ഗുജറാത്ത് മുഖ്യമന്ത്രിയായി ഭൂപേന്ദ്രഭായ് പട്ടേൽ തുടരും

by Midhun HP News | Dec 8, 2022 | Latest News, കേരളം, ജില്ലാ വാർത്ത

ചരിത്ര വിജയം നേടിയ ഗുജറാത്തി നിലവിലെ മുഖ്യമന്ത്രി ഭൂപേന്ദ്രഭായ് പട്ടേൽ തന്നെ മുഖ്യമന്ത്രിയായി തുടരും. ബിജെപി കേന്ദ്ര നേതൃത്വമാണ് ഇദ്ദേഹത്തെ മാറ്റേണ്ടെന്ന് തീരുമാനിച്ചത്. ഈ മാസം 12 ന് ഉച്ചയ്ക്ക് രണ്ട് മണിയ്ക്കാണ് സത്യപ്രതിജ്ഞ നടത്തുക. ഗുജറാത്തിന്റെ ചരിത്രത്തിലെ ഏറ്റവും ഉയർന്ന ഭൂരിപക്ഷവുമായാണ് ബിജെപി അധികാരത്തിലെത്തിയത്. ആകെയുള്ള 182 സീറ്റിൽ 156 സീറ്റിലും ബിജെപി ഇപ്പോൾ വിജയിക്കുകയോ മുന്നിട്ട് നിൽക്കുകയോ ചെയ്യുന്നുണ്ട്. പ്രധാന പ്രതിപക്ഷ പാർട്ടിയായ കോൺഗ്രസിന് വെറും 18 സീറ്റിലേ ജയിക്കാനായുള്ളൂ. അതേസമയം ആദ്യമായി സംസ്ഥാനത്ത് പോരിനിറങ്ങിയ ആം ആദ്മി പാർട്ടി അഞ്ചിടത്ത് മുന്നിലാണ്. സമാജ്വാദി പാർട്ടി ഒരിടത്തും, സ്വതന്ത്രർ രണ്ട് ഇടത്തും മുന്നിലുണ്ട്.

ആകെ പോൾ ചെയ്തതിൽ 52 ശതമാനം വോട്ടും നേടിയാണ് ബിജെപി ഇക്കുറി അധികാരത്തിലേക്ക് കടക്കുന്നത്. ഏറ്റവും കൂടുതൽ കാലം ഒരു സംസ്ഥാനം തുടർച്ചയായി ഭരിച്ചതിന്റെ സിപിഎം റെക്കോർഡ് കൂടെ ഇതോടെ ബിജെപിയുടെ പക്കലേക്ക് മാറും. അടുത്ത അഞ്ച് വർഷക്കാലം സംസ്ഥാനത്ത് അധികാരം നിലനിർത്തിയാൽ ബിജെപിയാകും ഈ റെക്കോർഡിന്റെ അവകാശികൾ. മികച്ച വിജയം കൈവരിച്ച ഗുജറാത്തിലെ പാർട്ടി പ്രവർത്തകരെയും നേതാക്കളെയും പ്രധാനമന്ത്രി നരേന്ദ്ര മോദി അഭിനന്ദിച്ചു. ഗുജറാത്ത് ബി ജെ പി അധ്യക്ഷൻ സി ആർ പാട്ടീൽ തെരഞ്ഞെടുപ്പ് വിജയം മോദി മാജിക് എന്ന് വിശേഷിപ്പിച്ചു. ഇന്ന് വൈകീട്ട് ആറ് മണിയ്ക്ക് ദില്ലിയിലെ ബിജെപി ആസ്ഥാനത്ത് പ്രധാനമന്ത്രി നരേന്ദ്ര മോദി പാർട്ടി പ്രവർത്തകരെ അഭിസംബോധന ചെയ്യും.

