by Midhun HP News | Feb 9, 2024 | Latest News, ദേശീയ വാർത്ത
കൊച്ചി: വീട്ടില് തുരുമ്പു പിടിച്ച് കിടക്കുന്ന വാഹനങ്ങള് ആക്രി കച്ചവടക്കാര്ക്ക് തൂക്കി വില്ക്കുമ്പോള് ചില കാര്യങ്ങള് ശ്രദ്ധിക്കണമെന്ന് മോട്ടോര് വാഹനവകുപ്പ്. മോട്ടോര് വാഹന നിയമപ്രകാരം രജിസ്ട്രേഷന് സര്ട്ടിഫിക്കറ്റ് ക്യാന്സല് ചെയ്യാതെ പഴയ വാഹനം തൂക്കി വില്ക്കുന്നത് ഭാവിയില് പ്രശ്നങ്ങളിലേക്ക് നയിച്ചേക്കാമെന്ന് മോട്ടോര് വാഹന വകുപ്പ് ഫെയ്സ്ബുക്കിലൂടെ മുന്നറിയിപ്പ് നല്കി.
‘തൂക്കി വിറ്റ പഴയ വാഹനം റിപ്പയര് ചെയ്ത് മറ്റാരെങ്കിലും ഉപയോഗിച്ച് എന്തെങ്കിലും അപകടം സംഭവിച്ചാലോ, മറ്റേതെങ്കിലും ക്രിമിനല് കുറ്റകൃത്യത്തിനുപയോഗിച്ചാലോ എല്ലാ ഉത്തരവാദിത്തവും വാഹന ഉടമ എന്ന നിലയില് നിങ്ങള്ക്കായിരിക്കും. വണ്ടി കൃത്യമായി കൈമാറി ഉടമ സ്ഥാവകാശം മാറ്റിയില്ലെങ്കിലും ഈ പ്രശ്നമുണ്ടാവും. മാത്രമല്ല സമയാ സമയത്ത് സര്ക്കാരിലേക്ക് അടക്കേണ്ടതായ നികുതി ഒരു ബാധ്യതയായി നിങ്ങളുടെ മുന്നിലെത്താനും ഇത് വഴിവെക്കും. ഉപയോഗശൂന്യമായ വാഹനങ്ങള് പൊളിച്ചു കളയാന് നിങ്ങള് ഉദ്ദേശിക്കുന്നുവെങ്കില് ആ വിവരം കാണിച്ച് ബന്ധപ്പെട്ട RT0/JRTO ഓഫീസില് ഒരു അപേക്ഷ നല്കുക.
സര്ക്കാരിലൊടുക്കേണ്ട ഏതെങ്കിലും നികുതി, പിഴ തുടങ്ങിയവ ഉണ്ടെങ്കില് അവ ഒടുക്കി, അസി. മോട്ടോര് വെഹിക്കിള് ഇന്സ്പെക്ടറെ അറിയിച്ച് ചേസിസ് നമ്പര്, എന്ജിന് നമ്പര് എന്നിവ കട്ട് ചെയ്ത് വാഹനം പൊളിച്ച ശേഷം, ആ ഉദ്യോഗസ്ഥന് പ്രസ്തുത വാഹനം ഈ തീയതിയില് പൊളിച്ചു കളഞ്ഞു എന്ന് റിപ്പോര്ട്ട് ചെയ്യുന്നതോടെ നിയമപരമായി നിങ്ങളുടെ വാഹനത്തിന്റെ രജിസ്ട്രേഷന് ക്യാന്സല് ആകും’- മോട്ടോര് വാഹനവകുപ്പ് കുറിച്ചു.
കുറിപ്പ്:
വെറുതെ തൂക്കി വില്ക്കല്ലെ…. അവസാനം വെട്ടിലാവും’
പഴയ സാധനങ്ങള് ഉണ്ടോ?…… പഴയ പ്ലാസ്റ്റിക്, ഇരുമ്പ്, പേപ്പര് കൊടുക്കാനുണ്ടോ?…
വീടുകള് തോറും ഇങ്ങനെ പഴയ സാധനങ്ങള് എടുക്കുന്നതിനായി ചെറിയ ഗുഡ്സ് വാഹനങ്ങളുമായി വരുന്ന ആളുകളെ കാണാന് കഴിയും.ഇത്തരക്കാര്ക്കോ മറ്റു ആക്രി കച്ചവടക്കാര്ക്കോ നമ്മുടെ വീട്ടിലുള്ള പഴയ തുരുമ്പ് പിടിച്ച വാഹനങ്ങള് നിങ്ങള് നല്കാറുണ്ടോ?
