by Midhun HP News | Jan 30, 2026 | Latest News, കേരളം
കോഴിക്കോട്: എലത്തൂര് മാളിക്കടവില് ആത്മഹത്യ ചെയ്യാമെന്നു പറഞ്ഞു യുവതിയെ വിളിച്ചു വരുത്തി കൊലപ്പെടുത്തിയ സംഭവത്തില് കൂടുതല് വിവരങ്ങള് പുറത്ത്. പ്രതി വൈശാഖന് മറ്റൊരു പെണ്കുട്ടിയെയും വലയില് വീഴ്ത്താന് ശ്രമിച്ചിരുന്നുവെന്ന് സൂചന. ഇക്കാര്യം കൊല്ലപ്പെട്ട യുവതി അറിഞ്ഞു. ഇതേച്ചൊല്ലിയും ഇരുവരും തമ്മില് തര്ക്കങ്ങളും വഴക്കും ഉണ്ടായിരുന്നതായിട്ടാണ് റിപ്പോര്ട്ടുകള്. കൊലപാതകം നടത്തുന്നതിനു മുമ്പ് പ്രതി യുവതിയെ അതിക്രൂരമായി മര്ദ്ദിച്ചിരുന്നുവെന്നും പൊലീസ് കണ്ടെത്തി.
കൈകൊണ്ട് മുഖത്തും ശരീരത്തിലും മര്ദ്ദിക്കുന്നതിന്റെ സിസിടിവി ദൃശ്യങ്ങള് പൊലീസിന് ലഭിച്ചിട്ടുണ്ട്. യുവതിയെ ശ്വാസം മുട്ടിച്ചു കൊലപ്പെടുത്താനും ശ്രമിച്ചു. ഇതിനുശേഷമാണ് യുവതിക്ക് ജ്യൂസില് ഉറക്ക ഗുളിക കലര്ത്തി നല്കിയത്. യുവതിയുമായുള്ള ബന്ധം ഭാര്യ അറിയുമെന്ന ഭയമാണ് കൊലപാതകത്തിന് പ്രേരിപ്പിച്ചതെന്നാണ് വൈശാഖന്റെ മൊഴി. തന്നെ വിവാഹം കഴിക്കണമെന്ന് യുവതി നിര്ബന്ധിച്ചതോടെയാണ്, ഒരുമിച്ച് മരിക്കാമെന്ന് വിശ്വസിപ്പിച്ച് യുവതിയെ ഇയാള് വര്ക്ക് ഷോപ്പിലേക്ക് വിളിച്ചുവരുത്തി കൊലപ്പെടുത്തിയത്.
ജ്യൂസില് ഉറക്കുഗുളിക കലര്ത്തി നല്കി യുവതിയെ അബോധാവസ്ഥയിലാക്കിയ ശേഷം കഴുത്തില് കുരുക്കിട്ട് കൊലപ്പെടുത്തുകയായിരുന്നുവെന്ന് പൊലീസ് കണ്ടെത്തി. മരിച്ചെന്ന് ഉറപ്പാക്കിയശേഷം ഭാര്യയെ വിളിച്ചു വരുത്തി യുവതിയെ ആശുപത്രിയിലെത്തിക്കുകയായിരുന്നു. പ്രതി വൈശാഖനും ഭാര്യയും ചേര്ന്ന് യുവതിയുടെ മൃതദേഹം കാറില് കയറ്റുന്നതിന്റെ സിസിടിവി ദൃശ്യം പുറത്തു വന്നിരുന്നു. സമീപത്തെ വീട്ടിലെ സിസിടിവി ദൃശ്യങ്ങളാണ് പൊലീസിന് ലഭിച്ചത്. സംഭവത്തില് വൈശാഖന്റെ ഭാര്യയെ പൊലീസ് ചോദ്യം ചെയ്തു. ഇവര്ക്ക് സംഭവത്തില് പങ്കില്ലെന്നാണ് പൊലീസിന്റെ വിലയിരുത്തല്.