തിളച്ച കഞ്ഞിവെള്ളത്തില്‍ വീണ് നഴ്‌സറി വിദ്യാര്‍ഥികളായ സഹോദരിമാര്‍ മരിച്ചു

by Midhun HP News | Dec 8, 2022 | Latest News, കേരളം, ജില്ലാ വാർത്ത

തിളച്ച കഞ്ഞിവെള്ളത്തില്‍ വീണ് അങ്കണവാടി വിദ്യാര്‍ഥികളായ സഹോദരിമാര്‍ക്ക് ദാരുണാന്ത്യം. ഝാര്‍ഖണ്ഡിലെ പലാമു ജില്ലയിലെ ഒരു സ്‌കൂളിലാണ് സംഭവം. ഷിബു, ബ്യൂട്ടികുമാരി എന്നിവരാണ് മരിച്ചത്. പ്രദേശവാസിയായ പരമേശ്വര്‍ സാഹുവിന്റെ മക്കളാണ് മരിച്ചത്. തിളച്ചവെള്ളത്തില്‍ വീണ് പരിക്കേറ്റ ഇവരെ ഉടന്‍ തന്നെ റാഞ്ചിയിലെ ആശുപത്രിയിലെത്തിച്ചെങ്കിലും ചികിത്സയിലിരിക്കെ രണ്ടുപേരും മരണത്തിന് കീഴടങ്ങി.
ഇളയമകള്‍ ബ്യൂട്ടികുമാരി ചൊവ്വാഴ്ച വൈകീട്ടും ഷിബു ബുധനാഴ്ചയുമാണ് മരിച്ചത്. അങ്കണവാടിയ്ക്ക് സമീപത്തെ സ്‌കൂളില്‍ ഭക്ഷണം പാചകം ചെയ്ത ശേഷം കഞ്ഞിവെള്ളം ഒരൊഴിഞ്ഞ പാത്രത്തില്‍ സൂക്ഷിച്ചിരുന്നു.

കുട്ടികള്‍ കളിക്കുന്നതിനിടെ സ്‌കൂള്‍ ഗ്രൗണ്ടിലെ കഞ്ഞി വെള്ളത്തില്‍ വീഴുകയായിരുന്നു. ഇവരെ പ്രാഥമിക ചികിത്സയ്ക്കായി മേദിനി നഗറിലെ എംആര്‍എംസിഎച്ചില്‍ പ്രവേശിപ്പിച്ചെങ്കിലും വിദഗ്ധ ചികിത്സയ്ക്കായി റിംസ് ആശുപത്രിയിലേക്ക് മാറ്റിയിരുന്നു.

ആറ്റിങ്ങൽ ചലഞ്ചേഴ്സ് ക്ലബ് സംഘടിപ്പിക്കുന്ന ക്രിക്കറ്റ് ടൂർണമെന്റിന് നാളെ തുടക്കം

by Midhun HP News | Dec 8, 2022 | Latest News, കേരളം, ജില്ലാ വാർത്ത

കേരളാ സംസ്ഥാന യുവജന ക്ഷേമ ബോർഡും ആറ്റിങ്ങൽ ചലഞ്ചേഴ്സ് ആർട്സ് & സ്പോർട്സ് ക്ലബ്ബും സംയുക്തമായി 3-ാമത് ആൾ ഇന്ത്യാ ഫ്ളഡ് ലൈറ്റ് ക്രിക്കറ്റ് ടൂർണമെന്റ് സംഘടിപ്പിക്കുന്നു. ഡിസംബർ 9, 10, 11 തീയതികളിൽ ആറ്റിങ്ങൽ ഗവൺമെന്റ് കോളേജ് ഗ്രൗണ്ടിൽ വച്ചാണ്
ടൂർണമെന്റ് നടക്കുന്നത്. പരിപാടികളുടെ ഉദ്ഘാടനം ആറ്റിങ്ങൽ എം എൽ എ ഒ എസ് അംബിക നിർവഹിയ്ക്കും. അഡ്വ. എസ് കുമാരി അധ്യക്ഷയാകും.

ടൂർണമെന്റിന്റെ ഒന്നാം സമ്മാനമായ 1,11,111/- രൂപ സ്പോൺസർ ചെയ്യുന്നത് സിറ്റി മൊബെൽ, ബ്ലൂ കൂൾ, സൂര്യ ടെക് എന്നിവർ ചേർന്നാണ്. രണ്ടാം സമ്മാനമായ 55,555/- രൂപ സ്പോൺസർ ചെയ്യുന്നത് ആനോൺ ഹോംസ്, വിശ്വാസ് മെഡിക്കൽസ് എന്നിവർ ചേർന്നാണ്. സെമിഫൈനലിസ്റ്റ് ക്യാഷ് പ്രൈസായ 11,111/- രൂപ ഫിസ മെൻസ് വിയറും, ഗ്രീൻസ് മൊബൈൽസും ചേർന്ന് സ്പോൺസർ ചെയുന്നു. മുഖ്യാതിഥികളായി ആർ രാമു, വി. എ വിനീഷ്, എസ്. എസ് സുധീർ, ബി. കെ പ്രശാന്തൻ കാണി ഐ പി എസ്, ഡോ എസ്. സുനിൽ തുടങ്ങി സാമൂഹിക രാഷ്ട്രീയ രംഗത്തെ പ്രമുഖർ പങ്കെടുക്കും .