തുച്ഛമായ വിലക്ക് ഇത്തരം വണ്ടികള് നല്കുമ്പോള് അതിന്റെ റെജിസ്ട്രേഷന് സര്ട്ടിഫിക്കറ്റ് കൃത്യമായി ക്യാന്സല് ചെയ്തതിനു ശേഷമാണോ നിങ്ങള് വില്ക്കാറുള്ളത് ? സാധ്യത ഇല്ല അല്ലെ?
മോട്ടോര് വാഹന നിയമപ്രകാരം നമ്മുടെ പഴയ വാഹനങ്ങള് സ്ക്രാപ്പ് ചെയ്ത് ആര്സി ക്യാന്സല് ചെയ്തില്ലെങ്കില് ഒരു പക്ഷേ നിങ്ങള് വലിയ ഒരു പ്രശ്നത്തിലേക്ക് ചെന്ന് ചാടിയേക്കാം. നിങ്ങളുടെ ആ വാഹനം റിപ്പയര് ചെയ്ത് മറ്റാരെങ്കിലും ഉപയോഗിച്ച് എന്തെങ്കിലും അപകടം സംഭവിച്ചാലോ, മറ്റേതെങ്കിലും ക്രിമിനല് കുറ്റകൃത്യത്തിനുപയോഗിച്ചാലോ എല്ലാ ഉത്തരവാദിത്തവും വാഹന ഉടമ എന്ന നിലയില് നിങ്ങള്ക്കായിരിക്കും. (വണ്ടി കൃത്യമായി കൈമാറി ഉടമ സ്ഥാവകാശം മാറ്റിയില്ലെങ്കിലും ഈ പ്രശ്നമുണ്ടാവും) മാത്രമല്ല സമയാ സമയത്ത് സര്ക്കാരിലേക്ക് അടക്കേണ്ടതായ നികുതി ഒരു ബാധ്യതയായി നിങ്ങളുടെ മുന്നിലെത്താനും ഇത് വഴിവെക്കും.
ഉപയോഗശൂന്യമായ വാഹനങ്ങള് പൊളിച്ചു കളയാന് നിങ്ങള് ഉദ്ദേശിക്കുന്നുവെങ്കില് ആ വിവരം കാണിച്ച് ബന്ധപ്പെട്ട RT0/JRTO ഓഫീസില് ഒരു അപേക്ഷ നല്കുക. സര്ക്കാരിലൊടുക്കേണ്ട ഏതെങ്കിലും നികുതി, പിഴ തുടങ്ങിയവ ഉണ്ടെങ്കില് അവ ഒടുക്കി, അസി. മോട്ടോര് വെഹിക്കിള് ഇന്സ്പെക്ടറെ അറിയിച്ച് ചേസിസ് നമ്പര് എഞ്ചിന്നമ്പര് എന്നിവ കട്ട് ചെയ്ത് വാഹനം പൊളിച്ച ശേഷം, ആ ഉദ്യോഗസ്ഥന് പ്രസ്തുത വാഹനം ഈ തീയതിയില് പൊളിച്ചു കളഞ്ഞു എന്ന് റിപ്പോര്ട്ട് ചെയ്യുന്നതോടെ നിയമപരമായി നിങ്ങളുടെ വാഹനത്തിന്റെ റെജിസ്ട്രേഷന് ക്യാന്സല് ആകും
by Midhun HP News | Feb 9, 2024 | Latest News, ദേശീയ വാർത്ത
ഡല്ഹി: നിലവിലെ ഒടിപി വെരിഫിക്കേഷന് സംവിധാനത്തിന് പകരം കൂടുതല് സുരക്ഷ ഉറപ്പാക്കുന്ന സാങ്കേതികവിദ്യ നടപ്പാക്കാന് റിസര്വ് ബാങ്ക് പദ്ധതിയിടുന്നു. ഡിജിറ്റല് ഇടപാടുകള്ക്ക് കൂടുതല് ആധികാരികത കൈവരുന്നതിന് തത്വാധിഷ്ഠിത ചട്ടക്കൂടിന്
രൂപം നല്കാന് ആര്ബിഐ ആലോചിക്കുന്നതായാണ് കഴിഞ്ഞദിവസം പണവായ്പാ നയപ്രഖ്യാപനത്തിനിടെ ഗവര്ണര് ശക്തികാന്ത ദാസ് മാധ്യമങ്ങളോട് പറഞ്ഞത്.
