by liji HP News | Mar 28, 2024 | Latest News, കേരളം
തിരുവനന്തപുരം: നാഗര്കോവില് – കന്യാകുമാരി പാതയിലെ അറ്റകുറ്റപ്പണിയെ തുടര്ന്ന് വ്യാഴാഴ്ച 11 ട്രെയിനുകള് റദ്ദാക്കി. കൊച്ചുവേളി – നാഗര്കോവില് സ്പെഷ്യല് ഷെഡ്യൂള്, തിരുനെല്വേലി – നാഗര്കോവില് സ്പെഷ്യല് ട്രെയിന്, നാഗര്കോവില് – കന്യാകുമാരി സ്പെഷ്യല് ട്രെയിന്, കന്യാകുമാരി – കൊല്ലം മെമു എക്സ്പ്രസ്, കൊല്ലം – ആലപ്പുഴ സ്പെഷ്യല്, കൊല്ലം – തിരുവനന്തപുരം സ്പെഷ്യല് എന്നിവയാണ് റദ്ദാക്കിയത്.
ഇവ കൂടാതെ 14 ട്രെയിനുകള് ഭാഗീകമായും റദ്ദാക്കിയതായും ഈ പാതയിലെ അറ്റകുറ്റപണികള് ഇന്ന് അവസാനിച്ചേക്കുമെന്നും ദക്ഷിണ റെയില്വെ അറിയിച്ചു. വരും ദിവസങ്ങളില് മറ്റുപാതകളില് അറ്റകുറ്റപ്പണികള് ഉണ്ടായേക്കുമെന്നും ദക്ഷിണ റെയില്വെ അറിയിച്ചു.
by liji HP News | Mar 27, 2024 | Latest News, കേരളം
പൂക്കോട് വെറ്ററിനറി സര്വകലാശാലയിലെ പുതിയ വിസിയായി ഡോ. കെ. എസ് അനിലിനെ നിയമിച്ചു. മണ്ണുത്തി വെറ്റിനറി കോളേജിലെ പ്രൊഫസറാണ് അനിൽ. ഗവർണറുടെ കടുത്ത അതൃപ്തിയെ തുടർന്ന് ഡോ.പി സി ശശീന്ദ്രൻ രാജി വെച്ച ഒഴിവിലാണ് പുതിയ നിയമനം.
സിദ്ധാർത്ഥന്റെ മരണത്തിൽ 33 വിദ്യാർത്ഥികളുടെ സസ്പെൻഷൻ വിസി പിൻവലിച്ചതായിരുന്നു ഗവർണറുടെ അതൃപ്തിക്ക് കാരണം. സിദ്ധാർത്ഥന്റെ മരണത്തിലെ വീഴ്ചകളുടെ പേരിൽ മുൻ വി സി ഡോ. എം ആർ ശശീന്ദ്രനാഥിനെ നേരത്തെ ഗവർണ്ണർ സസ്പെൻഡ് ചെയ്തിരുന്നു.
അതേസമയം പൂക്കോട് വെറ്ററിനറി കോളജ് വിദ്യാര്ത്ഥി സിദ്ധാര്ത്ഥന്റെ മരണത്തില് സിബിഐ അന്വേഷണത്തിനായി സംസ്ഥാന സര്ക്കാര് രേഖകള് കൈമാറി. സ്പെഷല് സെല് ഡിവൈഎസ്പി ശ്രീകാന്ത് നേരിട്ടെത്തി രേഖകള് കേന്ദ്ര പേഴ്സണല് മന്ത്രാലയത്തിന് സമര്പ്പിച്ചു. പെര്ഫോമ, എഫ്ഐആറിന്റെ പരിഭാഷപ്പെടുത്തിയ കോപ്പി തുടങ്ങിയവ കൈമാറിയിട്ടുണ്ട്.