കൂടാതെ ലോകമെമ്പാടുമുള്ള ക്രിക്കറ്റ് പ്രേമികൾക്ക് ചലഞ്ചേഴ്സ് കപ്പ് തത്സമയം വീക്ഷിക്കുന്നതിന് വേണ്ടി യൂ ട്യൂബ് ലൈവ് സ്പോൺസർ ചെയ്തിരിക്കുന്നത് മോക്സ് ഫാമിലി സലൂൺ. കൂടാതെ മറ്റനേകം സമ്മാനങ്ങളും നിങ്ങളെയും കാത്തിരിക്കുന്നു. ഡിസംബർ 9 ന് വൈകുന്നേരം 6 മണിയ്ക്ക് വമ്പിച്ച ബൈക്ക് റാലിയോട് കൂടി ആരംഭിക്കുന്നു.
കേരളത്തിനകത്തും പുറത്തും നിന്നുമായി 32 ടീമുകൾ പങ്കെടുക്കുന്ന ഈ കായിക മാമാങ്കത്തിന്റെ സമാപന സമ്മേളനം ഡിസംബർ 11 ന് രാത്രി 9.00 മണിക്ക് വർക്കല എം എൽ എ അഡ്വ വി.ജോയി അവർകൾ നിർവഹിക്കും. ക്ലബ്ബ് മുഖ്യ രക്ഷാധികാരി അഡ്വ സി.ജെ രാജേഷ് കുമാർ അദ്ധ്യക്ഷത വഹിക്കുന്ന ഈ ചടങ്ങിൽ ടൂർണമെന്റ് കമ്മിറ്റി കോർഡിനേറ്റർ സി.ജി വിഷ്ണു ചന്ദ്രൻ ആശംസകൾ അർപ്പിക്കും. ചടങ്ങിൽ എം.കെ സുൽഫിക്കർ എ എസ് പി അവർകൾ മുഖ്യ പ്രഭാഷണം നടത്തും. ചടങ്ങിൽ കെ സി എ ജോയിൻ സെക്രട്ടറി ബിനീഷ് കോടിയേരി മുഖ്യാഥിതി ആയിരിക്കും.

ടൂർണമെന്റിന്റെ സമ്മാനദാനം ആറ്റിങ്ങൽ ഡി വൈ എഫ് ഐ ജി ബിനു, മുൻ ഇന്ത്യൻ എ ടീം പ്ലേയറും രഞ്ജി ട്രോഫി കേരള ക്രിക്കറ്റ് ടീം ക്യാപ്ടനുമായ വി.എ ജഗദീഷ് എന്നിവർ ചേർന്ന് നിർവഹിക്കും. ടൂർണമെന്റിന്റെ ഭാഗമായി ഒട്ടനേകം വിശിഷ്ട വ്യക്തികളെ ആദരിയ്ക്കുകയും ചെയ്യുന്നു.

ജില്ലാ കരാട്ടെ ചാമ്പ്യൻഷിപ്പിൽ സ്വർണതിളക്കവുമായി പെരുംകുളം എ എം എൽ പി എസ് വിദ്യാർത്ഥി അനന്തജിത്ത്

by Midhun HP News | Dec 8, 2022 | Latest News, കേരളം, ജില്ലാ വാർത്ത

പെരുംകുളം: ഡിസംബർ 3 ,4 തീയതികളിൽ തിരുവനന്തപുരം സെൻട്രൽ സ്റ്റേഡിയത്തിൽ നടന്ന ജില്ലാ കരാട്ടെ ചാമ്പ്യൻഷിപ്പിൽ പത്ത് വയസുള്ള ആൺകുട്ടികളുടെ കുമിത്തെ (ഫൈറ്റിംഗ് ) 25 കിലോഗ്രാം താഴെ ഭാരവിഭാഗത്തിൽ സ്വർണ്ണമെഡലും കാത്ത (ഫോം ) വിഭാഗത്തിൽ വെങ്കല മെഡലും നേടി അനന്തജിത്ത്. ആറ്റിങ്ങൽ കരാട്ടെ ടീം അംഗമാണ്.

