by Midhun HP News | Sep 24, 2023 | Latest News, കേരളം
ഡല്ഹി: കേരളത്തിന് അനുവദിച്ച രണ്ടാം വന്ദേഭാരത് പ്രധാനമന്ത്രി ഫ്ലാഗ് ഓഫ് ചെയ്തു. കേരളത്തിലേത് അടക്കം രാജ്യത്തിന്റെ വിവിധ ഭാഗങ്ങളില് സര്വീസ് നടത്തുന്ന ഒമ്പതു വന്ദേഭാരത് ട്രെയിനുകള് പ്രധാനമന്ത്രി നരേന്ദ്രമോദി ഓണ്ലൈന് ആയാണ് ഫ്ലാഗ് ഓഫ് ചെയ്തത്. കേന്ദ്ര റെയില്വെമന്ത്രി അശ്വിനി വൈഷ്ണവ് സംബന്ധിച്ചു.
രാജ്യത്ത് എല്ലായിടത്തേക്കും വന്ദേഭാരത് ട്രെയിനുകൾ എത്തുമെന്ന് പ്രധാനമന്ത്രി നരേന്ദ്രമോദി ഉദ്ഘാടന പ്രസംഗത്തിൽ പറഞ്ഞു. രാജ്യത്ത് ടൂറിസം വളർച്ചയ്ക്ക് വന്ദേഭാരത് വഴിയൊരുക്കുന്നു. യാത്രാ കണക്ടിവിറ്റിയുടെ കാര്യത്തിൽ മികച്ച മുന്നേറ്റമാണ് ഉണ്ടായിരിക്കുന്നതെന്നും നരേന്ദ്രമോദി പറഞ്ഞു. കാസര്കോട്ടു നിന്നും ക്ഷണിക്കപ്പെട്ട അതിഥികളുമായാണ് പുതിയ വന്ദേഭാരതിന്റെ ആദ്യയാത്ര. എട്ടു കോച്ചുകളാണ് ട്രെയിനുള്ളത്. ആദ്യ വന്ദേഭാരത് വെള്ള നിറത്തിലുള്ളതാണെങ്കില്, രണ്ടാം വന്ദേഭാരത് കാവി നിറത്തിലുള്ളതാണ്. അകത്ത് സീറ്റുകളുടെ നിറത്തിലും വ്യത്യാസമുണ്ട്. നീല നിറമാണ് പുതിയ വന്ദേഭാരത് ട്രെയിനിന്റെ സീറ്റുകളുടേത്.
തിരുവനന്തപുരം- കാസര്കോട് റൂട്ടില് ആലപ്പുഴ വഴിയാണ് രണ്ടാം വന്ദേഭാരത് സര്വീസ് നടത്തുക. രണ്ടാമത്തെ വന്ദേ ഭാരത് എക്സ്പ്രസ് ട്രെയിനില് റിസര്വേഷന് തുടങ്ങി. തിരുവനന്തപുരം -കാസര്കോട് 26 മുതലും തിരിച്ച് 27 മുതലുമാണ് സര്വീസ്. നേരത്തെ നിശ്ചയിച്ചതിനു പുറമേ, തിരൂരിലും രണ്ടാം വന്ദേഭാരതിന് പുതുതായി സ്റ്റോപ്പ് അനുവദിച്ചിട്ടുണ്ട്.
by Midhun HP News | Sep 24, 2023 | Latest News, കേരളം
തിരുവനന്തപുരം: അനധികൃതമായി പ്രവര്ത്തിക്കുന്ന ലോണ് ആപ്പുകളെ പൂട്ടാന് കേരള പൊലീസ്. അംഗീകൃതമല്ലാത്ത 72 ലോണ് ആപ്പുകള് നീക്കം ചെയ്യാന് പൊലീസ് നടപടി ആരംഭിച്ചു. പണം കൈമാറിയ ആപ്പുകളുടെ ബാങ്ക് അക്കൗണ്ടുകള് മരവിപ്പിക്കാനും നടപടി സ്വീകരിക്കുന്നുണ്ട്. ഇതിനോടകം നിരവധി ആളുകളാണ് ലോണ് ആപ്പ് തട്ടിപ്പിന് ഇരയായത്.
വായ്പാ ആപ്പ് തട്ടിപ്പുകള് അറിയിക്കാന് കഴിഞ്ഞ ദിവസം 94 97 98 09 00 എന്ന നമ്പര് പൊലീസ് നല്കിയിരുന്നു. ഇതുവഴി മുന്നൂറോളം പേര് പരാതി അറിയിച്ചു. ഇതില് അഞ്ചു സംഭവങ്ങള് തുടര്നടപടിക്കായി കൈമാറി. മറ്റുള്ള പ്രതികരണങ്ങള് പരിശോധിച്ചുവരികയാണ്.
