by liji HP News | Jul 1, 2024 | Latest News, ദേശീയ വാർത്ത
ന്യൂഡല്ഹി: രാജ്യത്തിന്റെ പുതിയ കരസേനാ മേധാവിയായി ലഫ്. ജനറല് ഉപേന്ദ്ര ദ്വിവേദി ചുമതലയേറ്റു. സേനയുടെ 30-ാമത്തെ ചീഫാണ് ദ്വിവേദി. ജനറല് മനോജ് പാണ്ഡെ വിരമിച്ചതിനെ തുടര്ന്നാണ് ഉപേന്ദ്ര ദ്വിവേദി പദവിയിലെത്തിയത്.
ചൈന, പാക്കിസ്ഥാന് അതിര്ത്തികളിലെ സൈനിക നീക്കങ്ങളില് ഏറെ അനുഭവ സമ്പത്തുള്ള ദ്വിവേദി കരസേനയുടെ ഉപ മേധാവിയായി പ്രവര്ത്തിച്ചു വരികയായിരുന്നു. 2022 മുതല് 2024 ഫെബ്രുവരി 19ന് സേനയുടെ ഉപ മേധാവി സ്ഥാനമേറ്റെടുക്കുന്നതു വരെ നോര്ത്തേണ് കമാന്ഡിന്റെ കമാന്ഡിംഗ് ഇന് ചീഫായിരുന്നു അദ്ദേഹം.
1984 ഡിസംബര് 15 ന് ഡെറാഡൂണിലെ ഇന്ത്യന് മിലിട്ടറി അക്കാദമിയില് നിന്ന് ജമ്മു കശ്മീര് റൈഫിള്സിന്റെ 18-ാം ബറ്റാലിയനിലേക്ക് ജനറല് ദ്വിവേദി കമ്മീഷന് ചെയ്യപ്പെട്ടു. ഓപറേഷന് രക്ഷക് സമയത്ത് കശ്മീര് താഴ്വരയിലെ ചൗക്കിബാലിലും രാജസ്ഥാനിലെ മരുഭൂമികളിലും ഒരു ബറ്റാലിയന് കമാന്ഡ് ചെയ്തിട്ടുണ്ട്. അസമില് അസം റൈഫിള്സിന്റെ ഇന്സ്പെക്ടര് ജനറലായും മറ്റ് നിരവധി സ്റ്റാഫ് & കമാന്ഡറായും സേവനമനുഷ്ഠിച്ചു.
by Midhun HP News | Jun 30, 2024 | Latest News, ദേശീയ വാർത്ത
ന്യൂഡൽഹി: ഡൽഹിയിൽ മഴക്കെടുതിയിൽ മരിച്ചവരുടെ എണ്ണം 11 ആയി. ശനിയാഴ്ച ആറ് മരണങ്ങൾ കൂടി റിപ്പോർട്ട് ചെയ്തതോടെയാണ് മരണസംഖ്യ ഉയർന്നത്. വടക്കുപടിഞ്ഞാറൻ ഡൽഹിയിലെ ബാദ്ലിയിലെ വെള്ളക്കെട്ടുള്ള അടിപ്പാതയിൽ ശനിയാഴ്ച രണ്ട് വിദ്യാർഥികൾ മുങ്ങി മരിച്ചു. കഴിഞ്ഞ ദിവസത്തെ കനത്ത മഴയെത്തുടർന്ന് ഈ ഭാഗത്ത് വെള്ളക്കെട്ടാണ്.
നഗരത്തിലെ വെള്ളക്കെട്ടിന് പരിഹാരം കാണാൻ നടപടി സ്വീകരിച്ചെന്ന് അധികൃതർ പറഞ്ഞു. അടുത്ത രണ്ട് ദിവസത്തേക്ക് കനത്ത മഴയ്ക്ക് സാധ്യതയുള്ളതിനാൽ ഡൽഹിയിൽ ഓറഞ്ച് അലർട്ട് പ്രഖ്യാപിച്ചു. വെള്ളിയാഴ്ച രാവിലെയാണ് ഡൽഹിയിൽ ശക്തമായ മഴ തുടങ്ങിയത്.