യുവതിയുടെ മരണശേഷവും വൈശാഖന് മൃതദേഹത്തെ ലൈംഗികമായി പീഡിപ്പിച്ചുവെന്നും റിമാന്ഡ് റിപ്പോര്ട്ടിലുണ്ട്. പ്രതിക്ക് ലൈംഗിക വൈകൃതങ്ങള് ഉള്ളതായും അന്വേഷണസംഘം സൂചിപ്പിക്കുന്നു. യുവതിക്ക് 16 വയസ്സുള്ളപ്പോള് മുതല് വൈശാഖന് പീഡിപ്പിച്ചിരുന്നതായി യുവതിയുടെ ഡയറിക്കുറിപ്പുകളില് നിന്ന് വ്യക്തമായിരുന്നു. ഇതേത്തുടര്ന്ന് ഇയാള്ക്കെതിരെ പോക്സോ വകുപ്പും ചുമത്തിയിട്ടുണ്ട്. സംഭവം നടന്ന ശേഷം തെളിവ് നശിപ്പിക്കുന്നതിന്റെ ഭാഗമായി വര്ക്ക് ഷോപ്പിലെ സിസിടിവി ഹാര്ഡ് ഡിസ്ക് മാറ്റാന് വൈശാഖന് ശ്രമിച്ചിരുന്നു. എന്നാല് പൊലീസ് സ്ഥാപനം സീല് ചെയ്തതോടെ ഈ നീക്കം പരാജയപ്പെടുകയായിരുന്നു.
by Midhun HP News | Jan 29, 2026 | Latest News, കേരളം
കൊല്ലത്ത് വീട്ടിലേക്ക് കയറ്റിയ കാർ നിയന്ത്രണം വിട്ട് പിന്നിലേക്ക് ഉരുണ്ട്, പിന്നാലെ വന്ന ബൈക്കിലിടിച്ചു ബൈക്ക് യാത്രികൻ മരിച്ചു. കുളത്തൂപ്പുഴ സാംനഗർ സ്വദേശി രാജഗോപാൽ (48) ആണ് മ.രി.ച്ചത്. കാറിടിച്ച് ഗുരുതരമായി പരിക്കേറ്റ ബൈക്ക് യാത്രികനെ ആശുപത്രിയിലെത്തിച്ചെങ്കിലും മരണം സംഭവിക്കുക ആയിരുന്നു.
മലയോര ഹൈവേയിൽ അഞ്ചൽ കുളത്തൂപ്പുഴ കൈതക്കാട് മിൽപ്പാലത്തിന് സമീപം ഇന്നലെ ഉച്ചയ്ക്ക് ഒരു മണിയോടെയാണ് സംഭവം. അഞ്ചൽ ബ്ലോക്ക് പഞ്ചായത്ത് തെന്മല ഡിവിഷൻ അംഗം അനിൽ ടോം സഞ്ചരിച്ച കാറാണ് അപകടത്തിൽപെട്ടത്. അനിൽ ടോം കാർ വീട്ടിലേക്ക് കയറ്റവേ നിയന്ത്രണം വിട്ടു പിന്നോട്ട് ഉരുളുകയും മലയോര ഹൈവേയിലൂടെ പോവുകയായിരുന്ന രാജഗോപാലിൻ്റെ ബൈക്കിൽ കാർ ഇടിക്കുകയും ആയിരുന്നു.
രാജഗോപാലിനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. മൃ.ത.ദേഹം പോ.സ്റ്റ്മോ.ർട്ടത്തിന് ശേഷം ബന്ധുക്കൾക്ക് വിട്ടുനൽകും. കുളത്തൂപ്പുഴ പോലീസ് തുടർ നടപടികൾ സ്വീകരിച്ചു.
by Midhun HP News | Jan 28, 2026 | Latest News, കേരളം
കൊച്ചി: ആർത്തവ അവധി അനുവദിക്കണമെന്ന വനിതാ കണ്ടക്ടർമാരുടെ ഹർജിയിൽ നിലപാട് വ്യക്തമാക്കി കെ എസ് ആർ ടി സി. ആർത്തവ അവധി അനുവദിക്കാൻ കഴിയില്ലെന്നും നിലവിൽ ഇത്തരമൊരു നീക്കം സ്ഥാപനത്തിന് അധിക ബാധ്യത സൃഷ്ട്ടിക്കുമെന്നും അത് താങ്ങാൻ കഴിയില്ലെന്നും കെ എസ് ആർ ടി സി ഹൈക്കോടതിയെ അറിയിച്ചു.
