ഖുശ്ബുവിനെതിരെ കേസെടുക്കുമോ? പഴയ ട്വീറ്റ് കുത്തിപ്പൊക്കി കോണ്‍ഗ്രസ്‌

by Midhun HP News | Mar 25, 2023 | Latest News, കേരളം, ജില്ലാ വാർത്ത

ഡൽഹി: മോദി പരാമർശത്തിൽ രാ​ഹുൽ ​ഗാന്ധിയെ ശിക്ഷിക്കുകയും ലോക്‌സഭ അം​ഗത്വത്തിൽ നിന്നും അയോ​ഗ്യനാക്കുകയും ചെയ്‌തതിന് പിന്നാലെ ബിജെപി നേതാവ് ഖുശ്ബു സുന്ദറിന്റെ പഴയ ഒരു ട്വീറ്റ് വൈറലാകുന്നു. അഴിമതി എന്ന വാക്കിന് പകരം മോദി എന്നാക്കണമെന്നായിരുന്നു 2018ൽ പോസ്റ്റ് ചെയ്‌ത ഒരു ട്വീറ്റിൽ ഖുശ്‌ബു പറഞ്ഞത്.

അവർ അന്ന് കോൺ​ഗ്രസ് പ്രവർത്തകയായിരുന്നു. നിരവധി കോൺ​ഗ്രസ് പ്രവർത്തകർ ട്വീറ്റ് റീട്വീറ്റ് ചെയ്‌തിട്ടുണ്ട്. മോദി പരാമർശത്തിൽ രാഹുലിനെതിരെ നടപടിയെടുത്തത് പോലെ ഖുശ്ബു സുന്ദറിനെതിരെ കേസ് നൽകുമോ എന്ന് ചോദിച്ചു കൊണ്ട് നിരവധി കോൺഗ്രസ് നേതാക്കൾ ട്വീറ്റ് ചെയ്തു. ഖുശ്ബുവിന്റെ പഴയ ട്വീറ്റിന്റെ സ്‌ക്രീൻഷോട്ട് സഹിതമാണ് ചോദ്യം ഉന്നയിച്ചിരിക്കുന്നത്.

‘എല്ലാ കള്ളൻമാർക്കും എന്തുകൊണ്ടാണ് മോദി എന്ന പൊതുവായ പേര്’ എന്ന പരാമർശത്തിനാണ് രാഹുലിനെ ഗുജറാത്തിലെ സൂറത്ത് കോടതി രണ്ടു വർഷത്തെ തടവു ശിക്ഷ വിധിച്ചത്. ഇതിന് പിന്നാലെ ലോക്‌സഭ അം​ഗ്വത്തിൽ നിന്നും അദ്ദേഹത്തെ അയോ​ഗ്യനാക്കുകയും ചെയ്‌തിരുന്നു.

എന്നാൽ പഴയ ട്വീറ്റ് പിൻവലിക്കുകയോ അതിൽ പ്രതികരിക്കാനോ ഖുശ്ബു ഇതുവരെ തയ്യാറായിട്ടില്ല. കോൺ​ഗ്രസ് വിട്ട് ബിജെപിയിൽ ചേർന്ന ഖുശ്‌ബു ഇപ്പോൾ ദേശീയ വനിത കമ്മീഷൻ അം​ഗമാണ്. അതേസമയം ​രാഹുൽ ​ഗാന്ധിയെ ലോക്‌സഭയിൽ നിന്ന് അയോ​ഗ്യനാക്കിയതിനെ കുറച്ച് ‘നിർഭാഗ്യവശാൽ താൻ ഒരു പാർലമെന്റേറിയനാണെന്ന് അദ്ദേഹം കുറച്ച് ദിവസങ്ങൾക്ക് മുമ്പ് പറഞ്ഞിരുന്നു. അദ്ദേഹത്തിന്റെ വാക്കുകൾ സത്യമായി. പോസിറ്റീവ് ആയി ചിന്തിക്കുക. നിഷേധാത്മകത നിങ്ങളെ എവിടേയും എത്തിക്കില്ല’ എന്ന് ഖുശ്ബു ട്വീറ്റ് ചെയ്‌തിരുന്നു.