‘ഡിജിറ്റല് പേയ്മെന്റുകള് സുരക്ഷിതമാക്കുന്നതിന് അഡീഷണല് ഫാക്ടര് ഓഫ് ഓതന്റിക്കേഷന് (എഎഫ്എ) പോലുള്ള വിവിധ സംവിധാനങ്ങള് റിസര്വ് ബാങ്ക് ഇതിനോടകം തന്നെ അവതരിപ്പിച്ചിട്ടുണ്ട്. അതിനിടെ എസ്എംഎസ് അടിസ്ഥാനമാക്കിയുള്ള ഒടിപി വളരെ ജനപ്രിയമായി. എന്നിരുന്നാലും, സാങ്കേതിക പുരോഗതിക്കൊപ്പം, സമീപ കാലങ്ങളില് ആധികാരികത ഉറപ്പാക്കാന് മറ്റു സംവിധാനങ്ങള് ഉയര്ന്നുവന്നിട്ടുണ്ട്. അതിനാല്, ഡിജിറ്റല് പേയ്മെന്റുകളുടെ സുരക്ഷ വര്ദ്ധിപ്പിക്കുന്നതിന് ബദല് സംവിധാനം സ്വീകരിക്കുന്നതിന് ഒരു തത്വാധിഷ്ഠിത ചട്ടക്കൂട് സ്ഥാപിക്കാന് നിര്ദ്ദേശിക്കുന്നു.’-ശക്തികാന്ത ദാസ് പറഞ്ഞു.
തത്വാധിഷ്ഠിത ചട്ടക്കൂടിന്റെ വിശദാംശങ്ങള് പിന്നീട് അറിയിക്കുമെന്നും ആര്ബിഐ ഗവര്ണര് വ്യക്തമാക്കി. അടുത്തിടെ ഡിജിറ്റല് പേയ്മെന്റുകളുമായി ബന്ധപ്പെട്ട് തട്ടിപ്പുകള് വര്ധിച്ച പശ്ചാത്തലത്തിലാണ് പുതിയ സുരക്ഷാ സംവിധാനത്തെ കുറിച്ച് ആര്ബിഐ ആലോചിച്ച് തുടങ്ങിയത്. 2022നും 23നും ഇടയില് യുപിഐ ഇടപാടുകളുമായി ബന്ധപ്പെട്ട് 95000 തട്ടിപ്പുകള് ആണ് നടന്നത്. ഈ പശ്ചാത്തലത്തിലാണ് ഇടപാടുകളുടെ ആധികാരികത ഉറപ്പാക്കാന് പുതിയ സംവിധാനം കൊണ്ടുവരുന്നതിനെ കുറിച്ച് ആര്ബിഐ ആലോചിച്ചത്.
by Midhun HP News | Feb 9, 2024 | Latest News, ദേശീയ വാർത്ത
ഹല്ദ്വാനി: മദ്രസ പൊളിച്ചു നീക്കിയതുമായി ബന്ധപ്പെട്ട് ഉത്തരാഖണ്ഡിലെ ഹല്ദ്വാനിയിലുണ്ടായ സംഘര്ഷത്തില് നാലു പേര് മരിച്ചു. വിവധ പ്രദേശങ്ങളിലായി ഉണ്ടായ സംഘര്ഷത്തില് 250ഓളം പേര്ക്ക് പരിക്കേല്ക്കുകയും ചെയ്തു. സംഘര്ഷാവസ്ഥ നിയന്ത്രണവിധേയമാക്കാന് കര്ഫ്യൂ ഏര്പ്പെടുത്തി.
സംഘര്ഷം വ്യാപിച്ചതോടെ ഹല്ദ്വാനിയിലെ സ്കൂളുകള് പൂട്ടുകയും ഇന്റര്നെറ്റ് സേവനങ്ങള് നിര്ത്തിവെക്കുകയും ചെയ്തു. പ്രദേശത്ത് അര്ധസൈനിക വിഭാഗത്തെ വിന്യസിച്ചു. കലാപകാരികളെ വെടിവയ്ക്കാന് ഉത്തരവിട്ടു.
