by liji HP News | Mar 1, 2024 | Latest News, ദേശീയ വാർത്ത
കേരളത്തിലേക്ക് കൂടുതൽ സര്വീസുകൾ; വേനൽക്കാല ഷെഡ്യൂളുമായി എയര്ലൈൻ. തിരുവനന്തപുരത്തേക്കുള്ള സര്വീസ് വര്ധിപ്പിച്ചിട്ടുണ്ട്. തിരുവനന്തപുരത്തേക്കുള്ള പ്രതിദിന സര്വീസ് ആഴ്ചയില് പത്ത് ആക്കി ഉയര്ത്തി. ഇതിന് പുറമെ ജയ്പൂരിലേക്ക് പുതിയ സര്വീസ് പ്രഖ്യാപിക്കുകയും ചെയ്തു. നിലവില് അബുദാബിയില് നിന്ന് കൊച്ചിയിലേക്ക് ദിവസേന മൂന്ന് സര്വീസുകളുണ്ട്.
പുതിയ സര്വീസുകള് വരുന്നതോടെ കേരളത്തിലേക്ക് ആഴ്ചയില് ആയിരത്തോളം പേര്ക്കും ജയ്പൂരിലേക്ക് 1200 പേര്ക്കും കൂടുതല് സഞ്ചരിക്കാനുള്ള അവസരമാണ്.ജയ്പൂരിലേക്ക് ജൂണ് 16നാണ് പുതിയ സര്വീസ് തുടങ്ങുന്നത്. ആദ്യം ആഴ്ചയില് നാല് സര്വീസുകളാണ് ഉണ്ടാകുക. ജയ്പൂരിലേക്ക് കൂടി സര്വീസ് തുടങ്ങുന്നതോടെ ഇത്തിഹാദിന്റെ ഇന്ത്യന് സെക്ടറുകളിലേക്കുള്ള സര്വീസുകള് 11 ആയി ഉയരും.
ജൂൺ 15ന് തുർക്കിയിലേക്കും സർവീസ് ആരംഭിക്കുമെന്നും പ്രഖ്യാപിച്ചിട്ടുണ്ട്. ആഴ്ചയിൽ 3 വിമാന സർവീസുകളാണ് ഉണ്ടാകുക. കൂടാതെ വിവിധ രാജ്യങ്ങളിലേക്കുള്ള സർവീസുകളുടെ എണ്ണം വർധിപ്പിക്കുകയും ചെയ്തു. ഇന്ത്യയില് നിന്ന് മറ്റ് രാജ്യങ്ങളിലേക്ക് പോകുന്നവര്ക്ക് അബുദാബി വഴി കണക്ഷന് സര്വീസും പ്രയോജനപ്പെടുത്താം.
by liji HP News | Mar 1, 2024 | Latest News, ദേശീയ വാർത്ത
തിരുവനന്തപുരം: ലോക്സഭ തെരഞ്ഞെടുപ്പില് കേരളത്തിലെ മുതിര്ന്ന നേതാക്കളെ ബിജെപി സ്ഥാനാര്ത്ഥികള് ആക്കിയേക്കില്ലെന്ന് റിപ്പോര്ട്ട്. മുന് സംസ്ഥാന പ്രസിഡന്റുമായ കുമ്മനം രാജശേഖരന്, പി കെ കൃഷ്ണദാസ്, സികെപി പത്മനാഭന്, മുതിര്ന്ന നേതാവ് എഎന് രാധാകൃഷ്ണൻ തുടങ്ങിയവരെ സ്ഥാനാര്ത്ഥികളാക്കില്ലെന്ന് ദി ന്യൂ ഇന്ഡ്യന് എക്സ്പ്രസ് റിപ്പോര്ട്ട് ചെയ്തു.
കേന്ദ്രമന്ത്രി വി മുരളീധരന്, ശോഭ സുരേന്ദ്രന് എന്നിവരെ മാത്രമാണ് മുതിര്ന്ന നേതാക്കള് എന്ന നിലയില് സ്ഥാനാര്ത്ഥിത്വത്തിലേക്ക് പരിഗണിക്കുന്നത്. മത്സരത്തില് നിന്നും മാറി നില്ക്കാന് അനുവദിക്കണമെന്ന് ബിജെപി സംസ്ഥാന ജനറല് സെക്രട്ടറി എംടി രമേശും പാര്ട്ടി നേതൃത്വത്തെ അറിയിച്ചിട്ടുണ്ട്. ശോഭ സുരേന്ദ്രനെ ഏതു മണ്ഡലത്തില് മത്സരിപ്പിക്കും എന്നതിലും അനിശ്ചിതത്വം നിലനില്ക്കുന്നു.