ലോക്‌സഭ അം​ഗങ്ങൾ ക്രിമിനൽ കേസുകളിൽ രണ്ടോ അതിലധികമോ വർഷമോ ജയിൽശിക്ഷ ലഭിച്ചാൽ അവരെ അയോ​ഗ്യരാക്കണമെന്നാണ് 1951ലെ ജനപ്രതിനിധി നിയമം. ശിക്ഷാവിധിക്കെതിരെ അപ്പീൽ പോകാൻ മുൻപ് മൂന്ന് മാസത്തെ സമയം അനുവദിച്ചിരുന്നു. എന്നാൽ 2013-ൽ ലില്ലി തോമസ് എന്ന അഭിഭാഷക സമർപ്പിച്ച ഹർജിയിൽ അപ്പീൽ സമയമായ മൂന്ന് മാസം അയോഗ്യത കൽപിക്കാനാവില്ലെന്ന വ്യവസ്ഥ സുപ്രീം കോടതി റദ്ദാക്കിയിരുന്നു.

ഇന്നസെന്റിന്റെ നില അതീവ ​ഗുരുതരം

by Midhun HP News | Mar 25, 2023 | Latest News, കേരളം, ജില്ലാ വാർത്ത

കൊച്ചി: നടൻ ഇന്നസെന്റിന്റെ നില അതീവ ​ഗുരുതരമെന്ന് മെഡിക്കൽ ബുള്ളറ്റിൻ. കൊച്ചിയിലെ സ്വകാര്യ ആശുപത്രിയിൽ അത്യാഹിത വിഭാ​ഗത്തിൽ ചികിത്സയിൽ കഴിയുകയാണ് താരമിപ്പോൾ. അര്‍ബുദ രോഗത്തെ തുടര്‍ന്നുള്ള ശാരീരിക ബുദ്ധിമുട്ടുകള്‍ മൂലം രണ്ടാഴ്ച മുന്‍പാണ് ഇന്നസെന്റിനെ കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിക്കുന്നത്. ആരോഗ്യ നില മെച്ചപ്പെട്ടതിനെത്തുടര്‍ന്ന് ഐസിയുവില്‍ നിന്ന് മുറിയിലേക്ക് മാറ്റിയിരുന്നെങ്കിലും ആരോഗ്യനില വീണ്ടും മോശമാവുകയായിരുന്നു.

നേരത്തെ അർബുദത്തെ പോരാടി തോൽപ്പിച്ച വ്യക്തിയാണ് ഇന്നസെന്റ്. തന്റെ കാൻസർ നാളുകളിലെ അനുഭവങ്ങൾ പങ്കുവച്ചുകൊണ്ട് കാൻസർ വാർഡിലെ ചിരി എന്ന പുസ്തകവും അദ്ദേഹം പ്രസിദ്ധീകരിച്ചിരുന്നു. കഴിഞ്ഞ വർഷം പുറത്തിറങ്ങിയ ‘മകൾ’, ‘കടുവ’ തുടങ്ങിയ മലയാള ചിത്രങ്ങളിൽ ഇന്നസന്റ് ശ്രദ്ധേയവേഷങ്ങൾ കൈകാര്യം ചെയ്തിരുന്നു.

ഒ​രു വീ​ട്ടി​ൽ ഒ​ന്നി​ല​ധി​കം റേ​ഷ​ൻ കാ​ർ​ഡു​ക​ൾ അനുവദിക്കും മ​ന്ത്രി ജി.​ആ​ർ. അ​നി​ൽ