കർണാടക സംഗീതജ്ഞ കെ. ഗിരിജ വർമ്മ നിര്യാതയായി

by Midhun HP News | Dec 8, 2022 | Latest News, കേരളം, ജില്ലാ വാർത്ത

ഗായികയും കർണാടക സംഗീതജ്ഞയുമായ കണ്ണെഴുത്തു മഠത്തിൽ കെ. ഗിരിജ വർമ്മ(66) നിര്യാതയായി. സംസ്കാരം തൃപ്പൂണിത്തുറ പൊതുശ്മശാനത്തിൽ നടത്തി. തൃപ്പൂണിത്തുറയുടെ വാനമ്പാടി എന്നറിയപ്പെട്ടിരുന്ന ഗിരിജ വര്‍മ ശാസ്ത്രീയ സംഗീതത്തിലും ലളിത ഗാനത്തിലും ഒരുപോലെ ശോഭിച്ച പ്രതിഭയാണ്. ആകാശവാണി എഗ്രേഡ് കലാകാരിയായിരുന്ന ഗിരിജ ആകാശവാണി, ദൂരദര്‍ശന്‍ എന്നിവയുടെ ദേശിയ സംഗീത പരിപാടികളില്‍ ഉള്‍പ്പടെ കച്ചേരി അവതരിപ്പിച്ചിട്ടുണ്ട്. ആകാശവാണി തൃശൂര്‍, തിരുവനന്തപുരം നിലയങ്ങളില്‍ സ്റ്റാഫ് ആര്‍ട്ടിസ്റ്റ് ആയിരുന്നു.

പട്ടമ്മാളുടെ കച്ചേരികള്‍ക്ക് ഗിരിജയായിരുന്നു തംബുരു വായിച്ചിരുന്നത്. നിരവധി ഭക്തിഗാനങ്ങളും കീര്‍ത്തനങ്ങളും ലളിതഗാനങ്ങളും പാടിയിട്ടുണ്ട്. ആകാശവാണിയിലെ പ്രഭാസ പ്രക്ഷേപണത്തിലെ കാവ്യാഞ്ജലിയില്‍ തുടര്‍ച്ചയായി പ്രക്ഷേപണം ചെയ്ത കാവ്യാലോപനങ്ങള്‍ ഏറെ ജനപ്രിയമായിരുന്നു. തൃപ്പൂണിത്തുറ സഹോദരിമാര്‍ എന്നറിയപ്പെട്ടിരുന്ന ഗിരിജയുടേയും സഹോദരി ലളിതയുടേയും കച്ചേരി ഏറെ പ്രശസ്തമായിരുന്നു. ലളിത 19 വര്‍ഷം മുന്‍പാണ് മരിച്ചത്. കേരള സംഗീത നാടക അക്കാദമി അവാര്‍ഡ്, റോട്ടറി അവാര്‍ഡ്, രുദ്ര ഗംഗ പുരസ്‌കാര്‍, നവരസം സംഗീത സഭ അവാര്‍ഡ് തുടങ്ങി നിരവധി പുരസ്‌കാരങ്ങള്‍ ലഭിച്ചിട്ടുണ്ട്. ഫെല്ലോഷിപ്പില്‍ ഡി.കെ. പട്ടമ്മാളുടെ കീഴില്‍ ഉപരിപഠനം നടത്തിയിരുന്നു.

ഗുജറാത്തില്‍ ചരിത്രവിജയത്തിലേക്ക് കുതിച്ച് ബി ജെ പി

by Midhun HP News | Dec 8, 2022 | Latest News, കേരളം, ജില്ലാ വാർത്ത

ഗുജറാത്ത് നിയമസഭാ തിരഞ്ഞെടുപ്പില്‍ ചരിത്ര വിജയത്തിലേക്ക് കുതിച്ച് ബി.ജെ.പിയുടെ മുന്നേറ്റം. ബി.ജെ.പിക്ക് സമഗ്രാധിപത്യം പ്രവചിച്ചുള്ള എക്‌സിറ്റ് പോള്‍ ഫലങ്ങള്‍ ശരിവെക്കും വിധമുള്ള ഫലസൂചനകളാണ് വോട്ടെണ്ണലിന്റെ തുടക്കം മുതല്‍ വ്യക്തമായികൊണ്ടിരിക്കുന്നത്. നിലവിലെ സ്ഥിതിയനുസരിച്ച് 150 സീറ്റിനോട് അടുത്ത് ബി.ജെ.പി. ലീഡ് ചെയ്യുന്നുണ്ട്. തുടര്‍ച്ചയായി ഏഴാം തവണയാണ് ബി.ജെ.പി. ഗുജറാത്തില്‍ അധികാരത്തിലേക്ക് നീങ്ങുന്നത്‌. 2002-ലാണ് ബിജെപി ഗുജറാത്തിന്റെ ചരിത്രത്തില്‍ ഏറ്റവും വലിയ വിജയം നേടി അധികാരത്തിലേറിയത്. ഗുജറാത്ത് കലാപത്തിന് പിന്നാലെ നടന്ന തിരഞ്ഞടുപ്പില്‍ 127 സീറ്റുകള്‍ നേടിയായിരുന്നു അന്നത്തെ വിജയം.