കോടതി ഉത്തരവ് പ്രകാരമാണ് സര്ക്കാര് ഭൂമി കയ്യേറി നിര്മിച്ച മദ്രസ പൊളിച്ചത്. ബന്ഭൂല്പുര പൊലീസ് സ്റ്റേഷന് സമീപം അനധികൃതമായാണ് മദ്രസയും പള്ളിയും നിര്മിച്ചത് എന്നായിരുന്നു കണ്ടെത്തല്. മുനിസിപ്പല് കോര്പ്പറേഷന് ഉദ്യോഗസ്ഥര് എത്തിയാണ് മദ്രസ പൊളിച്ചത്. ഇത് തടയാന് ജനങ്ങള് കൂട്ടമായി എത്തിയതോടെ സംഘര്ഷത്തിന് വഴിമാറുകയായിരുന്നു.
by Midhun HP News | Feb 8, 2024 | Latest News, ദേശീയ വാർത്ത
ഹമാസിന്റെ വെടിനിർത്തൽ നിർദേശങ്ങൾ തള്ളി ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു. മാസങ്ങൾക്കുള്ളിൽ വിജയം സാധ്യമാകുമെന്നും ഗസ ഭാവിയിൽ ഇസ്രായേലിന് വെല്ലുവിളിയാകില്ലെന്ന് ഉറപ്പുവരുത്തുക കൂടിയാണ് യുദ്ധലക്ഷ്യമെന്നും നെതന്യാഹു പറഞ്ഞു. യുദ്ധം നിർത്താനുള്ള ഹമാസിന്റെ പദ്ധതികൾ വിചിത്രമാണെന്നും അദ്ദേഹം വ്യക്തമാക്കി. ഇന്ന് ചേരുന്ന ഇസ്രായേൽ യുദ്ധകാര്യ മന്ത്രിസഭാ യോഗം ഹമാസ് നിർദേശം ചർച്ച ചെയ്യും.
ദീർഘകാല വെടിനിർത്തലിന് ഇസ്രയേൽ നേതാക്കളെ അനുനയിപ്പിക്കാനുള്ള യു.എസ് സ്റ്റേറ്റ് സെക്രട്ടറി ആൻറണി ബ്ലിൻകന്റെ നീക്കം വിജയം കണ്ടില്ല. ഹമാസ് മുന്നോട്ടുവെച്ച വ്യവസ്ഥകളിൽ ചിലതിനോട് യോജിപ്പില്ലെങ്കിലും ബന്ദിമോചനം ഉറപ്പാക്കാൻ വെടിനിർത്തൽ അനിവാര്യമാണെന്ന് ഇസ്രയേൽ നേതാക്കളുമായുള്ള ചർച്ചക്കൊടുവിൽ ആൻറണി ബ്ലിൻകൻ പ്രതികരിച്ചു. ഗസ്സയിൽ കുരുതിയിൽ ആശങ്ക അറിയിച്ച ബ്ലിൻകൻ, ആവശ്യത്തിന് സഹായം ഉറപ്പാക്കാൻ വൈകരുതെന്നും നെതന്യാഹുവിനോട് അഭ്യർഥിച്ചു. വെടിനിർത്തൽ ചർച്ചകൾ തുടരുമെന്നും അദ്ദേഹം അറിയിച്ചു.
അതേസമയം ഇന്നലെ ചേർന്ന മന്ത്രിസഭാ യോഗത്തിൽ ഹമാസ് വ്യവസ്ഥകൾ സംബന്ധിച്ച് ഭിന്നാഭിപ്രായം രൂപപ്പെട്ടതായി ഇസ്രായേൽ മാധ്യമങ്ങൾ റിപ്പോർട്ട് ചെയ്തു. ഇന്ന് യുദ്ധകാര്യ മന്ത്രിസഭാ യോഗം ചേരുന്നുണ്ടെങ്കിലും ഹമാസ് വ്യവസ്ഥകൾക്കനുസൃതമായുള്ള വെടിനിർത്തൽ തള്ളാനാണ് സാധ്യത.
