by Midhun HP News | Apr 27, 2026 | Latest News, കേരളം
തിരുവനന്തപുരം: സംസ്ഥാനത്ത് ഭാഗ്യതാര ലോട്ടറി ഫലം പ്രഖ്യാപിച്ചു. BC 569038 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ BC 866899 എന്ന നമ്പറിലുള്ള ടിക്കറ്റിനാണ്. അഞ്ചു ലക്ഷം രൂപയുടെ മൂന്നാം സമ്മാനം BB 835444 എന്ന നമ്പറിലുള്ള ടിക്കറ്റിനാണ്.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize ₹5,000/-
BA 569038
BB 569038
BD 569038
BE 569038
BF 569038
BG 569038
BH 569038
BJ 569038
BK 569038
BL 569038
BM 569038
തുടര്ച്ചയായ മൂന്നാം ദിവസവും വീട്ടില് പെരുമ്പാമ്പ്; ആശങ്കയില് വീട്ടുകാര്
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Apr 27, 2026 | Latest News, കേരളം
തൃശൂര്: കേരളത്തില് ആദ്യമായി എയര് ആംബുലന്സ് വഴി ഹൃദയം എത്തിച്ച് ശസ്ത്രക്രിയയ്ക്ക് വിധേയനായ മാത്യു അച്ചാടന്(57) അന്തരിച്ചു. പുലര്ച്ചെ സ്വവസിതിയില് വച്ചായിരുന്നു അന്ത്യം. പത്ത് വര്ഷം മുമ്പായിരുന്നു മാത്യു ആച്ചാടന് ഹൃദയമാറ്റ ശസ്ത്രക്രിയക്ക് വിധേയനായത്.
നിരന്തരമായ ശ്വാസതടസ്സത്തെ തുടര്ന്ന് ചികിത്സ തേടിയ മാത്യുവിന് ഹൃദയം മാറ്റിവയ്ക്കല് മാത്രമാണ് പോംവഴിയെന്ന് ഡോക്ടര്മാര് വിധിയെഴുതി. നിര്ധനരായ ഈ കുടുംബം അവയവദാന പദ്ധതിയായ പുനര്ജനിയില് പേര് റജിസ്ട്രര് ചെയ്തു. ഈ സമയത്താണ് തിരുവനന്തപുരം പാറശ്ശാല അഗ്രഹാരത്തിലെ അഡ്വ. എസ് നീലകണ്ഠശര്മ്മ കുളിമുറിയില് വീണ് മസ്തിഷ്ക്കമരണം സംഭവിച്ചത്. അവയവദാനത്തിനായി പേര് രജിസ്ട്രര് ചെയ്തിരുന്ന മാത്യുവിന് നറുക്ക് വീണു.
മണിക്കൂറുകള്ക്കുള്ളില് ഹൃദയം എറണാകുളം ലിസി ആശുപത്രിയിലെത്തിച്ച് ശസ്ത്രക്രിയ നടത്തി. ശസ്ത്രക്രിയ വന് വിജയമായതും മാത്യു ജീവിതത്തിലേക്ക് തിരികെ വന്നതും എയര് ആംബുലന്സ് ഉപയോഗിച്ചതുമൊക്കെ അന്ന് വലിയ വാര്ത്തയായിരുന്നു.
ശസ്ത്രക്രിയയ്ക്ക് ശേഷം പത്ത് വര്ഷക്കാലം മാത്യു പഴയപോലെ തന്നെ ജീവിച്ചു. വിശ്രമകാലത്തിന് ശേഷം ഉപജീനമാര്ഗമായ ഓട്ടോറിക്ഷ ഓടിച്ച് വരുമാനം കണ്ടെത്തി. ഒഴിവ് സമയങ്ങളില് ശസ്ത്രക്രിയക്ക് വിധേയമായവര്ക്ക് ആത്മധൈര്യം നല്കുന്നതിനായി സമയം ചിലവിച്ചിരുന്നു. സംസ്ക്കാരം പിന്നീട്. ഭാര്യ: ബിന്ദു. മക്കള്: അമല്(കാനഡ), അന്ന(ജര്മനി).
by Midhun HP News | Apr 27, 2026 | Latest News, കേരളം
നെടുങ്കണ്ടം: ഇടുക്കി നെടുങ്കണ്ടം പച്ചടിയില് കുഴിച്ചിട്ട നിലയില് ശരീരഭാഗങ്ങള് കണ്ടെത്തി. പച്ചടി സ്വദേശി മേരിക്കുട്ടിയുടെ വീട്ടുവളപ്പിലാണ് ശരീരഭാഗങ്ങള് കണ്ടെത്തിയത്. പൊലീസ് നടത്തിയ പരിശോധനയില് ശരീരഭാഗങ്ങള് കണ്ടെടുത്തു. സംഭവം ഇരട്ട കൊലപാതകമാണെന്ന് സംശയമുണ്ട്.