by Midhun HP News | Mar 25, 2023 | Latest News, കേരളം, ജില്ലാ വാർത്ത

ഒ​ന്നി​ലേ​റെ കു​ടും​ബ​ങ്ങ​ൾ താ​മ​സി​ക്കു​ന്ന വീ​ട്ടി​ൽ ഓ​രോ കു​ടും​ബ​ത്തി​നും പ്ര​ത്യേ​കം റേ​ഷ​ൻ കാ​ർ​ഡു​ക​ൾ എ​ന്ന ആ​വ​ശ്യം റേ​ഷ​നിം​ഗ് ഇ​ൻ​സ്‌​പെ​ക്ട​ർ​ക്ക് പ​രി​ശോ​ധി​ച്ച് ബോ​ധ്യ​പ്പെ​ട്ട​ശേ​ഷം അ​നു​വ​ദി​ക്കാ​മെ​ന്ന് സം​സ്ഥാ​ന ഭ​ക്ഷ്യ സി​വി​ൽ സ​പ്ലൈ​സ് മ​ന്ത്രി ജി.​ആ​ർ. അ​നി​ൽ.
ഒ​രു വീ​ട്ടി​ൽ ത​ന്നെ ഒ​ന്നി​ല​ധി​കം കു​ടും​ബ​ങ്ങ​ൾ താ​മ​സി​ക്കു​ക​യാ​ണെ​ങ്കി​ൽ ഓ​രോ കു​ടും​ബ​ത്തി​നും പ്ര​ത്യേ​കം അ​ടു​ക്ക​ള ഉ​ണ്ടാ​ക​ണം. ഒ​രു മേ​ൽ​ക്കൂ​ര​യ്ക്ക് കീ​ഴി​ൽ ഒ​ന്നി​ല​ധി​കം കു​ടും​ബ​ങ്ങ​ൾ​ക്ക് ഒ​രു അ​ടു​ക്ക​ള എ​ന്ന രീ​തി​യി​ൽ ആ​ണെ​ങ്കി​ൽ പ്ര​ത്യേ​കം റേ​ഷ​ൻ കാ​ർ​ഡ് ല​ഭി​ക്കി​ല്ല. മു​ൻ​ഗ​ണ​നാ കാ​ർ​ഡു​ക​ൾ അ​ന​ർ​ഹ​ർ കൈ​വ​ശം വ​ച്ചി​രി​ക്കു​ന്ന വി​ഷ​യ​ത്തി​ൽ വി​ജി​ല​ൻ​സ് ക​മ്മി​റ്റി​ക​ൾ വാ​ർ​ഡ് ത​ല​ത്തി​ൽ ഉ​ട​ൻ ത​ന്നെ യോ​ഗം ചേ​ർ​ന്ന് ന​ട​പ​ടി​ക​ൾ സ്വീ​ക​രി​ക്കു​മെ​ന്നും മ​ന്ത്രി പ​റ​ഞ്ഞു.

കോൺഗ്രസ് നേതാവും മുൻ എംപിയുമായ തലേക്കുന്നിൽ ബഷീർ അനുസ്മരണം ആറ്റിങ്ങിൽ നടന്നു

by Midhun HP News | Mar 25, 2023 | Latest News, കേരളം, ജില്ലാ വാർത്ത

പ്രമുഖ കോൺഗ്രസ് നേതാവും മുൻ എം പിയുമായ തലേക്കുന്നിൽ ബഷീറിന്റെ ഒന്നാം ചരമവാർഷിക ദിനം പ്രവാസി കോൺഗ്രസ്സ് ആറ്റിങ്ങൽ ഠൗൺ കമ്മിറ്റിയുടെ ആഭിമുഖ്യത്തിൽ ആറ്റിങ്ങൽ കിഴക്കേ നാലുമുക്കിൽ അദ്ദേഹത്തിന്റെ ഛായ ചിത്രത്തിനു മുന്നിൽ പുഷ്പാർച്ചനയും അനുസ്മരണവും നടത്തി.