നിലവില് മൂന്നു മണ്ഡലങ്ങളിലെ സ്ഥാനാര്ത്ഥി സംബന്ധിച്ചാണ് പാര്ട്ടിയില് അന്തിമ ധാരണയായത്. ഇതു പ്രകാരം ആറ്റിങ്ങലില് വി മുരളീധരനും, തൃശൂരില് സുരേഷ് ഗോപിയും പാലക്കാട് സി കൃഷ്ണകുമാറും ബിജെപി സ്ഥാനാര്ത്ഥികളാകും. കോഴിക്കോട് മണ്ഡലത്തിലേക്ക് യുവ വനിതാ നേതാവിനെയാണ് പരിഗണിക്കുന്നത്.
കോഴിക്കോട് കോര്പ്പറേഷന് പാര്ലമെന്ററി പാര്ട്ടി നേതാവും ബിജെപി മസ്ദൂര് മഹാസംഘ് സംസ്ഥാന ജനറല് സെക്രട്ടറിയുമായ നവ്യ ഹരിദാസാണ് സജീവ പരിഗണനയിലുള്ളത്. കേന്ദ്രമന്ത്രി രാജീവ് ചന്ദ്രശേഖറിനെയാണ് തിരുവനന്തപുരത്തേക്ക് പരിഗണിക്കുന്നത്. എന്നാല് കര്ണാടകയിലെ ബംഗലൂരു നോര്ത്ത് മണ്ഡലം ലഭിക്കാനാണ് രാജീവ് ചന്ദ്രശേഖര് ശ്രമിക്കുന്നതെന്നാണ് റിപ്പോര്ട്ട്.
മുതിര്ന്ന നേതാക്കളെ മാറ്റി പുതുമുഖങ്ങളെ അവതരിപ്പിച്ച് മാറ്റത്തിന് വഴി തുറക്കാനാണ് ബിജെപി കേന്ദ്രനേതൃത്വം സംസ്ഥാന നേതൃത്വത്തിന് നിര്ദേശം നല്കിയത്. മാവേലിക്കര, കോട്ടയം, ചാലക്കുടി, ഇടുക്കി മണ്ഡലങ്ങളില് ബിഡിജെഎസ് മത്സരിക്കും. വയനാട്ടിലും ആലത്തൂരിലും മത്സരിക്കാനുള്ള വിമുഖത ബിഡിജെഎസ് അധ്യക്ഷന് തുഷാര് വെള്ളാപ്പള്ളി ബിജെപി നേതാക്കളെ അറിയിച്ചതായാണ് സൂചന.
by liji HP News | Mar 1, 2024 | Latest News, ദേശീയ വാർത്ത
ന്യൂഡല്ഹി: വാണിജ്യാവശ്യങ്ങള്ക്കുള്ള പാചകവാതക സിലിണ്ടറിന്റെ വില വര്ധിപ്പിച്ചു. 19 കിലോയുള്ള സിലിണ്ടറിന് 25 രൂപ 50 പൈസയാണ് വര്ധിപ്പിച്ചത്. ഇതോടെ സിലിണ്ടര് വില 1806 രൂപയായി ഉയര്ന്നു.
തുടര്ച്ചയായ രണ്ടാം മാസമാണ് വില വര്ധിപ്പിക്കുന്നത്. ഡല്ഹിയില് 25 രൂപയും മുംബൈയില് 26 രൂപയുമാണ് വര്ധിച്ചത്. പുതിയ നിരക്ക് അനുസരിച്ച് ഡല്ഹിയില് വാണിജ്യ സിലിണ്ടര് 1795 രൂപയായി.
by liji HP News | Mar 1, 2024 | Latest News, ദേശീയ വാർത്ത
ഡല്ഹി: സംസ്ഥാനത്ത സാമ്പത്തിക പ്രതിസന്ധിക്ക് താത്കാലികാശ്വാസം. നികുതി വിഹിതമായ 2736 കോടിക്ക് പുറമെ ഐജിഎസ്ടി വിഹിതം ഉള്പ്പടെ 4000 കോടി രൂപ സംസ്ഥാനത്തിന് ലഭിച്ചു. കേന്ദ്ര വിഹിതം ലഭിച്ചതിനാല് ശമ്പളവും പെന്ഷനും മുടങ്ങില്ല.
