അവനവഞ്ചേരി ഹൈസ്കൂളിന് സമീപം ഫെബ്രുവരി 4 ശനിയാഴ്ച വൈകിട്ട് 4 മണിയ്ക്ക് കൗൺസിലർ ഓഫീസ് പ്രവർത്തനമാരംഭിയ്ക്കുന്നു. പാർലമെന്റ് അംഗം എ.എ.റഹിം ഓഫീസ് ഉദ്ഘാടനം ചെയ്യും. ചടങ്ങിൽ ഒ.എസ്.അംബിക എം.എൽ.എ, ആർ.രാമു, അഡ്വ.എസ്.ലെനിൻ, അഡ്വ.എസ്.കുമാരി, എം.പ്രദീപ്, എം.മുരളി, സി.ചന്ദ്രബോസ് തുടങ്ങിയവർ പങ്കെടുക്കുന്നു.
കൊച്ചി: കളമശേരി മെഡിക്കൽ കോളജിൽ ജനിക്കാത്ത കുട്ടിയുടെ പേരിൽ വ്യാജമായി ജനന സർട്ടിഫിക്കറ്റ് നിർമ്മിച്ചെന്ന പരാതിയിൽ പൊലീസ് നടപടി. മെഡിക്കൽകോളേജ് അഡ്മിനിസ്ട്രേറ്റീവ് അസിസ്റ്റന്റ് അനിൽകുമാറിനെതിരെ പൊലീസ് കേസെടുത്തു. ജനിക്കാത്ത കുട്ടിയുടെ പേരിൽ ജനന സർട്ടിഫിക്കറ്റ് ഉണ്ടാക്കിയെന്നാണ് കേസ്. മുൻസിപ്പാലിറ്റി താൽക്കാലിക ജീവനക്കാരി നൽകിയ പരാതി തുടർന്നാണ് നടപടി.
അനിൽകുമാർ ഇവരെ സമീപിച്ച് ചില രേഖകൾ കാണിച്ച് ജനന സർട്ടിഫിക്കറ്റ് നൽകണമെന്ന് ആവശ്യപ്പെട്ടുവെന്നാണ് മുൻസിപ്പാലിറ്റി ജീവനക്കാരി പരാതിയിൽ പറയുന്നത്. ഇവർ നടത്തിയ പരിശോധനയിൽ ആശുപത്രിൽ ഇത്തരത്തിലൊരു പ്രസവം നടന്നിട്ടില്ലെന്ന് വ്യക്തമാകുകയും തുടർന്ന് കളമശ്ശേരി പൊലീസിൽ പരാതി നൽകുകയുമായിരുന്നു.
ഇതുമായി ബന്ധപ്പെട്ട് കളമശ്ശേരി മെഡിക്കൽ കോളേജ് അധികൃതർ ആശുപത്രിക്കുള്ളിൽ ഒരു അന്വേഷണം നടത്തിയിട്ടുണ്ട്. മെഡിക്കൽ കോളേജ് അധികൃതർ പറയുന്നത് മറ്റൊരു വാദമാണ്. പആശുപത്രി ജീവനക്കാരനൊപ്പം രാതിക്കാരിക്കെതിരെയും അന്വേഷണം വേണമെന്നാണ് ആശുപത്രി സൂപ്രണ്ട് പൊലീസിൽ നൽകിയ രണ്ടാമത്തെ പരാതിയിലെ ആവശ്യം.
തിരുവനന്തപുരം മെഡിക്കല്‍ കോളേജില്‍ യുവാവിനെ മര്‍ദിച്ച സംഭവത്തില്‍ ട്രാഫിക് വാര്‍ഡനെതിരെ നടപടി. അന്വേഷണത്തിന്റെ ഭാഗമായി ട്രാഫിക് വാര്‍ഡനെ ഡ്യൂട്ടിയില്‍ നിന്നും മാറ്റി നിർത്തിയെന്നും വിശദമായ അന്വേഷണത്തിന് ശേഷം കര്‍ശന നടപടി സ്വീകരിക്കുമെന്നും ആശുപത്രി സൂപ്രണ്ട് ഡോ. നിസാറുദ്ദീന്‍ അറിയിച്ചു. സംഭവം ശ്രദ്ധയില്‍പ്പെട്ടതിനെ തുടര്‍ന്ന് അന്വേഷണം നടത്തി നടപടി സ്വീകരിക്കാന്‍ ആരോഗ്യ വകുപ്പ് മന്ത്രി വീണാ ജോര്‍ജ് നിർദേശം നൽകിയിരുന്നു.
പാങ്ങോട് സ്വദേശി അഫ്സൽ എന്ന യുവാവിനാണ് തിരുവനന്തപുരം മെഡിക്കല്‍ കോളേജില്‍ നിന്നും ഇത്തരത്തിലുള്ള ക്രൂര മർദനമേറ്റത്. മർദനത്തിന്‍റെ ദൃശ്യങ്ങൾ സാമൂഹ്യമാധ്യമങ്ങളിൽ വൈറലായിരുന്നു. ഒ.പി വിഭാഗത്തിലെ ഗേറ്റ് വഴി അകത്തേക്ക് പ്രവേശിക്കാൻ യുവാവ് ശ്രമിച്ചപ്പോഴായിരുന്നു വാർഡന്മാർ തടഞ്ഞത്. തർക്കത്തിനൊടുവിൽ കൂടുതൽ വാർഡൻമാരെത്തി യുവാവിനെ മർദിക്കുകയായിരുന്നു.
