി നിര്മ്മിക്കുന്നതിനുള്ള ഇന്ത്യന് നാവികസേനയുടെ പദ്ധതികള്ക്ക് അനുമതി നല്കുകയായിരുന്നു. ശത്രു രാജ്യങ്ങളില് നിന്നുള്ള ആണവ ഭീഷണിയെ ചെറുക്കുന്നതിന്റെ ഭാഗമായാണ് പ്രതിരോധമന്ത്രാലയം സൈന്യത്തെ ശക്തിപ്പെടുത്തുന്നത്.
നാലാമത്തെ എസ്എസ്ബിഎന്നിന് ട4* എന്ന കോഡ് നാമമാണ് നല്കിയിരിക്കുന്നത്. ഏകദേശം 75ശതമാനവും തദ്ദേശീയമായാണ് നിര്മ്മിച്ചിരിക്കുന്നത്. 3,500 കിലോമീറ്റര് ദൂരപരിധിയുള്ള കെ-4 ആണവ ബാലിസ്റ്റിക് മിസൈലുകളാണ് ഇതില് ക്രമീകരിച്ചിരിക്കുന്നത്. അവ ലംബമായ വിക്ഷേപണ സംവിധാനങ്ങളിലൂടെ തൊടുക്കാന് കഴിയും. 750 കിലോമീറ്റര് ദൂരപരിധിയുള്ള കെ-15 ആണവ മിസൈലുകളാണ് ഐഎന്എസ് അരിഹന്തില് ഉള്ളത്.ഐഎന്എസ് അരിഹന്തും ഐഎന്എസ് അരിഘാതും ഇതിനകം ആഴക്കടല് പട്രോളിങ്ങിലാണ്. കൂടാതെ റഷ്യന് ആകുല ക്ലാസിന്റെ ഒരു ആണവോര്ജ്ജ ആക്രമണ അന്തര്വാഹിനി 2028 ല് സേനയുടെ ഭാഗമാകും. പാട്ടത്തിനാണ് ഇത് എടുക്കുന്നത്.
ഇന്ത്യയുടെ ആദ്യ ആണവ ആക്രമണ അന്തര്വാഹിനിക്ക് ട1 എന്നാണ് പേര് നല്കിയിരിക്കുന്നത്. ഇന്ത്യയുടെ ആദ്യത്തെ ആണവ ആക്രമണ അന്തര്വാഹിനിയായ ഐഎന്എസ് ചക്രയുടെ കോഡ് നാമമാണ് ട1. ഇത് പാട്ടത്തിന് എടുത്തതാണ്. ഐഎന്എസ് അരിഹന്ത് ട2, ഐഎന്എസ് അരിഘാത് s3, ഐഎന്എസ് അരിധാമാന് ട4 എന്നിങ്ങനെയാണ് മറ്റു അന്തര്വാഹിനികള്ക്ക് നല്കിയിരിക്കുന്ന പേര്. പുതുതായി ലോഞ്ച് ചെയ്ത അന്തര്വാഹിനിക്ക് ട4* എന്ന കോഡ് നാമമാണ് നല്കിയിരിക്കുന്നത്. ഔപചാരിക പേര് ഇതുവരെ നല്കിയിട്ടില്ല. 5000 കിലോമീറ്റര് ദൂരപരിധിയുള്ള ആണവ മിസൈലുകള് വഹിക്കാന് ശേഷിയുള്ള അന്തര്വാഹിനി നിര്മ്മിക്കാനാണ് പ്രതിരോധമന്ത്രാലയത്തിന്റെ അടുത്ത നീക്കം.
by Midhun HP News | Oct 21, 2024 | Latest News, ദേശീയ വാർത്ത
വെല്ലിങ്ടണ്: വനിതാ ട്വന്റി 20 ലോകകപ്പ് ഫൈനലില് ദക്ഷിണാഫ്രിക്കയെ വീഴ്ത്തി കിരീട ജേതാക്കളായ ന്യൂസിലന്ഡ് ടീമിന് 23 ലക്ഷം യുഎസ് ഡോളര് സമ്മാനത്തുക. കലാശപ്പോരില് 32 റണ്സിനാണ് ന്യൂസിലന്ഡ് എതിരാളികളെ പരാജയപ്പെടുത്തിയത്.
പുരുഷ ക്രിക്കറ്റ് താരങ്ങള്ക്കൊപ്പം തുല്യവേതനത്തിനായി വാദിക്കുന്ന വനിതാ താരങ്ങള്ക്ക് ഈ തുക വന്നേട്ടമാണ്. തുക തുല്യമായി പങ്കിട്ടാല് ലോകകപ്പ് ടീമിലെ ഒരംഗത്തിന് ഏകദേശം 155,000 യുഎസ് ഡോളറാണ് ലഭിക്കുക.
14 വര്ഷത്തെ ഇടവേളയ്ക്ക് ശേഷം ഫൈനലില് എത്തിയാണ് കിവീസ് ആദ്യ കിരീടത്തില് മുത്തമിടുന്നത്. 2009ലും 2010ലും റണ്ണറപ്പായി. അതേസമയം തുടര്ച്ചയായി രണ്ടാം തവണയും ദക്ഷിണാഫ്രിക്കയ്ക്ക് ഫൈനലില് കാലിടറി.
ലോകകപ്പിന്റെ സന്നാഹ മത്സരത്തില് ദക്ഷിണാഫ്രിക്കയെ പരാജയപ്പെടുത്തുന്നതിന് മുമ്പ് തുടര്ച്ചയായി 10 ടി20 മത്സരങ്ങള് തോറ്റിടത്തു നിന്നാണ് ന്യൂസിലന്ഡ് ടീമിന്റെ തിരിച്ചുവരവ്. ലോകകപ്പ് നേട്ടത്തിന് പിന്നാലെ ടീമിനെ ന്യൂസിലന്ഡ് ടീമിനെ പ്രശംസിച്ച് കായിക മന്ത്രി ക്രിസ് ബിഷപ്പ് രംഗത്തെത്തിയിരുന്നു. ടൂര്ണമെന്റില് ഇന്ത്യ, ശ്രീലങ്ക, പാകിസ്ഥാന് ടീമുകളെ തോല്പ്പിച്ച ടീം സെമിഫൈനലിലേക്കുള്ള യാത്രയില് ഓസ്ട്രേലിയയോട് മാത്രമാണ് തോറ്റത്. ടൂര്ണമെന്റ് ചരിത്രത്തില് ആറ് തവണ ചാംപ്യന്മാരായ ഓസീസിനെ ദക്ഷിണാഫ്രിക്കയാണ് പുറത്താക്കിയത്.
Recent Comments