സംസ്ഥാനങ്ങള്ക്കുള്ള നികുതി വിഹിതത്തിന്റെ 2 ഗഡു കൂടി കേന്ദ്രം വിതരണം ചെയ്തതോടെ കേരളത്തിന് 2,736 കോടി രൂപയാണ് ലഭിച്ചത്. ഐജിഎസ്ടി വിഹിതത്തില് 1300 കോടിയും ലഭിച്ചു. ഇന്നലെ രാത്രി പണം ട്രഷറിയില് എത്തിയതോടെ ഓവര് ഡ്രാഫ്റ്റില് നിന്ന് കരകയറി.
എല്ലാ സംസ്ഥാനങ്ങള്ക്കും കൂടി 1.42 ലക്ഷം കോടി രൂപയാണ് അനുവദിച്ചിരിക്കുന്നത്. ഫെബ്രുവരി 12ന് എല്ലാ സംസ്ഥാനങ്ങള്ക്കും കൂടി 71,061 കോടി രൂപ നല്കിയിരുന്നു. ഫെബ്രുവരിയില് ഇതോടെ മൂന്ന് ഗഡുക്കളാണ് സംസ്ഥാനങ്ങള്ക്ക് ലഭിച്ചത്.
ഈ മാസം 20,000 കോടി രൂപയാണ്. സാമ്പത്തിക വര്ഷാവസാനമായതിനാല് പദ്ധതി വിഹിതം നല്കുന്നത് ഉള്പ്പടെ വലിയ സാമ്പത്തിക ചെലവ് വേണ്ടിവരും. മാര്ച്ച് അവസാനത്തോടെ സാമ്പത്തികനിയന്ത്രണം ഏര്പ്പെടുത്താനും സാധ്യതയുണ്ട്.
by liji HP News | Feb 29, 2024 | Latest News, ദേശീയ വാർത്ത
ഡല്ഹി: വീല് ചെയര് നല്കാത്തതിനെ തുടര്ന്ന് എണ്പതുകാരനായ യാത്രക്കാരന് മരിച്ച സംഭവത്തില് എയര് ഇന്ത്യക്ക് 30 ലക്ഷം രൂപ പിഴ. ഈ മാസം 16 ന് മുംബൈയിലെ ഛത്രപതി ശിവജി വിമാനത്താവളത്തിലായിരുന്നു സംഭവം.
സംഭവത്തില് ഡയറക്ട്രേറ്റ് ജനറല് ഓഫ് സീവില് ഏവിയേഷന്(ഡിജിസിഎ) എയര് ഇന്ത്യക്ക് വിശദീകരണം ആവശ്യപ്പെട്ട് നോട്ടീസ് അയിച്ചിരുന്നു. വിശദീകരണം തൃപ്തികരമല്ലെന്ന് പറഞ്ഞ ഡിജിസിഎ എയര് ഇന്ത്യക്ക് പിഴ വിധിക്കുകയായിരുന്നു.
യാത്രക്കാരന്റെ ഭാര്യക്ക് വീല്ചെയര് നല്കിയിരുന്നുവെന്നും മറ്റൊന്ന് ക്രമീകരിക്കുന്നതുവരെ കാത്തിരിക്കാന് വിമാനത്താവള ജീവനക്കാര് ആവശ്യപ്പെട്ടതായും എയര്ലൈന് അറിയിച്ചു. എന്നാല് ഭാര്യയോടൊപ്പം ടെര്മിനലിലേക്ക് നടക്കാന് യാത്രക്കാരന് തീരുമാനിക്കുകയായിരുന്നുവെന്നുമാണ് എയര്ലൈനിന്റെ വിശദീകരണം.