ഡല്‍ഹി: ബാലുശേരി കിനാലൂരിലെ ഉഷാ സ്‌കൂളില്‍ ചിലര്‍ അതിക്രമിച്ച് കയറിയെന്ന് പിടി ഉഷ എംപി. നേരത്തെയും ഇത്തരത്തിലുള്ള അതിക്രമങ്ങള്‍ ഉണ്ടായിട്ടുണ്ട്. പെണ്‍കുട്ടികള്‍ പഠിക്കുന്ന സ്ഥാപനത്തില്‍ മതിയായ സുരക്ഷ ഉറപ്പാക്കാനുള്ള നടപടികള്‍ സര്‍ക്കാര്‍ സ്വീകരിക്കണമെന്ന് എംപി ഡല്‍ഹിയില്‍ വാര്‍ത്താ സമ്മേളനത്തില്‍ പറഞ്ഞു.
സ്കൂള് ഭൂമിയില്‍ പഞ്ചായത്തിന്റെ അനുമതിയോട അനധികൃത നിര്‍മാണം നടക്കുകയാണെന്നും ഉഷ പറഞ്ഞു. കുട്ടികളുടെ സുരക്ഷ ഉറപ്പാക്കുന്നതിന്റെ ഭാഗമായി മതില്‍ കെട്ടാനുള്ള നടപടികളുമായി മുന്നോട്ടുപോയിരുന്നു. അന്ന് മതില്‍ നിര്‍മ്മിക്കാന്‍ സ്‌പോണ്‍സര്‍മാര്‍ ഉണ്ടായിരുന്നു. അത് നടന്നില്ല. എന്നാല്‍ ഇന്ന് ആരും അതിന് തയ്യാറായി മുന്നോട്ടുവന്നിട്ടില്ല. സ്കൂളിന്റെ കൈയില്‍ അതിനാവശ്യമായ പണവും ഇല്ലെന്ന് ഉഷ പറഞ്ഞു. പെണ്‍കുട്ടികള്‍ പഠിക്കുന്ന സ്‌കൂളാണ്. വൈകീട്ടായാല്‍ ഈ പ്രദേശം മയക്കുമരുന്ന് ലോബികള്‍ കയ്യേറും.
പ്രദേശത്ത് ഏതെങ്കിലും വീട്ടില്‍ കല്യാണം നടന്നാല്‍ ആ മാലിന്യം മുഴുവന്‍ സ്കൂള് കോമ്പൗണ്ടില്‍ തള്ളുമെന്നും ഉഷ പറഞ്ഞു. എംപിയായതിന് ശേഷം അതിക്രമം കൂടുതലാണ്. കുറച്ചുമുന്‍പ് ആ റോഡിനടുത്ത് ഒരു ചുവന്ന കൊടി നാട്ടിയിരുന്നു. അന്ന് മുഖ്യമന്ത്രിയോട് പറഞ്ഞിട്ടാണ് അത് മാറ്റിയത്. ഇപ്പോള്‍ ആരാണെന്ന് അറിയില്ല. വല്ലാതെ ഉപദ്രവിച്ചുകൊണ്ടിരിക്കുകയാണ്. പെണ്‍കുട്ടികളുടെ സുരക്ഷ ഉറപ്പാക്കാന്‍ ഞങ്ങള്‍ ബാധ്യസ്ഥരാണ്. 25 കുട്ടികളില്‍ 11 പേര്‍ നോര്‍ത്ത് ഇന്ത്യക്കാരാണ്. 12ാം തീയതി സെലക്ഷന്‍ വരാന്‍ പോകുകയുമാണ്. ഇങ്ങനെയുള്ള അവസരങ്ങളില്‍ ആളുകള്‍ അതിക്രമിച്ച് കയറാതിരിക്കാനുള്ള നടപടികള്‍ സ്വകരിക്കണം. തനിക്ക് ഒരുപാര്‍ട്ടിയുമായി ബന്ധമില്ലെന്നും പിടി ഉഷ പറഞ്ഞു.