by Midhun HP News | Jun 29, 2024 | Latest News, ദേശീയ വാർത്ത
ശ്രീനഗര്: സൈനിക പരിശീലനത്തിനിടെ അപകടത്തില്പ്പെട്ട് അഞ്ച് സൈനികര് മരിച്ചതായി റിപ്പോര്ട്ടുകള്. ലഡാക്കിലെ ദൗലത് ബേഗ് ഓള്ഡിയില് ടാങ്കുകളുടെ പരിശീലനത്തിനിടെയാണ് അപകടം ഉണ്ടായത്. നദി മുറിച്ചുകടക്കുന്നതിടെ ജലനിരപ്പ് കുത്തനെ ഉയര്ന്നതോടെ ടാങ്കുകള് അപകടത്തില്പ്പെടുകയായിരുന്നുവെന്നാണ് റിപ്പോര്ട്ടുകള് പറയുന്നത്
പുലര്ച്ച മൂന്ന് മണിയോടെയാണ് അപകടം ഉണ്ടായത്. അപകടത്തിന്റെ കൂടുതല് വിവരങ്ങള് ലഭ്യമല്ല. ടി- 72 ടാങ്കാണ് അപകടത്തില്പ്പെട്ടത്. മരിച്ചവരില് ഒരാള് ജൂനിയര് കമ്മീഷന്ഡ് ഓഫീസറാണ്. ഒരാളുടെ മൃതദേഹം കണ്ടുകിട്ടിയതായും മറ്റുളളവര്ക്കായി തിരച്ചില് തുടരുകയാണെന്നുമാണ് വിവരം.
ലേയില്നിന്ന് 148 കിലോമീറ്റര് അകലെ ന്യോമചുഷൂല് മേഖലയിലെ മന്ദിര് മോര്ഹില് യഥാര്ഥ നിയന്ത്രണ രേഖയ്ക്ക് സമീപം ടി72 ടാങ്കില് നദി മുറിച്ചുകടക്കാനുള്ള പരിശീലനത്തിലേര്പ്പെട്ടവരാണ് അപകടത്തില്പ്പെട്ടത്.
by Midhun HP News | Jun 29, 2024 | Latest News, ദേശീയ വാർത്ത
ന്യൂഡല്ഹി: റിലയന്സ് ജിയോയ്ക്കും ഭാരതി എയര്ടെല്ലിനും പിന്നാലെ വോഡഫോണ് ഐഡിയയും (വിഐ) മൊബൈല് താരിഫ് നിരക്കുകള് ഉയര്ത്തി. പ്രീ പെയ്ഡ്, പോസ്റ്റ് പെയ്ഡ് വരിക്കാര്ക്കുള്ള വര്ധന ജൂലൈ നാലിനു നിലവില് വരും.
പതിനൊന്നു മുതല് 24 ശതമാനം വരെയാണ് വര്ധനയെന്ന് കമ്പനി അറിയിച്ചു. അടുത്ത ഏതാനും പാദങ്ങളില് 5ജി സര്വീസിനായി വലിയ തോതില് മുതല്മുടക്കുമെന്ന് വിഐ വാര്ത്താക്കുറിപ്പില് അറിയിച്ചു.
28 ദിവസ വാലിഡിറ്റിയുള്ള ബേസ് പ്ലാന് നിലവിലെ 179 രൂപയില്നിന്ന് 199 ആയി മാറും. പ്രതിദിനം 1.5 ജിബി ഡാറ്റ നല്കുന്ന, 84 ദിവസത്തെ പ്ലാനിന് 859 രൂപയാണ് പുതിയ നിരക്ക്. നിലവില് ഇത് 719 ആണ്. വാര്ഷിക അണ്ലിമിറ്റഡ് പ്ലാന് 21 ശതമാനം ഉയര്ത്തി 2899ല്നിന്ന് 3499 ആക്കി.
എയര്ടെല്ലും നിരക്ക് കൂട്ടി
രാജ്യത്തെ പ്രമുഖ രണ്ടാമത്തെ ടെലികോം കമ്പനിയായ എയര്ടെല് മൊബൈല് താരിഫ് നിരക്ക് വര്ധിപ്പിച്ചു. വിവിധ പ്ലാനുകളില് 10 മുതല് 21 ശതമാനം വരെയാണ് താരിഫ് നിരക്ക് കൂട്ടിയത്. റിലയന്സിന് സമാനമായി ജൂലൈ മൂന്നിന് എയര്ടെലിന്റെ പുതുക്കിയ താരിഫ് നിരക്കും നിലവില് വരും. പത്താമത്തെ സ്പെക്ട്രം ലേലത്തിന് തൊട്ടുപിന്നാലെയാണ് മൊബൈല് ഓപ്പറേറ്റര്മാരില് നിന്നുള്ള മൊബൈല് താരിഫ് വര്ധന.