രണ്ട് ദിവസത്തെ അവധി അനുവദിക്കണമെന്നാണ് വനിതാ കണ്ടക്ടർമാർ ഹർജിയിൽ ആവശ്യം ഉന്നയിച്ചത്. എന്നാൽ ഈ നീക്കം സർവീസുകളെ ഗുരുതരമായി ബാധിക്കും. അതിനാൽ അവധി നൽകാൻ കഴിയില്ലെന്നും കെ എസ് ആർ ടി സി വ്യക്തമാക്കി. അതെ സമയം, കർണാടകയിലെ ട്രാൻസ്പോർട്ട് കോർപ്പറേഷനിലെ ജീവനക്കാരികൾക്ക് മാസത്തിൽ ഒരു ദിവസം ശമ്പളത്തോടെയുള്ള ആർത്തവ അവധി നടപ്പാക്കി സർക്കാർ ഉത്തരവിറക്കിയിരുന്നു. അവധിക്ക് അപേക്ഷിക്കാൻ മെഡിക്കൽ സർട്ടിഫിക്കറ്റ് ആവശ്യമില്ല.18 മുതൽ 52 വയസ്സുവരെയുള്ള ജീവനക്കാരികൾക്ക് ആണ് അവധി ലഭിക്കുന്നത്. ഈ വർഷം മുതൽ പുതിയ തീരുമാനം നടപ്പിലാക്കുകയും ചെയ്തിട്ടുണ്ട്.
by Midhun HP News | Jan 28, 2026 | Latest News, കേരളം
തൃശൂർ: മൂന്ന് പതിറ്റാണ്ടായി ഫയലുകളിലും വാഗ്ദാനങ്ങളിലുമൊതുങ്ങിയിരുന്ന ഗുരുവായൂര് – തിരുനാവായ റെയില്വേ പദ്ധതി വീണ്ടും ചര്ച്ചയിലേക്ക്. പദ്ധതി മരവിപ്പിച്ച റെയില്വേ ബോര്ഡിന്റെ തീരുമാനം ഔദ്യോഗികമായി പിന്വലിച്ചതോടെ, മലബാറിനെയും കൊച്ചിയെയും ബന്ധിപ്പിക്കുന്ന ഈ സ്വപ്ന പദ്ധതിക്ക് പുതുജീവന് ലഭിച്ചിരിക്കുകയാണ്. കേന്ദ്ര ബജറ്റ് അവതരണത്തിന് മുന്നോടിയായി കൈക്കൊണ്ട ഈ തീരുമാനം, പ്രദേശവാസികള്ക്കും വികസന പ്രവര്ത്തകര്ക്കും വലിയ പ്രതീക്ഷയാണ് നല്കുന്നത്.
നിര്മാണ പുരോഗതിയില്ലായ്മയും ഭൂമിയേറ്റെടുപ്പിലെ അനിശ്ചിതത്വവും ചൂണ്ടിക്കാട്ടി 2019-ലാണ് പദ്ധതി റെയില്വേ ബോര്ഡ് മരവിപ്പിച്ചത്. എന്നാല് പുതിയ തീരുമാനത്തോടെ, സാങ്കേതികമായി നിലനിന്നിരുന്ന പ്രധാന തടസ്സം നീങ്ങിയിരിക്കുകയാണ്.
റെയില്വേയുടെ പച്ചക്കൊടി; തടസ്സമായി ഭൂമിയേറ്റെടുപ്പ്
പദ്ധതി പുനരാരംഭിക്കുന്നതിന്റെ ഭാഗമായി റെയില്വേ മന്ത്രാലയം പുനര്സര്വേ നടത്തി രണ്ട് വര്ഷം മുന്പേ തന്നെ അംഗീകാരം നല്കിയിരുന്നു. എന്നാല് സ്ഥലമേറ്റെടുപ്പ് ഉൾപ്പെടെ വൈകുന്നതാണ് അനിശ്ചിതത്വത്തിന് കാരണം.