വിമാനയാത്രയില് ഭിന്നശേഷിക്കാര്/അല്ലെങ്കില് ചലനശേഷി കുറഞ്ഞ വ്യക്തികള് എന്നിങ്ങനെയുള്ള പ്രത്യേക മാനദണ്ഡങ്ങള് എയര് ഇന്ത്യ പാലിച്ചിട്ടില്ലെന്ന് ഡിജിസിഎ കണ്ടെത്തി. എയര്ക്രാഫ്റ്റ് റൂള്സ്, 1937-ല് പറഞ്ഞിരിക്കുന്ന നിയന്ത്രണങ്ങള് പാലിക്കുന്നതില് പരാജയപ്പെട്ടതാണ് എയര്ലൈനില് പിഴ ചുമത്താന് കാരണമായത്. വിമാനം കയറുമ്പോഴോ ഇറങ്ങുമ്പോഴോ സഹായം ആവശ്യമുള്ള യാത്രക്കാര്ക്ക് മതിയായ വീല്ചെയറുകള് ഉറപ്പാക്കണമെന്ന് എയര്ലൈനുകള്ക്ക് ഡിജിസിഎ നിര്ദേശമുണ്ട്.
by liji HP News | Feb 28, 2024 | Latest News, ദേശീയ വാർത്ത
ന്യൂഡല്ഹി: രാജ്യസഭാ തെരഞ്ഞെടുപ്പില് 30 സീറ്റുകളില് ബിജെപി ജയിച്ചതോടെ, ഭൂരിപക്ഷത്തിന് ഇനി വേണ്ടത് നാലു സീറ്റുകള് മാത്രം. 240 അംഗ രാജ്യസഭയില് 121 ആണ് ഭൂരിപക്ഷത്തിനായി വേണ്ടത്. ഏപ്രിലില് ഒഴിവുവരുന്ന 56 സീറ്റുകളിലേക്ക് നടത്തിയ തെരഞ്ഞെടുപ്പിലാണ് 30 സീറ്റുകളില് ബിജെപിയുടെ ജയം. ഇതില് 20 സീറ്റുകളില് എതിരില്ലാതെയാണ് ജയിച്ചിരിക്കുന്നത്. 10 സീറ്റുകളില് തെരഞ്ഞെടുപ്പിലൂടെയാണ് ബിജെപി പ്രതിനിധികളെ രാജ്യസഭയിലേയ്ക്ക് അയച്ചത്. ഇതോടെ രാജ്യസഭയില് എന്ഡിഎ സഖ്യത്തിന്റെ അംഗബലം 117 ആയി.
എന്ഡിഎയുടെ 117 എംപിമാരില് 97 പേരും ബിജെപിയില്നിന്നുള്ളതാണ്. രാജ്യസഭയില് ഏറ്റവും അംഗബലമുള്ള പാര്ട്ടിയായി ബിജെപി തുടരും. 97 അംഗങ്ങളില് അഞ്ചു പേര് നാമനിര്ദേശത്തിലൂടെ എത്തിയവരാണ്. 29 എംപിമാരാണ് കോണ്ഗ്രസിനുള്ളത്.
മൂന്നു സംസ്ഥാനങ്ങളിലായി 15 സീറ്റുകളിലേക്കാണ് തെരഞ്ഞെടുപ്പ് നടന്നത്. ക്രോസ് വോട്ടിങ്ങിലൂടെ നാടകീയമായ തെരഞ്ഞെടുപ്പില് 10 സീറ്റുകള് ബിജെപി നേടി. 3 സീറ്റുകള് കോണ്ഗ്രസും രണ്ടു സീറ്റ് സമാജ്വാദി പാര്ട്ടിയും നേടി. നേരത്തെയുണ്ടായിരുന്നതിനേക്കാള് രണ്ടു സീറ്റ് ബിജെപിക്ക് അധികം ലഭിച്ചു. ഉത്തര്പ്രദേശില് നിന്നും ഹിമാചല്പ്രദേശില് നിന്നും ഓരോന്ന് വീതമാണ് നേടാന് കഴിഞ്ഞത്.