സിദ്ധാര്ത്ഥന്റെ മരണത്തില് അന്വേഷണം സിബിഐക്ക് വിട്ടുകൊണ്ട് സര്ക്കാര് വിജ്ഞാപനം പുറപ്പെടുവിച്ചെങ്കിലും, രേഖകള് സിബിഐക്ക് കൈമാറാത്തത് വിവാദമായിരുന്നു. ആഭ്യന്തര വകുപ്പിലെ ഉദ്യോഗസ്ഥരുടെ അനാസ്ഥയാണ് രേഖകള് സിബിഐക്ക് കൈമാറുന്നതില് കാലതാമസം നേരിടാന് കാരണമെന്ന് കണ്ടെത്തിയിരുന്നു.
ഇതേത്തുടര്ന്ന് രേഖകള് വൈകുന്നത് വൈകിപ്പിച്ച ആഭ്യന്തര വകുപ്പിലെ ഉദ്യോഗസ്ഥരെ സസ്പെന്ഡ് ചെയ്യാന് ശുപാര്ശ നല്കിയിരുന്നു. പ്രൊഫോമ റിപ്പോര്ട്ട് വൈകിപ്പിച്ചത് ഇവരുടെ വീഴ്ച കൊണ്ടാണെന്ന റിപ്പോര്ട്ടിന്റെ അടിസ്ഥാനത്തില് മുഖ്യമന്ത്രിയുടെ നിര്ദേശപ്രകാരമാണ് നടപടി. ആഭ്യന്തര വകുപ്പ് ഡെപ്യൂട്ടി സെക്രട്ടറി, സെക്ഷന് ഓഫിസര്, അസിസ്റ്റന്റ് എന്നിവരെയാണ് സസ്പെന്ഡ് ചെയ്യാന് തീരുമാനിച്ചത്.
ആഭ്യന്തര സെക്രട്ടറി ഇവരോട് വിശദീകരണം ചോദിച്ചിരുന്നു. വിശദീകരണം തൃപ്തികരമല്ലാത്തതിനാലാണ് സസ്പെന്ഡ് ചെയ്യാന് തീരുമാനിച്ചത്. സിദ്ധാര്ത്ഥന്റെ പിതാവ് മുഖ്യമന്ത്രിക്ക് പരാതി നല്കിയതിനെ തുടര്ന്ന് ഈ മാസം 9നാണ് കേസ് സിബിഐയ്ക്ക് വിട്ട് സംസ്ഥാന സര്ക്കാര് വിജ്ഞാപനം ഇറക്കിയത്. ഒരാഴ്ചയ്ക്കു ശേഷം 16നാണ് വിജ്ഞാപനത്തിന്റെ പകര്പ്പ് കൊച്ചിയിലെ സിബിഐ ഓഫിസിലേക്ക് അയച്ചത്.
by liji HP News | Mar 27, 2024 | Latest News, കേരളം
തിരുവനന്തപുരം: കേരള സംസ്ഥാന ഭാഗ്യക്കുറിയുടെ സമ്മര് ബമ്പര് BR 96 ഫലം പ്രഖ്യാപിച്ചു. തിരുവനന്തപുരം ബേക്കറി ജംങ്ഷനിലുള്ള ഗോര്ഖി ഭവനില് വച്ച് 2 മണിയോടെയാണ് നറുക്കെടുപ്പ് നടന്നത്. പത്ത് കോടിയാണ് സമ്മര് ബമ്പറിന്റെ ഒന്നാം സമ്മാനം. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ http://keralalotteries.com ല് ഫലം ലഭ്യമാകും.
50 ലക്ഷം രൂപയാണ് രണ്ടാം സമ്മാനം. മൂന്നാം സമ്മാനമായി 5 ലക്ഷം രൂപ വീതം ഓരോ പരമ്പരയിലും രണ്ടു വീതം ആകെ 60 ലക്ഷം രൂപയും നാലാം സമ്മാനമായി ഒരു ലക്ഷം രൂപ അവസാന അഞ്ചക്കത്തിനു നല്കുന്നു. കൂടാതെ 5000, 2000, 1000, 500 എന്നിങ്ങനെ നിരവധി സമ്മാനങ്ങളുമുണ്ട്.