പ്രധാനമന്ത്രിയുടെ റെയില്വേ ഉപദേഷ്ടാവും മെട്രോമാനുമായ ഇ. ശ്രീധരനും ഇക്കാര്യം ചൂണ്ടിക്കാട്ടിയിരുന്നു. പാത കടന്നുപോകുന്നതിനാവശ്യമായ ഭൂമി ഏറ്റെടുത്ത് റെയില്വേക്ക് കൈമാറേണ്ട ഉത്തരവാദിത്തം സംസ്ഥാന സര്ക്കാരിന്റേതാണ്. ഈ നടപടികള് വൈകുന്നതാണ് നിലവില് പദ്ധതിക്ക് മുന്നിലെ ഏക വലിയ തടസ്സമെന്ന വിമര്ശനമാണ് ഉയരുന്നത്.
വാഗ്ദാനങ്ങളുടെ മൂന്ന് പതിറ്റാണ്ട്
1982: ഗുരുവായൂരില് നിന്ന് വടക്കോട്ടുള്ള റെയില്വേ ലൈന് എന്ന ആശയം ആദ്യമായി ഉയര്ന്നു.
1995: അന്നത്തെ റെയില്വേ മന്ത്രി സുരേഷ് കല്മാഡി ശിലാസ്ഥാപനം നടത്തി.
അലൈന്മെന്റിലെ മാറ്റങ്ങള്: കുറ്റിപ്പുറം, തിരൂര്, താനൂര് എന്നീ റൂട്ടുകള് പരിഗണിച്ച ശേഷം, പദ്ധതി തിരുനാവായ പാതയില് കേന്ദ്രീകരിച്ചു.
2019: ഭൂമിയേറ്റെടുപ്പിലെ അനിശ്ചിതത്വം മൂലം പദ്ധതി ഔദ്യോഗികമായി മരവിപ്പിച്ചു.
കഴിഞ്ഞ കേന്ദ്ര ബജറ്റുകളില് ഈ പദ്ധതിക്കായി 45 കോടി രൂപ വരെ വകയിരുത്തിയിരുന്നുവെങ്കിലും, ‘മരവിപ്പിച്ച പദ്ധതി’ എന്ന നില കാരണം ഈ തുക വിനിയോഗിക്കാന് കഴിഞ്ഞിരുന്നില്ല. ഇപ്പോഴത്തെ തീരുമാനത്തോടെ ആ സാങ്കേതിക തടസ്സവും നീങ്ങിയിരിക്കുകയാണ്.
രാഷ്ട്രീയ തര്ക്കങ്ങള്ക്കിടയില് വികസനം
പദ്ധതി വൈകുന്നതില് സംസ്ഥാന സര്ക്കാരിന്റെ അനാസ്ഥയാണ് കാരണമെന്ന് ബിജെപി ആരോപിക്കുമ്പോള്, കേന്ദ്ര സര്ക്കാര് അവഗണിക്കുന്നുവെന്നാരോപിച്ച് മറ്റ് മുന്നണികളും രംഗത്തുണ്ട്. ദി ന്യൂ ഇന്ത്യന് എക്സ്പ്രസ്സ് വാര്ത്തയെ തുടര്ന്ന് ബിജെപി നോര്ത്ത് ജില്ലാ പ്രസിഡന്റ് അഡ്വ. സി. നിവേദിത സംസ്ഥാന പ്രസിഡന്റ് രാജീവ് ചന്ദ്രശേഖരന് മുഖാന്തിരം നടത്തിയ ഇടപെടലുകളും, ഗുരുവായൂര് ചേംബര് ഓഫ് കൊമേഴ്സ് കേന്ദ്രമന്ത്രി സുരേഷ് ഗോപിക്ക് നല്കിയ നിവേദനങ്ങളും പദ്ധതിക്ക് പുതുഗതി നല്കിയതായി വിലയിരുത്തപ്പെടുന്നു.