പച്ചടി പൊന്നുട്ടയില് മേരിക്കുട്ടി (70), റെജി (48) എന്നിവരെ ഈ മാസം രണ്ട് മുതല് കാണാതായിരുന്നു. ഇരുവരെയും കൊന്നു കുഴിച്ചു മൂടിയതാണോയെന്നാണ് സംശയിക്കുന്നത്. പാന്റിട്ട നിലയില് കാലിന്റെ ഒരു ഭാഗമാണ് കണ്ടെടുത്തിട്ടുള്ളത്. എന്നാല് ശാസ്ത്രീയപരിശോധന നടത്തിയശേഷമെ ഇക്കാര്യത്തില് സ്ഥിരീകരണം നല്കാനാകൂ എന്നാണ് പൊലീസ് സൂചിപ്പിക്കുന്നത് മേരിക്കുട്ടിയെയും മകനെയും കാണാതായതില് മകളാണ് പൊലീസില് പരാതി നല്കിയത്. തുടര്ന്നാണ് വീട്ടുവളപ്പില് പൊലീസ് പരിശോധന നടത്തിയത്.
by Midhun HP News | Apr 27, 2026 | Latest News, കേരളം
തൃശൂര്: മുണ്ടത്തിക്കോട് വെടിക്കെട്ട് ദുരന്തത്തില് ചികിത്സയില് കഴിഞ്ഞ ഒരാള് കൂടി മരിച്ചു. തൃശൂര് സ്വദേശി രാകേഷ് ആണ് മരിച്ചത്. തൃശൂര് മെഡിക്കല് കോളജില് ചികിത്സയിലായിരുന്ന രാകേഷ് ഇന്നു പുലര്ച്ചെയാണ് മരിച്ചത്. ഇതോടെ ദുരന്തത്തില് മരിച്ചവരുടെ എണ്ണം 17 ആയി ഉയര്ന്നു.
വെടിക്കെട്ടു പുര സ്ഫോടനത്തില് രാകേഷിന് 85 ശതമാനത്തോളം പൊള്ളലേറ്റിരുന്നു. സാരമായി പരിക്കേറ്റ രാകേഷ് തീവ്രപരിചരണ വിഭാഗത്തില് ചികിത്സയിലായിരുന്നു. ഇന്നലെ ചികിത്സയിലിരുന്ന ഒരാള് മരിച്ചിരുന്നു. എടപ്പാള് സ്വദേശി ഉണ്ണികൃഷ്ണനാണ് ഇന്നലെ മരിച്ചത്. വെടിക്കെട്ട് ലൈസന്സി മുണ്ടത്തിക്കോട് സതീശനും കഴിഞ്ഞദിവസം മരിച്ചു.
ഏപ്രിൽ 21 ചൊവ്വാഴ്ച ഉച്ചയ്ക്ക് 3.20ഓടെയാണ് നാടിനെ നടുക്കിയ ദുരന്തമുണ്ടായത്. തൃശൂർ പൂരത്തിന് മുന്നോടിയായി തിരുവമ്പാടി വിഭാഗത്തിന് വേണ്ടിയുള്ള വെടിക്കെട്ട് സാമഗ്രികൾ നിർമിക്കുന്നതിനിടെയാണ് പൊട്ടിത്തെറിയുണ്ടായത്. അപകടത്തിൽ കാണാതായ നാലു പേരുടെയും മൃതദേഹങ്ങൾ തിരിച്ചറിഞ്ഞതായാണ് സൂചന. അപകട സ്ഥലത്തുനിന്ന് ശേഖരിച്ച മൃതദേഹാവശിഷ്ടങ്ങളുടെ ഡിഎൻഎ പരിശോധനയിൽ നാലു പേരേയും തിരിച്ചറിഞ്ഞതായാണ് റിപ്പോർട്ട്.