സമ്മാനാര്ഹമായ ടിക്കറ്റുകളുടെ വിശദവിവരങ്ങള്
ഒന്നാം സമ്മാനം 10 കോടി
SC 308797
സമാശ്വാസ സമ്മാനം (1,00,000/)
SA 308797
SB 308797
SD 308797
SE 308797
SG 308797
രണ്ടാം സമ്മാനം 50 ലക്ഷം
SG 177547
മൂന്നാം സമ്മാനം 5 ലക്ഷം
SA 656810
SB 374874
SC 352024
ടD 344531
SE 430966
SG 375079
SA 120172
SB 328267
SC 375651
SD 385690
SE 408436
SG 372711
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
നാലാം സമ്മാനം (1,00,000/)
23016
അഞ്ചാം സമ്മാനം (5,000/)
ആറാം സമ്മാനം (2,000/)
ഏഴാം സമ്മാനം (1,000/ )
എട്ടാം സമ്മാനം (500/)
by liji HP News | Mar 27, 2024 | Latest News, കേരളം
കാസര്കോട്: കാസര്കോട് ഉപ്പളയില് എടിഎമ്മില് നിറയ്ക്കാനായി കൊണ്ടുവന്ന പണം പട്ടാപ്പകല് കവര്ന്നു. നഷ്ടപ്പെട്ടത് അരക്കോടി രൂപയെന്നാണ് പ്രാഥമികവിവരം. വാഹനത്തിന്റെ ചില്ല് തകര്ത്താണ് മോഷ്ടാക്കാള് പണപ്പെട്ടി കൈക്കലാക്കിയത്.
ഇന്ന് ഉച്ചയ്ക്ക് ആണ് ഉപ്പളനഗരത്തില് നിന്ന് അന്പത് ലക്ഷം രൂപ മോഷ്ടിച്ചത്. നഗരത്തിലെ എടിഎമ്മില് നിറയ്ക്കാനായി കൊണ്ടുവന്ന പണമാണ് നഷ്ടമായത്. വാഹനത്തില് ഡ്രൈവറും ഉദ്യോഗസ്ഥനും മാത്രമാണ് ഉണ്ടായിരുന്നത്. അവര് ഒരു എടിഎമ്മില് പണം നിറയ്ക്കുന്നതിനിടെയാണ് വണ്ടിയിലുണ്ടായിരുന്നു പണം അടങ്ങിയ ബോക്സ് ചില്ല് തകര്ത്ത് മോഷ്ടാക്കള് കൈക്കലാക്കിയത്.
സംഭവത്തില് പൊലീസ് അന്വേഷണം ആരംഭിച്ചു. കാസര്കോട് ഡിവൈഎസ്പി ഉള്പ്പെടെ സ്ഥലത്തെത്തിയിട്ടുണ്ട്. വാഹനത്തില് സെക്യൂരിറ്റി ഉദ്യോഗസ്ഥനുണ്ടായിരുന്നില്ലെന്നാണ് വിവരം.
by liji HP News | Mar 27, 2024 | Latest News, കേരളം
കോട്ടയം: കാഞ്ഞിരപ്പിള്ളിയില് ആറുവയസ്സുകാരനെ തട്ടിക്കൊണ്ടുപോയെന്ന് അജ്ഞാത സന്ദേശം. കാത്തിരപ്പിള്ളി എകെജെഎം സ്കൂളില് നിന്ന് കുട്ടിയെ തട്ടിക്കൊണ്ടുപോയതായി ചൈല്ഡ് ലൈനില് ഫോണ് കോള് എത്തുകയായിരുന്നു. സംഭവത്തില് കാഞ്ഞിരപ്പിള്ളി പൊലീസ് അന്വേഷണം ആരംഭിച്ചു.
ഇന്ന് രാവിലെ ഒമ്പത് മണിയോടെയാണ് സംഭവം. കാഞ്ഞിരപ്പിള്ളി എകെജെഎം സ്കൂളിലെ ഒന്നാം ക്ലാസ് വിദ്യാര്ഥിയെ തട്ടിക്കൊണ്ടു പോയെന്ന് ചൈല്ഡ് ലൈനിന്റെ ഹെല്പ്പ് ലൈന് നമ്പറിലേക്കാണ് ഫോണ് കോള് എത്തിയത്. കെഎല് 05 ല് തുടങ്ങുന്ന വെള്ളക്കാറില് ആറുവയസ്സുകാരനായ കുട്ടിയെ തട്ടിക്കൊണ്ടു പോയെന്നായിരുന്നു സന്ദേശം.