24 മണിക്കൂറും പ്രവര്ത്തിക്കുന്നതാണ് പുതിയ സംവിധാനം. ടെക്സ്റ്റ്, ഫോട്ടോ, വീഡിയോ, വോയിസ് എന്നിവയായി പരാതി നല്കാം. നേരിട്ടുവിളിച്ച് സംസാരിക്കാനാകില്ല. ആവശ്യമുള്ളപക്ഷം പരാതിക്കാരെ പൊലീസ് തിരിച്ചുവിളിച്ച് വിവരങ്ങള് ശേഖരിക്കും. തിരുവനന്തപുരത്ത് പൊലീസ് ആസ്ഥാനം കേന്ദ്രീകരിച്ചാണ് പുതിയ സംവിധാനം പ്രവര്ത്തിക്കുക. സാമ്പത്തികകുറ്റകൃത്യങ്ങള് റിപ്പോര്ട്ട് ചെയ്യുന്നതിനുള്ള സൈബര് പോലീസിന്റെ ഹെല്പ് ലൈന് ആയ 1930ലും ഏതു സമയവും വിളിച്ച് പരാതി നല്കാവുന്നതാണ്
by Midhun HP News | Sep 24, 2023 | Latest News, കേരളം
കോഴിക്കോട്: നിപ വൈറസ് ഭീഷണി കുറഞ്ഞ സാഹചര്യത്തിൽ കോഴിക്കോട് നാളെ മുതൽ വിദ്യാഭ്യാസ സ്ഥാപനങ്ങൾ തുറക്കും. കണ്ടെയ്ൻമെന്റ് സോണുകളിലെ ഒഴികെയുള്ള സ്കൂളുകൾക്കാണ് സുരക്ഷാ മാനദണ്ഡങ്ങൾ പാലിച്ചുകൊണ്ട് തുറന്ന് പ്രവർത്തിക്കാൻ ജില്ലാ കളക്ടർ അനുമതി നൽകിയത്.
വിദ്യാര്ത്ഥികളും അധ്യാപകരും മറ്റു ജീവനക്കാരും മാസ്കും സാനിറ്റൈസറും നിര്ബന്ധമായും ഉപയോഗിക്കേണ്ടതാണ്. വിദ്യാലയങ്ങളുടെ പ്രവേശന കവാടത്തിലും ക്ലാസ് റൂമുകളിലും സാനിറ്റൈസര് വെക്കേണ്ടതും എല്ലാവരും ഇത് ഉപയോഗിച്ച് കൈകള് സാനിറ്റൈസ് ചെയ്യേണ്ടതുമാണ്. കണ്ടൈന്മെന്റ് സോണുകളില് പ്രവര്ത്തിക്കുന്ന വിദ്യാഭ്യാസസ്ഥാപനങ്ങള്, അവിടെ എര്പ്പെടുത്തിയിരിക്കുന്ന നിയന്ത്രണങ്ങള് പിന്വലിക്കുന്നത് വരെ അധ്യയനം ഓണ്ലൈന് ആയി തന്നെ തുടരേണ്ടതാണെന്നും കളക്ടർ അറിയിച്ചു.
by Midhun HP News | Sep 23, 2023 | Latest News, കേരളം
തൃശൂര്: കേരളത്തിന് അനുവദിച്ച രണ്ടാമത്തെ വന്ദേ ഭാരത് എക്സ്പ്രസ് ട്രെയിനില് റിസര്വേഷന് തുടങ്ങി. തിരുവനന്തപുരം -കാസര്ക്കോട് 26 മുതലും തിരിച്ച് 27 മുതലുമാണ് സര്വീസ്.
തൃശൂരില് നിന്നും വിവിധ സ്ഥലങ്ങളിലേയ്ക്ക് ഭക്ഷണമുള്പ്പടെയുള്ള യാത്രാനിരക്കുകള്; എക്സിക്യൂട്ടീവ് നിരക്ക് ബ്രാക്കറ്റില്. എറണാകുളം 440 (830), ആലപ്പുഴ 505 (970), കൊല്ലം 870 (1505), തിരുവനന്തപുരം 975 (1705), ഷൊര്ണൂര് 380 (705), തിരൂര് 645 (1060), കോഴിക്കോട് 685 (1145), കണ്ണൂര് 855 (1475), കാസര്ക്കോട് 995 (1755).
ഭക്ഷണം ഒഴിവാക്കിയും ടിക്കറ്റുകള് റിസര്വ്വ് ചെയ്യാവുന്നതാണ്.