വര്‍ക്കല നിയോജകമണ്ഡലത്തില്‍ വിവിധ പ്രവൃത്തികള്‍ക്കായി 2023-24 ബഡ്ജറ്റില്‍ ഉള്‍പ്പെടുത്തി 55.31 കോടി രൂപ അനുവദിച്ചതായി അഡ്വ.വി.ജോയി എം.എല്‍.എ അറിയിച്ചു. വര്‍ക്കല നഗരസഭയിലെ വര്‍ക്കല – പുന്നമൂട് – കുരയ്ക്കണ്ണി റോഡിന് 1കോടി രൂപയും ഇടവ ഗ്രാമപഞ്ചായത്തിലെ ഓടയം പള്ളി റോഡിന് 75ലക്ഷം രൂപയും മാന്തറ ക്ഷേത്രം റോഡ് ഓട നിര്‍മ്മാണത്തിന് 75 ലക്ഷം രൂപയും ചെമ്മരുതി ഗ്രാമപഞ്ചായത്തിലെ മുത്താന എല്‍.പി.എസ് റോഡിന് 50ലക്ഷം രൂപയും പാളയംകുന്ന് അരശുവിള കുന്നുംപുറം റോഡിന് 50ലക്ഷം രൂപയും പനയറ ഞെക്കാട് റോഡിന് 1കോടി രൂപയും വെട്ടൂര്‍ഗ്രാമപഞ്ചായത്തിലെ മേല്‍വെട്ടൂര്‍ പി.എച്ച്‌.സി താഴെവെട്ടൂര്‍ റോഡിന് 1കോടി രൂപയും പള്ളിക്കല്‍ ഗ്രാമപഞ്ചായത്തിലെ പടവാരം ഏലാറോഡിന് 25 ലക്ഷം രൂപയും ആറയില്‍ കല്ലുവിള കുറ്റിക്കാട്ട് വിള റോഡിന് 40ലക്ഷം രൂപയും നാവായിക്കുളം ഗ്രാമപഞ്ചായത്തിലെ വെള്ളൂര്‍ക്കോണം കൈപ്പത്ത്കോണം റോഡിന് 50ലക്ഷം രൂപയും മുളമൂട്ടില്‍ പാറയില്‍ റോഡിന് 25 ലക്ഷം രൂപയും മുക്കുകട കൈപ്പളളി നാഗരുകാവ് മാടന്‍നട റോഡിന് 20 ലക്ഷം രൂപയും ഇലകമണ്‍ ഗ്രാമപഞ്ചായത്തിലെ പാളയംകുന്ന് കടവിന്‍കര റോഡിന് 1കോടി രൂപയും കായല്‍പ്പുറം ഡബ്ലിയു എല്‍.പി.എസ് സ്കൂള് കെട്ടിടത്തിന് 1കോടി രൂപയും മടവൂര്‍ ഗ്രാമപഞ്ചായത്തിലെ സി.എന്‍.പി എല്‍.പി സ്കൂള് കെട്ടിടത്തിന് 1കോടി രൂപയും ശിവഗിരി തീര്‍ത്ഥാടനത്തിന് 20ലക്ഷം രൂപയും എം.എസ്.സുബ്ബുലക്ഷ്മി ഫൗണ്ടേഷന്‍ ശ്രീകൃഷ്ണ ഡാന്‍സ് ആന്‍ഡ് മ്യൂസിക് അക്കാഡമിക്ക് 10ലക്ഷം രൂപയും പുന്നമൂട് റെയില്‍വേപാലത്തിന് (കിഫ്ബി) 37.16 കോടി രൂപയും വര്‍ക്കല മൈതാനം റിംഗ് റോഡിന് 5 കോടി രൂപയും അയിരൂര്‍ പൊലീസ് സ്റ്റേഷന്‍ കെട്ടിടത്തിന് 2.5 കോടി രൂപയും വര്‍ക്കല രാധാകൃഷ്ണന്‍ സ്മാരകത്തിന് 20ലക്ഷം രൂപയും പളളിക്കല്‍ പകല്‍ക്കുറി കലാഭാരതി ഗുരുചെങ്ങന്നൂര്‍ കഥകളി അക്കാഡമിക്ക് 5 ലക്ഷം രൂപയുമാണ് അനുവദിച്ചത്.
ജനുവരി മാസത്തിൽ തൃശൂരിൽ വച്ച് നടന്ന ദക്ഷിണേന്ത്യൻ ശാസ്ത്രമേള -2023 ൽ
വർക്കിംഗ് മോഡലിന് സയൻസ് ഗ്രൂപ്പ് വിഭാഗത്തിൽ കിളിമാനൂർ രാജാ രവിവർമ്മ ഗേൾസ് ഹയർസെക്കൻഡറി സ്കൂളിലെ ഫർസാന തസ്നീം, അഞ്ജന.എ.എസ്സ് എന്നിവർക്ക് ഒന്നാം സ്ഥാനവും, സ്റ്റിൽ മോഡലിന് വ്യക്തിഗത വിഭാഗത്തിൽ KRELD സ്പെഷ്യൽ അവാർഡും ദക്ഷിണേന്ത്യയിൽ നാലാം സ്ഥാനവും കരസ്ഥമാക്കിയ ഫർഹത്ത് തസ്നിം.എഫ്, ടെന്നികൊയ്റ്റ് സ്പോർട്സ് മത്സരത്തിൽ ദേശീയ തലത്തിൽ 2ആം സ്ഥാനം നേടിയ ദിജ.ജെ.അനു എന്നിവരെ ജില്ലാ പഞ്ചായത്ത് മെമ്പർ ജി.ജി. ഗിരികൃഷ്ണൻ സ്കൂൾ അധികൃതരുടെ നേതൃത്വത്തിൽ ആദരിച്ചു.
Recent Comments