ടൗൺ പ്രസിഡന്റ് എച്ച് ബഷീറിന്റെ അദ്ധ്യതയിൽ ആറ്റിങ്ങൽ സുരേഷ് ഉദ്ഘാടനം ചെയ്തു. ആറ്റിങ്ങൽ സതീഷ്, കിരൺ കൊല്ലമ്പുഴ, അനിൽ ആറ്റിങ്ങൽ, ആർ . വിജയകുമാർ, എം എച്ച് അഷറഫ്, വക്കം സുധ, മനോജ്, ഭാസി, പ്രസന്നകുമാർ, ആലംകോട് റഷീദ്, അനിൽകുമാർ , സുബ്രമണ്യൻ, മോഹനൻ നായർ, പ്രതാപൻ, ഗോപകുമാർ, ബാവേഷ്, അയ്യമ്പള്ളി മണിയൻ തുടങ്ങിയവർ പങ്കെടുത്തു.

വർക്കലയിൽ പതിനാലുകാരിയോട് പൊതുവഴിയില്‍ ലൈംഗികാതിക്രമം; പ്രതി അറസ്റ്റിൽ

by Midhun HP News | Mar 25, 2023 | Latest News, കേരളം, ജില്ലാ വാർത്ത

വര്‍ക്കല: പ്രായപൂര്‍ത്തിയാകാത്ത പെണ്‍കുട്ടിയോട് ലൈംഗീകാതിക്രമം നടത്തിയ യുവാവ് പോക്‌സോ നിയമപ്രകാരം അറസ്റ്റില്‍. വര്‍ക്കല മൂങ്കോട്, ശ്രീ ഭവനില്‍ ശ്രീജിത്ത് (25) ആണ് പരവൂര്‍ പോലീസിന്റെ പിടിയിലായത്. കഴിഞ്ഞ 23 ന് വൈകുന്നരം പെണ്‍കുട്ടി അനിയനുമായി സൈക്കിളില്‍ ബന്ധു വീട്ടിലേക്ക് പോയ സമയത്ത് പ്രതി സ്‌കൂട്ടറിലെത്തി ഇവരെ തടഞ്ഞു നിര്‍ത്തി.

വഴി ചോദിക്കുന്ന വ്യാജേന പ്രതി പെണ്‍കുട്ടിയെ ലൈംഗീകമായി ആക്രമിയ്ക്കുകയായിരുന്നു. തുടര്‍ന്ന് പെണ്‍കുട്ടി പരവൂര്‍ പോലീസിന് നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്യുകയും പ്രതിയെ പിടികൂടുകയുമായിരുന്നു. പരവൂര്‍ ഇന്‍സ്‌പെക്ടര്‍ നിസ്സാര്‍. എ യുടെ നേതൃത്വത്തില്‍ എസ്.ഐ നിതിന്‍ നളന്‍, എ.എസ്.ഐ മാരായ അജയന്‍, രമേശ് എസ്.സി.പി.ഒ ഗീത, സി.പി.ഒ മാരായ അരുണ്‍, വിഷ്ണു എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.

സംസ്ഥാനത്ത് ഇന്ന് സ്വർണവില കുറഞ്ഞു

by Midhun HP News | Mar 25, 2023 | Latest News, കേരളം, ജില്ലാ വാർത്ത

തിരുവനന്തപുരം: സംസ്ഥാനത്ത് ഇന്ന് സ്വർണവില കുറഞ്ഞു. രണ്ട് ദിവസത്തെ ഉയർച്ചയ്ക്ക് ശേഷമാണു ഇന്ന് നേരിയ കുറവ് ഉണ്ടായിരിക്കുന്നത്. ഒരു പവൻ സ്വർണത്തിന് ഇന്ന് 120 രൂപയുടെ കുറവാണു ഉണ്ടായത്. ഇതോടെ സ്വർണവില 44000 ത്തിന് താഴേക്ക് എത്തി. ഒരു പവൻ സ്വർണത്തിന്റെ വിപണി വില 43880 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വിപണി വില ഇന്ന് 15 രൂപ കുറഞ്ഞു. ഇന്നലെ 20 രൂപ കുറഞ്ഞിരുന്നു. 5485 രൂപയാണ് വിപണി വില. ഒരു ഗ്രാം 18 കാരറ്റ് സ്വർണത്തിന്റെ വിപണി വില 10 രൂപ കുറഞ്ഞു. വിപണി വില 4555 രൂപയാണ്.