പദ്ധതി പുനരാരംഭിക്കാനുള്ള റെയില്വേ ബോര്ഡിന്റെ തീരുമാനത്തെ ഗുരുവായൂര് ക്ഷേത്ര രക്ഷാ സമിതി സെക്രട്ടറി എം.ബിജേഷും ഗുരുവായൂര് ചേംബര് ഓഫ് കൊമേഴ്സ് പ്രസിഡന്റ് പി.വി. മുഹമ്മദ് യാസിന്, സെക്രട്ടറി അഡ്വ. രവി ചങ്കത്ത് എന്നിവര് സ്വാഗതം ചെയ്തു.
ഇനി വേണ്ടത് വ്യക്തമായ ആക്ഷന് പ്ലാന്
തമിഴ്നാട്ടിലും കര്ണാടകത്തിലും ഇതേ കാലയളവില് ആരംഭിച്ച റെയില്വേ പദ്ധതികള് വര്ഷങ്ങള്ക്ക് മുന്പേ പൂര്ത്തിയായപ്പോള്, ഗുരുവായൂരില് സര്വേ കല്ലുകള് ഇന്നും ചരിത്ര സ്മാരകങ്ങളായി തുടരുകയാണ്. കേന്ദ്ര സര്ക്കാര്, റെയില്വേ ബോര്ഡ് എന്നിവര് അവരുടെ ഭാഗത്തെ തടസ്സങ്ങള് നീക്കിയ സാഹചര്യത്തില്, രാഷ്ട്രീയ ഭേദമന്യേ സംസ്ഥാന സര്ക്കാര് ഭൂമിയേറ്റെടുപ്പ് നടപടികള് വേഗത്തിലാക്കണമെന്നാണ് നാട്ടുകാരുടെയും വികസന സംഘടനകളുടെയും ശക്തമായ ആവശ്യം.
30 വര്ഷത്തെ കാത്തിരിപ്പിന് ഒടുവില് അന്ത്യമാകുമോ എന്ന ചോദ്യത്തിനുള്ള ഉത്തരമാണ് ഇനി സംസ്ഥാന സര്ക്കാരിന്റെ നടപടികളില് നിന്ന് പ്രതീക്ഷിക്കപ്പെടുന്നത്.
by Midhun HP News | Jan 28, 2026 | Latest News, കേരളം
കൊച്ചി: ബലാത്സംഗ പരാതി നല്കിയ ആദ്യയുവതിയുമായുള്ള രാഹുല് മാങ്കൂട്ടത്തിലിന്റെ ബന്ധം പരസ്പര സമ്മതത്തോടെയെന്ന് ഹൈക്കോടതി. രാഹുല് അവിവാഹിതന് ആയതിനാല് യുവതിയുമായുള്ള ബന്ധം ധാര്മികമായും നിയമപരമായും തെറ്റല്ല. അവിവാഹിതനായ പുരുഷന് ഒന്നിലധികം ബന്ധങ്ങളില് ഏര്പ്പെടുന്നതില് എന്താണ് തെറ്റ് എന്നും കോടതി ചോദിച്ചു.
“വിവാഹിതയായ ഒരു പങ്കാളിയുമായി ഉഭയകക്ഷി സമ്മതത്തോടെയുള്ള ബന്ധം നിയമപ്രകാരം അനുവദനീയമാണ്, അപ്പോൾ അവിവാഹിതനായ ഒരു പുരുഷൻ ഉഭയകക്ഷി സമ്മതത്തോടെയുള്ള ലൈംഗിക ബന്ധത്തിൽ ഏർപ്പെടുന്നതിൽ എന്താണ് തെറ്റ്? അത് കാരണം ഈ ജാമ്യം എങ്ങനെ നിരസിക്കാൻ കഴിയും,” എന്നും ഇന്ന് നടന്ന ഒരു വാദത്തിനിടെ കോടതി ചോദിച്ചു. ജാമ്യാപേക്ഷ കോടതി വിധി പറയാന് മാറ്റി.