തിരൂര് ഉള്പ്പെടെ പത്തു സ്റ്റോപ്പുകള്, സമയക്രമം ഇങ്ങനെ
കാസര്ക്കോട് തിരുവനന്തപുരം (ട്രെയിന് നമ്പര് 20631)
കാസര്ക്കോട്: 7.00
കണ്ണൂര്: 7.55
കോഴിക്കോട്: 8.57
തിരൂര്: 9.22
ഷൊര്ണൂര്: 9.58
തൃശൂര്: 10.38
എറണാകുളം: 11.45
ആലപ്പുഴ: 12.32
കൊല്ലം: 1.40
തിരുവനന്തപുരം: 3.05
തിരുവനന്തപുരം കാസര്ക്കോട് (ട്രെയിന് നമ്പര് 20632)
തിരുവനന്തപുരം: 4.05
കൊല്ലം: 4.53
ആലപ്പുഴ: 5.55
എറണാകുളം: 6.35
തൃശൂര്: 7.40
ഷൊര്ണൂര്: 8.15
തിരൂര്: 8.52
കോഴിക്കോട്: 9.23
കണ്ണൂര്: 10.24
കാസര്ക്കോട്: 11.58
by Midhun HP News | Sep 23, 2023 | Latest News, കേരളം
കണ്ണൂര്: ഫുട്ബോള് കളിക്കുന്നതിനിടെ വിദ്യാര്ഥി കുഴഞ്ഞുവീണ് മരിച്ചു. കൂത്തുപറമ്പ് സ്വദേശി പിസി സിനാല് ആണ് മരിച്ചത്. 19 വയസായിരുന്നു. ടര്ഫില് ഫുട്ബോള് കളിക്കുന്നതിനിടെയായിരുന്നു സംഭവം.
ഇന്നലെ രാത്രി പത്തുമണിയോടെ കൂട്ടുകാരുമൊത്ത് ടര്ഫില് ഫുട്ബോള് കളിക്കുന്നതിനിടെ സിനാന് കുഴഞ്ഞുവീഴുകയായിരുന്നു. ഉടന് തന്നെ സുഹൃത്തുക്കള് സിനാനിനെ കൂത്തുപറമ്പിലെ സ്വകാര്യ ആശുപത്രിയിലെത്തിച്ചെങ്കിലും വിദഗ്ധ ചികിത്സയ്ക്കായി കണ്ണൂരിലെ ആശുപത്രിയിലേക്ക് മാറ്റി. ചികിത്സയിലിരിക്കെ ഇന്ന് ഉച്ചയോടെയായിരുന്നു മരണം.
by Midhun HP News | Sep 23, 2023 | Latest News, കേരളം
കോഴിക്കോട്: നിപ വൈറസ് വ്യാപനത്തിന്റെ ഭീഷണി കുറഞ്ഞ സാഹചര്യത്തില് ജില്ലയില് കണ്ടൈന്മെന്റ് സോണുകളില് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങളും തിങ്കളാഴ്ച മുതല് സാധാരണ നിലയില് പ്രവര്ത്തിക്കേണ്ടതാണെന്ന് ജില്ലാ കലക്ടര് അറിയിച്ചു. എല്ലാ വിദ്യാര്ഥികളും ഈ ദിവസം മുതല് വിദ്യാഭ്യാസ സ്ഥാപനങ്ങളില് പതിവുപോലെ എത്തിച്ചേരേണ്ടതാണെന്നും കലക്ടര് പറഞ്ഞു.
വിദ്യാര്ത്ഥികളും അധ്യാപകരും മറ്റു ജീവനക്കാരും മാസ്കും സാനിറ്റൈസറും നിര്ബന്ധമായും ഉപയോഗിക്കേണ്ടതാണ്. വിദ്യാലയങ്ങളുടെ പ്രവേശന കവാടത്തിലും ക്ളാസ് റൂമുകളിലും സാനിറ്റൈസര് വെക്കേണ്ടതും എല്ലാവരും ഇത് ഉപയോഗിച്ച് കൈകള് സാനിറ്റൈസ് ചെയ്യേണ്ടതുമാണ്. കണ്ടൈന്മെന്റ് സോണുകളില് പ്രവര്ത്തിക്കുന്ന വിദ്യാഭ്യാസസ്ഥാപനങ്ങള്, അവിടെ എര്പ്പെടുത്തിയിരിക്കുന്ന നിയന്ത്രണങ്ങള് പിന്വലിക്കുന്നത് വരെ അധ്യയനം ഓണ്ലൈന് ആയി തന്നെ തുടരേണ്ടതാണെന്നും കലക്ടര് അറിയിച്ചു.
Recent Comments