കുറഞ്ഞ പ്ലാനുകളില് പ്രതിദിനം 70 പൈസയില് താഴെ മാത്രമാണ് വര്ധനയെന്ന് എയര്ടെല് അറിയിച്ചു. അതുകൊണ്ട് തന്നെ ഉപയോക്താവിന്റെ ബജറ്റിനെ കാര്യമായി ഇത് ബാധിക്കില്ല. സാമ്പത്തിക നില മെച്ചപ്പെടുത്തുന്നതിന് ഒരു ഉപയോക്താവില് നിന്നുള്ള ശരാശരി വരുമാനം 300 രൂപയിലധികമായി വര്ധിപ്പിക്കേണ്ടതുണ്ട്. നെറ്റ്വര്ക്ക് ടെക്നോളജിയിലും സ്പെക്ട്രത്തിലും ആവശ്യമായ നിക്ഷേപം നടത്താന് ഈ താരിഫ് വര്ധന സഹായകമാകുമെന്നും എയര്ടെല് പ്രസ്താവനയില് പറഞ്ഞു.
അണ്ലിമിറ്റഡ് വോയ്സ് പ്ലാനുകളില് ഏകദേശം 11 ശതമാനമാണ് താരിഫ് വര്ധന. ഇതനുസരിച്ച് നിരക്ക് 179 രൂപയില് നിന്ന് 199 രൂപയായും 455 രൂപയില് നിന്ന് 509 രൂപയായും 1,799 രൂപയില് നിന്ന് 1,999 രൂപയായും വര്ധിപ്പിച്ചതായും എയര്ടെല് അറിയിച്ചു. പ്രതിദിന ഡാറ്റ പ്ലാന് വിഭാഗത്തില്, 479 രൂപയുടെ പ്ലാന് 579 രൂപയായാണ് ഉയര്ത്തിയത്. 20.8 ശതമാനം വര്ധന.
by Midhun HP News | Jun 28, 2024 | Latest News, ദേശീയ വാർത്ത
ചെന്നൈ: മെഡിക്കല് പ്രവേശനത്തിനായി അഖിലേന്ത്യാ തലത്തില് നടത്തുന്ന നീറ്റ് പരീക്ഷ അവസാനിപ്പിക്കണമെന്ന് ആവശ്യപ്പെടുന്ന പ്രമേയം തമിഴ്നാട് നിയമസഭ ഏകകണ്ഠമായി പാസാക്കി. മെഡിക്കല് പ്രവേശനത്തിന് പന്ത്രണ്ടാം ക്ലാസ് മാര്ക്കിന്റെ അടിസ്ഥാനത്തില് പ്രവേശനം നടത്താന് സംസ്ഥാന സര്ക്കാരുകളെ അനുവദിക്കണമെന്ന് പ്രമേയത്തില് ആവശ്യപ്പെടുന്നു.
നീറ്റ് നടപ്പാക്കുന്നതിന് മുമ്പ് 12 ാം ക്ലാസിലെ മാര്ക്കിനടിസ്ഥാനപ്പെടുത്തിയായിരുന്നു പ്രവേശനം. ഇത് വീണ്ടും നടപ്പിലാക്കണമെന്നാണ് തമിഴ്നാട് സര്ക്കാരിന്റെ ആവശ്യം. നീറ്റ് പരീക്ഷ ക്രമക്കേടും വിവാദങ്ങളും നിലനില്ക്കുന്ന സാഹചര്യത്തിലാണ് തമിഴ്നാട് മുഖ്യമന്ത്രി എം കെ സ്റ്റാലിന് പ്രമേയം അവതരിപ്പിച്ചത്.