എന്നാല് കുട്ടി വേണമെന്നും നിര്ബന്ധ ഗര്ഭച്ഛിദ്രം നടത്തിയെന്നുമുള്ള ആരോപണങ്ങള് ഗുരുതരമാണെന്നും കോടതി ചൂണ്ടിക്കാട്ടുന്നു. കേസിലെ പ്രഥമ വിവര മൊഴികള് പരാമര്ശിച്ചാണ് കോടതിയുടെ വാക്കാലുള്ള പരാമര്ശങ്ങള്. ഇത് പ്രകാരമാണ് പരാതിക്കാരിക്ക് എതിരാകുന്ന വിധത്തില് ചില ചോദ്യങ്ങള് കോടതി ഉയര്ത്തുന്നത്. മൊഴികള് പ്രകാരം പരാതിക്കാരിയും രാഹുല് മാങ്കൂട്ടത്തിലും തമ്മിലുണ്ടായിരുന്നത് സമ്മതത്തോടെയുള്ള ബന്ധമായിരുന്നില്ലേ എന്നാണ് കോടതി ഉയര്ത്തുന്ന ചോദ്യം. എന്നാല്, പരാതിയില് പറയുന്ന മാര്ച്ച് 17 ലെ സംഭവം ഗുരുതരമാണെന്ന സൂചനയും ജസ്റ്റിസ് കൗസര് എടപ്പഗത്തിന്റെ ബെഞ്ച് നിരീക്ഷിക്കുന്നു.
മാര്ച്ച് 17 ന് പാലക്കാട് പോയതിന് പരാതിക്കാരിക്ക് പ്രത്യേക കാരണങ്ങളുണ്ട്. എന്നാല് അന്ന് യുവതിക്ക് മേല് ബലപ്രയോഗം നടന്നു. വീഡിയോ ചിത്രീകരിച്ചത് കുറ്റകരമായ നടപടിയാണ്. അതിനെ പ്രത്യേകമായി പരിഗണിക്കണം. രാഹുല് കുട്ടിവേണം എന്ന് ആവശ്യപ്പെട്ടു, യുവതിക്ക് താത്പര്യമില്ലാതിരുന്നിട്ടും ഗര്ഭച്ഛിദ്രത്തിന് നിര്ബന്ധിച്ചതിന്റെയും ഡിജിറ്റല് തെളികളുണ്ടെന്നും കോടതി നിരീക്ഷിച്ചു. എസ്ഐടി രജിസ്റ്റര് ചെയ്ത ആദ്യ കേസിലെ മുന്കൂര് ജാമ്യാപേക്ഷ നേരത്തെ തിരുവനന്തപുരം പ്രിന്സിപ്പല് സെഷന്സ് കോടതി തള്ളിയതിനെ തുടര്ന്നാണ് രാഹുല് മാങ്കൂട്ടത്തില് ഹൈക്കോടതിയെ സമീപിച്ചത്.
അതിനിടെ, മൂന്നാമത്തെ ബലാത്സംഗ പരാതിയില് രാഹുല് മാങ്കൂട്ടത്തിലിന് പത്തനംതിട്ട സെഷന്സ് കോടതി ജാമ്യം അനുവദിച്ചു. ജാമ്യം നിഷേധിച്ച മജിസ്ട്രേറ്റ് കോടതി ഉത്തരവിനെതിരെ രാഹുല് നല്കിയ അപ്പീല് പരിഗണിച്ചാണ് സെഷന്സ് കോടതി നടപടി.
by Midhun HP News | Jan 28, 2026 | Latest News, കേരളം
കൊച്ചി: പോപ്പുലര് ഫ്രണ്ട് ഓഫ് ഇന്ത്യ (പിഎഫ്ഐ) യുമായി ബന്ധപ്പെട്ട 20 സ്ഥലങ്ങളില് എന്ഐഎ പരിശോധന. എറണാകുളം, തൃശൂര്, പാലക്കാട് തുടങ്ങിയ മൂന്ന് ജില്ലകളിലായി ഇരുപതോളം ഇടങ്ങളിലായിരുന്നു പരിശോധന. എറണാകുളം ജില്ലയില് മാത്രം എട്ട് ഇടങ്ങളില് പരിശോധന നടന്നെന്നാണ് റിപ്പോര്ട്ട്. ബുധനാഴ്ച രാവിലെ 6 മണിയോടെ ആയിരുന്നു തെരച്ചില് ആരംഭിച്ചത്. പരിശോധന നാല് മണിക്കൂറിലധികം നീണ്ടതായും റിപ്പോര്ട്ടുകള് പറയുന്നു. നിരോധിത സംഘടനയുമായി ബന്ധപ്പെട്ട 2022 ല് രജിസ്റ്റര് ചെയ്ത കേസിലാണ് നടപടി.