ഇതേതുടര്ന്ന് സ്കൂളിലെത്തിയ പൊലീസ് സംഘം സിസിടിവി ദൃശ്യങ്ങളടക്കം പരിശോധന നടത്തിയെങ്കിലും അസ്വഭാവികമയി ഒന്നും കണ്ടെത്താനായില്ല. ഫോണ് കോളിന്റെ വിശ്വാസ്യത പരിശോധിക്കാനും ഉറവിടം കണ്ടെത്താനും പൊലീസ് സൈബര് പൊലീസിന്റെ സഹായം തേടിയിട്ടുണ്ട്.
by liji HP News | Mar 27, 2024 | Latest News, കേരളം
കൊച്ചി: മുഖ്യമന്ത്രി പിണറായി വിജയന്റെ മകള് വീണ ഉള്പ്പെട്ട മാസപ്പടി ആരോപണത്തില് കേസെടുത്ത് എന്ഫോഴ്സ്മെന്റ് ഡയറക്ടറേറ്റ്. ഇഡി കൊച്ചി യൂണിറ്റാണ് കേസെടുത്തത്. വീണയുടെ കമ്പനിയായ എക്സാലോജിക് അടക്കം അന്വേഷണ പരിധിയില് വരും. ആദായ നികുതി വകുപ്പിന്റെയും റിപ്പോര്ട്ടിന്റെ അടിസ്ഥാനത്തിലാണ് നടപടി.
കേസില് സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് (എസ്എഫ്ഐഒ) അന്വേഷണം നടക്കുന്നതിനിടെയാണ് ഇഡിയും കേസ് രജിസ്റ്റര് ചെയ്തിട്ടുള്ളത്. എസ്എഫ്ഐഒ അന്വേഷണം നേരിടുന്നവരെല്ലാം ഇഡി കേസിന്റെയും അന്വേഷണ പരിധിയില് വരും. ഇഡി ഇക്കാര്യത്തില് പ്രാഥമിക അന്വേഷണം നടത്തിയിരുന്നു.
തുടര്ന്നാണ് ഇസിഐആര് റജിസ്റ്റര് ചെയ്ത് അന്വേഷണം ആരംഭിച്ചിരിക്കുന്നത്. പ്രാഥമിക നടപടികള് ആരംഭിച്ച ഇഡി ആരോപണ വിധേയര്ക്ക് ഉടന് നോട്ടിസ് നല്കിയേക്കും. കരിമണല് ഖനനത്തിന് സിഎംആര്എല് കമ്പനിക്ക് വഴിവിട്ട് സഹായം നല്കിയെന്നും പ്രത്യുപകാരമായി മുഖ്യമന്ത്രിയുടെ മകള്ക്ക് സിഎംആര്എല് കമ്പനി മാസപ്പടി കൊടുത്തുവെന്നുമാണ് ആരോപണം.
നല്കാത്ത സേവനത്തിന് ലക്ഷങ്ങള് കൈപ്പറ്റിയത് അഴിമതിയാണെന്നാണ് ആക്ഷേപം. വീണാ വിജയന്റെ എക്സാലോജിക് കമ്പനിയും സിഎംആര്എല്ലും തമ്മില് നടത്തിയ ഇടപാടുകള് എസ്എഫ്ഐഒ പരിശോധിച്ചു കൊണ്ടിരിക്കുകയാണ്. എക്സാലോജിക് കമ്പനി വലിയ തുകയുടെ സാമ്പത്തിക ഇടപാടു നടത്തിയ മുഴുവന് സ്ഥാപനങ്ങള്ക്കും എസ്എഫ്ഐഒ നോട്ടീസ് അയച്ചിട്ടുണ്ട്. 2016-17 മുതലാണ് എക്സാലോജികിന് കരിമണല് കമ്പനി അക്കൗണ്ട് വഴി പണം കൈമാറുന്നത്.
Recent Comments