കേരളം
ദേശീയം
ചലച്ചിത്രം
കായികം
ധനകാര്യം
ജീവിതം
ആരോഗ്യം
രാജ്യാന്തരം
നിലപാട്
മലയാളം വാരിക
Advertisement
ദേശീയം
നീറ്റ് പരീക്ഷ വേണ്ട, മെഡിക്കല് പ്രവേശനം പ്ലസ് ടു മാര്ക്കിന്റെ അടിസ്ഥാനത്തിലാക്കണം; പ്രമേയം പാസാക്കി തമിഴ്നാട് നിയമസഭ
നീറ്റ് പരീക്ഷ ക്രമക്കേടും വിവാദങ്ങളും നിലനില്ക്കുന്ന സാഹചര്യത്തിലാണ് തമിഴ്നാട് മുഖ്യമന്ത്രി എം കെ സ്റ്റാലിന് പ്രമേയം അവതരിപ്പിച്ചത്.
mk stalin
നിയമസഭയില് പ്രമേയം എം കെ സ്റ്റാലിന് അവതരിപ്പിക്കുന്നുവീഡിയോ സ്ക്രീന്ഷോട്ട്
സമകാലിക മലയാളം ഡെസ്ക്
Published on:
28 Jun 2024, 3:06 pm
Updated on:
28 Jun 2024, 3:06 pm
ചെന്നൈ: മെഡിക്കല് പ്രവേശനത്തിനായി അഖിലേന്ത്യാ തലത്തില് നടത്തുന്ന നീറ്റ് പരീക്ഷ അവസാനിപ്പിക്കണമെന്ന് ആവശ്യപ്പെടുന്ന പ്രമേയം തമിഴ്നാട് നിയമസഭ ഏകകണ്ഠമായി പാസാക്കി. മെഡിക്കല് പ്രവേശനത്തിന് പന്ത്രണ്ടാം ക്ലാസ് മാര്ക്കിന്റെ അടിസ്ഥാനത്തില് പ്രവേശനം നടത്താന് സംസ്ഥാന സര്ക്കാരുകളെ അനുവദിക്കണമെന്ന് പ്രമേയത്തില് ആവശ്യപ്പെടുന്നു.
നീറ്റ് നടപ്പാക്കുന്നതിന് മുമ്പ് 12 ാം ക്ലാസിലെ മാര്ക്കിനടിസ്ഥാനപ്പെടുത്തിയായിരുന്നു പ്രവേശനം. ഇത് വീണ്ടും നടപ്പിലാക്കണമെന്നാണ് തമിഴ്നാട് സര്ക്കാരിന്റെ ആവശ്യം. നീറ്റ് പരീക്ഷ ക്രമക്കേടും വിവാദങ്ങളും നിലനില്ക്കുന്ന സാഹചര്യത്തിലാണ് തമിഴ്നാട് മുഖ്യമന്ത്രി എം കെ സ്റ്റാലിന് പ്രമേയം അവതരിപ്പിച്ചത്.
mk stalin
പരീക്ഷാപരിഷ്കരണം: വിദ്യാര്ത്ഥികളില് നിന്നും രക്ഷിതാക്കളില് നിന്നും നിര്ദേശങ്ങള് തേടി ഉന്നത തല സമിതി
മണിതനേയ മക്കള് കച്ചി, മറുമലര്ച്ചി ദ്രാവിഡ മുന്നേറ്റ കഴകം, തമിഴക വെട്രി കഴകം, സിപിഎം തുടങ്ങി നിരവധി പാര്ട്ടികള് പ്രമേയത്തെ പിന്തുണച്ചു. നീറ്റില് നിന്ന് തമിഴ്നാടിനെ ഒഴിവാക്കണമെന്ന ആവശ്യം ദ്രാവിഡ മുന്നേറ്റ കഴകം (ഡിഎംകെ) എംപി കെ കനിമൊഴി ആവര്ത്തിച്ചു. ഞങ്ങള്ക്ക് നീറ്റ് വേണ്ടെന്ന് സ്ഥിരമായി പറയുന്നുണ്ട്. നീറ്റ് ന്യായമായ പരീക്ഷയല്ലെന്ന് ഇപ്പോള് തെളിഞ്ഞു. നീറ്റ് കാരണം വിദ്യാര്ത്ഥികള്ക്ക് വളരെയധികം നഷ്ടം സംഭവിക്കുന്നുവെന്നും കനിമൊഴി ഡല്ഹിയില് എഎന്ഐയോട് പ്രതികരിച്ചു.