പരിശോധനയില് സുപ്രധാന തെളിവുകള് കണ്ടെത്തിയതായും എന്ഐഎ അറിയിച്ചു. പോപ്പുലര് ഫ്രണ്ട് ഓഫ് ഇന്ത്യ നിലവില് നിരോധിത സംഘടനയാണെങ്കിലും അതിന്റെ പ്രവര്ത്തനം തുടരുന്നെന്ന വിവരങ്ങളുടെ അടിസ്ഥാനത്തിലാണ് നടപടി. ഇത്തരം സംഭവവികാസങ്ങള് സൂക്ഷ്മമായി നിരീക്ഷിക്കുകയും സംസ്ഥാനത്ത് പ്രവര്ത്തിക്കുന്ന രഹസ്യ ശൃംഖലകളെ കണ്ടെത്താന് പ്രവര്ത്തിച്ച് വരികയാണെന്നും എന്ഐഎ വൃത്തങ്ങള് പറഞ്ഞു.
ഒളിവില് കഴിയുന്ന ആറ് പ്രധാന പോപുലര് ഫ്രണ്ട് പ്രവര്ത്തകരെ കണ്ടെത്തുന്നതിനായാണ് പരിശോധനയെന്നാണ് എന്ഐഎ വൃത്തങ്ങള് നല്കുന്ന സൂചന. ആലുവ സ്വദേശി അബ്ദുള് വഹാബ് (28). പട്ടാമ്പി സ്വദേശിയായ അബ്ദുള് റഷീദ് കെ (35), എടവനക്കാട് സ്വദേശി അയൂബ് ടിഎ (52) എന്നിവരെ ഉള്പ്പെടെയാണ് എന്ഐഎ തേടുന്നത്. 7 ലക്ഷം രൂപ പാരിതോഷികം പ്രഖ്യാപിച്ചിട്ടുള്ളവരാണ് ഇവര്. പട്ടാമ്പി സ്വദേശിയായ മുഹമ്മദ് മന്സൂറിനെ അറസ്റ്റ് ചെയ്യുന്നതിലേക്ക് നയിക്കുന്ന വിവരങ്ങള് നല്കുന്നവര്ക്ക് 3 ലക്ഷം രൂപ പാരിതോഷികം പ്രഖ്യാപിച്ചിട്ടുണ്ട്. ആലങ്ങാട് സ്വദേശിയായ മുഹമ്മദ് യാസര് അറഫാത്ത്, വളാഞ്ചേരി സ്വദേശിയായ മൊയ്തീന്കുട്ടി പി എന്നിവരെ കണ്ടെത്തുന്നതിന് പൊതുജനങ്ങളുടെ സഹായവും ഏജന്സി തേടിയിട്ടുണ്ട്.
കോളേജ് പ്രൊഫസര് ടിജെ ജോസഫിനെതിരായ കൈവെട്ട് ആക്രമണവുമായി ബന്ധപ്പെട്ട വിശാലമായ നിലവില് എന്ഐഎ അന്വേഷിക്കുന്നുണ്ട്. കേസിലെ ഒന്നാം പ്രതിയായ സവാദ് അടുത്തിടെ അറസ്റ്റിലായിരുന്നു. തനിക്ക് ഒളിവില് കഴിയാന് സഹായം നല്കിയ കേരളത്തിലെയും തമിഴ്നാട്ടിലെയും പോപ്പുലര് ഫ്രണ്ട് അനുകൂലികളുടെ വിവരങ്ങള് ഇയാള് വെളിപ്പെടുത്തിയതായും റിപ്പോര്ട്ടുണ്ട്.
Recent Comments