by Midhun HP News | Feb 8, 2024 | Latest News, ദേശീയ വാർത്ത
ഡല്ഹി: കേന്ദ്രസര്ക്കാരിന്റെ അവഗണനയ്ക്കെതിരെ ഡല്ഹിയില് പ്രതിഷേധമുയര്ത്തി സംസ്ഥാന സര്ക്കാര്. ജന്തര് മന്തറില് നടന്ന പ്രതിഷേധസമരത്തില് മന്ത്രിസഭ ഒന്നാകെ അണിനിരന്നു. മുഖ്യമന്ത്രി പിണറായി വിജയന്റെ നേതൃത്വത്തില് മന്ത്രിമാരും ജനപ്രതിനിധികളും കേരള ഹൗസില് നിന്നും പ്രകടനമായിട്ടാണ് സമരവേദിയായ ജന്തര് മന്തറിലെത്തിയത്. ഫെഡറലിസം സംരക്ഷിക്കണമെന്ന മുദ്രാവാക്യവുമായിട്ടാണ് സമരം.
പ്രതിഷേധത്തില് ഡിഎംകെയുടെ പ്രതിനിധിയായി മന്ത്രി പഴനിവേല് ത്യാഗരാജന് പങ്കെടുത്തു. കറുത്ത വസ്ത്രം ധരിച്ചാണ് തമിഴ്നാട് മന്ത്രി സമരത്തിനെത്തിയത്. സിപിഎം കേന്ദ്രനേതാക്കളായ സീതാറാം യച്ചൂരി, പ്രകാശ് കാരാട്ട്, സിപിഐ ജനറല് സെക്രട്ടറി ഡി രാജ, സംസ്ഥാന മന്ത്രിമാര്, എംപിമാര്, എംഎല്എമാര് തുടങ്ങിയവര് സമരത്തില് അണിചേര്ന്നു.
ജന്തർ മന്തറിൽ നടക്കുന്ന സമരം
57,800 കോടി രൂപ ലഭിക്കാനുണ്ടെന്നത് നുണ; കർണാടക നടത്തിയത് വേറെ സമരം: വിഡി സതീശന്
നാഷണല് കോണ്ഫറന്സ് നേതാവും ജമ്മു കശ്മീര് മുന് മുഖ്യമന്ത്രിയുമായ ഫറൂഖ് അബ്ദുള്ളയും സമരവേദിയിലെത്തി. സമരത്തിന് ഐക്യദാര്ഢ്യവുമായി എഎപിയും സമരവേദിയിലെത്തിയിട്ടുണ്ട്. സമരത്തിന് പിന്തുണയുമായി വിവിധ സംഘടനകളും വിദ്യാര്ത്ഥികളും ജന്തര് മന്തറിലെത്തി. ആര്ജെഡി, ജെഎംഎം, എന്സിപി തുടങ്ങിയ പ്രതിപക്ഷ കക്ഷികളുടെ നേതാക്കളെ സമരത്തിലേക്ക് ക്ഷണിച്ചിട്ടുണ്ട്.
by Midhun HP News | Feb 8, 2024 | Latest News, ദേശീയ വാർത്ത
ബംഗളൂരു: കര്ണാടകയില് സംസ്ഥാന വ്യാപകമായി ഹുക്ക നിരോധിച്ച് സര്ക്കാര് ഉത്തരവിറക്കി. ഹുക്കയുടെ വിപണനവും ഉപയോഗവും വിലക്കിയിട്ടുണ്ട്. പൊതുജനാരോഗ്യ സംരക്ഷണാര്ഥമാണ് നടപടിയെന്ന് ആരോഗ്യമന്ത്രി ദിനേഷ് ഗുണ്ടുറാവു പറഞ്ഞു.
ഹുക്ക നിരോധിച്ചുകൊണ്ട്, സിഗരറ്റ് ആന്ഡ് അദര് ടുബാക്കോ പ്രൊഡക്ടക്സ് നിയമനത്തില് ഭേദഗതി വരുത്തിയതായി മന്ത്രി പറഞ്ഞു. വരുംതലമുറയ്ക്ക് ആരോഗ്യകരമായ അന്തരീക്ഷം ഒരുക്കാന് സര്ക്കാര് പ്രതിജ്ഞാബദ്ധമാണെന്ന് മന്ത്രി എക്സില് കുറിച്ചു.
Recent Comments