ഹിമാചലില് കോണ്ഗ്രസിലെ 6 എംഎല്എമാരും 3 സ്വതന്ത്രരും ബിജെപിയുടെ ഹര്ഷ് മഹാജനു വോട്ട് ചെയ്തതോടെ കോണ്ഗ്രസ് സ്ഥാനാര്ഥി അഭിഷേക് മനു സിങ്വി അപ്രതീക്ഷിതമായി തോല്വി നേരിട്ടു. ഇരു സ്ഥാനാര്ഥികള്ക്കും 34 വീതം വോട്ട് ലഭിച്ചതോടെ നടത്തിയ നറുക്കെടുപ്പിലാണു ബിജെപി വിജയിച്ചത്. യുപിയിലെ 10 സീറ്റില് ബിജെപി 8 എണ്ണം നേടി. സമാജ് വാദി പാര്ട്ടിക്ക് 2 സീറ്റ്. പത്താം സീറ്റില് ബിജെപിയും എസ്പിയും തര്ക്കമുന്നയിച്ചതോടെ പലതവണ നിര്ത്തിവച്ച വോട്ടെണ്ണലിന്റെ ഫലം രാത്രി വൈകിയാണ് പ്രഖ്യാപിച്ചത്. ഈ സീറ്റിലേക്ക് എസ്പിയുടെ ആലോക് രഞ്ജനും ബി ജെ പി യുടെ സഞ്ജയ് സേത്തും തമ്മിലുള്ള മത്സരത്തില് എസ്പിയുടെ 7 എംഎല്എമാര് കൂറുമാറി വോട്ട് ചെയ്തതോടെ ബിജെപി വിജയമുറപ്പിച്ചു.
അംഗബലം അനുസരിച്ച് മൂന്ന് സീറ്റുകളില് ജയിക്കേണ്ട സമാജ് വാദി പാര്ട്ടിയുടെ മൂന്നാം സ്ഥാനാര്ത്ഥി പരാജയപ്പെട്ടു. ജയ ബച്ചന്, റിട്ടയേര്ഡ് ഐഎഎസ് ഓഫീസര് അലോക് രഞ്ജന് എന്നിവരാണ് വിജയിച്ചത്. സമാജ് വാദി പാര്ട്ടിയുടെ ചീഫ് വിപ്പ് മനോജ് പാണ്ഡെ ഉള്പ്പെടെ ഏഴ് എംഎല്എമാരും ഒരു ബിഎസ്പിയും ബിജെപിക്ക് അനുകൂലമായി വോട്ട് ചെയ്തതോടെയാണ് സമ്പൂര്ണ ജയം.
കര്ണാടകയില് കോണ്ഗ്രസിനെ അട്ടിമറിക്കാന് ശ്രമിച്ച ബിജെപിക്ക് വലിയ തിരിച്ചടിയാണ് ലഭിച്ചത്. ബിജെപിയുടെ ഒരു എംഎല്എയുടെ വോട്ട് കോണ്ഗ്രസ് സ്ഥാനാര്ത്ഥിയായ എഐസിസി ട്രഷറര് അജയ് മാക്കന് ലഭിച്ചപ്പോള്, മറ്റൊരു ബിജെപി എംഎല്എ വോട്ടെടുപ്പില് വിട്ടുനിന്നു. യശ്വന്ത്പുരില് നിന്നുളള എസ് ടി സോമശേഖറാണ് വിപ്പ് ലംഘിച്ച് ക്രോസ് വോട്ട് ചെയ്തത്. അബൈല് ശിവറാം ഹെബ്ബാര് എംഎല്എയാണ് വിട്ടുനിന്നത്. ഇതോടെ അജയ് മാക്കനെ കൂടാതെ ഡോ. സയിദ് നസീര് ഹുസൈന്, ജി സി ചന്ദ്രശേഖര് എന്നിവരെയും കോണ്ഗ്രസിന് രാജ്യസഭയിലെത്തിക്കാനായി. അതേസമയം എന്ഡിഎ സഖ്യമായി മത്സരിച്ച് പരാജയപ്പെട്ട ജെഡിഎസിന്റെ കുപേന്ദ്ര റെഡ്ഡിക്ക് ബിജെപിയില് നിന്നും ലഭിക്കേണ്ട വോട്ടുകള് ലഭിക്കാത്തത് മുന്നണിയില് വലിയ പ്രതിസന്ധി സൃഷ്ടിച്ചിട്ടുണ്ട്.
Recent Comments