by Midhun HP News | Apr 27, 2026 | Latest News, കേരളം
ന്യൂഡല്ഹി: ഡല്ഹി വിമാനത്താവളത്തില് ടേക്ക് ഓഫ് ചെയ്യാനുള്ള ശ്രമത്തിനിടെ സ്വിസ് എയര് (SWISS) വിമാനത്തിന്റെ എന്ജിന് തകരാറിലായി തീപിടിച്ചു. സംഭവത്തില് ആറുപേര്ക്ക് പരിക്കേറ്റതായി അധികൃതര് അറിയിച്ചു. ഇതിന് പിന്നാലെ ടേക്ക് ഓഫ് നിര്ത്തിവെച്ച് വിമാനത്തില് നിന്നും അടിയന്തരമായി യാത്രക്കാരെ ഒഴിപ്പിച്ചു. പരിക്കേറ്റഴരെ ആശുപത്രിയില് പ്രവേശിപ്പിച്ചു.
സ്വിറ്റ്സര്ലന്ഡിലെ സൂറിച്ചിലേക്ക് പുറപ്പെടേണ്ടിയിരുന്ന LX147 വിമാനമാണ് അപകടത്തില്പ്പെട്ടത്. റണ്വേയില് വെച്ച് തന്നെ എമര്ജന്സി സ്ലൈഡുകള് ഉപയോഗിച്ചാണ് യാത്രക്കാരെ പുറത്തെത്തിച്ചത്.
പുലര്ച്ചെ 1.08നാണ് സംഭവം. എയര്ബസ് A330 വിമാനമാണ് അപകടത്തില്പ്പെട്ടത്. ടേക്ക് ഓഫിനായി റണ്വേയിലൂടെ കുതിക്കുമ്പോഴാണ് വിമാനത്തിന്റെ എന്ജിനുകളില് ഒന്നില് തകരാര് സംഭവിക്കുകയും തീപിടിക്കുകയും ചെയ്തതെന്നും അധികൃതര് അറിയിച്ചു. വിമാനത്തില് 228 യാത്രക്കാരും നാല് ശിശുക്കളുമാണ് ഉണ്ടായിരുന്നത്. ക്രൂ അംഗങ്ങള്ക്ക് പരിക്കില്ല.
വിമാനത്തിന്റെ പൈലറ്റുമാര് സമയോചിതമായി ടേക്ക് ഓഫ് വേണ്ടെന്ന് വെക്കുകയും സുരക്ഷാ മുന്കരുതലിന്റെ ഭാഗമായി യാത്രക്കാരെ ഒഴിപ്പിക്കാന് തീരുമാനിക്കുകയുമായിരുന്നു എന്ന് എയര്ലൈന് പ്രസ്താവനയില് അറിയിച്ചു. നിലവില് യാത്രക്കാര്ക്ക് ഹോട്ടല് താമസസൗകര്യവും തുടര്യാത്രയ്ക്കുള്ള ക്രമീകരണങ്ങളും എയര്ലൈന് അധികൃതര് ചെയ്തുവരികയാണ്. അപകടത്തിന്റെ കാരണം കണ്ടെത്താന് സാങ്കേതിക വിദഗ്ധര് ഡല്ഹിയിലെത്തി വിമാനം പരിശോധിക്കും.
by Midhun HP News | Apr 27, 2026 | Latest News, കേരളം
കൊച്ചി: സംസ്ഥാനത്ത് സ്വര്ണവിലയില് വര്ധന. പവന് 280 രൂപയാണ് കുറഞ്ഞത്. 1,13,240 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 35 രൂപയാണ് കൂടിയത്. ഒരു ഗ്രാം സ്വര്ണത്തിന്റെ ഇന്നത്തെ വില 14,155 രൂപയാണ്.
എണ്ണവില കുത്തനെ ഉയര്ന്നതിനെ തുടര്ന്ന് കഴിഞ്ഞ ഏതാനും ദിവസങ്ങളിലായി സ്വര്ണവിലയില് ഇടിവാണുണ്ടായത്. പശ്ചിമേഷ്യയില് സംഘര്ഷം തുടരുന്നത് അടക്കമുള്ള വിഷയങ്ങളാണ് സ്വര്ണവിലയില് പ്രതിഫലിക്കുന്നത്.
ഹോര്മൂസ് കടലിടുക്കിലെ തുടര്ച്ചയായ തടസ്സങ്ങളുമാണ് ആഗോള വിപണിയില് എണ്ണവില ഉയര്ന്ന് നില്ക്കാന് കാരണം. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
Recent Comments