മണിതനേയ മക്കള് കച്ചി, മറുമലര്ച്ചി ദ്രാവിഡ മുന്നേറ്റ കഴകം, തമിഴക വെട്രി കഴകം, സിപിഎം തുടങ്ങി നിരവധി പാര്ട്ടികള് പ്രമേയത്തെ പിന്തുണച്ചു. നീറ്റില് നിന്ന് തമിഴ്നാടിനെ ഒഴിവാക്കണമെന്ന ആവശ്യം ദ്രാവിഡ മുന്നേറ്റ കഴകം (ഡിഎംകെ) എംപി കെ കനിമൊഴി ആവര്ത്തിച്ചു. ഞങ്ങള്ക്ക് നീറ്റ് വേണ്ടെന്ന് സ്ഥിരമായി പറയുന്നുണ്ട്. നീറ്റ് ന്യായമായ പരീക്ഷയല്ലെന്ന് ഇപ്പോള് തെളിഞ്ഞു. നീറ്റ് കാരണം വിദ്യാര്ത്ഥികള്ക്ക് വളരെയധികം നഷ്ടം സംഭവിക്കുന്നുവെന്നും കനിമൊഴി ഡല്ഹിയില് എഎന്ഐയോട് പ്രതികരിച്ചു.
നീറ്റില് നിന്ന് തമിഴ്നാടിനെ ഒഴിവാക്കണമെന്ന് ആവശ്യപ്പെട്ട് നിയമസഭ ഏകകണ്ഠമായി പാസാക്കിയ ബില് രാഷ്ട്രപതിയുടെ അനുമതിക്കായി നല്കിയിരിക്കുകയാണ്. ഇതിന് ഉടന് അനുമതി നല്കണമെന്ന് കനിമൊഴി ആവശ്യപ്പെട്ടു.
4750 കേന്ദ്രങ്ങളിലായി 23ലക്ഷത്തിലധികം വിദ്യാര്ഥികളാണ് മെയ് 5ന് നടന്ന നീറ്റ് പരീക്ഷയില് പങ്കെടുത്തത്. പരീക്ഷയില് പങ്കെടുത്ത 67 വിദ്യാര്ഥികള് മുഴുവന് മാര്ക്കായ 720 മാര്ക്ക് നേടിയതാണ് പരീക്ഷയിലെ ക്രമക്കേട് ശ്രദ്ധിക്കാന് കാരണമായത്
by Midhun HP News | Jun 28, 2024 | Latest News, ദേശീയ വാർത്ത
ന്യൂഡൽഹി: കനത്ത കാറ്റിലും മഴയിലും ഡൽഹി വിമാനത്താവളത്തിലെ ടെര്മിനല് ഒന്നിലെ മേല്ക്കൂര തകര്ന്നുണ്ടായ അപകടത്തില് ഒരാള് മരിച്ചു. പരിക്കേറ്റ മൂന്നുപേരുടെ നില ഗുരുതരമായി തുടരുകയാണ്. മേല്ക്കൂര താഴെയുണ്ടായിരുന്ന കാറുകള്ക്ക് മുകളിലേക്ക് പതിക്കുകയായിരുന്നു. അപകടത്തില് ടാക്സി ഡ്രൈവറാണ് മരിച്ചത്. പുലര്ച്ചെ അഞ്ച് മണിയോടെ കനത്ത മഴക്കിടെ ആഭ്യന്തര വിമാന ടെര്മിനലിലെ (ടെര്മിനല് -1) മേല്ക്കൂരയുടെ ഭാഗങ്ങള് തകര്ന്നു വീഴുകയായിരുന്നു. നിരവധി കാറുകളാണ് തകര്ന്നത്. കാറുകള്ക്കുള്ളിലുണ്ടായിരുന്നവരാണ് അപകടത്തില്പ്പെട്ടത്.
വ്യോമയാന മന്ത്രി രാം മോഹൻ നായിഡു സ്ഥലം സന്ദര്ശിച്ചു. വീഴ്ചവരുത്തിയവര്ക്കെതിരെ നടപടിയുണ്ടാകുമെന്നും മരിച്ചവരുടെ കുടുംബത്തിന് 20 ലക്ഷം നഷ്ടപരിഹാരം നൽകുമെന്നും മന്ത്രി അറിയിച്ചു. എയര്പോര്ട്ട് അധികൃതരും വ്യോമയാന മന്ത്രാലയവും അന്വേഷണം നടത്തുമെന്നും കുറ്റക്കാർക്കെതിരെ നിയമ നടപടി ഉണ്ടാകുമെന്നും മന്ത്രി വ്യക്തമാക്കി.
Recent Comments